الثلاثاء، يونيو 26، 2007

فلــتحــيــا الامية

السلام عليكم و رحمة الله و بركاتة

كنت في السايبر قريبا .. لان النت عندي غير مستقر ... و كانت تجلس بجواري ام تحدث ابنها المغترب علي النت ... رغم ان الست دي لا تجيد القرائة ولا الكتابة الا انني شعرت منها بكمية حنان منقطعة النظير تجاه ابنها ... و كانت تشرح له بصوت عالي كيفية عمل طاحن اللحم بالخصراوات ... و ازاي ينقي الخضراوات و ازاي يجيب الحتة الكويسة من اللحمة ... و انها بتقول ان الشباب اللي مهاجر للكويت بيرجع حالتة لا تسر عدو ولا حبيب ز ان ربنا يرزقة ببنت الحلال ...و بين الحين و الاخر تقول لي اظبتي لي يا بنتي الصوت ...طيب الصورة ... قولت لها طيب اكتبي له لحد ما الصوت يرجع تقول لي انا ولا مؤاخذة مش بعرف استقرأ ... و قالت لابنها ان اللي اخترع النت دا ربنا يجازية خير و انها بتحبة اوي :)

و اثناء حديثها مع ابنه- بدون قصد - لان صوتها عالي اوي , تأملت , كيف ان هذه الام رغم عدم معرفتها بالقراءة والكتابة ... و لكنها تحاول ان تفعل اقصي ما تستطيع في سبيل ابنائها ... و انها بتشور عليه في كل شئ و انها بتنصحة باشياء كثيرة ... حسيت فيها بحنان غريب و باصاله ... و لا شعوريا قارنت فيما بعد - بعدما قرأت رائعة ازميريلدا القرد ابن التلاجة - بين هاتان الامين ...و قولت اكيد التلاجة دي متعلمة و مستواهم مش قليل ... هو احنا عندنا التعليم في مصر بيخلي الناس تخيب ولا ايه ؟؟؟؟

احنا في مصر بقي ماشاء الله عندنا وزارات كثيرة معنية باللي بتكلم فيه ... ا اشي تعليم و صحةو اعلام ... و قعدت افكر و اقول ...يعني الحاجات المعنية بالشأن الثقافي في البلد دي فشلت في انها تخلي ام اليومين دول علي قدر المسؤولية و الست الفطرية دي اللي متعلمتش ولا فات عليها اي شئ من هذه الاشياء نجحت في دورها ؟؟؟
مفيش حاجة طالعة اعتباطا ... كل شئ و له سبب ... هل الجهل هو ما يجعلنا اكثر تقدم ؟؟؟
سؤال بمنطوق اخر
طيب هل الخلل في التعليم و الثقافة و الاعلام و ان الناس الفطرية الاصيلة احسن من الف تعليم مثلا ؟؟؟

ربنا يشفيك يا دكتور المسيري حينما رفعت قضية علي المفوض بمنصب رئيس الجمهورية و اتهامة باضاعة هويتنا العربية و عدم الحفاظ عليها و ادي ذلك الي عدم علاجك علي حساب الدولة

هناك 40 تعليقًا:

كراكيب عادل يقول...

انا كنت لسة بفكر في الموضوع دة من يومين بس

اصل بعيد عنك كل ما اركب العربية وامشي في الشارع تجي افكار غريبة

المهم لقيت او استنتجت

ان كل العظماء والاغنياء

امهاتهم كانت من نفس نوعية الست الطيبة دي تلقائية وعلي الفطرة

سئلت نفسي اسئلة كتير وقلت يمكن علشان الامهات دول بيكونوا حاضنين اولادهم بكل رعاية وحب

وبيكونوا متفرغين لهم تماما

مش عارف ؟؟

لو عندك اجابة قوليها لي

تحياتي ليك الي فهمته ان الكمبيوتر رجع اتصلح صح ؟؟

عصفور المدينة يقول...

