الجمعة، مايو 23، 2008

عندما يتحول الحلم الي حقيقة !!!


السلام عليكم و رحمة الله و بركاتة

لم اكن احضر اجتماعات المدونين لاني لم اكن اشعر انني انتمي اليها ... و لكن هذا التجمع لم يكن اجتماعا بالمعني المفهوم و لكنه كان " احتفاليه ثقافية حقيقية " قلما تكرر

فلم يكن هناك ابطال و لكن الجميع كانوا ابطال ... فتجربة فريدة للغاية ان يكون الجميع نجم و جمهور في نفس الوقت !!! هذه حالة فريدة للغاية
الجميع يتعرف علي بعضهم البعض في العالم الحقيقي بعد ان نزعنا قناع الشاشات الكمبيوتر التي نختفي خلفها جميعا ... كنا علي راي الاستاذ شمعي اسعد ... كأننا في حفل تنكري و امطنا اللثام عن وجوهنا جميعا

نتعرف علي بعضنا البعض في دهشة و اعجاب

كان حفلأ جميلا للعاية و ان كنت اعتب علي المكان و ضيقة الشديد ممكن طعل الجميع متوتر للغاية و لم استطع التعرف علي جميع من جاء و حضر
و لكني سعدت للغاية بمن جاؤوا

اشكر اولا اخواتي نورا و اميرة و ايه علي حضروهم و دعمهم لي ..فهم بالنسبة لي اكثر من اهل

تعرفت علي الاكثر من رائعة دنيا محيراني و الجميلة للغاية فريدة (و حكاويها ) ووالدتها العسولة اوي ربنا يبارك لك فيها يا رب ... و حتي و ان عرفت اسمائهم الحقيقية فهم دنيا و فريدة
لقد ارتبط الاسم الاليكتروني عندي اكثر

لان وجههم الاليكتروني التديني هو ما يعنيني

سعدت ايضأ بالرؤية الاستاذ المراكبي و فوجئت انه حضر مخصوص من السعودية حتي يحضر الحفل
فوجئت ايضا بمدونات قدمن من بورسعيد و كفر الزيات و لكن للاسف الذاكرة خانتني و لا اتذكرهن فاعتذر بشدة

شاهدت ايضا الكثير و الكثير من المدونين و المدونات و سعدت للغاية بهذا التجمع " المحترم الذي فئة عريضة من المدونين "
و تضايقت من اني لم اشاهد اعداد حضروا و لم اسلم عليهم نظرً للزحام الشديد جدا جدا جدا

*************************************************************************************

عامة انا بنزل طريقة تركيب ال google reader
علشان فريدة و دنيا

علشان نقدر نتابع مدونات بعض بشكل اكثر فاعليه حتي و ان لم نعلق عند بعضنا البعض و انا شخصيا الريدر دا خلاني اقدر اتابع ناس كتيرة اوي اوي اوي مكنتش بتابعهم و اي مدونة بتكعبل فيها بحطها عليه و كل يوم بدخل و بيتكتب حوالي من تلات الي اربع تدوينات فهتكون متابعة المدونات اسهل من ذي قبل

وصلة الجوجل ريدر

و بعد تسجيل الدخول باي حساب علي الجي ميل

هتدخل علي صفحة زي دي

اكتب اسم المدونة اللي انت عايز تتابعها و عيش الحياه :)

هناك 32 تعليقًا:

عصفور المدينة يقول...

سألت عليك بالاسم على فكرة

mohamed يقول...

مبروك عليكم اليوم دا وأتمنى إني اشوف ليكم اعمال مستقله بعيد عن طابع التدوين في حد ذاته..
سعدت جداً بلقائك اليوم

رفقة عمر يقول...

