الخميس، أغسطس 02، 2007

خواطر سريعة ... الوقت

السلام عليكم و رحمة الله و بركاتة


في الفترة الماضية اثناء الصيام الفكري ... مرت لدي عدة افكار سريعة ... رغم صغرهم فسوف اكتبهم في تدوينات صغير عملا بنصيحة الكثيرين و لن اضمهم في تدوينة واحدة كبيرة

دائما عندي مشاكل مع الوقت ....
اولا ...فانا لا ادري ما الذي داني في الفترة الماضية و لكن رغم مرور الاعوام بي لا اشعر انني اكبر... فطوال عمري معتادة علي ان اكبر و ان اري من حولي يكبرون .... و لكني غير معتادة علي ان اكون كما انا و اري من حولي يكبرون و انا لا اكبر !!!!! فتقريبا شكلي و طولي لم يتغير منذ ان كنت في الثانوي ... و لكن اري اناس قد غبت عنهم فترات انهم كبرا و تغيروا اشعر بما فعل الزمن علي الانسان ... و يتملكني رعب و هلع خفي , لان سنة الحياة لاي مخلوق هو ان يكون صغيرا ثم يكبر و يكون في اقوي مراحلة ثم تأتي مرحلة الذبول و الضعف ...و انا الان اعتقد انني في مرحلة عنفوان الشباب .. و هي سرعان ما سوف تنتهي ليأتي بعد ذلك الذبول و الضعف ... اتمني ان لا اضيع اي وقت متاح في و ان اغتنم هذا الوقت الرائع ....

طوال عمري و انا في المدرسة كنت اشعر بفارق العام عن الاخر ... لان مدرستي كانت من الحضانة الي الثانوي ... فكل مرحلة كان لها زي و لون مميز .... كنت تملي اعاني من مشكلة انني لا استوعب انني كبرت عام و اصبحت في صف دراسي اكبر الا عندما نقارب علي انتهاء العام الدراسي ... و دائما ما اشعر ان افضل الاوقات هو اخرها و نحاول جاهدين ان نستمسك بالاخر و لكنه يمر سريعا و نقول يا ليتنا فعلنا و سوينا و لم نضع الوقت سدي , فكل رحلات الممدرسة مثلا كان افضل وقت بها عند العودة عندما نكون سوف نذهب للبيوت و المولد انفض كما يقولون ... تعلمت من هذا الامر ان احاول ان ادرك اي لحظة سعادة متاحة في بداية الرحلة او بداية اي شئ حتي لا اندم عليها حينما يمر الوقت و اركب اتوبيس الرحلة عائدة الي دياري ...

اعود الي بعض مشاكلي مع الوقت ... عندما كنت في الكلية و الجامعة ... كان ينتابني احساس ان من يكبرني بعام واحد فقط هم اناس بلغوا من العمر ارذلة و انه هيهات ان اصبح مثلهم في نفس مرحلتهم ... خاصة عندما كنت في ابتدائي كنت انظر لمن هم في ثانوي اشعر انه هناك العقود و القرون كي اكون انا نفسي في ثانوي ...- حتي انني اذكر انني و انا صغيرة عندما سئلت والدي عندما بلغ عمرة الاربعين- و كنت اظن انه فعل شئ عجيب - و قولت له ما هو شعورك الان ؟ قال لي عادي خالص فكل العمر الماضي يتكون من ذكريات داخلي و هو يتلخص في اللجظة التي اعيشها الان فقط... اضحك كثيرا الان علي نفسي لاني انهيت الدراسة الثانوية و الجامعية و انا مثل ما انا ...لم يحدث اي شئ و اعتقد انني سوف ابلغ الاربعين لو قدر لي الحياة لهذا السن و سأشعر نفس الشعور الذي قاله لي ابي ذات يوم