في كل بيت حكاية تضحية وصبر وحنان وسعي للكمال في التربية من أناس بسطاء وربما كما تعلمين وذكرت يكون من هم أعل مستوى اجتماعي اقل اهتماما والتزاما بهذه القيم

ومن هنا ننادي بمبادرة حاسب بكاميرا لكل بيت ومعه معلم محو أمية

sharkawoo يقول...

لأا أعرف لما أشعر بالفعل بحنان تلك الأم ... ياه شعور رائع للغاية ...

ولكن هل المشكلة في التعليم والجهل ... المشكلة في معرفة الحق ... أو هكذا أعتقد ...

فالأم ترا من من حق إبنها عليها ذلك ... كمان نعرف ان من حق الأم علينا البر بها ...

اما بالنسبة للي بيعملوا الناس والي بيدفع فيه الملايين دا عشان مصالح بعيدة جداً عن مصالح المجتمع :)

تحياتي للمراقية :d

mo'men mohamed يقول...

والله شىء يبكى اختى
وان كان فعلا العلام كده
يبقى يحيا الجهل فعلا

غير معرف يقول...

هههههههههههههههه

طيب أخدتي منها وصفة الطاجن
عشان أجربة

أنا كمان بدعي للي إخترع النت علي الأقل الواحد بقدر يدخل السعادة في قلب والدته لما يكون علي إتصال بيها كل يوم بصراحة معتقدتش إني كنت هعيش في الكويت أكتر من شهر لو مكنش في نت
الناس كلها هنا بتستخدمه عشان تتصل بأهلهم في مصر

أما عن موضوع التعليم فا يعني مش شرط في و في بس لأن الغالبية دلوقتي متعلمات فا بيبان فيهم السيئ أكتر
و كمان لأن نظرتنا لغير المتعلمات ممكن تكون نظرة ضيقة فلما بنشوف واحدة منهم شخصيتها ممتازة بتسمع فينا أكتر

بس في الأخر الحكمة و رجاحة العقل مش مرتبطة أوي بالتعليم علي أد ماهي مرتبطة بنوعية التجارب و الخبرات اللي مر بيها الإنسان في حياته و قدرته اللي ربنا إدهاله في الإستفاده من التجارب ده
يعني ممكن الأم غير المتعلمة ده تكون مرت بتجارب كتير إدتها خبرات أكتر من اللي ممكن يكتسبها دكاترة علم الإجتماع في الجامعة

Maha يقول...

بسم الله

السلام عليكم

تدوينة رائعة يا شمس

رباه كم أقف إجلالا واحتراما لهؤلاء الأمهات الرائدات .. شعور عظيم ينتابني بالفخر والحب والصغر أمام هذه الأم

....

طبعا التعليم ملوش دعوة بالمشاعر والفطرة .. التربية يا شمس .. التربية ..

عارفه ايه اللى دخل التعليم في الصورة .. إن الناس انشغلت بيه عن التربية فأصبح كل جيل يأتي متعلما ولكن لديه خلل كبير في التربية

زمان كان التعليم أبسط ومش كل الناس متعلمة ، عشان كده تلاقي إن همهم وتركيزهم إنهم يربوا أولادهم وبناتهم كويس ..

نطلع بقى الميزان ونقول إن العلم وحده مش كفاية .. ولا الأخلاق وحدها كفاية .. التوازن .. علم وأخلاق وتربية

غير معرف يقول...

ذو العلم يشقى في النعيم بعلمه** واخو الجهالة في الشقاوة ينعم

هكذا قالها المتنبي منذ قرون
لأسف في عالمنا العربي الكل الأن بيشقى وبيتبهدل! الأمي و المتعلم واللي بينعم فقط منعدم الضمير

شكرا على المقال يا شمس الدين..عشت هذه الحالة مرارا دون أن تراودني الفكرة أن أكتبه بهذا الشكل الجميل

إمتناني

Monzer يقول...