الف مبروك شمس انتى مدونتك تستحق هذا وزيادة وانا قلتلك كدة اكتر من مرة انتى احسن من ناس كتير جدا وميزتك انك بتكتبى مع نفسك من غير بروباجندا ومش مهم مين يعلق او مش يعلق ومش مهم حد يقرالك اولا يقرا
من اكتر الشخصيات اللى باحترمها جدا فى التدوين وكمان لما عرفتك فى الحقيقه احترمتك زيادة

شهرزاد يقول...

ألف مبروووك يا شموسة
أول شخصية عرفتها امبارح ومن أجمل الشخصيات ماشاء الله، حقيقي مجموعه محترمة
احنا اتقفنا على جروب علىا لفاسبوك تعالي شاركينا فيه
http://www.facebook.com/group.php?gid=14647563577

أحمد كمال يقول...

معقولة كنتي هناك و ماشوفتكيش ؟ أنا كنت قاعد قدام جنب المهندس أحمد القاضي .

خيرها في غيرها إن شاء الله :)

شــــمـس الديـن يقول...

السلام عليكم و رحمة الله و بركاتة

الفاضل الكريم الاستاذ عصفور
تصدق بالله ؟؟؟
انا دنيا محيراني شاورت لي عليك ...بس المشكلة اني مش بحفظ الاشكال خالص بتاعة الناس - دي كانت عاملة لي ازمة بجد - و بعدين لما سئلت علي حضرتك قالو لي مشيت !!!!

و بجد حضرتك و ناس كتيرة سئلت عليهم بالاسم و زعلت لما عرفت انهم موجودين و مشيوا بدون ما اتشرف بيهم

مش عارفة امتي بس ملحوقة ان شاء الله
قدر الله و ماشاء فعل

***********************************

الفاضل الكريم محمد
انت عرفتني منين ؟؟؟؟

بس بجد فرصة سعيدة و بعودة الايام الخوالي بس في ظروف احسن :)

***********************************

العزيزة الحبوبة رفقة
بجد يا حبيبتي انا بحبك اوي اوي اوي في الله و اعذريني اصل انا غير خلق الله و بنزل الشغل يوم الجمعة !!!

ساعة ما كنتي بتتصلي كانت معايا تملي زباين و اول ما خلصت شغل اتصلب يكي بس معرفتش اكمل علشان المواصلات و كدا

المهم بجد انت اللي جميلة علشان كدا شايفة الناس اللي حوليكي جمال
رؤيتك للناس هو انعكاسك الداخلي عليهم

بارك الله لك ...و اعزك :)
و ا بقي اشتري الكتاب علشان اوقع لك عليه
***********************************

العزيزة شهر زاد
بجد انا معجبة بيكي اوي ربنا يبارك لك يا رب
و ان شاء الله نتواصل و اول ما يكون فيه ندوة نقول لبعض علشان نتجمع تاني :)

انا اشترك في الجروب خلاص

**********************************
الاستاذ الكريم احمد كمال

انا كتبت لك الرد عندك في المدونة

يعني هو انا اتفقعت كتير بس قدر الله و ماشاء فعل

انا تقريبا جيت و مشيت و مش شوفت حد من اللي بقرأ لهم و اتعرفت علي ناس الو مرة اسمع عنهم في الحفلة !!!

خالص التحية للجميع

لماضة يقول...

انا كمان كنت سعيدة اني شوفتك وسعيده قوي بتوقيعك كتابي وتوقيعي كتابك
ومره تانيه بقولك يارب عقبال ما تبيقي ربة بيت قد الدنيا

مـحـمـد مـفـيـد يقول...

بجد سعدت بالتعرف عليكي
واتمني ان نتواصل في الخير دائماً

شــــمـس الديـن يقول...

العزيزة لماضة

المفاجئة اني ربه بيت فعلا من دلوقتي ... انا واخدة لقب اعزب و اعول اصلا ..... ادعي دعوة عدلة يا بنت

بجد انت ماشاء الله عسولة يا زميلة الكفاح التدويني و الطبي

*************************************

الفاضل الكريم محمد مفيد

نورت المدونة و بجد سعدت اوي اوي اوي بالتعارف علي شخصية محترمة مثلك احسبها علي خير ان شاء الله

معرفة الناس بجد كنوز

اعاننا الله علي طاعتة دوما :)

***********************************

خالص التحية لكم بجد

إبـراهيم ... معـايــا يقول...

