الاثنين، يونيو 11، 2007

لمن يهمة الامر

السلام عليكم

محدش يخاف ولا يفتكرها تدوينة سياسية او ما شابة
المكان : من سايبر الجامع اللي جنب بيتنا احييكم :)
طبعا علشان لو حد من امن الدولة لاقي الاي بي متغير يعرف ايه دا :))
الموضوع و ما فيه ان النت و الكمبيوتر كلة حاصلت فيه مشكلة في البيت و وقع و بقي غير متاح
الموضوع دا بقالة فترة و قولت يمكن تتحل و لكن شكلها كدا هتطول
انا مكنتش متخيلة بس فعلا التدوين دا له جانب هام جدا جدا جدا من حياتي
و الشخصيات اللي بتعلق عندي باستمرار او اللي بقرأ لهم بستمرار فعلا مفتقداهم !
يالا خير
انا رغما عني بقيت في حالة زي حالة الحبس الانفرادي الفكري ادعوا لي انها تنتهي علي خير في اقرب وقت
هناك خواطر كثيرا تجتاحني و اعذروني لو مش هقدر ارد علي اي حد في هذا الوقت لان وقت السايبر محدود للغاية
يالا
قولتاقدم اعتذار علشان لو حد اخد باله اني غيبت شوية

هناك 37 تعليقًا:

محمد النجار يقول...

ماشاء الله
مدونتك رائعة
وربنا يوفقك ويبعدهم عنك

mohamedgado يقول...

على فكره انا اول مره امر على البلوج ده بس حلو
وانا هاضيفك عندى

عصفور المدينة يقول...

سجلي بالصوت لحد ما ييجي النت

دنـيـا محيراني(ايناس لطفي يقول...

ما فيش غير الورقه و القلم هما الاصل برضه مهما العالم اتقدم خليهم جانبك علي طول لتسجيلي كل خواطرك
في انتظار كلامك و افكرك الجميله

محمد عبد الغفار يقول...

ربنا يفك حبسك وفى انتظار الإفراج

سجدة يقول...

عودى يا شمس
إن شاء الله ربنا ييسر الأمور وتتحل بسرعة

يا مراكبي يقول...

أنا من اللي يهمني الأمر طبعا

إن شاء الله تصلح الأمور بسرعة وترجعي لينا قوام

يا مراكبي يقول...

أنا من اللي يهم الأمر طبعا

إن شاء الله تصلح الأمور بسرعة وترجعي لينا قوام

FloNa يقول...

خير خير :)


يارب يرجعلك بسرعة بقى :)

قاسم أفندي يقول...

انشالله تتحل بسرعة وترجعيلنا بالسلامة
وبالتأكيد مفتقدينك

كلام لوجيك يقول...

الاخت الكريمة شمس الدين

زي ما انتى مفتقدانا ..احنا كمان مفتقدين موضوعاتك وكتاباتك المحترمة والمميزة والمفيدة
اعتبريها فترة راحة وهتنتهى على خير

دمتى بكل خير

Monzer يقول...

آسف على التحليق خارج السرب
ولكن إيماننا بدفاعكم عنمبدال الحرية
ندعوكم للتضامن مع عمر الشرقواى المعتقل فى قسم طلخا

إثر قيامه بتغطية انتخابات مجلس الشورى
وجزاكم الله خيرا

BinO يقول...

غريبة جداً
بس الموضوع ده ممكن يقلب بجد
ربنا يصلح حال النت عندكم

AbdElRaHmaN Ayyash يقول...

:D ايه يا ص
في ايه يا دكتورة
ان شاء الله مش هتتأخري
ده التدوين ده حلو بشااكل :D
ان شاء الله هترجعي بالسلامة
على فكره
انا شغال من سيبر برضه
وجهازي في البيت متبهدل
الشاشة اتحرقت ولله الحمد
ربنا يستر
سلاامزو

الربان يقول...

تحياتي

ان شاء الله خير.........و دايما تكتبي و تعبري عن أفكارك و تسعدي زملائك و تسعدي بتعليقاتهم و ارائهم...