علشان نتاكد ان النظام بتاعنا بيستهبل وده كلمة خفيفة
بصى معايا على عساكر الامن المركزى والى بيتجمدوا فى الجهادية قصدى فى الجيش بتانا
بيروجوا يا كبدى عليهم ولا بيعرفوا يفكم الخط ولا يعرفوا صوابع ايديهم كام صباع حتى ولا يعرفوا أيام الاسبوع ولا بيعرفوا يقروا الساعة
ويتمرمتوا فى الجيش ييجى تلات سنين بهدلة غسير عربيات للظباط وغسيل جزامهم وضرب طلبة الجامعة بيعملوا كل حاجة وأي حاجة

ومابيعلموش العساكر دول

مش ماماتنا بتقول القراءة للجميع والحاجات اللوز ده والجملة القومية للى مش عارف ايه
طب ليه لما الشعب يروح لغاية النظام ويكون امى لا يعرف القراءة والكتابة ليه مش بيعلموه
ولا هما عاوزين ناس امية مش فاهمة أي حاجة
نظام غبر بصراحة
ودمتم بخير حال

.......
تنويه بسيط والد صاحب البوابة تم الإفراج عنه

شــــمـس الديـن يقول...

الظاهر ان محدش فهم سخرية العنوان

لا احد يؤيد الجهل بايه حال من الاحوال

انني اعني ان التعليم و الثقافة هنا في مصر زي عدمهم او قلتهم احسن لان القيم التي تبث هدامة اكثر منها مجدية

***********************************
الفاضل الكريم عادل

انا بقي كل ما اركب الميكروباس بتيجي لي الافكار اللي بكتبها علي المدونة

مش عارفة
اعتقد ,
و ايوة الكمبيوتر اتصلح بس النت مش مستقر

دمت في حفظ الله
***********************************

الفاضل الكريم عصفور المدينة
ما دي الكارثة ان المفروض الفلوس تستثمر افضل استغلال مش تكون عامل علشان الجيل يطلع اسواء!!!!

حاسب بكاميرا للامهات الاصيلات فقط :)

دمت في رعاية الله

**********************************

الفاضل الكريم شارقاوو
فيه ناس فاكرة ان الوظيفة الاساسية للام او الاب مادية فقط...و لكنها معنوية بالاساس

و الله الملايين دي لو اتوجهت صح بنية صادقة مش مجرد سد خانة البلد بتاعتنا دي هتبقي احسن كتير

مراقبة جت لحد عندي ... مش بخاطري و الله :)

***********************************
الفاضل الكريم مؤمن محمد

اولا مرحبا بك في المدونة لاول مرة و اتمني ان لا تكون الاخيرة
طبعا لأ
القائمين علي الثقافة و التعليم و الاعلام هم المسؤولين عن ما وصلنا اليه
دمت في رعاية الله

**********************************
الفاضل الكريم محمد


اكيد
لان النت مش مكلف زيالمكالمة الدولية ... اربعة جنية في الدقيقة و الناس طبعا مش بتلحق تقول اي حاجة فيهم و انت عارف اننا بنعمل مشاويرنا في التليفون


علي فكرة
هصدمك
غالبية نساء مصر مش متعلمات

يعني تبعا للنك دا اخر عنوان فيه
https://www.cia.gov/library/publications/the-world-factbook/geos/eg.html#People

هتلاقي ان نسبة المتعلمات من النساء 59% قول 60 يعني الجهلة 40% من النساء جهلة
نسبة كارثية طبعا

يمكن الام الغير متعلمة حاسة ان الاولاد مسؤولية ...لكن الام التانية التلاجة عادي في كل شئ

دمت في حفظ الله

***********************************

الاخت الغالية مها
فينك من زمان يا بنتي و الله ليكي وحشة

فعلا
التربية هي الاساس
الاصل هو الاساس

نفسي ان الناس تتربي من اول و جديد و تحط القيم الصحيحه مكانها زي قبل كدا

تحياتي علي تعليقك الرائع الموزون ...فهمتي قصدي

***********************************


الفاضل الكريم سندباد

كلنا في الهم بنتبهدل
تعليقك اكثر من رائع

تحياتي :)

