الأربعاء، أكتوبر 11، 2006

بتـــحــــب شـــــــغـــــــــلــــك ؟؟؟؟

السلام عليكم و رحمة الله و بركاتة
سئلت نفسي سؤال منذ فترة ... لماذا اصبح حالنا بهذا السوء , لا تجد اي حرفي متقن ( كهربائي ولا سباك ولا ميكانيكي و لا نقاش ) ؟؟؟؟ لا نجيد اي شئ بمهارة علي الاطلاق ... طيب بيقولوا التعليم غلط و الناس مضغوطة , تركنا الناس علي راحتها ... ما النتيجة ؟ اغلب الناس لا تريد ان تتعلم و لا اي شئ ... تجد الناس متحرقة علي العودة من الكلية لو ذهبت ... و لا تطيق حضور المحاضرات و لا السكاشن و اخر اليوم تنزل ترتاح علي الكافيتريا من تعب اليوم (الذي هو اصلا محصلته لا شئ ) اذكر في مرة سئلت واحدة صاحبتي انت لما لا تحضري المحاضرة ما دمتي قد حضرتي للكلية , قالت اصلي لا اطيق حضورمحاضرة ساعتين علي بعض و اسمع للدكتور !!! و لم تحضر اي محاضرة و عادت للمنزل كما جائت :) ... الغريب انها عندما تذهب اللمنزل الذي تهرع اليه تكون في قمة الضيق و الخنقة منه !!!!!
و تعبانين من الامتحانات و نريد الخلاص وو عند قدوم الاجازة بنقضيها يا نوم يا تليفزيون يا امام الكمبيوتر ... و فجئة نجد نفسنا اتخرجنا و يا عاطلين يا اشتغلنا و لو اشتغلنا نكون قمة في الخنقة و عايزين يوم الشغل ينهي لنذهب للبيت الذي عند عودتنا اليه نشتكي من الهم الذي لا ينتهي فيه و الحياة الرونتينية المملة و هاكذا تأخذنا الحياة ...
و اخذت افكر و افكر و افكر ... لماذا لا يوجد طبيب جيد او خياطة جيدة او .......... لماذا ؟؟؟
***************************************************
مرة كان عمي بيتكلم عن انهم تقدموا بطلب لمنصب سكيرتيرة في احد البنوك المتعددة الجنسيات ... فقولت له طبعا هناك واسطة ...قال لي لأ يا شمس و الله ماكانت واسطة ...قولت له اكيد جائكم ناس كثيرة و لا تدرون ايهم افضل وتحتارون في تعيين ايهم ... .. ابدا يا شمس انت عارفة اصلا اننا بنعاني اننا نجد سكيرتيرة جيدة و متمكنة من عملها رغم الاعداد الغفيرة التي تتقدم الينا .... كيف هذا يا عمي , اذا كان الناس اكتر من الهم علي القلب و دي سكيرتيرة ...... هذه هي الكارثة يا شمس , رغم كل هذه الاعداد ولا نجد السكيرتيرة المتمكنة ... انت عارفة سكيرتيرة اللي بتقوليها باستهانة دي ما معناها ؟؟؟ هأروي لك فصة بسيطة , مرة ايام لما كنت بشتغل في فرع البنك في الرياض كنت في مأمورية للندن ... و كان عندنا ايام زيادة فاقترحت علي زميلي ان نزور فرنسا , فلم اجد احد لاقول له اقتراحي من اهل البلد غير سكيرتيرة المدير ... قولت لها علي الفكرة ., من باب انها ممكن تقترح او تشورني ماذا افعل لانه لا ناقة لي ولا جمل في لندن , قالت لي عد بعد ساعتين ,و لم تزد
عمي ظن انها ستسئل أحد عما يمكنهم عملة و قالت ساعتين بسبب ان "ساعة العذاءLunch Hour " كانت قد حانت و بعد ساعتين فوجئوا ان هناك حجز لشخصين في فندق و بأسعار مخفضة!!!!!!!!!!!!!!!!!!!!!!!!!!!!!!!!!!!!!! ( رغم انه ليس عملها اساسا ) و فوجئة انه هناك حوار طويل السكيرتيرة عملتة ...اولا اتصلت بالسفارة و عرفت انهم لابد من ان يحجزوا من الرياض, و بعدين اتصلت بناس تعرفهم و قالوا ليها ممكن يدخلوا الحدود الفرنسية علي اساس انهم يكتبوا عنوان اقامة و ليس فندق هناك , فكتبت لهم عنوان اختها في باريس و بعدين شافت في النت عن حجوزات و حجزت لهم اقل من 3 ايام كي يكون مخفض و عملت حاجات كتيرة ادارية و كانت ثمرتها انها تركت لهم التذاكر السفر و الاقامة علي المكتب في ظرف لان بقية اليوم بعد ساعة الغذاء كان اجازة و تتمني لهم اقامة طيبة في فرنسا مع التحية !!!!!!
ذكرني هذا الموقف بموقف تاني كنت قد قرأتة للاستاذ "صلاح منتصر " عن انه أيضا كان في زيارة للندن و استأجر سيارة بسائق و كان يداعب السائق علي انه يصر علي ان يرتدي الكاب الذي يميزة عن الركاب و رد السائق قائلان انه لا يستطيع ان يخلع الكاب لانه لا يحب ان يغش الزبائن حتي يعرفوا انه سائق و هو سعيد انه سائق و يتنمي ان يموت وهو سائق يؤدي عملة رغم انه تجاوز ال65 و لدية اربعة احفاد ...!!!!!!!!!!!!
انا لن اعلق و لكن بجد لنعيد نظرتنا في حياتنا و لنري ...هل نحب عملنا ام ........................؟؟؟؟
وصلت اخيرا لإجابة للسؤال , لا يوجد اي احد يجيد عملة لاننا ببساطة فقدنا قيمة حبالعمل ... حب اي شئ نفعلة بجد :)