تحياتي

أُكتب بالرصاص يقول...

طبعا لغيابك تأثير

كما ان لحضورك تأثير


إلا قولي لي
الساعة بكام دلوقت؟

غير معرف يقول...

سأنتظرك ..
سأنتظر مرورك الجميل على مدونتي
وسأنتظر مروري لقرائة جديدك المتميز
حاولي ان لاتطول الفتره والا ستجدينني في القاهره
تحياتي

غير معرف يقول...

السلام عليكم

انتي بتطمني امن الدولة عليكي

صحيح الجيل الجديد ده جيل ما يعلم بيه الا ربنا!!

طيب مقولتيش رقم الـ اي بي ليه؟؟ وعنوان المسجد؟؟

غير معرف يقول...

إن شاء الله يكون الأمر خير
ورب ضرة نافعة
لعل وعسى تاخديها فترة تعيدي فيها كل شئ بيمر حواليكي
او ممكن تطلع بموضوع يشدنا كعادتك
عامة إن شاء الله يكون كل أمرك خير

sharkawoo يقول...

دا أستغربت جداً في البداية وانا بدخل إيه دا الدكتورة شمس عملت تدوينة قصيرة .... لم أعهد هذا من قبل ...

بس عرفت الموضوع بقا لما قرأته ...

ربنا يعينكم ... وترجعون سريعاً إلي مدونتكم :)

غير معرف يقول...

هل سمعت عن خيرت الشاطر من قبل
هل حاولت متابعه قضيته
هل تهتم اصلا بشؤن وطنك
كل ما اطلبه منك فقط هو محاولة معرفته ومتابعة قضته والاطلاع عليها فإن اقتنعت انه مظلوم حاول نصرته ولو بمحاوله تعريف الناس بقضيته
تابع مدونتنا من اجل الدفاع عنه وعن اخوانه
زورو مدونتنا لمعرفة من هو خيرت الشاطر القائد البطل المخلص قبل كل ذلك الانسان
زورو مدونتنا واتركو تعليقاتكم ورائكم ومقترحاتكم وتساؤلااتكم وافكاركم لدعم قضيتنا
www.khirat--elshater.blogspot.com

غير معرف يقول...

ربنا يباركلك ياشمس ويبعد عنك بتوع امن الدولة ان شاء الله انا بحب مدونتك جدا ولازم اتصفحها اساسى

غير معرف يقول...

ربنا يباركلك ياشمس ويبعد عنك بتوع امن الدولة ان شاء الله انا بحب مدونتك جدا ولازم اتصفحها اساسى

kaed يقول...

أختى شموسة
شكل النت عندك إتقبض علية ومقضيلة يومين تلاتة فى القسم وراجع تانى
متخافيش حيرجع تانى بس أنت إدعيلة
هاهاهاهاهاهاها

نقطة مية يقول...

طبعا غيابك عن الساحة واضح جدا..بس اكتبي كل حاجة على ورقة عشان متنسيهاش لما تخلص مشكلة الكمبيوتر..
ربنا يوفقك

خليك فى البيت يقول...

ندعوكم لزيارة مدونة خليك فى البيت والمشاركة فى الحملة

المجاهدة يقول...

ربنا يقوم الكمبيوتر بالسلامة
:)

ممم
اكتبي طيب على فايل ورد عقبال ما يجي
او ابقى اكتبيه و نزلي بسرعة على سايبر مش هياخد وقت ان شاء الله :)

ولا الكمبيوتر نفسه بايظ!!

ربنا يرجعك بالسلامة :)

MOSLEMA - مُسلِمَة يقول...

السلام عليكم ورحمة الله وبركاته

الحمد لله رب العالمين بدأت عالم التدوين
واللهم افتح بها وبي لأمتنا

ومنتظرين حضراتكم

وياريت تاركونا وردنا الجماعي على……..

www.ana-moslema.blogspot.com

شــــمـس الديـن يقول...

السلام عليكم و رحمة الله و بركاتة

28 تعليق منهم 24 سؤال عني !!!!!