عندي دائما عقدة ...انني اكبر من اقراني في المدرسة او في النادي ان ذاك ...و كان هذا دائما يشعرني انني متخلفة ... لان ما نفعلة انا و اقراني في نفس العام الدراسيس كان لابد ان افعلة انا قبلهم بعام و نصف ... لا ادري و لكن هذا الشعور كان يلازمني دائما ... ربما كان افضل لي في التعليم - رغم نني لم امن متفوقة في المرحلة الجامعية عكس مرحلة الدراسة المدرسية - الا انني لا اذكر انني لم افهم شئ قيل لي او شرح لي ايا كان الدكتور ... الا تقريبا مرة واحدة ... و لكني لم استفيد من هذه الميزة و استذكر بجد بل للاسف لم اكن مثابرة بما يكفي ... و لكن اتضح انه ميزة الان ... فانا اعتقد انني ازن الامور و انر اليها من زاوية مختلفة عكس جميع من هم في عمري ... الي جانب ان صار فارق عام و نصف ليس مشكلة كما كان في الماضي عندما كنا اطفال ( كان واضحا و جليا )
دائما اشعر ان اليوم لا يكفيني , و اتمني لو كان عبارة عن 50 ساعة و ليس فقط 24 ...حتي استطيع ان انام 8 ساعات و اقوم بكل ما اريد القيام به في اليوم الواحد من قضاء وقت طويل في المواصلات و عمل و عبادة و قراءة وواجبات اجتماعية و صله رحم و ترفيه و رياضة و تليفيزيون و نت و و و و ... و دائما اتسائل عن الاناس الذين امر و اجدهم علي المقاهي في كل الاوقات يجلسون و يلعبون و يشربون القهوة فقط ... اتمني ان اذهب اليهم و اقول لهم " انني اريد شراء هذه الاوقات التي تنفقونها من حياتكم باي سعر حتي استطيع ان افعل ما اريد " و لكن هيهات طبعا لهذه الفكرة اللا واقعيه ان تنفذ ...


ما اعرفة عن الوقت الان انه شئ غير خاضع للقوانين الطبيعية ,و ان اليوم الذي يمضي لا يعود ابدا

ادام الله عليكم نعمة الاوقات السعيدة و نسيان الاوقات التعيسة

هناك 28 تعليقًا:

sokoothansawat يقول...

أولا

وحشني قلمك و حضورك في عالم النت الواسع ده...ثانيا..فكرتيني بثانوي واعدادي...وتغيير الوان اليونيفرم..وفرحتي وانا اخيرا هسيب الشنطة وامسك اكلاسير زي البنات الكبار اول ما وصلت لثانوي..ثم اكتشافي ان فقط الفشلة لا يحملون حقائب..ببساطة عشان ما بيشيلوش كراريس او كتب....( وش بيضحك بعنف) فكرتيني بالمدارس فقط لأكتشف ان هذا العالم اصبح بعييييييييييييد جدا عني...ياااه..حقيقي الوقت أغلى حاجة في الدنيا..لا يقدر بثمن ولا ينباع ولا يشترى...عودا احمد يا شمس

Monzer يقول...

امال لم تكونى ام
ولا لما تبقى جده هاتعملى ايه :))


بس أهم حاجة
اننا نستمتع بكل لحظة سواء كانت فى بداية الرحلة او نهايتها
ماحدشعارف فى النهاية ممكن يحصل ايه
على فكرة انا زيك كده فى النقطة ده بالذات
بس لسه ماتغلبتش عليها !!!

layal يقول...

عندما كنا صغار كنا نشاهد من حولنا كعمالقه وان فارق سنه او سنتين يعني دهرا وعقود
لكن عندما كبرت ادركت ان هذه السنوات لا تعني شيء واكبر دليل هو تفاوت سن الوفايات فالشباب قد يسبق كبار السن في موته
كل ما علينا هو ان نعرف ونعي ما نفعله
فأختلاف السن لاحظت انه لا يعني بالضروره نضج الشخص فالطفل قد يبهرك بأسلوبه وكلامه الناضج والبالغ قد تستخفين كلامه

الطائر الحزين يقول...

السلام عليكم
تتحدثين ببساطة عن سنة الحياة وقيمة اغتنام الوقت ولحظات السعادة وان الوقت الذى يمر لن يعود وانه افضل مما يأتى دوما والذكرى افضل من الحال

لو فيه آلة الزمن تحبى ترجعى للماضى ولا تذهبى للمستقبل؟؟؟؟

تحياتى

shams يقول...

حمد الله على السلام يا شمس لعالم التدوين من تاني
بس انتي شايلة الهم اوي حففي عن نفسك شوية

إيمــــان ســعد يقول...

هههههههه

و الله يا بنتى

انا نفسي اليوم يبقى

اسبوع

بس انتى عارفاني ملولة و خايفة فى الاخر اتخنق

بس بجد

خليتنى احس انى كبرت فعلا

:(

يلا خير .. ده شئ مش ح نقدر نهرب منه

تحياتي

الديب يقول...

فعلا ..

الواحد ايام المدرسة .. السنة الدراسية الواحدة كانت بتمر في وقت طوييييييييييل

اما دلوقتي .. السنين بتمر ... شقلب واقلب !!

سلم يا رب
!

david santos يقول...

The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)

حزيــــــــــــــــــن يقول...