حقيقي سعدت بلقاءك يا شمس ،،، ولا نقول ....... ،،،، والحمد لله ، رغم كل السلبيات اللي لااازم بتكون في أي تجمع<، لكن كان يومًا رااائعًا بحق ....
ربنا يجمعنا على الخيـر دااايمًا ........

جوألف ألأف مبروووك إنك منشوجر لك ف الكتاب إنتي فعلاً كاتبة متميزة وعقل واعي ، وعقبال كتابك الخاص جدًا ، والمتميز بعون الله

ويااارب دايمًا معًا ، وعلى الخير نلتقي

inksarat يقول...

وانا فين بقى ؟؟؟
ـــــــــ
ربنا يباركلك يارب
كانت الفرحة بالملاقاه اشبه بالقا بعد الفراق البعيد
اسعدنى اليوم ...... وان كان على ضيق المكان تتعوض ان شاء الله
ـــــــــــ
احمد البوهى

محمد عبد الغفار يقول...

شفتى بقى انى كنت عارفك

يا مراكبي يقول...

أنا بجد إتشرفت بيكي وحفظت شكلك خلاص .. إبقى إمتحنيني المرة الجاية

بجد كان يوم أكثر من رائع

كتاباتك بجد من غير مجاملة على مستوى عالي جدا وبأتمنى ليكي دايما كل التوفيق

بيتنا القديم يقول...

السلام عليكم يا شمس...

بصي مش هكتر في الكلام...

من الآخر انت من الناس القلة اللي

بتعرف تقول ايه لما بيطلب منه الكلام

بجد سعدت جداً بالحوار الصحفي معاك

اللي هنشره قريباً بإذن الله..!!

(:

بالتوفيق

شهاب الأزهر يقول...

مشكورون على فكرة الريدر وجار تطبيقها

جزاكم الله خيرا

حزيــــــــــــــــــن يقول...

للاسف ملحقتش اتعرف على حضرتك
اتمنى انى اكون اسهمت فى شئ سعيد بالنسبالك

شــــمـس الديـن يقول...

السلام عليكم

الفاضل ابراهيم

و انا و الله بجد و دي شهادة اعتز بيها ... و ان شاء الله المرة القادمة نتلاقي كل العيوب اللي حصلت دي

و اتمني لك التوفيق انت كمان و الي مزيد من الازدهار :)

************************************

الفاضل احمد بوهي الكبير بتاع الحفلة

ازاي انت فين بقي دا انت اشهر من الناس علي العلم و كنت مثار جدل الملتقي :)

ان شاء الله تتعوض فعلا مرة اخري في لقائات اجمل

***********************************
الفاضل محمد عبد الغفار

ماشاء الله اللهم لا حسد علي الذاكره

المرة الجاية لازم يتجيب عبد الرحمن و اخته تقى ... علشان مش تزعل و تقول اللقب انتزعوه

***********************************
الباشمهندس احمد
انا اللس اسعد بجد اني شوفتك
حضرتك بجد كنت نجمل الحفله ماشاء الله يعني

فعلا كان يوم رائع جدا

***********************************
الفاضل بيتنا الكبير :)

و عليكم السلام
ربنا يكرمك
الكلام اصله بيتحسب علي الواحد فيارب يكون الكلام دائما لي و ليس علي

اشكرك علي الحديث الصحفي و ان شاء الله لما ينزل تقوللي عليه

**********************************
الفاضل الكريم شهاب الازهر

سعيدة ان عجبتك فكرة الريدر
اصل دي الطريقة الوحدية اللي تقدر تتابع بيها المدونات بعد ما العدد بقي بالشكل دا

خالص التحية

***********************************
الاستاذ الكبير احمد مهني

كفايا اني سلمت علي حضرتك
انا كنت شايفة حضرتك مشغول اوي اوي اوي كان الله في العون صراحة و المرات القادمة في مناقشة الكتاب ان شاء الله تتعوض

نورت المدونة

Ema يقول...