انا مذهولة و مبسوطة في نفس الوقت
الحمد لله بجد متتصوروش انا فعلا مبسوطة ازاي من سؤالكم عني حتي لو بسطر

الفاضل محمد النجار
مرحبا بك في المدونة و ربنا ييسر الحال و و مش تكون اخر زيارة ...

***********************************

الفاضل mohamedgado
ربنا يكرمك و يعزك ...بس انت الاكونت بتاعك غير متاح

دمت بكل الخير

************************************
الفاضل عصفور المدينة :)
حسستني اني في مؤتمر صحفي و ان كلامي مهم للدرجة دي
ربنا يكرمك و يعزك يا رب

***********************************

الفاضله دينا
معاكي حق و الله مهما العلم بيتقدم من فات قديمة تاه
منورة

************************************

الفاضل الكريم محمد عبد الغفار
الحمد لله ربنا سمع دعاك و اديني اهه تاني :)

***********************************

العزيزة الغالية سجدة
اديني يا سيتي عودت
و الحمد لله اتحلت علي ما يبدوا

***********************************

الفاضل الكريم م/احمد يا مراكبي
الله يكرمك بجد حضرتك صاحب واجب و كلك ذوق و الله

***********************************

العزيزة فلونا
ازيك يا بنتي
هو انتوا خلصتوا الامتحانات ولا ايه ؟؟؟

ابقي طلي علينا كدا ولا نسيتي ايام زمان :)

***********************************

الفاضل الكريم قاسم افندي

الحمد لله اهي اتحلت
ربنا يكرمك و يعزك بجد

خالص تحياتي لمرمرك العطر

***********************************

الفاضل الكريم اسامة كلام لوجيك

و الله بجد تعليقك عزيز عندي اوي

ربنا يبارك لك علي كلماتك دي

***********************************

الفاضل hapasa
ولا يهمك
اعتقد انهم افرجوا عنه خلاص

***********************************

الفاضل الكريم bino

هو ايه اللي غريب و يقلب بجد ؟؟:)

دمت بكمل الخير

***********************************

الفاضل الكريم عبد الرحمن
هو احنا مش نشوفك غير في الازمات ولا ايه يا باشمهندز

ان هتقول لي التدوين انا اكتشفت اهميتة بالنسبة لي اد ايه

خير و متبقاش تنسانا كدا

***********************************

الفاضل الربان

و لك التحية ايضا و كفاني زيارة و كلمة فاضلة جميلة مثل كلمتك

دمت في حفظ الله

***********************************

الفاضل الكريم اكبت بالرصاص

و الله رغم انك مش بتعدي علينا طكتير الا اني فعلا بتفائل لما بشوف تعليق ليك عندي

الساعة دلوقتي بقت ب 2 جنية :)

***********************************

العزيزة جدا جدا الهام

ربنا يكرمك يا رب
اكيد مدونتك ليها مكانة خاصة عندي
و اديني جيبت بس بردوا اتمني ان اراك في القاهرة قريباً
تنوري بجد

***********************************

الفاضل الكريم ahmad sameh

يعني ...مش عارفة انا اساسا بهرج و معتقدش انهم فاضيين يتابعوا مدونة عادية غير مشهورة كمدونتي

الاي بي بيبين العنوان علي فكرة مش محتاجينة

متخافش علي الجيل الجديد ... زي ما بيقولوا عمر الشقي بقي
:)

***********************************


الفاضل shehab
فينك من زمان ؟؟؟
ولا انت زي عبد الرحمن مش بشوفك غير في الازمات ؟؟؟

مش عارفة حاسة اني عجزت او الفترة دي غيرتني شوية

اتمني ان تأتي دائما و مش تغيب كدا كتير


***********************************

الفاضل شارقاوو
مممممممم
ممكن تقول علي الموضه بقي موضوع قصير نيو لوك D:

ربنا يسهل و ربنا يبارك لك يا رب اديني رجعت اهه

***********************************

مجهول
نعم و اتابع كل تطورات الامر
شكرا علي المرور

***********************************

مجهول او محمود
جزاطكم الله خيرا
و لم اتوقع ان يكون هناك من غير المدونين من يتابعون المدونة
خالص و عميق تحياتي

