السبت، فبراير 17، 2007

التـــــأمــــــل الـــــرابـــــــع ... الــــــبـــــــعـــــــد الثـــــالــــــث


السلام عليكم و رحمة الله و بركاتة

اعود الي نشر نوع الكتابة المحبب الي قلبي و هو الكتابات الفلسفية التأملية هذه المقالة مكتوبة منذ فترة طويلة و حدثت عليها تعديلات طفيفة ... اترككم مع هذا التأمل



البـــــعـــــد الــــثـــــالـــــث



في رحلة الحياة تضم الظروف أناس تتشابه وجهاتهم و ميولهم ( دراسه , رياضة , هوايه , عمل ) و يكون تشابههم في اشياء ظاهرية ( سطحية ) و خلال التقاء الناس في هذه المجالات ... يظن انهم يكونون علاقات و روابط مع الاخرين و لكن الواقع ان العلاقات من هذا النوع تأخذ بعدين فقط (فقط بعد ان هؤلاء الناس يجمعهو اهتمامات مشتركة فقط ) , اي عندما تنتهي الظروف التي تجمعهم تنتهي العلاقة - اعتقد اننا نلاحظ هذا في بعض علاقاتنا بالكلية اثناء الدراسة يا سلام علي التقارب و لكن حينما تأتي الاجازة و يمضي المرء في طريقه و يشكوا الكثيرين من الوحدة و يتهمون الاخر بالجحود و الانانية و ان الناس لا تجمعهم سوي علاقة المصلحة و لا يعرفونهم غير للمصلحة تمضي علي هذا النسق اي مجموعة تتقابل مثل من يتقابلوا في عمل خيري ما ... ام رياضة ما .. ام في عمل ما ... ام حتي اعضاء منتدي واحد .

و في الواقع انا هناك الكثيرين لا يفطنون لوجوب ان تتخذ العلاقة القوية و ليست العابرة "بعداً ثالثا ً" و هو ما يطفي علي العلاقة الانسانية نوعاً من العمق و القوة .
فهناك كثيرين يظنون انهم كلما تكلموا عن انفسهم كلما زاد رصيدهم عند الناس و لكن في الواقع ان الانسان الذي يهتم بمشاعر الناس و يسأل عنهم ( يسمع من الناس اكثر مما يتكلم عن نفسه ) هو الذي يكون لديه رصيد لا بأس به من الصداقات العميقة .

و حينما يصل الناس لهذا المفهوم و هو الوصول بالعلاقة للبعد الثالث ( اي ان الناس لا يجمعهم الاهتمام فقط و لكن هناك اشياء اخري غالبا ما تكون نفسية ) و غالبا ما يبني البعد الثالث علي التوافق الروحي اولاً ( فالارواح جنود مجندة ما تعارف منها ائتلف و ما تنافر منها اختلف ) و الصدق ثانياً و مراعاه شعور الاخر ثالثاً ( لانه من مقومات العلاقة العميقة ان تسمع من رفيقك مشاكل لا تخصك و لست انت جزء منها و لكن نسمعها فقط لانها تخص هذا الشخص العزيز عليك و هذه هي قمة مراعاة شعور الاخرين ) لسوف يتوقف الناس عن الشكوي من الشعور بالوحدة وسط مجتمع مزدحم
.



ملحوظة ذهنية :-هذه النظرية تنطبق علي كل علاقة قوية أختار الشخصان بعضهما البعض و لم يكونا مفروضان كلالاهل و زملاء العمل ... مثل :- صديقين او زوجين

هناك 30 تعليقًا:

sharkawoo يقول...

قد أتفق وقد أختلف في تلك النظرية التي تحدث كثيراً للانسان....

ولكن أشعر أن تلك العلاقات التي تأخذ البعدين فقط هي مجرد علاقات من أجل مصلحة معينة سواء كانت خير او شر ليس يهمني....ولكن مجرد أنها لمصلحة معينة....فطبيعي جداً بمجرد إنتهاء تلك المصلحة سوف تنتهي العلاقة تماماً....

أما الصداقة من أجل الصداقة والمحبة والأخوة فهي التي تكمل ... صحيح كانت أخذت البعد الثالث ... أم لم تأخذه...

ولكن النية تكون هي الاساس في الأمر كما آراه.....

كتابة فلسفية أعجبتني كثيراً.... حضرتك ناوية تكملي آداب فلسفة بعد الصيدلة ولا إيه :)


أعانكم الله أختنا الكريمة....

غير معرف يقول...

