الأربعاء، يناير 09، 2008

ضريبة الاختلاف .... سفسطة عقلية و تهنئة

السلام عليكم و رحمة الله و بركاتة






اولا اهنئ الجميع بموسم الاعياد ... فهذه تعتبر التدوينة الاولي في العام الهجري 1-محرم -1429 و ايضا اول تدوينة لي في العام الميلادي الجديد ايضاً ....






يكون المرء في نهاية المرحلة الجامعية ...متعطش للخروج للعالم ليري العالم انه شخص مختلف ... و انه قادم لتحقيق ما لم يستطع الاخرون تحقيقة ... نستضم بالعالم الواقعي ... نضيع ... نحبط ... يتفرق عنا الاصدقاء و الاخلاء الذين عهدنا ان نراهم بشكل يومي ... نفقد تميزنا الذي حصلنا عليه في الجامعة .... عندما كنا مؤثرين - او علي الاقل - لدينا فرصة للتأثير و التغيير و رؤية المردود بشكل سريع ملموس ...






تطحنا الحياة ... بشكل قاسٍ لا رحمة فيه ... يسقط الكثيرين ... و نكاد نشرب من النهر ... فحكاية النهر هذه رغم بساطتها الا انها ملهمة ... يحكي انه في بلد مصدر شربة هو نهر ... و في يوم تلوث هذا النهر فاصبح من يشرب منه يصاب بنوع من الجنون الذي يري به كل شئ مقلوبا ً يري العهر شرف و يري عدم الاتقان شطارة ... و صاحب الاخلاق هو المتخلف عقليا ً و شرب الجميع من النهر حتي اصبحت هذه هي الصورة العامة و لكن صمد في النهاية صديقين لم يريدا ان يستسلما و يشربا من النهر ... و عندما يكاد يسقط واحد منهما و يستسلم ليشرب من النهر حتي يرتاح و يستسهل هذه النظرة المقلوبة للامور يثبتة الاخر ... و لما يسلما من الاذي و السخرية و كل الوان الهجر الاجتماعي حتي استطاعا بعد جهد جهيد ... ان يبتكرا طريقة لازالة التلوث و عاد الناس كما كانوا من قبل ...





ان للاختلاف السوي ضريبة ... لابد ان يدفعها الشخص المختلف و يعلم يقيناً بها مسبقا حتي لا يتأذي منها ... ان ترفض ان تكون فردا من القطيع الذي لا يستخدم الشئ الوحيد الذي فضلة الله - و هو العقل - في كل ما يفعلة و يقوله ... له ثمنه , لان الاغلبية ليست كذلك ... و للاسف الاغلبية ترفض المختلف عنها بدون سابق تفكير ... و تستنكره بشدة .. دون اعمال اي عقل ... فهمناك اختلاف محمود و هذا هو التظور الطبيعي للحياة ... و هناك اختلاف مذموم و هو مجرد التقليد الاعمي فقط للاخر المختلف عنا في كل شئ ... و هي ايضأ ً مأساه اخري يقع فيها الكثيرين .. فيخطئون نوع الاختلاف المرغوب ...ب





لابد ان يكون للانسان حلم خاص ... يريد ان يحققة , و كلما كبر مستوي هذا الحلم - اي خرج من النطاق الشخصي - كلما سمي هذا الشخص بنفسة و لسوف يجد ان الطموحات الشخصية تتحقق بجوار هذا الحلم العظيم الذي يريدة ... و سيكون قد تحرر من الانانية التي اصبحت تسيط علي اغلبنا ... فاصبح يعيش لنفسة فقط و ليس من اجل حلم عظيم .... لا اقول ان ينسي ذاتة في سبيل هذا الحلم و لكن ليعلم انه كلما جود و حسن نفسة كلما اصبح فرد سوي صالح و يكون قد شارك بجزء من هذا الحلم و ستصبح لذاته معني اكبر مما هي عليه ... لربما يصل ان يحقق الحلم ذاته يوما ما ... و كما قال الاديب البرازيلي باولو كويلو ... عندما يسعي الانسان لتحقيق اسطورتة الشخصية فان الكون كلة يتأمر معه لتحقيقها ....