***********************************

الفاضل العزيز قائد
اهو النت رجع تاني

مش عارفة بس ربنا يستر علي الجميع

***********************************
الاخت العزيزة نقطة مية
ربنا يخليكي و يبارك لك يا رب

حاضر :)

**********************************

خليك في البيت

حاضر

**********************************
الاخت العزيزة الغالية المجاهدة

مش مصدقة عيني
بجد انت و فلونة رجعتوني للايام الخوالي

ربنا يبارك لك يا رب و ان شاء الله علي طول متجمعين كدا

هو الكمبيوتر كان نفسة من غير كي بورد و ماوس هههههههههه

يالا الحمد لله

***********************************

الفاضلة مسلمة
الف مبروك علي الفتتاح المدونة

***********************************

جزاكم الله خيرا عل يالتعليق بجد بجد بجد ادخلتم السرور علي قلبي .:)
و عرفت اني لو موت و خبر وفاتي اتسرب علي النت هلاقي حد يقرأ علي روحي الفاتحة و يترحم عليا

Ma 3lina يقول...

لازم يكون معاكى ورقة و قلم فى كل حتى علشان افكارك كلها تتكتب و متنسهاش

و ان شاء الله ترجعى بالسلامة انتى و الكمبيوتر بتاعك

كراكيب عادل يقول...

طيب اقولك اكتبي وجهزي الحجات علشان تكون جاهزة للنشر

منتظرينك

ترجعي بالسلامة

صاحب البوابــة يقول...

السلام عليكم

اشكرك أختي الغالية شمس الدين على تساؤلك عن غيابي

ووقوفك بجانبي في محنتي

تحياتي لكل شريف حر

وسأنتظر عودتك قريباً

غير معرف يقول...

الأخت الفاضلة : شمس الدين
السلام عليكم ورحمة الله وبركاته
أولاً لابد أن أقدم اعتذارى لتأخرى فى الرد
وأرجو تقبل اعتذارى
وثانياً : أتمنى لك العودة سريعاً لمدونتك المتميزة
وقرائك المحبين لك

بارك الله فيك وأعزك
أخوك
محمد

abderrahman يقول...

في انتظار عودتك بكثير من الحكايات وأراءك الجميلة

الربان يقول...

تحياتي

ان شاء الله ترجعي بالسلامة..

الربان يقول...

تحياتي

ان شاء الله ترجعي بالسلامة..

شــــمـس الديـن يقول...

السلام عليكم و رحمة الله و بركاتة

لعزيزة اللي بتتقل علينا ما علينا
يعني لازم يا سيتي يحصل حاجة علشان تعدي علينا

مرورا طيبا و يا رب تكرريها

***********************************
الفاضل عادل

جزاكم الله خيرا علي السؤال
و اديني رجعت خلاص اهه :)

***********************************

و عليكم السلام و رحمة الله و بركاتة
الفاضل الكريم صاحب البوابة

لا تشكرني لان هذا اقل شئ نستطيع ان نقدمة لبعضنا البعض ...التدوين اماط اللثام عن شخصيات محترمة كثيرا اعتز مبعرفتي بهم و حضرتك علي رأسهم بجد

ربنا يبعدهم عنك و يكفيك السوء و يجعل كيدهم في نحرهم

ادام الله الود

*************************************

الفاضل الكريم محمد الجرايحي

و عليكم السلام و رحمة الله و بركاتة
لا تعتذر ارجوك انا اتعلمت اني التمس للناس الاعذار و اسيبهم براحتهم :)

اديني رجعت اهه الحمد لله :)

***********************************

بجد بجد انا مش صدقت عيني

الفاضل عبد الرحمن اخر الحارة عندنا ؟؟؟
يا مرحبا يا مرحبا

جزاكم لله خيرا علي السؤال

ربنا يبارك فيك يا رب
***********************************

الفاضل الربان

جزاكم الله خيرا علي السؤال

***********************************

بارك الله لكم جميع اخوتي الافاضل بجد ...كنتم نعم العون لي