الأحد، أكتوبر 22، 2006

حدوتة صغنتوتة



سأروي لكم الحكاية اولا و بعدين نتكلم في المفيد .....و ارجو ان نشترك جميعنا في النقاش

عام 1880
كان هناك عالم للغات في دولة من الدول الغربية و كان ينتمي لعِرق ( جنس من البشر مختلف ) مختلف عن عرق هذه البلدة و كان هو و عشيرتة يعانون من الاضطهاد الدائم و لذلك كانوا مترابطين لاقسي درجة ... و في يوم اثناء حديث الاب العالم مع ابنه قال له :- اتعلم بني , ان اللغة التي كان يتحدث بها اجدادنا ضاعت في الشتات و اصبحت من اللغات الميتة الان ... بل و اصبحنا نتحدث بلغات مختلفة ,لغتا الدول التي تعيش فيها , و نسينا لغتنا الام ؟؟؟ فر الابن عليه :- هل تفكر يا ابي ان ؟؟؟؟ نعم , ولا لما لا يا بني ؟؟؟ و لكن يا ابي لقد مر مئات السنين و هناك تطورات و اسماء جديدة لم تكن موجودة في هذه اللغة ... هل نسيت انني عالم للغات و قضيت حياتي كلها في هذا المجال حتي استطيع ان اضيف اطور حتي تكون مناسبة للاستعمال تماما الان ؟؟؟

بدأ الاب في تعليم زوجتة و ابناؤة جميعا هذه اللغة الميتة , و اصبحوا بعد فترة لا بتحدثون الا بها في جميع تعاملاتهم اليومية مع بعضهم البعض ... و نظرا لتبوئه مركزا مرموقا في عشيرتة ...صار يفرض علي زائرية من بني جنسة ان يعلمهم هذه اللغة ولا يتحدثون الا بها ... و مرت السنون و تطور الامر و اصبحت هناك مدارس خاصة باطفالهم لتعليمهم هذه اللغة ( التي كانت ميتة و احياها ابناؤها المخلصون )

و حمل الابن الرسالة و هاجر مع من هاجروا لإعداد ارض الميعاد للوافدين من جميع انحاء الشتات ... اعتقد انكم عرفتم الان عمن اتحدث J انني اتحدث عن المسمون باليهود او لدقة الصهاينة و لغتهم التي احيوها هي العبرية ( كانت لغة ميتة منذ اقل من 140 عام فقط ) و عند قيام دولة الصهاينة اصبح لزاما علي اهلها تعلمها و التحدث بها و اصبحت شرطا اساسيا لتقلد المناصب الرفيعة في الدولة , و اصبح ديبلوماسيي هذه الدولة لا يتحدثون في اي مكان في العالم ولا يلقوا خطابا رسميا الا بها ( رغم اجادة الاسرائيلي اكثر من لغة و اتقانهم اتقانا تاما كأهلها ) و شهدت حركة الترجمة ازدهارا في جميع المجالات و يتم الان تدريس جميع العلوم الانسانية و العلمية و الطبية و الهندسية باللغة العبريه في جامعاتها و طبعا تعرفون التقرير الشهير (افضل 500 جامعة علي مستوي العالم ) كان به خمس جامعات عبرية!!!!!!!




هذه الحكاية حْكيت لي نقلا عن برنامح لا اذكر اسمة في قناة التنوير و كانت الثمرة و التعليق العام في البرنامج انه لن يحدث تطور ثقافي و فكري لاي شعب الا عند ترجمة جميع العلوم للغتة لان الابداع يكون بعقول تفكر نفس اللغة و ليست عقول مغتربة .

اخذت افكر مع نفسي بعد انتهاء المناقشة ... عن عدة اشياء استغربتها جدا ... منها وجود الهمة العالية و كيف يمكن لانسان امن بفكره و خدمها باخلاص و اخذ بالاسباب ان يصل الي ما يحلم به ...هؤلاء اليهود مطاردون منذ 3 الاف عام من كل الشعوب علي حد سواء و مع ذلك لم يفت كل هذا الوقت في عضدهم ..و لم يتخلوا عن حلم ( ارض الميعاد ) بل و جسد علمهم شعار ( من النيل الي الفرات ) و ها هي ارض الفرات تسقط و حلمهم يوشك ان يتحقق .