هناك 16 تعليقًا:

Ma-3lina يقول...

U sum it up when u said no one loves his work now , we lost our enthusiasm
4 everything maybe coz we r depressed nd frsustrated from the conditions we live in now ??

AmR يقول...

فعلاً قلما تجد من يرضى بحاله ..
بس فعلاً الجزء الأول بيصف حالنا
زهقانين من الدراسة ونقول إمتى تيجي الأجازة منعملش حاجة

بنـت ســعد يقول...

صدقت يا شمي و الله في كلامك

تذكرت حديث رسول الله ص

ان الله يحب اذا عمل احدكم عملا ان يتقنه

و قول الله تعالى

و قل اعملوا فسيرى الله عملكم و رسوله و المؤمنون

عسى ان تكون كلماتك سببا فى افاقة شخص واحد على الاقل مما هو فيه

تحياتي

شــــمـس الديـن يقول...

العزيزة :ما علينا

طيب ما تقولي لينا ايه هي الضغوط دي و نحاول نعرفها لاننا لو عرفناها هنعرف نحلها ...لاني و للاسف عندي قناعة اننا كشعب للاسف كسول و مش بيحب يشتغل ... و لكن لن استبق الاحداث ...لتناحدث في الاسباب

الاخ الفاضل: عمر

هوا الجزء الثاني عكس الجزء الاول بيخلينا نتأمل و نشوف هما ايه و احنا ايه ...و ان احنا اصلا نستاهل اللي بيحصل لنا لان بقي اغلب همنا الترفيه من الترفيه ولا نعمل و قيمةو العمل اصلا فقدت

العزيزة :بنت سعد

لا ادري , و لكن لعله خير ...جعل الله كل ما نفعلة في ميزان حسنناتنا و ان يزيل بعض من عشواة القلوب و العقول

تحياتي :)

Diyaa' يقول...

ما هو لما الواحد ميترباش علي حب واجباته و حب مدرسته _أول صور العمل في حياتنا _ولما الواحد يتربي في أسرة الكل بيتهرب من شغل البيت فيها
ولما الواحد يكبر يشتغل غصب عنه في أي مكان عشان التزاماته المادية مش أكتر
طبيعي مفيش حب للشغل هيصل
ولو الناس فاكرة دينها أكيد وقتها بس هيبقي عندهم الصفة الجميلة دي ..الأتقان حتي لو في شغل مش بحبه طالما مش حرام عشان ده واجبي و مخذلش الناس اللي وثقت فيا
ولما الأهل يكونوا بيعرفوا يربوا وفاهمين دينهم صح ساعتها أولادهم مش هيطلعوا مش قابلين التعب و كسلانين
عذراً للأطالة و بحييكي لأنك فتحتي موضوع زي ده

شــــمـس الديـن يقول...

