الاثنين، مايو 03، 2010

محدش له حجة .... علشان محدش يجي يعيط بعد كدا

لفت نظري علي الفيس بوك صفحة لا ادري فعلا ما لزومها و اسمها " بس يا سيدي و قامت معيطة "
نسبة التفاعل فيها رهيبة
و الاشتراك في 5 ايام وصل 18 الف مشترك !!!!!!

يعني بالمقارنة لو بصينا علي عدد المصريين الموقعين علي بيان الدكتور البرادعي للتغيير ... هنلاقيه انه لحد دلوقتي لم يتعدي ال 50 الف !!!!!!
عدد مستخدمي النت في مصر يقدر ب عدة ملايين
و طلبات البرادعي واضحة ( اتفق معه و اختلف زي ما انت عايز ) لكن محدش هيختلف علي طلباته انها عادلة و مشروعه و كلنا عايزينا
تتلخص في :






للاتفاقية الدولية للحقوق السياسية والمدنية وقصر مدة الرئاسة على فترتين متتاليتين ،


https://www.taghyeer.net/membership/Signup.aspx


دا سعد زغلول في عصر ما قبل التليفون عرف يخلي الامة كلها توقع علي بيان و يخاطب باسمة الانجليز
و احنا دلوقتي ايه حجتنا ؟؟؟؟

فعلا الاغلب فقد القدرة علي التمييز و ايه اللي ممكن يعمله و يكون مفيد فعلا و الجبن و الخوف فيده و مبقاش عندة امل في اي شئ

اقدر اقول بجد فعلا
شعب لا يعتمد عليه و يستاهل كل اللي يحصل له طالما بالسلبية دي

انا عارفة ان اسلوبي قاسي بس مش قادرة اتعاطف او التمس العذر للتخاذل و الجبن
:(

هناك 11 تعليقًا:

سبهللة يقول...

يا شمس
للأسف
احنا بنيجى فى الهايفة ونتصدر

محمد عبد الغفار يقول...

اولأ . . عاوز اعرف فين الصفحه دى عشان اروح اوقع عليها انا التانى

ثانياً . . التوقيع عند البرادعى ليس صك الأيجابيه ولا يصح اعتبار نقطه قد تكون خلافيه دليل على سلبيه المجتمع او إيجابيته

انما من حيث المجتمع سلبى فهو سلبى

يا مراكبي يقول...

أول حاجة .. هأعيد وأزيد وأقول إن مجتمع الإنترنت اللي فيه كذا مليون ده غير معبر وغير ممثل للشعب المصري الحقيقي .. وراجعي آخر تدوينة كتبتها

http://yamarakby.blogspot.com/2010/04/blog-post_24.html#links

وبالتالي نجاح وإنتشار جروب البنت اللي بتعيط ده بيعكس حاجات معينة عن مجتمع الإنترنت تحديدا .. منها المستوى الفكري والغرض من إستخدام الإنترنت (واللي ظاهر جدا إنه لأغراض ترفيهية أكثر منها معرفية) وأخيرا هو مكان للهروب ونسيان الواقع

وبالتالي كلامك عن العلاقة بين التفاعل مع بيان البرادعي والجروب ده نصفة صح ونصفه غير صحيح .. فشباب الإنترنت سلبي نعم .. لكنه ليس معبرا عن سلبية الشعب بأكمله .. فالشعب الحقيقي موجود في مكان آخر غير الإنترنت

أما بقى ليه الجروب ده نجح قوي كده وبيدل على ايه .. فده حديث آخر ومصيبة أخرى ومستقبل غير واعد

فاتيما يقول...

شموووووووووسة

وحشتينى

و القسوة منطقية يا شمس
لأن الموضوع كبير ..و مصير بلد متعلق بيه بشكل أو بآخر

لكن مش كل حد متخاذل
بيتحجم بسبب الهيافة

ممكن الخوف
و الأعتبارات الامنية
تكون اول و اهم سبب
انا شخصيا بعترف
انى من هولاء
لأن الأختيار دا لو اقدمت عليه هيبقاله تمن
وامى و اخواتى يا شمس
مش حمل بهدلة تانى
و الجرى ورايا
لو حصلى حاجة مثلا
بسبب اشتراكى ف الموقع دا


تعرفى
البوست بتاعك فكرنى
بحلم من احلام النقاهة
قريته من كام يوم
لنجيب محفوظ
و عجبنى قوى
لأنه لخص حال البلد
بمنتهى الحكمة و البراعة
و النظرة المستقبلية
المتبصرة كعادة عم نجيب



كان فيه الشيخ عبدربه التائه بينسئل السؤال
امتى ينصلح حالنا المايل ؟؟
فرد


لما يدرك الناس
ان عاقبة الجبن
أوخم
من عاقبة السلامة


بس خلاص
و بوسات و حضونات
و كنتى وحشانا قوى

Maha يقول...

