الأحد، ديسمبر 03، 2006

تـــــحــــديـــث

السلام عليكم و رحمة الله و بركاتة
في التدوينة السابقة ... كنت قد ذكرت ثلاث قضايا شغلتني ...قضية التصريحات وزير الثقافة ...و غضبة الصيادلة ...و سرقة المدونات
و قد غطيت حدثيت فقط من حيث ردود فعلهما ( الصيادلة و التصريحات ) في تحديث , لانه و للاسف كانت ردود فعل سلبية
و لكن
بقيت قضية سرقة المدونات ....
و من دواعي سروري - حقا - ان قامت الجريدة بالاعتذار عما حدثو عما بدر منها تجاه اخونا المدون ... ( تغطية الحدث كله عن الاخ شقير )
يعني ... اعتقد انه مازال هناك امل , بصيص من الامل ... ليس كل شئ سلبي , و من وجة نظري اعتقد ان القيم مازالت موجودة و لكن المشكلة الوحيدة ان من يمسك زمام الامور هم شرار الناس عندنا ...
كما اوردت المشكلة لابد ان اقول ان الجريدة اعتذر ... حتي يعرفوا ان الشباب و الجماهير قادرة علي العفو مثلما هي قادرة علي التشهير ...
عقبال ما كل الحقوق المسلوبة تعود لاصحابها ...

هناك 15 تعليقًا:

أحمد المصري يقول...

بصراحة لم اكن اعرف عن موضوع سرقة المدونات و هو شيء مخجل بشدة الى من فعلها فعلا
و لكن ..
لماذا نكتب نحن المدونين . و لاي هدف؟
لقط ظبط نفسي في يوم اهتم بأن يعرف الناس انني من كتب هذا اكثر من ان يفيدهم ما كتبت ؟ نعم اعترف بهذا و لكن ان فكرنا قليلا نجد ان المفترض منا اننا نكتب لنحرض الناس على الشيء الصحيح نكتب لنوصل ما غاب عن النفوس لنوصل وجهة نظر قد وجدناها غائبة عن الساحة و ليستفيد الناس نعم هو شيء انساني ان نحب ان يعرف الناس اننا من كتب هذا و اننا اصحاب تلك المقاله او غيرها و لكن لنضع احيانا في رؤوسنا اننا لسنا لذلك نكتب.
انا اقتبس بعض من اسلوب احمد خالد توفيق الذي كتبتي انك تحبينه و ان كنت قد استأذنت منه شخصيا و لكن انا لا اقتبس منه عبارات احيانا لاجمل كتاباتي او اظهر بمظهر جيد و انما لاجعل القاري يستمتع اكثر فيقرأ اكثر فيفهم سريعا .
شكرا يا شمس و اتمني ان يتسع صدرك لتعليقاتي.

الديب يقول...

مهم جدا ان المدونين مايبانوش كأنهم غاويين فضايح وخلاص ..

احنا مش مجرد أبواق للسباب وفضح معايب الواقع ..

لا

لازم نبين الفضايح .. ونقول رأينا في كيفية تصليحها .. ولما تتصلح نشكر الجهة اللي صلحت ..

لازم نبقى ايجابيين في تغييرنا للواقع .. مش كله نقد .. انما لازم كمان تفكير وطرح لما نراه صحيحا ..ونبين ما تم تصحيحه

شمس .. احييكي على تلك التدوينة

غير معرف يقول...

شكرا يا شمس على المساندة

وإن كان الاعتذار لم يرد لي حقي كاملا, إلا أنه تطور جيد للأحداث وإثبات أن للمدونين كلمة في هذه البلد, وأيضا مستقبلا كسبنا نقطة وهي أن لا أحد سيجرؤ على تكرار تلك الفعلة
=
شاكر لكي على السؤال عند شقير وهناك مشكلة فعلا في سيرفر الموقع الذي يستضيف مدونتي وإن شاء الله تعود بعد أيام

شخبطة ملوكى يقول...

الاخت العزيزة شمس
حقيقة خبر مفرح جدا و يسعد القلوب التى تذوب عشقا فى الوطن
لسنا موزعى شتائم بالجمله و لسنا ممن يلبسون النظارات السوداء فى عز الليل البهيم ، نحن نريد النور و الحق و العدل والرقى لامتنا
الاعتذار هو اول المكاسب لاثبات الوجود
اشكرك على نقل الخبر

شخبطة ملوكى يقول...