تخيلت ان قيمة الحق المطلقة تجسدت و اخذت تأنبني و تنصحني و تقول :-
" لقد ضيعني اغلبكم ,لم تأخذوا باي اسباب ...فقدت حياتكم المعني و الهدف و اصيبته بداء الانماليه (علي رأي الاخ الفاضل د/كريم ) حتي حين نقلتم عن الغرب نقلتم المفاهيم باسلوب مغلوط ... و نقلم ما بضر ولا يفيد ... لقد تواكلته فتراجعت و هم اخذوا بالاسباب فسحقوكم ... لكن لو اخذتم بالاسباب لانتصرتم ليس لتفوق عدتكم ولكن لان الحق معكم ... و تذكرت قوله سبحانة و تعالي " يا ايها الذين امنوا ان تنصروا الله ينصركم و يثبت اقدامكم " القتال

اعلم ان كلامي هذا بات مكررا و لم يعد في مقدور احد الاصغاء و لكن للاسف ..لا استطيع التوقف الان

שלום

هناك 11 تعليقًا:

Diyaa' يقول...

u know what !!
i respect our enemies alot ..they have a perfect way in achieving thier goals
dont be sorry for ur words..go on & isa allah will help u
علي فكرة انا الأنجليش بتاعي ضعيف مش بتفشخر بيه لكني بعرف اكتب بيه اسرع مش أكتر
بحييكي علي البوست ده أوي أوي و ممكن نشوف اقتراحات محددة مبنية عليه ؟

Ayman يقول...

والله يا دكتورة القلم انتي بتتكلمي في موضوع مش مجرد حدوتة صغنتوتة ولا حاجه
انتي بتتكلمي في عامل من اهم عوامل نهوض الأمة وهو اللغة
لو افترضت مثلا اني رايح اشتري كتاب في الرياضيات ولاقيت الكتاب باللغة الاجنبية ومعاه نسخة تانية مترجمة باللغة العربية متخيلين انهي كتاب ممكن اخده اعتقد ان اكبر الاحتمالات بتقول الكتاب اللي باللغة الانجليزية وهسيب ليكم تفكروا ليه احنا عندنا عقدة الخواجة في الموضوع ده
بس بالنسبة ليا اعتقد انه لسببين مهمين جدا وهو اولا اننا للاسف ما لينا موقع على خريطة العلم في العالم فبالتالي ما فيش ثقة في الكتاب اللي بالغة العربية حتى لو كان مترجم ، اعتقد ان السبب التاني هو المنظرة انا بشتري كتاب انجليزي يبقى انا مثقف وبتكلم لغات يعني حاجه تشل يعني.
تخيلوا معايا مثلا لو فيه جامعة بدرس كل العلوم باللغة العربية سواء كان الطب او الهندسة او او او وفي الكلية ده قسم للغات على كل طالب انه يتعلم بجانب دراستة العلمية لغة وفي نهاية الدراسة بيكون على الطالب اللي تعلم لغة معينة انه يترجم كتاب علمي في مجال تخصصه وباللغة اللي تعلمها إلى اللغة العربية ممكن تتخيلوا مدى تقدم هذه الجامعة وكمان ممكن تتخيلوا مخرجات الجامعة ده من الطلاب هيكون كفائتهم ايه
انا فاكر ان في مصر في احد السنوات كان فيه راي بيقول نعرب كلية الطب اكيد اللي عايش في مصر هيعرف اد ايه مدى رفض الفكرة ده وكانت بحجة ان الطب لغته انجليزية وما ينفعش نترجم مصطلحات او او او إلى اللغة العربية
مع إني اللي انا واثق منه إن العلم ليس له لغة بالعكس العلم لغته هو لغة اللي عايز يتعلم
ابسط مثال على كده وكلنا عارفينه هو في عصر الدولة العباسية اللي بيسموه العصر الذهبي للإسلام ومدى التقدم العلمي اللي حققه المسلمين في العصر العباسي الاول خاصة كان أ ، ب تقدم في الإسلام هو انهم تعلموا اللغات الاخرى وبدأو يترجموا الكتب العلمية إلى اللغة العربية ومش هخوص في تفاصيل مدى انعام الخليفة وخصوصا المأمون على فئة العلماء والمترجمين
يكفي اننا نعرف انه من اهم نتائج العملية ده إن اوروبا عشان تتقدم تعلمت من علماءنا العرب وترجمت كتبهم إلى لغاتهم
اختم بقول سيدنا عمر بن الخطاب (نحن قوم اعزنا الله بالإسلام ولو ابتغينا العزة في غير دين الله لأزلنا الله)
وشكرا على طرحك يا دكتورة بجد يا ريت نتخلص وانا منهم من عقدة الخواجة

شــــمـس الديـن يقول...