لكل شئ فلسفة ... اي فكرة تقول عليها و ينتج منها فعل ما نفعل لاننا نفكر قبل ان نفعل اي شئ ... و افضل شئ في رأيي في فلسفتنا الاسلامية ان هناك شئ اسمة نيه عندنا ... بمعني انك مطالب بان تزرع ... و نقدم نيه انط تريد انبات المحصول ... عليك ان تقلم الارض و تغرس الفسيلة ... و تسقي الارض و تحارب الاوبئة و الامراض التي قد تظهر ... و لكن انبات المحصول و ان تكون هناك ثمرات يانعة من عدمة هي مشئة الله ... و سواء حصلت علي نتيجة ما غرست ام لم تحصل عليها فلقد حصلت علي اجرها ان شاء الله ... و لنتذكر دائما قول الله عندما امر سيدنا ابراهيم - عليه السلام - بان يؤذن فيالناس بالحج ... لم يكن هناك احد في الصحراء ليسمع النداء و لكن ابراهيم عليه السلام امتثل للامر و فعل ما طلب منه ... و كان الباقي علي الله عندما اوقل صوتة للناس و اصبحوا يحجون كل عام الي عامنا هذا من يوم ما اطلق ابراهيم عليه السلام النداء ... ء





قديما كنت اري العظماء و المشاهيرو المفكرين اتخيلهم بشر غيرنا ... ليسوا مثلنا ... و لكن تبددت هذه الرؤية الاسطورية عندما رأيت كثيرا من المشاهير علي كافة المستويات علي الحقيقة و حدثتهم ... عرفت ان الاشخاص العظماء هم ايضا بشر مثلي تمام لا يختلفون ... اذا فنظرياً هناك فرصة ان اكون نفسي و ان احقق ما اريد ... انهل من معارف هؤلاء و اضيف ما لمسة الاختلاف الاساسي اللمميزة لكل عصر ... ان سرت في درب الحلم العظيم فسوف تأتيني العظمة من تلقاء نفسها ... حتي و ان لم تكن علي مستوي كبير فيكفي ان تحدث فارق في حياة شخص ما ... هذا افضل و اقيم و خطوة علي الطريق ....





لنضع دائما في اعتبارنا ان الصخرة لا تنكسر من الضربة ال 100 فقط و لكن نتيجة تاثير ال 99 ضربة التي تسبق المائة ... هاكذا يكون التغيير الحقيقي و السليم .م



هذا الموضوع ذكرني بنثر كنت قد كتبته منذ فترة طويلة - ايام ما كنت بكتب - و لاقيتة


سأعيش مادام هذا قدري لا اختياري


سأعيش رغم أي ظروف قد تتحداني


فلقد اختارتني أقداري للطرق الوعرة الصعبة


فليس كل الناس أقدارهم متشابهة


فكما قال الأقدمون علي قدر آهل العزم تأتى العزائم


فربما أكون من هؤلاء الذين ولدوا لتحدي المصاعب


فهم لم يخلقوا ألا للمصاعب


فسيموتوا أن لم تحفل حياتهم بالتحديات و المتاعب


فليس كل قدر الطيور أن يكونوا نسورا و صقور


فالأغلب الأعم هم الحمائم و العصافير


و ليست كل الأعضاء تتعب و تدق دائما


أبدا كما يفعل القلب...




كل عام و انتم بخير جميعا ً :)

هناك 25 تعليقًا:

غير معرف يقول...

بوست جميل جدا ومنظم
انا ليا بس تعليق على حكاية النهر دى اننا مش محتاجيب نشرب من اى نهر لان اللى بيتعمل فينا كشعب يخلينا نبقى مجانين بدون حاجة :)
الفلاسفة قدروا انهم يصنعوا حاجة واغلبهم كانوا بيعيشوا وسط مجتمعات غريبة مش بتساعدهم على الابداع بس برغم كل ده طلعوا برضه فلاسفة ويحكى بقسسهم دلوقت بمعتى اللى عاوز يبقى حاجة ومصر عليها حيكون حتى لو الدنيا كلها وقفت قصاده
تحياتى ليكى

الطائر الحزين يقول...

تدوينة رائعة

عارفة حضرتك هزنى شرط سمعته

اننا واليابان ذهبنا الى اوروبا فى نفس الوقت لنقل العلوم والمعرفة


لكن من ذهب من عندنا كان يفكر فى مجد شخصى

اما من ذهب من عندهم كان يفكر فى اليابان



تحياتى

abderrahman يقول...

كلام جميل ولا يحتمل تعليق
:)
كل سنة وانتي طيبة يا شمس

Dets يقول...