السلام عليكم

كل ما اعرفه عن الوقت انى لا استطيع ان ادركه

كراكيب عادل يقول...

حمدلله علي السلامة بوردة المدونات التي لاتزبل

تعرفي متفق معاك في النقطة دي انا تماما الوقت بالنسبة لي صعب يكفي كل حاجة عايزها وياريت فعلا نقدر نشترية

العمر والايام والسنين بتعدي زي الهوا

مفيش حد بيثبتلي اني كبرت غير الاطفال الي بقوا شباب والبنات الي بقوا عرايس

انتي خلتينا نفكر في حاجة كتير بالتدوينة دي

ربنا يجعل اعمارنا خير لنا
ونزرع فيها الخير لنحصدة في الاخرة

smraa alnil يقول...

ايوة
يعني انتي عايزة تفهمني يا هانم انك
مش كنتي فاضية النهاردة عشان تيجي التمرين

مش ليا فيه

بقولك ايه
وقتك ولا مش وقتك
انتي هتيجي التدريب يعني هتيجي
ان شاء الله يعني

وبعدين ظبطي وقتك بقي

الا تمريني يا هانم انتي فاهمة
ههههههههههه

مش تقولي ان انتي

انا لسة عارفة من سجدة النهاردة

صاحب البوابــة يقول...

مجرد تلك الخواطر

اعادت لي الاحساس بقيمة الوقت

:)

حتى الوقت ننسى قيمته في غمار انشغالنا بما يضيعه !!!

تحياتي لقلمك المبدع الذي غاب عنا كثيراً

ابو مفراح يقول...

تلك هى السنه
السنه الدائمه الباقيه التى خلقها الله تعالى
لم تعد باليد حيله
كم اتمنى ان اعود الى الصغر
او تعود بى الايام اياما قليله
و لكن هيهات هيهات
يجب ان تكون هناك العبر



بوركتم على البوست
اخوكم
ابو مفراح

فقاقيع كلام ـ شروق الشمس يقول...

السلام عليكم
ياحبيبتي ده شعور العباقرة

وأنا وأنتي منهم.. نياههههههههههها

بهزر طبعًا

أنا على فكرة نفس أحساسي اللي انتي حسيته أنا حسيته

في حضانة

وابتدائي

وثانوي

يعني افتكر لما كنت في أولى ابتدائي كنت ببص لخمسة ابتدائي إنهم كبااار وعمالقة

ولهم عندي وقع في نفسي لا أعلم سببه

وفي كل المراحل

ودلوقتي أنا حاسة دايما إني أكبر
حتى لو اللي حواليا اكبر مني

يمكن عشان الاهتمامات والتفكير مختلفين

الله أعلم..

أنا مثلا ممكن أشعر إني أم بنت أصغر مني بسنة مثلا
واستغرب من بعض البنات أحسهم تفكيرهم صغير اوي وبيكونوا أكبر مني..

مش بقولك عباقرة هههههههههه

شــــمـس الديـن يقول...

السلام عليكم و رحمة الله و بركاتة

الفاضلة العزيزة مها
يا سيتي ربنا يسهل و اقدر اتابع لان انا تقريبا حد نبر لي نبرة سودة و شكلي هظل رهينة السيابر للابد ...

كويس ان التدوينة نقلت لي مشاعري ...بس متخيلتش ان ناس كتيرة تحس بنفس احساسي

دمتي بكل خير

***********************************

الفاضل الكريم منذر

ما هو انت مش عارف في الزمن اللي احنا فيه ممكن لا اكون ام ولا طبعا بالتبعية اكون جدة :))

يا ريتتتغلب عليها ...طعم الدنيا هيتغير اكيد

**********************************

الفاضل الكريمة ليال

حقا ما تقولينهخ ...العقل مثل الثراء لا يوجد عند الجميع !

و لنفس السبب اقلق من مرورا لوقت و عدم شعوري به لان النهاية قد تكون قاب قوسين او ادني
***********************************

الفاضل الكريم الطائر الحزين

علي فكرة انا لا اقول انني اشعر لان الماضي اسعد ...لست من متبعي هذه النظرية انماانا اقول فقط ان العمر و الوقت يمر بشكل بشع

لو فيه اله زمن يا سيدي محبش اني استعملها اساسا ... لاني لو رجعت للماضي مش هحس بطعم اني اعمل الحاجة لاول مرة ... و المستقبل لو عيشتة هقرب للنهاية اكتر !!!!