اتمنى كما انضممتى الى كتيبة الفاجومية المجاهدين ان انضم الى كتيبة الكفاح المسلح معكم
وتحت الطلب فى اى مساعده او مشاركة فى كفاحنا المسلح بالحب و الكلمة

شــــمـس الديـن يقول...

اخي الفاضل الكريم : احمد المصري
سعيدة بتشريفكم لمدونتي للمرة الاولي , و اتمني ان لا تكون الاخيرة

اكيد كل انسان يكتب من اجل هدف معين في رأسه ...و لكن اعتقد ان الهدف الذي جمعنا - كمدونون - هو غياب اي مساحة علي ارض الواقع للتعبير عن اي رأي ايا كان بحرية ... كما ان هناك سبب فرعي هو ان اغلب من يفكرون لا يجدون علي ارض الواقع و في محيطهم الضيق - بعد التخرج من الجامعة - احدا يستمع اليهم فاصبح التدوين مهربا و مقصدا لكل هؤلاء

المهم ان يكون الهدف الذي في داخل راس كل منا محدد وواضح و هادف .
مشكروا و مرحبأ بك في اي وقت :)
*-*-*-*-*-*-*-*-*-*-*-*-*-*-*-*-*-*

الاخ الفاضل الكريم :الديب
و انا احييك اكثر علي مرورك الكريم

*-*-*-*-*-*-*-*-*-*-*-*-*-*-*-*-*-*

الاخ الفاضل :حائر في دنيا الله

انا بجد اتخضيت لما لاقيت المدونة معلقة بقالها فترة ...قولت اه ...اعتذروا و لكن وقعوا المدونة كلها !!!!
تبا لنظرية المؤامرة التي لا تريد مفارقة رأسي

هذا حق علينا جميعا ان نتكاتف لمواجة الظلم
*-*-*-*-*-*-*-*-*-*-*-*-*-*-*-*-*


الاخ الفاضل الكريم : طارق المملوك
سعيدة بتشريفكم مدونتي للمرة الاولي و اتمني الا تكون الاخيرة

جزاكم الله كل الخير علي المرور الطيب و التعقيب الجميل

و علي فكرة ...مش كل الناس اللي في اخوة الكفاح المسلح اعرفهم ...و لكن اضم بهم ما المس منهم نفس نوعية التفكير ... و لن ارد لحضرتك طلب
و طبعا الكفاح لا يكون غير بسلاح الكلمة ( لاني اعلم انهم سيقولون ارهابية ) D:
*-*-*-*-*-*-*-*-*-*-*-*-*-*-*-*-*

مشكورين جميعا للمرور و التعقيب
مع خالص تحياتي :)

FrEe.PhArAoH يقول...

هو موضوع يخوف فعلا

لو المدون موهوب مثلا وكتب قصة او مقال او خبر بشكل صحفى .. واتاخد

موهبته تتسرق .. يبقا يدون ليه

يكتب احسن فكشكول والكشكول دا مش هيشوف النور .. ممكن ولاده يقروه بعد رونقها ميكون اختفى واتغيرت الاحداث

موضوع يخوف بس اكيد فى امل .. مش مشكله الاعتذار .. انما اكيد اعطى بصيص من نور

تحياتى

abderrahman يقول...

شمس الدين
على فكرة فيه مسألة تانية أصعب، وهي السرقة في الانترنت، بمعنى نقل النصوص دون الإشارة للكاتب الأصلي سواء من منتدى لمنتدى أو من بلوج لمنتدى، أو من صحيفة لمنتدى وكإن الانترنت مشاع
دي مشكلة اخلاقية .
مش معقول واحد ياخد جهد واحد تاني عشان يسمع كلمات اطراء

أُكتب بالرصاص يقول...

جزاك الله خيرا


كلنا ايد واحدة يا مرسي

شــــمـس الديـن يقول...

اخي الفاضل: الفرعون الحر

هي مش مشمشكلة اعتذار في حد ذاتة ...لانك عايش في دنيا ...يعني فيها خير و شر ... لكن لما الشر يحصل احسن حاجة اننا نعرفة انه الناس لسة صاحية و قوة الجماير الحقيقية المتمثلة في جمهور المدونين موجودة ...
و بجد ...دا بيدي مؤشرات حلوة اوي في وجة نظري - و مش ببالغ - بس فعلا انه مازالت الاغلبية الحقيقية الغير مفروضة صالحة ... و لو فعلا اتسابت لنا الحرية , الدنيا هتبقي احسن كتير رغم تجفيف المنابع اللي حصل بس بردوا لسة فيه امل