اولا كل سنة وانتي طيبة
تدوينة جميل بجد - في اول التدوينة وبما اني لم انتهي من مرحلتي الجامعية بعد -- تذكرت نهاية المرحلة الثانوية وفعلا كنت في حالة اشبة بالتي وصفتيها حيث كنت متعطش للحياة الجامعية -كان في تصوري هذه الحياة الجامعية الجديدة ستكون بدايتي لاكتشاف نفسي وتحقيق ما منعتني القيود -في المراحل السابقه-من

تحقيقة ، لكني استضمت بالواقع المؤلم
********
فمن المفروض عليا كل عام ان اقوم بحفظ مجموعة من الكتب -الفارق بينها وبين كتب ثانوي - ان احجامها اكبر ودراستها في وقت اقل
**********
وجدت نفسي مجرد مشاهد لما يحدث من صراعات داخل الجامعة بين طرفين لايسمحون بتدخل طرف ثالث بينهما (طلاب الاتحاد -صلاب الاخوان )
اذا تحدثت مع احد الطرفين وكنت معارضا له اذاً وبدون اي مقدمات فانت تتبع الطرف الاخر
---------------------
واخيرا اسمحيلي باقتباس الكلمات النثرية في في اخر التدوين الي مدونتي
--------------
تحياتي

شــــمـس الديـن يقول...

السلام عليكم و رحمة الله و بركاتة

الفاضل الكريم طائر الحرية

علي فكرة انا حاولت كتير جدا اني اكتب تعليق في مدونتك الجديدة بس هي بايظة خالص ... مش عارفة مالها

و الله مش الفلاسفة بس اي حد عايز يعمل شئ بس المهم يكون صح لازم يؤمن بيه تماما

خالص التحية
***********************************

الفاضل الكريم الطائر الحزين

جزاكم الله خيرا

طيب اديك قولت ... عندهم ايمان عميق ببلدهم ياريت يبقي عندنا ربعة

و مش اليابان و بس
احنا و الهند ابتدينا ايام عبد الناصر ...هما عندهم القنبلة الذرية و احنا بقينا حتي بنستورد كل شئ حتي الملابس


مش عارفة فيه المشكلة العيب في ايه الظبط .... خالص التحية

***********************************


الفاضل الكريم عبده باشا

كفايا مرورك عندي بجد بيدي قيمة للمدونة لان حضرتك من العقول التي احترما للغاية

و انت طيب :)

**********************************

الفاضل الكريم dets

كل مرحلة في حياة الانسان علي فكرة بيبقي فاكرها كدا و لكن الامر عادي ... المشكلة انك تعمل من العادي غير عادي

و علي فكرة انت مينفعش انك تبقي لوحدك و تصتضم بكتلة بحجم الاخوان او المرتزقة بتوع اتحاد الطلاب و تعارض لمجرد المعارضة .. لازم تتصاحب علي الكل الاول و و تحاول تعمل لنفسك فكر و تدعوي ناس ليه و تثبت نفسك بهدوء لكن موضوع الاستضام دا مش حل و استحالة بيه هتكسب ...
انا عرافة لعبة السيياسة في الكلية شوية لاني اسست اسرة و كنت عضو اتحاد طلبة في البكالوريوس

ربنا معاك يا رب و ياريت بس لما تقتبس الكلام تشير الي المصدر و تكتب بجوارة شمس الدين ربة السيف و القلم ...

***********************************

خالص التحية

دنـيـا محيراني(ايناس لطفي يقول...

شموسه حبيبتي
كل سنه و انتي طيبه
بجد اعطتني امل في كلاماتك اني احافظ علي حلمي و احاول ان احققه و ان انفض اليأس من علي قلبي
ربنا يكرمك دائما
تحياتي

ahmed mefrh يقول...

صحيح ما قلتيه فتحقيق الحلم بدايه كل حياه
كل عام و انتم الى الله اقرب و على طاعه ادوم
تحياتى ابو مفراح

عصفور المدينة يقول...

أعجبتني جدا فقرة
قديما كنت اري العظماء و المشاهير

وأعجبني البوست بطريقته الهادئة والمقنعة

غير معرف يقول...

السلام عليكم أختي الفاضلة

كيف الحال؟

فقط لأقول لك سنة هجرية سعيدة وكل عام و إنت طيبة و بألف صحة و سلامة يارب

إن شاء الله لي عودة لتكملة البوست

تحياتى

ابن رشد يقول...