حال عجيب !

ebn roshd 777 يقول...

اعتقد ان سلبيه الشعب المصري حقيقه مؤكده
ومن الممكن ان تضيفي عليها هوايتنا الازليه ليس في تاليه الحكام فقط بل اننا نتفنن في نفاق من هم اعلي من درجه
في شتي المجالات سواء بالقطاع الحكومي او القطاع الخاص
واعتقد انني ممن يلوموا الشعب قبل الحكومه لان الحكومه مجموعه من الاشخاص المتفوقين عن اقرانهم في اساليب النفاق مع شويه تجرد مما يسمونه شرف وامانه

Bella يقول...

متفقة مع المراكبي في كل ماقاله بالاضافة لاعتبار الكثيرين ان الانترنت للترفيه فقط وبالبلدي جايين على الفيس بوك يفضوا دماغهم مش يملوها بافكار ويشيلوا الهم

الكل اصبح يتعامل مع المسؤولية باعتبارها هم يجب التخلص منه والبعد عنه غنيمة وباقي المأثورات المصرية الصميمة

اما بقى مايدل تفاعل كل هذا العدد مع الجروب في وقت قصير فيدل دلالات خطيرة تنبئ عما ينتظر هذا البلد على ايدي الاجيال القادمة

محمد صلاح يقول...

أنا مبتفقش مع اللي بيقول إن مجتمع الإنترنت في مصر في أغلبه ترفيهي ده علي حد معرفتي من إحتكاكي بيه

ليه بقي الناس متفاعلتش مع موضوع البرادعي أنا شايف إنه عدم معرفة الناس بحقوقها الجهل بالحقوق السياسية هو السبب الأساسي بغض النظر عن الحجج اللي الناس بتقولها
مثلا
لو أنا مش شايف إن التعليم ده حق من حقوقي عمري ما هبذل مجهود عشان أطالب بيه
لكن إتهام الناس بالسلبيه و الجبن مظنش واقعي بدليل إن الناس ده نفسها لما بتبتدي تحس بالتهديد في حاجة مهمة عندها بتخرج علي الحكومة زي مثلا ما حصل في إخميم بخروج ألاف بسبب موضوع نقل المقابر

حلم بيعافر يقول...

الناس مغيبة
م الاخر يعنى
المسئولية دللوقتفى رايى ملقاة على الجزء اللى لسه صثاحى فى مصر
وهو جزء قليل جدا
عبارة عن مجموعة من الشباب وقلة من الكبار

الفقيرة إلى الله أم البنات يقول...

شمس كل صفحات التهريج مليانه بالفانس
بس الجديه لاء
صديقى لى عامله حملع لمرضى السكرمن الاطفال عندها طفلين مرضى ويا عينى يا حبيبتى النهارده بتقول لو حمله للتهريج كانت اتملت ناس

اللامنتمي يقول...

أختي العزيزة

وكأي مواطن عربي محب للقومية يجدر بي أن أوضح رأيي فيما أقرأ لا سيما المدونات التي استهوتني في الآونة الأخيرة
::
الحقيقة أن ما لفت نظري مؤخراً هو الشعبية التي بات يتمتع بها محمد البرادعي في مصر !!!ه
لا أقول بأني من مؤيدي مبارك ,,بل على العكس تماماً

ولكن ألا يجدر بنا أن نتذكر إسهامات البرادعي في تعزيز الدعاية الأمريكية الصهيونية بشأن أسلحة الدمار الشامل في العراق وما جلبه البرادعي على أمته العربية من ويلات راح ضحيتها مئات الآلاف من أبناء العرب
:::

حقيقة أستغرب المقارنة بين الثائر العربي سعد زغلول العظيم
والبرادعي !!!
:::
كل الود والاحترام