كدا كويس بس هو كل اللي اتمناه ان الوقت يمر ببطئ او ربنا يطرح فيه البركة :)

دمت بكلا لخير

********************************/*

الفاضل الكريم shams

الله يسلمك و بجد انا مبسوطة انك واخد بالك من اني مش بدخل رغم انك مش بتعلي عليا

و الله دا مش هم و لكن دا حال اللي هوايتة بتبقي التأمل !ّ

***********************************

العزيزة الغالية ايمان سعد
و الله ليكي وحشة يا بنتي اخر مرة زورتي المدونة كان فقي الشتاء!

بس عن ان اليوم يكون اسبوع دا بصراحة هتكون خنقة جدا

كلنا كبرا للاسف
المهم اننا نوصل لاخر المطاف بأقل خسائر ممكنة في الامتحان

***********************************

الفاضل الكريم الديب :)

السنين بتمر بس احنا مش حاسين ...ربنا يستر

**********************************

الفاضل الكريم حزين

لماذا لاتدركة حاول معة لانك لو لم تدركة لذهب عمرك هدراً

خالص التحية
***********************************


الفاضل الكريم عادل

الله يسلمك

اكيد فعلا الاطفال هما الاثباتالوحيد و انا زمان لما كنت طفلة كنتاثبات لكني لم اعتد هذاالوضع الجديد الان

:)

***********************************

الكابتن سما\راء النيل
كنت فعلا شاكة في امرك لان مواصفات المدونين اللي بيفصحوا عن انفسهم مش بتبقي عادية

و الله انا كانت عندي ظروف ما يعلم بيها الا ربنا و بجد سعيدة اوي ان تخميني طلع صح
اراك علي خير اليوم ان شاء الله تعالي :)
*********************************/* الفاضل الكريم صاحب ا لبوابة

الله يكرمك و يعزك و المدونة نورت بتعليقك حقا

***********************************


الفاضل الكريم ابو مفراح

:)
كلامك موزون و جميل بس مش كلالناس بتعتبر ربنا يستر علينا بجد

خالص التحية و مبحبا بك دائما فيالمدونة

***********************************

شروق العزيزة

هو انت يا بنتي رجعتي من المصيف ولا ايه ؟؟؟

خير خير خير

بس عارفة بقي ايه اللي مش بتقف معاكي فيه ؟
اني رغ ان تفكيري مختلف الا اني لسة بحس اني لا املك من خبرات الحياة شيئا و ان اللي جاي لسة مخبي لي كتير اوي

اما بالنسبة للتفكير الهايف فدي تقريبا للاسف بقت سمةالعصر سواء شباب ولا فتيات

دمتي دائما مشرقة

************************************
في حفظ الله جميعا

other_things يقول...

أنا دايما بعدي هنا بس ما بعلقش
فقلت مرة من نفسي
واهوا إثبات حضور
..
ما أعرفه أنا عن الوقت..أنه يجبر جميع الظواهر الطبيعية على السير وراءه
..

اسلام رفاعى يقول...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى

shams يقول...

اديني كل مرة اعدي على المدونة ملقيش بوست جديد و تقليلي مش بتعلق لية

شـــــهــــروزة يقول...

يا ريتنى أرجع طفلة صغيرة لا تعير للوقت ثمن أو هم

ولا كنت بأقيس طولى ولا كنت أتابع خطوط الزمن وهى بتعلم عليا

ولا بأهتم بكرابيج الحزن وهى بتعلم عليا

لكن
نقول للزمان ارجع يا زمان؟؟؟؟؟؟؟؟


تحياتى

شــــمـس الديـن يقول...

الفاضل oter things
:)
لم اكن اتخيل انه هناك متابعين صامتين لي انا ايضا ... جزاكم الله خيرا علي التعقيب
فعلا
تحن جميعها توابع له

خالص التحية
***********************************

الفاضل اسلام رفاعي
حاضر فياقرب وقت الزيارة

***********************************


الفاضل شمس
خلاص يا سيدي ... خليها علي النبوة دي الراوتر اتكسر !!!!!!!!!!!

**********************************

العزيزةالغالية شهروزة

و انا كفلة لم اكن اعير للوقتاي هم و لكن المشكلة ان رغم هننا بنلاقي ان العرض وصل للنصف و المسرحية قربت تقفل و احنا مذهولين

الزمن مش بيرجع

وددت في لحظة ان امسك به و اوقف العقارب عن الدوران و لكن هيهات :)

**********************************

خالص التحية للجميع

نور يقول...

والله انت نقلتي احساسي بالظبط انا شاعر دايما اني ما بكبرش وشاعر ان اليوم ضيق قوي

طال الليل يقول...