***********************************

الفاضل الكريم منذر

كدا احسن علي فكرة كتير :))

فعلا
النظام بيستعبط مش بيستهبل

و كلامك فرني بنشيد كنا اخناه في ثانوي
اسمة النخلة المعوجة

كان بيحكي ان اللي متعملش في الضغر صعب يتصلح في الكبر و ان النخلة اتعوجت و هي بتنموا و محدش عدلها فكبرت معوجوة و لما البنت حبت تعدلها اتكسرت

عسكري الامن المركزي عايزينة كدا ميفهمش ادني شئ

بس يا اخي المشكلة مش في عساكر الامن المركزي المشكلة ان الناس حتي اللي بتتعلم بتكون كارهة الكتب و النها تثقف نفسها

انا مرة لاقيت واحدة دكتورة في شكرة ادوية بتقول انها مش عايزة تعلم اولادها عربي علشان العربي ملوش قيمة في السي في دلوقتي !!! قولت لها و هيقرا قران ازاي
قالت بقي يحفظ الفاتحة و صورة صغيرة يصلي بيها و خلاص!!!!!!!!!!!!!!!!

اهم شئ الشهادة و انهم يشتروا الشهادة


بس بالامانة كي نكون منصفين و مش نهاجم للهجوم

دعوة القراءة للجميع كويسة جداجدا جدا جدا لبعد بكرة
وانا كواحدة من بقايا المواطنين اللي في الطبقة الوسطي مكنتش هقدر املأ مكتبتي غير لما المشروع دا اتعمل صراحة ... اسعار الكتب غالية فحت
ماشي هي عملت اللي عليها

بس مشكلة الشعب دا انه مش بيتحرك غير بتوجية السيد الرئيس و حرمة بس !!! لكن منهم لنفسهم بقوا الات

********************************

ربنا يخليك و يجعلك دائما نتقل الاخبار السعيدة :))


*************************************

دمتم جميعا في حفظ الله

فقاقيع كلام ـ شروق الشمس يقول...

السلام عليكم ورحمة الله وبركاته..،

أنا شايفة إنها مش جهة واحد بس المسئولة عن إضاعة هويتنا وفقد الكثيييير من قيمنا الجميلة، بل المسئول عن ده هي منظومة بأكملها.. البيت المدرسة الوزارة الفلانية المصلحة الفلانية والبقال والفرن اللي على أول شارعنا وكل دووول بيبدأوا من البيت اللي بتكون النواةفيه أب وأم..

ولأن الست دي أتربت في بيت في أب وأم من بتوع زمان اللي هما أنقرضوا دلوقتي بقى من الطبيعي تكون بالشكل ده..
لأن الفطرة كانت سليمة من الأول لكن دلوقتي الدنيا باظت من أعمالنا السودا
فمن الطبيعي يكون هو ده النتاج المتوقع ـ إلا من رحم ربي ـ

واللي إحنا في دلوقتي من ضياع هو ده التطور الطبيعي للحاجة الساقعة.. وسلملي على الانفتاح

يا مراكبي يقول...

حلو العنوان .. فلتحيا الأمية إذا كان التعليم هيوصلنا للمرحلة دي

فيه فرق كبير قوي بين التربية وبين التعليم .. ولما الناس زمان حطت كلمة التربية قبل التعليم كانت مقصودة طبعا

سهل قوي إنك تعلمي شخص .. طرق ووسائل التعليمة متعدده ومغرقة الدنيا .. لكن صعب جدا جدا إنك تربي الشخص ده صح .. دي أمور نفسية وإجتماعية وأخلاقية ما ينفعش نذاكرها من كتاب .. دي حاجة لازم تيجي بالممارسة والمعايشة

غير معرف يقول...