*-*-*-*-*-*-*-*-*-*-*-*-*-*-*-*-*-*-*-*-*-*
اخي الفاضل :عبد الرحمن
هي فعلا مشكلة ... بس تقول ايه ...الناس لازم تتربي من اول و جديد و تتعلم انه مادامت اخدت حاجة لازم تشير اليها بعنوان الكتروني ... دي من ضمن كمال الامانة و اللي ضياعها - زي ما هو حاصل - بينبئ بقدوم اخر الزمن

*-*-*-*-*-*-*-*-*-*-*-*-*-*-*-*-*-*-*-*-*-*

اخي الفاضل: اكتب بالرصاص
جزاك الله خيرا علي المرور و التعقيب :)

*-*-*-*-*-*-*-*-*-*-*-*-*-*-*-*-*-*
*-*-*-*-*

مع خالص تحياتي للجميع :)

الزعيـمة يقول...

عزيزتي شمس الدين
اول مرة اشارك بمدونتك واعجبتني كثيرا

جريدة الاهرام اليوم كتبت موضوع تتناول فية موضوع المدونات وقد بلغ عدد المدونين فى مصر 5آلاف مدون ويتضاعف العدد كل 6 اشهر تقريبا

التدوين اصبح واقع يفرض نفسة على المجتمع بشكل كامل

وقد اقترحت الجريدة عمل رابطة للمدونين اعتقد ان وجود هذا الشئ ممكن يحمي مواضيع المدونات من السرقات عبر تسجيل المدونين فى رابطة رسمية ومجازاة من يقوم بالنقل او الاقتباس دون اذن المدون تبعا لتاريخ عرض الموضوع بالاسبقية

شــــمـس الديـن يقول...

عزيزتي الزعيمة

دا انا اللي اسعد ان حضرتك شرفتي مدوني بالتعليق فيها :)

و الله كويس ان عدد المدونات يزيد .. و دا هيكون انعكاس لواقع المجتمع الحقيقي و ازاي بيفكر و بيتفاعل مع بعضة ... و ممكن تكون فرصة حلوة لاثراء الحياة الثقافية الخالية

لكن بالنسبة لنقطة اننا نعمل رابطة للمدونين ...صراحة انا شايفة انه نبقي كدا احسن ... لان انت عارفة بلدك الميمونة و نظامها ...بتتدخل ماشاء الله في كل شئ و بتفسد اي تجمع بطريقة منقطة النظير ... عندك الاحزاب السياسية علشان اتقننت ضعفت و النقابات كمان ... و يمكن دا سر نجاح الاخوان انهم مش خاضعين لاي سلطة تبع الدولة ...

خلينا كدا و اكيد بعد اللي حصل الناس عرفت ان التدوين فعلا سلاح و محدش هيقدر ينكرة و هيكون فيه اتصال بين المدونين عبر الشبكة و قضايا الراي العام هتفرض نفسها و لو حد عمل كدا فضيحتة هتبقي بجلاجل بجد ...بعد انتشار المدونين زي ما انت بتقولي لان المدونين دول ليهم اهل و اصحاب و معارف و دنيا تانية :)

مع خالص تحياتي

change destiny يقول...

ايه يا بنتي

ما شاء الله

انتي لحقتي تكتبي كل دة امتى ؟

انا قلت انا دخلت مدونة مختلفة


ام هند , زي ما قلت عند شقير مبروك


بس لسة محتاجين حل جذري

elgharep يقول...

أحييك على طرح تلك الموضوعات الحيوية وأن كنت لم أسمع من قبل على غضبة الصيادلة الا منك
الغريب

عبدالمنعم محمود يقول...

الاخت شمس هذه ثاني مرة ادخل للتعليق علي تدوينك واسألك ليه فعلا منعملش رابطة للمدونين سواء المصريين أو علي مستوي عربي او اسلامي ودي ممكن تكون أكبر من النظام لانها ممكن تتحول لمنظمة دولية زي مراسلين بلا حدود مثلا
عموما هذه الفكرة انا بفكر فيها من زمان وانا بعد لندوة من خلال مركز حوار للاعلام والتنمية عن الاعلام الشحص والاعلام البديل وتأثيرهم علي المجتمع وحقوق الملكية الفكرية للمدونين وانا بنظم ليها ومحتاج افكار جديدة وشخصيات ترشح للحديث في الموضوع ده
وممكنيدخل في اطارها مدي امكانية انشاءكيان قانوني للتدوين خصوصا او للاعلام اللالكتروني عموما
انتظر مساهمتك يا شمس انتي وزوارك علي
abdoumonem@gmail.com