اهلا بحضرتك في النقاش الاستاذ الفاضل ضياء

ما هي المشكلة انه الناس فعلا مش بتتربي علي تحمل المسؤولية و بتتربي علي التهرب منها ...و ان الناصح هوا الانسان الفهلوي اللي "بيطلصق " كل شئ و ينجح و يكسب باقل مجهود ... للاسف هذه هي القيم التي نربي عليها
ولا يوجد توجةو من الاباء لانهم اصلا بدون فكر تربوي

و فعلا ...الدين لو رجعت له بحق دون تشنج هتلاقي ان كلالقيم الحلوة دي فيه ...بس تقول ايه اللي فصلوا الدين عن الدنيا و بقي مجرد مظاهر و جوهر قاتم و خانق و غير متعايش مع الواقع ؟؟؟ ربنا ينور بصيرتنا و نعرف ديننا صح و نطبقة بشكل صحيح

ان شاء الله هيكون فيه تأملة انسانية بتتناول الموضوع دا قريبا

مشكورا مرورك و اشتراك في اثراء الحوار

مع خالص تحياتي :)

يعقـــوب يقول...

الأحت شمس.موضوع جميل فعلا.بس كنت عاوز أضيف إن في ناس بتحب شغلها جدا جدا و بتشتغل الشغلانة اللي كان نفسها فيعا بس بتواجه مشكلة زي مواعيد الشغل,نظام الشغل,العائد المادي من الشغل البيءة المحيطة في الشغل....يعني المشكلة مش بس في حبي للشغل ولا لأ

شــــمـس الديـن يقول...

السلام عليكم و رحمة اللهو بركاتة

اخي الفاضل الكريم
لا تدري مدي سعادتي عندما يعلق احدهم علي كلام قلته في السابق ...

و تعلقك في محلة و لكن اعتقد اننا بنفتقد عامل مهم و هو حب ما نفعل ايا كان ... و من سيبل حبنا هو اننا نتحمل بعض الاعباء في مواجة ما نحب مثل مواعيد العمل مثلا او ما شابه

و مرحبا بك كثيرا في مدونتي

يعقــوب يقول...

الأخت شمس,بصراحة متوقعتش إنك تردي على تعليقي عشان ده أصلا مدونة قديمة.بس أنا حبيت أعلق عليها لأني أراها مهمة جدا و من باب الفضفضة و مشاركة الأفكار(العصف الذهني) وهذا سيوفر حلول للكثير.و بردك هذا يبين لنا مدى حبك لمدونتك و عملك و اهتمامك بها.أنا الشاكر لك. عموما مهما كان حبك لعملك و إحتوائك له و لمشاكله و لكن هناك حدود,إن استحملتيها أنت لن تستحملها عائلتك أو أسرتك. مثل المواقيت مثلا التي تجعلك بعيدة كل البعد عن مجرى أمور أسرتك أو مثلا العائد المادي يعني من الاخر مش هتأكلي أسرتك شغل. فلابد أن يبحث الإنسان دائما عن الأفضل له و لمن حوله والمشكلة فينا كشعب أنا نرضى بأي شئ لم أقل أن الرضا سيئ بالعكس و لكن السعي جيد أيضا و المشكلة أيضا في الاستسلام و الرضا بالقهر فلابد من كا شخص يجد أنه غير مرتاح بعمله سواء لأي سبب من السباب و أنه بسبب هذا لن يعطي أو يقدم لهذا العمل أن يسعى و يبحث عن غيره و يرى ما يوافقه و يترك هذا المكان لشخص آخر يتوافق معه لأن لكل داء دواء علمه من علمه و جهله من جهله و بهذا يدور الكون, و شكرا

شــــمـس الديـن يقول...