اولا بوست محترم جدا
بس اللي عايز اقلهولك ان الاختلاف شئ اجباري بينا مش اختياري
الضريبة منن طبيعتها مفروضة يعني لازم ندفعها كلنا
سواء كنا عظماء او فقراء
و عايز اقلك ان الصخرة بتنكسر نتيجة المائة ضربة كاملين ليست ضربة محددة

سجدة يقول...

بوست جميل جدا
بدعليك تبقى على هذه القوة ولا يصيبك اى إحباطات حتى لو قابلتك اى إحباطات تتغلبى عليها

يا مراكبي يقول...

مش عارف أحييكي على إيه ألا إيه

هأقولك

أحييكي على إنك في العمر ده قدرتي تستوعبي كل الأفكار دي عن الحياة .. واللي كان ممكن تستنتجيها بعد عشرة أو عشرين سنة كمان

تحياتي

ســـارة يقول...

أختي ورفيقة الكفاح المسلح : ربة السيف والقلم

يمكن أنا مدركة لكلامك شويتين ثلاثة عن بقية زوارك الكرام لكذا سبب .. ربما لأني من نفس كليتك ، وربما لأني عشت فترة تألقك في الكلية ، وربما ، وربما ..

كلامك لمس جرح ملتهب عندي .. أنا مش هرجع بالزمن حتى الثانوية العامة لأتذكر هذه الفتاة الثائرة المليئة طموحاً المتقدة عزماً ..

فقط سأرجع بالزمان سنتين فأتذكر هذه الطالبة الجامعية التي تحلم بكل شيء مشروع : تفوق ، اتحاد طلابي حر ، أخلاق تنشرها بين زملائها ، تعاون
بين القوى المتطاحنة ،....

وهاهي الآن يسحقها شعور أنها صارت مثل البقية !
تدرس لمجرد الحصول على الشهادة ، أما حلم التفوق فقد غادرها سريعاً بعدما اصطدمت بالواقع المرير لروتين التعليم في إحدى أهم كليات مصر

تشارك بالنشاط الطلابي لا لفكرة كانت تحلم بها ، لكنها ببساطة اعتادت على المشاركة ، ولأن الكل اعتادوا منها
التواجد

البطل فحسب هو من يستطيع الصمود أمام هذه الإحباطات .. هو من يستطيع بعث نفسه من الموت الفكري

ذو النون المصري يقول...

لا مانع من اتخاذ المقتطفات في حواركم الخاص في الفيس بوك عن علي عزت بيجوفيتش
انا عامل مختصر كتاب كامل له و ناوي انشره عندي قريبا
قبل ميعاد الحوار بينكم ممكن تبلغيني و انا ابعت لك المختصر كله في تعليق او اعجل و انشره في المدونه عندي
تحياتي

حائر في دنيا الله يقول...

كل سنة ونتي طيبة وبخير

عارفة عندما نتعلم كيف نختلف ونستفيد من اختلافنا بان نكون أقوى، عندها فقط ربما نفلح

وقبل ذلك
وعلى رأي عم عبده ربنا يشفيه اللي كل ما يشوف حد متعلم فيقول له قابلني لو نفعتم بعلامكم ده

المشكلة ليست في العلام بقدر ما هي في مكان لقاء عم عبده

لك كل تحياتي
السلام عليكم

MAKSOFA يقول...
أزال المؤلف هذا التعليق.
MAKSOFA يقول...

كل عام وأنت بالف خير وربنا يحقق لك كل اللي تتمنيه
أشكرك علي مرورك علي وأرجوك الا تنقطع زيارتك لي وسأسعد كثيرا بتعليقاتك
================
شكرا لك ياشمس الشموس
ربنا يهنيكي

Memo يقول...

كل عام وانتي بالصحة و السلامة
اعتقد ان التدوينة فيها رضا بالقداء و القدر :)
ربنا يرضيكي كمان و كمان

غير معرف يقول...