شكرا على شرحك للبرنامج أنا مكنتش عارفه أستعمله
وكان نفسي أكون معاكم في الإحتفال الجميل ده لكني مسافره
ربنا يوفقكم وكل المدونين ينشروا في الكتاب ده

شهرزاد يقول...

شموسة في تجمع تاني ان شاء الله يوم الخميس
أتمنى أن أراكي فيه أنتي والبنات ان شاء الله
دمتِ بكل الخير

احمد المصري يقول...

الف مبرووووك و عقبال ما تحققي اكثر طموحاتك يا رب

دي خطوة علشان بس تثبتي على طريقك و ترفي ان لكل مجتهد نصيب
حتى لو النصيب ده مجرد خطوة بيساعدوكي انك تخطيها على الطريق الصحيح لكن الاهم انهم عرفوكي فاي طريق هو الصحيح
ارجو ليكي الثبات ان شاء الله
و دعواتك بقا لينا

حزيــــــــــــــــــن يقول...

اتمنى ان نتواصل عبر المدونات
أحمد مهنى

الهام يقول...

فكرة اللقاء رائعه ربما نفعل مثلها نحن اليمنيين يوما ما .....

son's egypt يقول...

السلام عليكم
فعلا انا كنت اول مرة اروح تجمع للمدونين
يمكن الواحد ميعرفش يتعرف علي ناس كتيرة لضيق المكان
بس الواحد كان سعيد انه شاف وسمع ناس مكنش ممكن يسمع او يشفهم الا في مكان زي التجمع الثقافي

عاشقه الاقصى يقول...

شمس الدين حبيبتى

اتأخرت فى التعليق لكن منها لله الامتحانات

انا سعدت اوى اوى انى عرفتك وبجد تعليقك على كتابى ليه مذاق خاص يارب تبقى لسه فاكرانى

عاشقه الاقصى

nonoymm يقول...

السلام عليكم
حبيبتي انا شفتك وكلكمتك واخدت منك امضاء على الكتاب
بس قلتلك علقي لمدونة عابر سبيل
انا كنت منتقبة وجيت في الاخر
ياريت تكوني افتكرتيني
دي اول مرة اعلق عندك بس مش اول مرة اقرالك
هتابع بانتظام والموعد التجمعي القادم باذن الله نتعرف اكتر
تحياتي

اوعى تفكر يقول...

الف شكر على الريدار
ياريتنى كنت معاكو
واضح انها كانت حاجه جامده اوى

دنــــيــــــا مـحـيـرانـي(ده حالي اما اسمي ايناس لطفي يقول...

انا جاية متاخر سمحيني يا شموسه و احلي شمس في الدنيا بجد انا سعيده جدا بتعرفي عليكي حسيت فعلا انك مش غريبه علي خالص و عارفكي من زمان جدا فعلا الارواح بتتقابل من قبل الوجوه - حلو اوي الريدر ده عايز اتابع الناس كله
كلك افاده يا جميل
سلام

inksarat يقول...

متأخر انا
ـــ
احلى ما فى اليود انه تغمده حالة ود رقيقه
وكان اللقا اشبه بملاقاة العائدين من الغربة
ــــ
وكان التعارف هو اجمل الثمرات

ـــ
احنا لحقنا نتعارف ؟؟
ـ
اخوكى احمد البوهى

شــــمـس الديـن يقول...