السلام عليكم و رحمة الله
الاخ الفاضل يعقوب

ملحوظة قبل البدء في الرد :-
اسمها - تدوينة - و ليست "مدونة " فالمدونة هي اسم الموقع ككل اما التدوينات فهي المقالات المكتوبة فيها


بالنسبة لموضوع اني ارد ... انا زي ما قولت لحضرتك قبل كدا بحترم قرائي بشدة ... ثانيا انا عاملة ابلاغ بريدي علي اي رد يوصلني ... مش هقعد ادور يعني في كل المدونة كل يوم ايه اللي اتكتب جديد فيها

و الله هي نقطة الحب اللي اتكلمت عليها في الشغل ...ماهواش الحب الرومانسي اللي بينسي الانسان نفسة ... و لكنه موائمة بين عدة معطيات , طبعا من اهمها الراتب و المواعيد ... و انا عن نفسي انظرت عاطلة لبعض الوقت حتي استطعت ان احصل علي وظيفة بها الشروط التي اريدها ...
و لكن هذا ليس متاح لكل العاملين في الدولة لانه اساسا سوقا لعمل اصبح متخم بالناس و الحرفيين اصبحوا مطلوبين اكثر من اصحاب الشهادات


و معك في نقطة ان الشعب خانع في انه ربما يبدوا نوعا ما مستسلم ...و لكن الله قسم كل شئ بقدر فقد اكون انا استطيع ان اخرج من القوالب التقليدية و ان اكون مالك لعمل مستقل بذاتة و لي عقلية اقتصادية فذة و لكن اغلبنا لا يمتلك هذه العقلية ...
هذا ليس عيبا و لكنه حدود قدراتي


و هذا ما اعيبة علي الحكومة في انها تريد نفض يديها تماما من كل شئ و تعزف علي وتر هذه النغمة في المشروعات الصغيرة و ما الي ذلك رغم انه ليس الكل و لكن القلة هي المؤهلة لخوض غمار السوق الذي هو في اغلب الاحوال في د\ولة منهوبة كمصر سوق متردي و منهوب و ملعوب به الي حد كبير جدا ...

اما نقطة ان اي حد مش قادر يوفق في عملة يتركة ...فبصراحة انت تقريبا مش عايش في مصر ... يعني واحد خريج تجارة ولا حقوق في بلدنا دي هيسيب شغلة اللي هو صحيح مش بيدخل له اي حاجة علشان يروح في الشارع ولا ايه سيادتك ؟؟؟؟

و الله حتي خريجي الهندسة ان تم الاستغناء عن احدهم اليوم لا يستطيع ان يحصل علي راتب يعينة علي ظروفة ... و لا تقل لي ان يدخر اثناء عمله .... كيف يدخر و هو يريد الزواج و لربما يشتري كل اثاثة بالقسط و اللي جاي يادوب علي اد اللي رايح ؟؟؟ انا بتكلم عن غالبية الشعب العظمي ... ما يحدث حقا هو غير ادمي بجميع المقاييس

يعقـــــوب يقول...

سبحان الله و أنا بقرأ ردك قرأت حبر في نفس الوقت عن شاب بالأسكندرية إنتحر لعم قدرته على إتمام مصاريف زواجه بمن يحبها...........لا تعليق
عموما شكرا لتصحيحك الخطأ اللغوي.

أنا هحكيلك على حكاية بسيطة أوي كده,هى بسيطه بالنسبلهم بس مش بالنسبلنا.
والدي كان منذ فترة في الدنمارك في رحلة عمل وتقابل مع كثير من الشباب الدنماركي الأصل المسلم الديانة و عندما سألهم ماذا تعملون منهم من أجاب دكتور و منهم المهندس و منهم الموظف الحكومي و رجل الأعمال و التاجر و و و و الزبال و الكناس و السقا(حيث لا تزال المهنة هذه موجودة عندهم لأنهم لا يستحدمون ماء المنازل في الشرب)و بالطبع تعجب والدي من أن أصحاب المهن الأخيرة نطقوها بكل هدوء و عدم تردد, مش أنتي لو سألتي واحد هنا و كان شغال حتى مدرس كان هينطقها على إستحياء أو بمسكنه, و عندما سأل والدي أصدقائه عن لماذا يمتهن هؤلاء هذه المهن مع أنهم شباب شكلهم يدل على علم و هيئة جميلة,ضحك من حوله و قالوا له أتعلم أن هذه المهن الثلاث من المهن الصعبة الحصول عليها إلا من أهل البلد أنفسهم و مرتباتها من أعلى المرتبات الحكومية و لهل إمتيازان كثيرة و كبيرة و لها تقديرها و إحترامها.. و هذا أدى إلى عدم التأفف من هذه المهن و عدم خجل أصحابها منها أو خجل أهلهم و أولادهم عندما يقول هذا أن أبي دكتور و هذا يقول أن أبي كناس........و لا تعليق