السلام عليكم ورحمة الله وبركاته اخت شمس
كيف حالك؟
كل عام وانتي بخير
انا يمكن ما قرأتش المرة ده البوست بتاعك
بس اكيد ان شاء الله هقرأه
انا بس حبيت ادخل اسلم على حضرتك
وبالمرة عارف انك بتحبي تكتبي
فكانت فيه مدونة لشخص اعرفه من بعيد يعني هو برده مهتم بالادب فقلت يمكن تعجبك http://hatemhafez.maktoobblog.com/
عامة ربنا يبارك في حضرتك وان شاء الله دايما تحققي النجاجات
بالمناسبة كنت قريت كلامك اللي فات وعن كم الاحباطات اللي مريتي بيها
بس كنت شايف ما شاء الله الاخوةوالاخوات هنا بيشجعوكي وكلامهم كان فوق الممتاز
وكنت متوقع كعهدي بيكي انك هتتطعلي من الازمات ده
من شابه اباه فما ظلم
يالا في حفظ الله

غير معرف يقول...

السلام عليكم اخت شمس
اعتقد كلامك ما يحتجش لتعليق
بس في جملة مش مرتاح لها في النثر الي حضرتك كتبيته
مقولة "سأعيش ما دام قدري لا اختياري"
اسمحي لي اعترض على حضرتك واقولك ان الجملة ده مناقضة لشخصيتك حسب معرفتي بحضرك ومناقضة برده لبقيت النثر ومقالك اصلا
لان اللي اللي بيعيش عشان ده قدره ما تتوقعيش منه اي تغير حتى لو زي ما قلتي اصطدم بالواقع ولقى ان كل اللي بيحلم بيه بيضيع هتلاقيه اصلا ما بيتحركش ولا عايز يعمل حاجه لانه مش حاسس انه عايش لهدف ده يا دوبك هو عايش عشان ربنا عايز كده
انما اللي حاسس انه عايش باختياره
ده هيعرف قيمة حياته وكل دقيقة بتعدي عليه مش هيفقد حياته بسهولة عن طريق انه يضيعها في اي حاجه هايفة
طالما زي ما بتقولي في نثرك ومقالك انك مستعده للتصادم ده ومستعده مواجهة الصعاب يبقى ان شاء الله هتعيشي لان ده اختيارك
لإننا كلنا عايشين بقدر الله بس الفرق ان فيه اللي اختار يعيش حياته عشان إعمار الارض وفيه اللي رضي فقط بإنه ياكل ويشرب زي بقيت الحيوانات اللي عايشة
وشكرا على مقالتك

حاجه تانية حبيت بس اعلق عليها
مقالتك جميلة بس حسيت انها ممكن تبقى اجمل لو كانت كل كلامتها باللغة العربية ما فهاش كلمة عامية
ده راي الخاص بيا وممكن اكون مخطأ تماما
بس بجد حسيت لما في وسط الكلام بتكتبي كلمة عامية كأنها شوهت الصورة
ليه ما تكتبش كل كلامك باللغة العربية
وتبقى حتى نوع انواع الحملات او التغير لإحياة كتابة المقالات مثلا باللغة العربية دون العامية
حتى تشجعينا كلنا على رفع مستوى اللغة عندنا
ولكي جزيل الشكر
في حفظ الله

Ma 3lina يقول...

ازيك يا شمس عاملة ايه ؟؟
ارجو انك تكونى باحسن حال


موضوع ان الانسان المختلف بيلاقى صعوبات فاعتقد ان ده موجود عندنا فى مصر بس حيث ان احنا نعشق النمطية و دايما بنحبط النوابغ

يالا هقول ايه

ماا علينا و تحياتى

mizomidooo يقول...

السلام عليكم و رحمة الله و بركاته
تحياتى لجميع المشاركين
لست ممن يتقنون استعمال القلم ولا ممن يتقنون ترويض افكارهم و تحويلهل الى اوراق مكتوبة و لكنى سعدت كثيرا بقراءة العديد من المدونات للعديد من الشباب- زى يعنى -
لما رايته و لمسته من وعى كبير
جزاكم الله خيرا
أريد التنبيه الى بعض الأخطاء الإملائية فى المدونة، بعضها من اخطاء عفوية و لكنى سأركز فقط على الخطأ الذى استفزنى جدا لتكرره مرتين

نصطدم .. وليس .. نستضم
و قد كررها الأخ dets عندما قال
لكنى استضمت بالواقع
و هى اصطدمت بالواقع

تحياتى للجميع

حاول تفتكرنى يقول...

تسلسل منطقي أجبرنا على المتابعة لإلى ما بعد نهاية البوست

فعندما يمتلي الواقع بكل المتناقضات ، تعصرنا اتجاهاتنا المتابينة والأخرين ، يصبح الاختلاف واقع ، يجب أن ندرب أنفسنا على الإيمان به

تحياتي

شــــمـس الديـن يقول...