السلام عليكم الأخت الفاضلة د/شمس
مدونتك راقية ورقيقة
وتدوينة الوقت معبرة جدا والجيد أنك إستخدمت فيها لغة سهلة قريبة من مفردات الخواطر وهى من الفصحى الواضحة التى أحب الحديث والكتابة بها
أقلقنى هاجس الوقت مثلك ولكنها هى الحياة يتجدد جمالها للعين كلما تجدد العمل والشعور
تعليقك الذى كتبته عند صاحب المدونة عن أدوية السعال التى يسئ إستعمالها المدمنون مس وترا حساسا
ولما كنت أشاركك الهم نفسه والمهنة نفسها أحب أن أدلك إلى إمكانية أن تشتكى لأدارة الصيدلة المركزية بالقاهرة
وغيهم من الشرفاء كثير
ولا أشك أنك تستفرغين جهدك فى النصح لأصحاب الصيدلية التى تشرفت بك وأظنك كذلك تحاولين قدر الإمكان تخفيف الضرر
أرجو أن توفقى فى جهدك أو توفقى إلى مكان أخر يحب أهله هذا البلد المنكوب
عذرا للإطالة وجزاك الله خيرا

Ahmed S. Basyoony يقول...

بسم الله
ربنا يعطينا ويعطيكم طول الصحة والعافية
وان يجعل اعمارنا واوقاتنا جميعها في طاعته
تحياتي
www.ana-elbahr.blogspot.com

شــــمـس الديـن يقول...

؟الفاضل الكريم نور

يسعدني ان عبرت كلماتي عما تشعرين به
خالص التحية لمرورك العطر

**********************************

الفاضل الكريم طال الليل

و الله اخي لكل مرحلة جمالها و لكن تقريبا نحنننسي هذا في خضم الزحمة و نكتفي بان نحن للماضي فقط بدل من ان نحيي الواقع

و الله الحمد لله تم توفيقي و تركت الصيدلية المشبوه التي اعمل بها و وفقني الله لافضل منها بكثير علي الاقل حتي احلل ما اكسبة و خاصة انني لن اموت جوعا ان استغنيت عنه ... و انا و الحمد لله لي علاقات بالنقابة اعتقد انني سوف اسئل عما يمكن فعلة و لكن المشكلة ان نص القانون الذي كان يجرم هذه الادوية تم الغاؤة
هو اللي يجنن ان الكويسين كتير بس مش ماسكين مواقع مؤثرة

دمت بكل الخير و شرفت بالزيارة

***********************************

الفاضل الكريم Ahmed S. Basyoony
\و لكم مثل هذاالدعاء الجميل ...

دمت بكل الخير

خالص تحياتي للجميع

eldoctor يقول...

تدوينتك بتخلينى افكر فى علامات الساعة ..
ان تنزع البركة من الوقت .. ربنا يستر علينا

شــــمـس الديـن يقول...

الفاضل الكريم الدكتور

اكيد نزع البركة من الوقت دي سمةاساسية

عامة كل يوم هو خلق جديد و علي عملنا شهيد فلنغتنمة لانه لا يعود الي يوم الدين و هو جزء من حياتنا

نورت المدونة :)

نداء خفي يقول...

جزاك الله خيراً يا شمس الدين

على فكرة انا اخت في الله من كل الطلبة لو تفتكريني

فاكراني إن شاء الله

كنت عايزة أقولك إن مسألة الوقت دي معضلة حقيقية

أنا زيك كده في بداية الترم بتلاقيني مش عايزة أعيش وقتي خالص
والله اكتشفت إني ببقى نفسي الوقت يجري مني والاقي نفسي في اليوم التاني وهكذا
ولما ييجي أخر الترم والاقي إن ترم بحاله عدا عليا بسرعة كده من غير إنجاز كبير يجيلي شعور بالندم والضيق

والسيئ جدا إني اكتشفت إن القعدة عن النت دي أحد أهدافها الخفية هو تضييع الوقت وعدم الشعور به
مش في كل الأحوال طبعاً بس في أغلبها حاليا

أنا محتاجة تحليل نفسي يقولي أنا ليه بهرب من وقتي كده

نداء خفي يقول...

إنتي رحتي فين يا شمس الدين ؟؟

هو أنا كده دايماً وش السعد :D

أدخل على أي تدوينةأختم الكلام فيها فيها خلاص

ربنا يستر وأنا أصلاً اليومين دول عندي عقدة اضطهاد
وأي حد بيعمل موقف غريب معايا بقعد أفسره بطريقة وحشة

ربنا يصلح الحااااال