أما بخصوص مثلا المحامي أو المهندس اللي حضرتك بتقولي لما ميلقيش عمل مناسب له يعمل أيه فده معاه الله ليس عيبا فيه بالطبع و لكن كا قلتي في الحكومه الرشيده و لن أخوض في العيوب و الأحطاء لإستحالة حصرها. بس برضه المفروض ميسلمش و يبحث عن الأفضل دائما سواء داخل البلد أو خارجها و إذا و جد فرصة متاخة له بعيد عن تخصصه لماذا لا يتمسك بها لماذا يتعنت و يصر على العمل بشهادته,أنا مبقولش إنه يروح يشتغل عامل أو مهنة تقلل من إحترامه لنفسه. و لذلك أنا بنصح كل شاب أو شابة في أول بداية طريقهم التعليمي أو بعده أو قبله حتى أنهم يجب أن يجدوا و يبحثوا عن هواية أو أي شيئ جانبي يكون إحتياطي لهم بجانب شهادتهم الموقرة حتى تكون عون لهم في حياتهم المخططة من قبل الدولة الكريمة. و بقل برضه نمي نفسك و سلح نفسك بالمعرفة ولا مانع من حرفة أو فن . والله أنا بفضل الله و نعمته اللي فادني و معيشني حياة أحمد الله عليها كثيرا و جعلتني قادرا على مواجهة ظروف الحياة و سد متطلباتي و ما أشتهيه من لوازم و نرفيه حتى هى هواية كنت أمارسها بجانب دراستي اللتي لم أعمل بها إلا في شهور تدريب أيم الجامعةو هذه الهواية أعمل بها الآن في إحدى الدول خارج مصربأحد الشركات و هذه الشركة هى التي أرسلت في طلب حتى لأني لم أفكر أن أترك مصر لسبب بسيط أنني كنت مرتاح في عملي نوعا ما الذي كنت أعمل به بتأهيل من هذه الهوايه أيضا.أعتذر بشدة عن الإطالة

شــــمـس الديـن يقول...

السلام عليكمو رحمة الله و بركاتة

الاخ الفاضل يعقوب

اولا ياريت بجد مش تعتذر لانه انا فعلا مستمتعة بالمناقشة المثمرة معك ... :)

طبعا انا مببررش اي سبب ان الانسان ينتحر علشانة ... لانه مش هبيع دنيتي بالاخرة ... بس حتي لو انا برفض التصرف دا , فالمدلول انه فعلا الشاب وصل لدرجة لا حول ولا قوة الا بالله فيها

موضوع والدك اللي في الدانيمارك دا انا فكرت فيه كتير علي فكرة ... لاقيت ان الموضوع لعلمك مش تجني من مجتمعنا علي طولا لخط ...

يعني انا مثلا فكرت اني اشتغل في شغلانات بحبها جدا و حاسة اني ممكن ابرع فيها فعلا ( مصممة ازياء - بالبلدي خياطة - مصففة شعر - بالبلدي كوافيرة - و اخيرا مصورة فوتوغرافية !!!! )
هذه مهن شريفة لا غبار عليها ... و و ستحقق ربح كبير , و حقا سأجد نفسي فيها جدا ( لاني موهوبة في هذه الاشياء و خاصة التصوير جدا ) و لكن لو حضرتك بصيت علي الوسط اللي بيمتهن المهن دي عامل ازاي ؟؟؟ النات لا اعيب و لكنه ليس بالمستوي الثقافي الذي يجذب الناس ...

يعني برا ... في الدنيمارك او غيرة , اصحاب كل هذه المهن بلا استثناء محترمون جدا و اناس غاية في الثقافة و الرقي و التنحضر ... و لكن لاننا مجتمع مازال يحبو ثقافيا ... يعني حتي خريجي الجامعة الان اصبحوا يعانوا من ضحالة فكرية شديدة ... و الازمة عندنا اصبحت اكثر استفحالا في انك قد تجد خريج جامعة - بلاش خريج جامعة - و لكن خريج كلية عملية مما يعرفوا بشكل اهبل باسمك كلية قمة ثقافتة لا تزيد قليلا عن بياع الفجل !!!!