كلام جميل جدا ومتفق معاكى فيه
وكنت بس عايز أقول على بعد تانى وهو العشرة وده عن تجربة شخصية
ليه واحد صاحبى مش نفس طباعى ويمكن سلوكنا مختلف تماما بس عالشان هو كان معايا من ايام الدراسة وبعدين الكلية يعنى حوالى 20 سنه مع بعض
علشان كده بعتبره صديق مخلص
والحمد لله لسه برضه محتفظين على الصداقة
على كل حال تأمل جميل

غير معرف يقول...

الصداقه ....بحثت عن الكنز المفقود وهنيئا لمن يجده
الصداقه أبعد ما تكون مصلحه وأبعد ما تكون عشره وأبعد ما تكون التصاق يفرض نفسه
الصداقه أحساس عميق بالحب والتفاهم
ولان الحب بات مزيفا هذة الايام باتت الصداقه مزيفه هي كذلك
لي صديقه بعيده عني الان ورغم السنين والبعد ألا أنني أحبها وسأظل,
تلك هي الصديقه !!ولدي صديقة أخرى تربينا معا وأحببتها أكثر من أخواتي وكنت صادقه صدق الحب نفسه ألاأن المصالح ظهرت وأبتعدنا رغم أقترابنا ماديا من بعض الان أكثر من السابق الا أن البعد فرض نفسه وما زلت حتى اليوم برغم السنين أسأل ما الذي حدث وكيف حدث وكيف سمحنا له بأن يحدث !!!
الصداقه مثلها مثل المشاعر ما أن نفكر بقيادتها حتى نفرغها من محتواها
أعتبرتك صديقه من بعيد وحدثتك بما لم أعد أحدث به أحد
تحياتي لك

محمد عبد الغفار يقول...

أصدقائى المقربين أرتبط بهم عبر سنوات الدراسه ولكنهم كانوا فى المجمل اصدقاء الثانوى

هناك بعد رابع هام لا يمكن اغفاله ، وهو من يتق الله فى الخرين يكون معهم روابط قويه

غير معرف يقول...

بسم الله الرحمن الرحيم
السلام عليكم ورحمة الله وبركاته

الصداقة نوع من أنواع العلاقات الانسانية وفن للتواصل مع الآخرين الذين بوجودهم نحيا حياة أكثر تكاملا لكن ومثل ماذكرتي علينا أن نبني صدقتنا على الحب والود والتفاهم لا على المصالح المشتركه التي إذا ما إنتهت تنتهي علاااقة الصداقه بيننا

شكرا أختي في الله على الموضوع الطيب

دمتِ بطاعة الله

الديب يقول...

لي واحد صاحبي دايما بيقول كلمة عن تلك الروابط التي قد تتفكك او قد تدوم ...

" ما كان لله دام واتصل .. وما كان لغيره انقطع وانفصل"

تأمل جميل جدا يا دكتورة

يا مراكبي يقول...

طبعا الصداقة اللي بتتبني على شيء آخر غير الظروف المشتركة بتكون دايما متينة وقوية .. لكن من تجربتي الشخصية للأسف البعاد بيقلل من قوة الصداقة دي شيئا فشيئا .. للأسف .. للأسف

AbdElRaHmaN Ayyash يقول...

تلك الروابط التي نتحدث عنها لا تحتاج دوما بعدا ثالثا كي تستمر
أعتقد أن الاهتمام يكفي لعلاقة .. لكنها بالتأكيد ليس صداقة دائمة
ولا تصح أن تكون علاقة بين زوجين
أما الاهتمامات المشتركة ومن ثم الحياة المشتركة ككل فهي مرحلة معينة تأتي بعد مراحل كثيرة تتضمن الحب والايثار والتضحية وتنتهي بألا يرى الصديق غير صديقه ولا يحب أحدا كما يحبه
عموما
التدوينة جميلة جدا
تحياتي

قاسم أفندي يقول...

طيب ماهو ده تماما الفرق بين الزمالة والصداقة
الزمالة ممكن تكون زمالة عمل او زمالة دراسة او زمالة حتي ركوب ميكروباص
بس الصداقة شيء آخر اللي هي بتحوى البعد الثالث اللي بتحكي حضرتك عليه وعلي فكرة الصداقة ليس لها أي محدد لا سن ولا جنس ولا مكان ولا دين ولا يشترط أيضا ان تكون متبادلة فمن يعطي لصديق لا ينتظر المقابل

شــــمـس الديـن يقول...

السلام عليكم و رحمة الله وبركاتة

الفاضل شارقاوو

مرحبا بك في المدونة ....

فيه ناس نصحوني اني ا قلل من حجم التدوينة علشان الملل بتاع القارئ ...