كل عام و انتوا بخير جميعا :)

اخي الفاضل (ضياء )

انا عارفة و الله ان حضرتك مش بتتفشخر و لا حاجة ...بس لو حضرتك تأملت من الاول هتلاقي ان الواحد اصلا او ما بيستخدم الكمبيوتر لا بيكون سريع لا في العربي ولا في الانجليزي ...و تلاقي الواحد استسهل انه يكتب عربي بحروف انجليزي مثلا في المسنجر !!!
رغم امن الانسان بيكون ادامة انه يستخدم العربي بس تقريبا زي ما الاخ ايمن قال انها ترسبات طويل جدا في اللا وعي من عقدة الخواجة

و انا فعلا زي حضرتك بحترم اعدائنا جدا لانهم بياخدوا بأسباب التقدم الحقيقية ...و لما بيؤمنوا بفكرة بيؤمنوا بيها للنخاع ...و متلاقيش مزلكة من امثال ( انا حر يا اخي اتكلم باللغة اللي انا عايزها ولا اكتب بالحروف اللي انا عايزها ...دي مسئلة حرية شخصية ) لاني واجهت الموضوع دا قبل كدا في جروب كل اللي كان بيكتب فيه كان بالفرانكوا اراب و لما نتناشق معاهم يقولولك يا سيدي حرية !!!!!!!!!!!!!!
دا فعلا اللي بيفرق عقلياتنا كعرب و اجانب
و حاضر هقول اقتراحات ...و اتمني انه ناصس تانية تيجي تشارك في الموضوع ( و حتي لو ناس مش شارت هحط مقترحات بردوا )

الاخ الفاضل ايمن
حضرتك اثارت نقطة غاية في الاهمية الا و هي عقدة الخواجة !!!!

فعلا احنا من جوانا بنحتقر انفسنا و مش بندي اي قيمة حقيقية لينا ... و للاسف مش بنتعلم من التاريخ اللي هي سنة ثابتة في البشر انه اي سبيل للتقدم كما فعل المسلمون ايام الدولة العباسية و كما فعل الاوروبيون في عصر النهضة بل و كما فعلت اسرائيل الان !!!!

هلي الترجمة و اعتزازنا بلغتنا بحق ...و والله الكلام دا ما هو عنصري بقدر ما هوا فعلا دفاع عن انفسنا ... لانها اصبحت مسئلة وجود ...مسئلة حياة او موت

و حضرتك اثارت نقطة اخري هي اننا لا نثق في علمنا ... و الله انا بحاول اني ادوزر في النت كله علي معلومات طبية في مجال العلاج بالاعشاب و مكتوبة بشكل عملي متوسع باللغة العربية و للاسف لا اجد !!!!!!!!!!!!!!!!!!!
لك ان تتخيل مدي حزني الشديد و في حين انني لو بحثت في نفس المادة و لكن عند ترجمتها اجد الاف مؤلفة من الصفحات الغنية بالمعلومات :(

هي منظومة متكاملة من التراخي و التكاسل و كل ما تنبش في منطقة تجدها تجر بقية السلسلة ...


مع خالص تحياتي :)

يا مصر اكتب إليكي رسائلي يقول...

السلام عليكم ورحمه الله وبركاته اخي العزيز ، اولا اسمح لي ان اقتبس ردا من الأخت العزيزة سمباتيك اعتذر به عن تأخري وهو :
اللهم ان لي احبة قد قصرت بحقهم و انشغلت عن وصلهم فعطر ايامهم بالايمان و تقبل منهم و منا صالح الاعمال ..امين يا رب العالمين و كل عيد و انتم من السعداء المغفور لهم
وانتهزها هنا عندك في مدونتك الشيقة ، واكرر التهاني بعيد الفطر المبارك اعاده الله علينا وعليكم بكل خير يارب
كل عام وانتم والأسرة الكريمة بكل خير وصحة يارب.
الموضوع شيق جدا انا ها عيد قراءته لسه انا كنت جي اعتذر عن تأخيري في تقديم التهاني واطلب السماح العفو من المحبين .

يا مصر اكتب إليكي رسائلي يقول...

او او اووووووووو
انااسف طبعا ، الأخت الفاضلة شمس الدين
انا اسف صحيح اعذريني.وتقبلي كلماتي الله يرضى عنك وعليكي .