يعني هو بجد لما حضرتك تيجي تدرس السلوك ...تدرسة علي البيئة اللي طالع منها و شوف هي فعلا للناس حق ام ماذا ؟؟؟

يعني انا عن نفسي بجد ...نقطة التعليم و الشغل دي مش فارقة معايا , بس اهم شئ هو الانسان نفسه ... يعني التكوين و البعد الثقافي بالاساس ... مدي قدرتة علي فهم الاخر و عمق الفكر و التحاور معه ... معطيات كثير بديهيه في مجتمعهم و لكن عندنا تكاد تكون شبة منعدمة ...

و لكن كي لا اكون متشائمة ... اصحاب الميول الثقافية الواحدة يكونوا قريبي الشبة اجتمعايا معا ... يعني حقا في مجتمع المدونين وجدت اشخاص محترمين للغاية و لكنهم مبعثرين في حياتنا هذه



بالنسبة للناس اللي حضرتك بتقول انهم يبحثوا ... هما اكيد بحثوا و بشدة ... لدرجة ان الامر دا ناس كتيرة بتتخذة وسيلة للنصب علي البسطاء وبحجة التمكين من السفر للخارج ... يعني الناس فلا بتسعي بس دا اخرهم ... اكيد اخرهم , و اكيد اللي انتحر دا كان جاب اخرة و فاض بيه ( هما ملهومش غير ربنا معاهم و الله يجحم الحكومة )


و بالنسبة لتجربة حضرتك ... فو الله هو اكيد اولا الحاجة داعيالك و ثانيا محظوظ انك بهوايتك دي عرفت تشق طريقك و تبني نفسك و اسرتك و تكفل لهم عيش كريم ...بس بردوا يعني انا مش عايزة اعمم علشان مش اظلم الناس اللي فعلا مش لاقية ...بس انا لا ادعوا ابدا للتشاؤم و شايفة نماذج ادامي كويسة جدا
( مثال المساعدة التي معي في الصيدلية كملت دبلم و بتشتغل مع اخوها في مكتب محاماه هو اللي عاملة و هي علشان تكبر نفسها بتصقل دراستها بالتعليم المفتوح في حقوق الي جانب الشغل في الصيدلية ... يعني ناس مكافحة بجد و دي ربنا فعلا هيكرمها )


يعني الدنيا مليانة دا و دا بس انا مش بحب ابقي قاسية علي الناس اللي مش لاقيين لان فعلا لو دروت علي اي مشكلة في بلدنا المحبوب هتلاقيها اولا و اخيرا تصب في معين الدولة الفاسدة ...

اشكرك علي هذا الحوار الممتع و بانتظارك : )

يعقــوب يقول...

بصي بأه يا أخت شمس/أنا كتبت بووست طويل عريض في رد كامل شامل عن البووست الأحير بتاعك و البووست ده أخد مني وقت كبير جدا وقت يكفيني أعمل فيه تصميم كامل لشغل عندي هنا عشان أولا مكتوب بالعربي و أننا صممت أكتب بالعربي خصوصا بعد التدوينة بتاعتك عن لغتنا و ثانيا كن بالغة العربية التي تحتوي على الكثير من الفصحى و فجأه مش عارف حصل إيه كولوا طار. بس عموما هاحاول أختصر و أقول تانيو هرد على الشغلنات الي حضرتك بتقولي عليها بالبلدي كوافيرة,خياطة,مصوراتية هو لسة في ناس بيقولوا الوصف ده!!!؟؟؟

عموما أكيد فيه بس دول الناس الي بيحطوا حدود لا قيمة لها للناس...بالنسبة للبيئة الخاصة للمهن ده ,ده مش موجودة إلا في بيئة كل من حولها نفس المستوي بتاعهم. أما لو نظرتي الأن إلى البيئات المثقفة العاليعة الأرسطوقراطية ستجدين تلك المهن بهذه المسميات (مصممة أزياء,أتيليه,مصففة,المصورة,( أو بمعنى أصح هتلاقيهم بيقولو كده(my photographer,my stylest,my hair stylest)كده يعني و لعلمك ستجدين من منهم من أرقى الأسر و أغناهم منهم من أسر أروستقراطية و دبلوماسية حتى و منهم الجامعيين و الخريجيين من أحسن الجتمعات المصرية ة الجنبية و منهم كثير من الجامعة الأمريكية مثلا لعلمك أنا مش واحد منهم عشان متقوليش إني بدافع عنهم بس ياريت كنت واحد منهم كان زماني معدي :) و أنا أعرف منهم كتير و لما تجلسي معاهم تحسي إنك في مجلس ثقافي عالمي من حيث العلم و الاداء الراقي و النظافة....يا شمس إحنا اللعملنا حدود و بيءات و تقسيمات مش المهنة....