مبدايا فعلا احنا التعليم عندنا يمكن قلته احسن منه
وفعلا فى ناس متعلمه بالفطره او من الحياه
واوقات كتير تقابل ناس متعلمه علام متوسط ولكن مثقف احسن من واحد معاه شهاده عليا
فى النهايه الشهاده مش هى مقياص العلم والثقافه
ولكن اخلاق الناس وباعهم

غير معرف يقول...

آسف مقياس
احسن حد يفتكر انى بصمجى ولا حاجه
الحمد لله يعنى اتعلمت الكتابه وانا صغير

فاروتا المصرى يقول...

السلام عليكم
اتشرف بزيارة المدونه لاوول مرة

دى طبيعه الام
زى مصر كده ما بتعمل فينا
؟؟؟؟؟؟؟؟؟؟؟؟؟؟؟؟
اللهم اشفى الدكتور المسيرى

الحريه لعبد الجواد

خطــاب يقول...

مثال على كلام الاخ عادل

الامام الشافعى و دور والدته

سبحان الله علاقة الام بابنها علاقة لا مثيل لها
و لا تعبر عنها بكلمات

نقطة مية يقول...

على رأيك ..فلتحيا الامية...
اذا بالتعليم بنهد كل حاجة كويسة و نضيع هويتنا...في بلد اصبحت تهمش كل مثقف او صاحب فكر..وتهدم العقول قبل ان تبنى...او اذا شكت في بناءه ذاتيا....
كل الخير في الزمن اللي فات...زمن تقدير العلم و المحاولة و التربية الصحيحة...زمن الحب و الصدق و باقي المعاني الجميلة التي اعتقلها النظام الحالي في غياهب السجون...

تحياتي

Esmeralda يقول...

من يوم ما بدأ يتكلموا على مجانيه التعليم و انابسأل هو فيه تعليم اصلا عشان يبقى فيه مجانيه؟؟؟
يعنى نسيب الراس و نمسك الديل
بس برضه دلوقت الناس معذورة يا شمس
زمان كان الاب و الام هما المصدر الوحيد للتربيه , دلوقت المصادر اتفتحت ايشي كمبيوتر و ايشي نت و ايشي نادى و اللعنه الكبرى التلفزيون
اشكرك يا جميله لذكرك تدوينتى : )

سجدة يقول...

اظن ان الحكاية مش حكاية علم أو جهل
حكاية وقت اصبحت الأم الأن لديها اعمال كثيرة جدا منها التليفزيون والنت والنادى واصحابها وشغلها ودى حاجات بتاخد من وقتها كتير فالباتالى بتقلل عندها حتة الحنان والاهتمام الكامل بالأولد لكن فى امهات طبعا اهتمامهم بأولادهم أولا ثم باقى الاهتمامات
والله المستعان

غير معرف يقول...

الأم العظيمه اللى بتخاف على اولادها وتنصحهم و توعيهم مش شرط تكون بسيطه و غير مثقفه
كثير من الأمهات المثقفات و اللى وصلوا اعلى الدرجات العلميه اعطوا معظم وقتهم لاولادهم و ضحوا بمناصب مرموقه علشان يتفرغوا لرعاية اولادهم وتربيتهم التربيه السليمه اللى خلتهم ناس ناجحه فى حياتهم بعد كده

غير معرف يقول...

الأخت الفاضلة : شمس
السلام عليكم ورحمة الله وبركاته
هذا النموذج ، هو نموذج الأمهات اللائى تعلمن من مدرسة الحياة ، بعيداً عن ملوثات ومهاترات المساواة والعداء بين الرجل والمرأة ، والهروب من المنزل ومزاحمة الرجل ومعاداتهم..عرفت أن لها دور فى الحياة فعاشت فيه بكل كيانها

فصنعت الرجال

وليس معنى كلامى أننى ضد حقوق المرأة أو ضد تعليمها وعملها.. أبداً
ولكن أنا مع المرأة التى وعت دورها بأنها نصف المجتمع وبالرجل يكتمل المجتمع
لكل منهما دور ، وأعظم دور للأم هو صناعة الرجال

تقديرى واحترامى لقلمك الناضج وحسك الراقى

أخوك
محمد

soosa el-mafroosa يقول...