السلام عليكم و رحمة الله وبركاتة

دنيا عزيزتي
و انت طيبة و الحمد لله انه جاء بفائدة ولو علي واحدة عزيزة زيك : )

دمت بكل الحب

***********************************

الفاضل الكريم ابو مفراح

كل عام و انت بخير

خالص التجية

***********************************

الفاضل الكريم هصفور المدينة

سعيدة ان حضرتم ابيدت اعجبك بفقرة معينة

زو جزاكم الله خيرا علي التشجيع

***********************************

الفاضل الكريم سندباد

الله يسلمك من كل اذي و سوء

كل عام و انت بخير و باحسن صحة و حال

***********************************

الفاضل الكريم شمس هو المفروض انه اجباري ... بس احنا للاسف الناس عندنا بقت نسخ كاربونية من بعض و محدش تقريبا بقي بيفكر

اكيد
ما دا للي بقولة
انها مش بتتكسر علشان الضربة المية بس و لكن محموع كل الضربات اللي فاتت

خالص التحية :)

***********************************

العزيزة سجدة منورة المدونة و الله
شكرا و لكي مثل ما دعوتي لي :)

***********************************

الفاضل الكريم يا مراكبي

يا سيدي ربنا يكرمك ... بس دا معناه اني مش هلاقي حاجة تاني في حياتي اعملها ؟؟؟ صح :))

خالص التحية من شخصكم الكريم
******************************

يتبع --->

شــــمـس الديـن يقول...

السلام عليكم و رحمة الله و بركاتة

الفاضلة الكريمة قبس من نور

بعز عليا اني اسمع الكلام دا من شعلة نور و حيوية و نشاط ... لاني بردوا عارفاكي بس فعلا متضايقة اني سمعت منك الكلام دا و عايزة ان شاء الله لما يحيينا ربنا و نشوف بعض اسمك منك كلام غير دا تماما ...

لان البطل هو اللي بيكمل وسط كل الظروف الصعبة دي

خالص التحية لك عزيزتي الحبيبة

***********************************

ذو النون المصري ...
شكرا :)

***********************************

الفاضل حائر في دنيا الله

و انت طيب و باحسن صحة و حال
و بجد انا بتبسط لما تعدي علي المدونة ...بحس ان التدوينة اخدت شهادةالجودة

بس اية وجه نظر عم عبدة ... ننفع ازاي يعني ؟؟؟ :))

عامة هو عندة شئ من الحكمة ... ابقي سلم لي عليه :)
خالص التحية

***********************************

العزيزة مكسوفة
بجد انا مبسوطة اوي عنك مريتي عليا ... و الحمد لله اني اطمنت عليكي ..فعلا بحبك

**********************************/

العزيزة ميمو

و انت بكل خير

اكيد يعني او التأقلم علي الحياة بكل شئ فيها

خالص التحية للمرور الجميل

************************************

الفاضل الكريم شهاب
عاش من شاف تعليقاتك اخي الكريم
بجد سعيدة اوي انك زورتني

لان تعليقاتك بستفيد منها جدا
شكرا علي التشجيع

معني الجملة اللي انت معترض عليها دي معناها قبول التحدي - العدو من امامك و البحر من خلفك - مش احباط و لا حاجة و الله
و دا عكس كل الجمل و طريقة قبول التحدي اللي جاية بعدها

و حاضر هحاول اني اخد بالنصيحة و اكتب فصيح بسيط ... بس يعني ساعات المعني بيكون جاي كدا بس ان شاء الله فعلا هحاول اني استخدم العامية البسيطة

اتمني مرورك دائما

خالص التحية

************************************

التدوينة دي جمعت ناس كتيرة اوي اوي اوي

العزيزة ما علينا
هو فعلا احنا عايشين بنمطيه بس الاهم ان فيه ناس عايشة بدون ما تفكر

بتبسط لما تعدي عليا
***********************************

الفاضل الكريم ميزوميدو

خالص التحية لتنبيهي للاخطاء الاملاءية
و شاكرة مرورك و تعليقك الجميل

************************************

الفاضل الكريم حاول تفتكرني
كل كل واحد لازم يكون مؤمن بنفسة حتي لو كان مختلف

الاختلاف هو ما يصنع التكامل

خالص التحية للجميع و عذرأ علي تأخير الرد ... ظروف النت الدولية