أما بخصوص الرد على الهمم التعبانة و الهمم الشغالة أنا بصراحةكنت كاتب رد كبيير بس المرة ده مش قادر أكتب تاني بس ردي مش هيكون ردي أنا ياريت لو مكنتيش قرأتي كتاب كيف أصيحوا عظما لدكتور سعد سعيد الكربياني ياريت تقرأيه ,تحفة من تحف كتب إدارة الذات و الأهداف كتاب يبين لك معنى الحياة يجعلك تحددين هدفك و تعيشين حلمك و تعملي على تحقيقه أنصح به كل فرد سواء كان شاب,صغير,كبير أو حتى واحد رجل في الدنيا و رجل في القبر.


أما بخصوص أمي دعياليي أحب أن أعلمك أني لا أتحذ قرار أو أقوم بخطوة لإلا بمبراكة و دعاء من والدييا

يعقــوب يقول...

معلش نسيت ده,ده من شاعر مجهول


I love my job, I love the pay!
I love it more and more each day.
I love my boss, he is the best!
I love his boss and all the rest.

I love my office and its location,
I hate to have to go on vacation.
I love my furniture, drab and gray,
And piles of paper that grow each day!

I think my job is really swell,
There's nothing else I love so well.
I love to work among my peers,
I love their leers, and jeers, and sneers.

I love my computer and its software;
I hug it often though it won't care.
I love each program and every file.
I'd love them more if they worked a while.

I'm happy to be here. I am. I am.
I'm the happiest slave of the Firm, I am.
I love this work, I love these chores.
I love the meetings with deadly bores.

I love my job - I'll say it again -
I even love those friendly men.
Those friendly men who've come today,
In clean white coats to take me away!

شــــمـس الديـن يقول...

اخي الفاضل يعقوب

اولا بجد معلش انا معرفتش اكتب الفترةاللي فاتت لان المدونة كانت واقعة و مكنتش عارفة ادخل عليها

بجد انت متتخيلش انك بتدخخل علي السرور ازاي لما قولت انك اصريت انك تكتب بالعربي بعد قرائتك للتدوينة بتاعة اللغة العربية

انت فعلا معاك حق و انا فعلا شايفة انه فيه تغيرات نفسية فعلا بتطرأ علي الشخصيةو التفكير المصري و مبقيتش فيه حاجة واحدة ثابتة

عامة انت بجد اتبعت وصفة هايلة فيانك تعمل اي حاجة بدعاء الوالدين و دا مش عايزة اقول لك فعلا سر النجاح الحقيقي

و البوست بتاعة الشعر عسولةاوي اوي اوي اوي اوي

مش عارفة اقول لك ايه بس سعيدة بالمناقشة معاك جدا !!!!

يعقـــوب يقول...

الأحت الفاضلة/شمس,المفروض إن أنا اليشكر حضرتك مش إنتي لأن أنا كان نفسي أتحذ الحطوة ده من زمان بس مكنتش لاقي فرصة لظروف عملي اللي بيفرض عليا إستحدام الإنجليزية معظم الوقت سواء في كتابته أو التحدث به مع الزملاء و العملاء,عموما أديها خطوة و إنشاء الله تكون مثمرة.وأتمنى أشوفك كده أو أسمع قريب إنك عملتي مشروع كبير كده تمارسي فيه هوايتك,والزباين عليا.....أه صحيح من الأمور اللنتي شجعتيني فيها برضه إني بدأت في إنشاء مدونة!!! بس المدونة ده هتكون خاصة بي و بأصحابي فقط لنجتمع عليها و ينشر كل واحد منا رأيه و يفضفض فيها لأنك كما تعلمين أن فضفضة الكتابه اريح كتير من التكلم المباشر,و لأن أيضا معظمنا من سافر هنا و هناك فهى ستكون القهوة يتعتنا...عموما بما إني أول مرة و لا أفقه في المدونات شىء فربنا يستر....وشكرا على تشجيعك وأتمنى لك التوفيق والخير و الرضا