انتي عارفه

انا ماكنتش مصدقة موضوع نسبة ال 45% أمية اللي الحكومة بتقول عليها

لكن من كتر اللي قابلته في شغلي

أؤكدلك ان النسبة يمكن تكون تعدت السبعين

بجد مش عارفة البلد دي رايحة على فين

و حتى المتعلمين بيطفشوهم على بره

و ايه الحل؟

تحياتي

http://kasperb4.blogspot.com/ يقول...

حسبنا الله ونعم الوكيل

قومى الى الابد يقول...

هل تعلم ان ام فاروق واسامة الباز امية هل تعلم ان ام عبدالناصر كانت امية هل تعلم ان الكثير من عظماء مصر كانوا اميين الم يكن رسولنا الكريم امى ولكن يا اخى انها الفطرة ومشيئة الله من تجعللنا هكذا من تجعل الكثير من الامهات الاميات لهم افضل الابناء علما وموقعا وماكنة فى وسط المجتمع

قومى الى الابد يقول...

يا اخى انهم الاطفال انهم الاهل انهم الاخوة فى فلسطين الحبيبة ولكن ما يحزننى ان الشعوب واقول الشعوب لا الحكومات الخائنة التابعة لا تساعدهم الا بالقليل مع ان الشعوب تمتلك الكثير من الاساليب للتاثير فى السياسات العالمية بعيدا عن راى الحكومات الموالية والتابعة

just-amuslim يقول...

قبلة صباحية لأختي الحبيبة هنا ..
تهمس بكل رقة ..(احبك في الله)..والله يشهد !!

وأدعوك بها الى التفاعل مع مدونتنا جميعا .._مدونة البنوتة المسلمة
http://www.banateet.blogspot.com/

_فحياك الله وبياك ..ولك حرية الدعوة
لأي شخص تحبين لزيارتنا أيضا ..

فلا تتأخري رجاء ..

حبيباتك ..ولاء وجهاد

الجوزاء والصامدة

غير معرف يقول...

عزيزتي شمس
نتحدث عن التعليم وكانة المسؤل عن تثقيفنا ألاف المتعلمين لايفقهون شيء ولكن أن نقول أن الجهل محصور بالقراءة والكتابة فهذا هو الجهل ذاته
التعليم الروتيني الذي يحبس أبنائنا ويقيد روح المعرفة لديهم سببا كافيا للتخلف والأفق الضيق
نريد تعليم يقوم على البحث والأستدلال وليس ما نحياة من تسطيح وتجهيل وبأسم العلم كذلك
تحياتي ولكل أم لم تتعلم وحثت أبنائها ألى المعرفه

كلام لوجيك يقول...

اختى الكريمة شمس الدين

السلام عليكم ورحمة الله وبركاته
لقد تطرقتى الى نقطة غاية فى الأهمية
وطبعا كلنا متفقون على انه هناك فرق كبير بين المعرفة والدراسة
بين الثقافة والتعليم
بين الخبرة والتعلم

هناك أشياء لا يمكننا تعلمها داخل غرف الدراسة واماكن العلم ، حتى اذا توفرت الوسائل اللازمة لذلك

فهناك قواعد حياتية ومبادئ ونظم غير مكتوبة يتعامل بها بعض الناس بقدر كبير من الالتزام والايمان وكأنها قوانين مدنية ملزمة

اسمحى لى ان احكى لكى قصة قصيرة قد تكون بعيدة عن الموضوع ولكنها لاتزال فى نفس المدار
تعرفت على أحد كبار اللصوص بعد ان
تاب ، وتكلمت معه كثيرا
اريد ان انبهكى انه قد تاب منذ اكثر من 30 عاما
عمر هذا الرجل 65 عاما ، كما انه امى
وقال لى من ضمن ما قال انه وعصابته كانوا لا يدخلون بيتا من بيوت الجيران لسرقته
هذه اول قاعدة لديهم : الا تقرب بيت جارك
القاعدة الثانية : الا تسرق من اكلت معه عيش وملح
القاعدة الثالثة : الا تدخل بيت وانت تعلم انه توجد بداخله امرأة وحيدة
فهذا عيب كبير