شــــمـس الديـن يقول...

الاخ الفاضل ( يا مصر بكبت لي رسائلي لان حضرتك مقولتيليش اناديك بانهي اسم :))

ولا يهم حضرتك ... يعني المهم انه فكرتي تكون وصلت ... :)
و كل عام و حضرتك بخير و سعيدة بتشريفك للمدونة ...و ارجو ان تكون من متابعيها ,.و اول حاجة احب اعرفها رايك في الحدوتة دي ...

مع خالص تحياتي :)

Diyaa' يقول...

علي فكرة هي ممكن الترسبات و ممكن لأن حروف الأنجليزي مترتبة كويس في الكيبورد
كل سنة و انتي طيبة ومستني اقتراحاتك

شــــمـس الديـن يقول...

:)
مش عارفة ...هي ترتيب الحروف العربية زية زي الانجليزية ... مش عارفة انت تقصد ايه ؟:)

و الله هو الواحد يحاول علي اد ما يقدر انه يعتز بلغتة ...يعني احنا مش هنغير الكون ...[س علي الاقل نحترم نظرتنا للغة العربية

* الواحد يحاول يبطل يكتب بالفرانكو اراب لان دا اقل احترام للغتك ولغتك هي شخصيتك و هي وجودك

نحن لسنا اقل من اليهود في اعتزازهم بلغتهم ... و ياريت نتعلم منهم في النقاط دي

هي المشكلة عامة ان المؤسسات في صدام دائم مع الافراد ...

*/فعلي الاقل كل واحد يبدأ بنفسة
مش هقول نقاطع و لكن علي الاقل و الواحد بيتعمل لما ياخد الحاجة بلغة انجليزية ياريت يعرف معناها بالعربي و يكون حريص علي ذلك ...

*/ميقلبش كل كلامة انجليزي و يقول اصل المعني مث لاقية بالعربي ...اقعد فكر لحد لما تلاقي المعني اللي انت عايزة بالعربي

*/نحرص علي اجادة قراءة و تلاوة القران بشكل سليم ...(بالتجويد و الاحكام )

...مش عارفة .... انتا تقترحا معايا ايه :) اصلي مش بحب افكر لوحدي و افرض رايي علي حد ؟

مع خالص تحياتي :)

Diyaa' يقول...

انتي تقريبا قلتي المفيد
..وعلي فكرة قصدي بترتيب الحروف اللي هو رصتها في الكيبورد ..وده موضوع انا فاهمه اكتر لأني بكتب عليها من 7 سنين
عندي اقتراح كمان
الناس اللي تقدر تعمل مكتبات عامة في كل حتة بجهدهم الذاتي ..يحطوا فيها الروايات والكنوز اللي عامة الناس متعرفهاش عشان محدش ينسي لغته
في أسرتنا نكافئ الطفل اللي يحفظ قرآن و نشجع اصدقائنا علي قرايته
..وتتحط روايات نجيب و الأدباء الكبار في مقررات العربي عشان الناس تتأسس تحب اللغة
بس خلاص

طائر الحرية يقول...

كلام رائع وبوست اجمل مع ان الرد جاى متأخر بكتير لكن انا لسه قارية البوست ده بالفعل كتير مننا بيعانوا انهم بقوا يخلطوا فى كلامهم اللفات التانية بل يكادوا ينسوا العربى وفى ناس احيانا بتلاقيها بتكتب على الماسنجر او التعليق على الموضوعات باللفة اسمها فرانكوا ارابيك يعنى حروف انجليزية بمعانى عربية احنا فى حاجة فعلا ان تكونا للغة العربية الام هى الاساس عندنا وبعد كده اللغات التانية تبقى المرتبة
التانية لانها برضه مهمة
لان التكنولوجيا الحديثة اللى بنستخدمها معظمها بلغة انجليزية وليست عربية
تحياتى

أبو خالد يقول...

أبنتي الفاضلة /شمس الدين
السلام عليكم و رحمة الله و بركاته
أولا أنا أسف كوني ظننتك أبن و يرجع ذلك لأشتراك الأسم بين الذكور و الأناث
و لكني بعد اطلاعي علي فكرك العالي
فرح و سعيد من أعماقي أن اتواصل معك بنيتي اليوم أعتز بأنني حصلت علي هدية جميلة من هذا العالم الأفتراضي و هو التواصل معك
دمتي أبنة غالية