السلام عليكم و رحمة الله

انا بعتذر فعلا عن تأخري في التعليق و الرد علي الناس لان اشتراك النت فطع و لسة راجع امس


*************************************

الفاضلة ema
يعني نشر ثقافة النت مهم بينا و اللي يعرف حاجة يقول للباقي و الفايدة بتعمك اكيد علي الجميع

ان شاء الله ترجعي من السفر بالف سلامة و نتقابل ان شاء الله

خالص التحية و اشتري الكتاب :)

***********************************

العزيزة شهر زاد
للاسف النت كان فاضل عندي و مكنتش بدخل و عرفت الامر دا بعد ما خلص

تتعوض في لقائات تانية ان شاء الله و ياريت تقوليلي ايه اللي حصل هناك :)
جزاكم الله خيرا علي الدعوة

***********************************

الفاضل احمد المصري
ازيك ...بقالك كتير مش بتدخل تكتب او تعلق

ربنا يكرمك الواحد بيعمل اللي عليه و ربنا هو اللي بيكافئ بطريقته

شكرا علي الدعم و التشجيع و ربنا يوفقك للخير دائما
في حفظ الله

**********************************
الفاضل الكريم و مش عايزة اقول النجم الحقيقي استاذ احمد مهني

ان شاء الله نتواصل عبر المدونات بس الفترة اللي فاتت مكنش عندي نت

خالص التحية

***********************************

العزيزة الغالية الهام

اتمني ان يتسع المجتمع التدويني في كل العواصم العربية لانهم حقا البقية الباقية التي تنبض بالفكر و الوجدان الحقيقي لنا دون تلويث او خوف من سلطة او اي من هذه الملوثات البيئية

خالص التحية و اتمني ان اسمع عنكم هذا قريبا جدا

تحياتي

***********************************
الفاضل الكريم son's egypt

ياه هو حضرتك من الناس اللي راحو التجمع
و انا كالعادة مشوفتش حد :)

الحمد لله و اتمني ان التجمعات اللي من النوع دا تكتر ان شاء الله

خالص التحية

************************************

العزيزة عاشقة الاقصي
ربنا يبارك لك يا رب

و شكرا علي كلامك الرقيق كلك ذوق بجد

ربنا يديم المعروف ان شاء الله
و انا اللي اسفة اني اتأخرت في التعليق

سلام يا قمر

***********************************
nonoymmالفاضلة الكريمة

يااااااه

هو حضرتك بقي !!!

اكيد طبعا فاكراكي
انت سألتيني الاول بدون ما تعرفيني و بعدين طلبتي مني توقيع
طبعا فاكراكي

ان شاء الله

و يا رب تقري الكتاب و تقوليلي رايك في التدوينة

خالص التحية :)

***********************************
الفاضل اوعي تفكر

الشكر لله :)
ان شاء الله في التجمعات القادمة تكون موجود

**********************************

العزيزة نجمة الحفل دنيا محيراني
ةو معلش بقي هتفضلي دنيا حتي لو ليكي الف اسم تاني عندي

انا اللي اسعد اني اتعرف عليكي يا قمر بجد ماشاء الله عليكي ربنا يوفقك فعلا
اكيد تشارك العلم حلو ... متنسيناش بقي من صالح دعائك

************************************
الفاضل الكريم احمد البوهي
احنا اتعرفنا خطف في الاخر خالص لما الحفلة خلصت

سعيدة بوجود اصحاب همه عالية امثالك و ربنا يوفقك و ان شاء الله تكون بداية سلسلة رائعة غير منقطعة

مدونات مصرية للجيب

خالص التحيه لكم جميعا :)

ana ga3an يقول...

حقيقي اصبح المدونين في مصر
ذو كيان مؤثر ورابطة واقعها ملموس
اتمني ان يستمر الحال هكذا
ومبروك يا فندم

آفاق الحرية يقول...

السلام عليكم
والله كنت اتمني الحضور ولكن ما منعني هي ظروف الامتحانات
بس ان شاء الله متعوضة

No Fear يقول...

السلام عليكم
فعلا كان يوم جميل
ربنا يوفقك