باقى القواعد لاتهم

الذي اريد ان اقوله انه حتى اللصوص فى الزمن الماضى كانوا يتعاملون بقانون خاص بهم وملزم ولا يتجرؤون على كسره
حرامى وله مبدأ
يالا السخرية
أين تعلموا هذه القوانين؟ من اجبرهم على اتباعها؟ لماذا ينفذونها دون وعى ودون تفكير؟؟

هذه الأسئلة هى اجابة هذا البوست
هذا اذا استطعتى اجابتها

دمتى بكل خير
واسف للإطالة او لإبتعادي عن روح الموضوع

صاحب البوابــة يقول...

العزيزة شمس

اين جديدك ؟؟؟

مررت لأقرأ لك الجديد فلم اجد ؟؟؟

تحياتي

Dr.khaled يقول...

وأنا مع مبادرة الاستاذ عصفور المدينة
حاسب لكل مواطنة

النهر يقول...

هذه هي مصر
تعليقا علي ما كتبتيه في السايد بار

دنـيـا محيراني(ايناس لطفي يقول...

بلادنا ده يا شموسه ام العجائب و التناقض نتباهي بالجامعات و المدارس و التعليم الاي بداء ينتشر في بلادنا و نجد ان اكتر من 40% من سكانا يغمرهم الجهل مصيبه فعلا و لكني صدقني جهل القلوب اكثر كتيرررر من جهل القلم و العقل بس لازم نعمل حاجه لازم بجد كل واحد يحاول يعلم شخص واحد لازم نفكر بايجابيه شويه و بافعال مش اقوال

صاحب البوابــة يقول...

انا ياعزيزتى قرأت البوست جيداً وعلمت مشاكلك

لكننى كنت اتوقع انك ستقومين بالتدوين من اى سايبر !!!

تحياتي اختاة

أُكتب بالرصاص يقول...

طيب ممكن تعدلي الصوت شوية

:)

بصراحة لو كان مخترع النت يستاهل الترحم عليه
لفعلنا


النقطة التانية
موضوع الامهات

من الاشيائ اللي بتأثر في القلوب جدا
اني اشوف ام حتى ولو جاهلة
بس قلبها على ولادها حتى لو متعلمين اعلى علام

تحياتي يا ربة السيف والقلب والسايبر

kaed يقول...

عزيزتى شمس
كم من الجهلاء يتخرجون من الجامعات كل عام

ibn nasser - ابن ناصر يقول...

سوزي تقولكتاب لكل مواطن
وقائد صهيوني يقول
حاسوب لكل مواطن!

تحياتي

Monzer يقول...

ايه يا أستاذة
الناس اتحسدت ولا ايه
الناس كلها واخدة اجازة
طمنينا عليكى وراجعىة تانى :)

soosa el-mafroosa يقول...

طولتي الغيبة يا قمر

لعل المانع خير

بني آدم يقول...

هي مالهاش دعوة بالتعليم
الموضوع كله في التربية

سكوت هنصوت يقول...

شمس
عذرا للمقاطعة
نحتاج الى رأيك ودعمك في حملة القضاء على المخدرات انتظرك هناك
www.tw3ya.blogspot.com

نداء خفي يقول...

اعتقد إن السر في الفطرة زي ما قلتي

بعض الستات اتشوهت فطرتهم بشكل أو بآخر

يمكن بقى أولادهم مش أهم حاجة في حياتهم
بقت في حاجات تانية أهم

بس معتقدش إن التعليم هو السبب الوحيد لأني أعرف نساء على مستوى عالي من التعليم وأيضاً على مستوى عالي من الأخلاص والتفاني لأولادهم