فيمكن مش كل مقاصدي وضحت او وصلت للجميع , ما كنت اقصدة انه هناك الكثيرين يحسبون انه مجرد ان انسان جمعتني به اي هدف مشترك ...اصبح صديق , و لكن نفاجئ بعد انتهاء ما يضمهم ان هذه الصداقة كانت نوع من الانس بالناس لان الانسان مخلوق اجتماعي و لا يستطيع العيش منفردا ... فتكون صدمة لطرف دون طرف

انا اتعلمت التأمل دا منذ ادم بعيد , و تقريبا من اول مرات بتقابل مع الانسان اللي ادامي ببقي عارفة هل الانسانة دي مجرد معرفة , ولا زميلة , و لا صاحبة , و لا صديقة , و لا اخت لم تلدها امي ...

ان شاءا لله هبقي اعرض النوع دا طالما نال الاعجاب ...
وزمان فكرت لفترة اني انمي معلوماتي النفسية الفلسفية ... لاني ميالة ليها فطريا , بس دا كان زمان
بس شكلك كدا هتكبر الموضوع في دماغي :)

دمت فكل الخير
***********************************

الكريم " حسن محمود "
ممممم
و الله هقول لك
مش دائما العشرة بتقرب الناس ( او يمكن معايا انا بس الله اعلم )

يعني انا ايام الكلية كنت بحب اني أختبار اصدقائي بنفسي ولا ادع الظروف تفرضهم علي ( و الحمد لله لي شكلة رائعة من جميع الحروف بدياة من الالف الي الهاء ) ... يعني انت تلاقي كتير اوي - و خاصة في الكليات العملي - شلة اصحاب بيكونوا من نفس الاسم ( بحكم العشرة في السكاشن و التجمع الابجدي) لكن بالنسبة لتجربتي , انا كانت علاقتي طيبة بكل من معي في السكشن و لكن مكنش فيه حد منهم صاجبتي !!!!

رغم ذلك كانت فيه واحدة في السكشن بتكرهني و انا عارفة و شاء الله ان نعمل معا في التجارب العملي لمدة ترم كامل في مادة الفارما و لم تنجح عشرة الايام في ان تتقبلني هذه الفتاة و طبعا في الشكسن دا بالذات كان لازم كل التجارب تطلع فاشلة !!!
مش لشئ و لكن لاننا مش طايقيين بعض خالص عامل نفسي بحت

هي احتمال بردوا اختلاف شخصيات ...

دمت بكل التقدير
************************************
الاخت العزيزة جدا الهام ...مرحبا بك دائما عندي

فعلا معاكي حق
انا صديقتي الحالية - او لنقل جميع من طلعت بهم من الكلية - لم اكن لاراهم في الكلية اساسا !!!

انه شعور ساحر يجعلك تشعر بتفاهم و ود عجيب بينك و بين الاخر حتي و ان لم تراه كثيرا ... يجعلك تدرك انكما تتحدثان علي نفس الfrequejncy & wave length
اعتذر للالفاظ الاعجمية ..

عارفة , انا تقريبا قفلت قلبي من ناحية الناس و اصبحت اتعامل معهم بالاخلاق فقط لاني اراعي الله في تعاملاتي وبالتبعية لا اانتظر منهم اي شئ ... للأن الحياة العملية بعد التخرج تقتل كل مشاعر دون اي مصالح و لكن تطغي المصلحة فوق كل شئ.. .للاسف

ادعوا الله دائما ان يوفقني للصحبة الصالحة اينما كنت

و انت قصتك فعلا غريبة اوي ... كان الله في عونك لان وجود صديقة مزيفة قريبة هو شعور مرير حقا !!!

انت فعلا صديقة - يعلم الله - من اول ما شوفت اسلوب كتابتك الراقي شعرت انك فعلا انسانة مختلفة و ضممتك لاخوة الكفاح المسلح - علي الرغم من اني لا اعرفك علي الحقيقة مثل الباقين ...

دامت المشاعر الطيبة بيننا و اعتقد انك ادركتي ما اقصد بالبعد الثالث :)

دمتِ بخالص المحبة

***********************************

الكريم mohamed a. ghaffar

معك حق ... اصدقائي هم اصدقاء الكلية , و حقا ما تقول من يتق الله يجعل له مخرجا و يرزقة من حيث لا يحتسب ... و الرزق دا ممكن يكون علي شكل علاقات قوية مع الاخرين

دمت في رعاية الله
************************************

الفاضل عبد الله

و عليكم السلام و رحمة الله و بركاتة
اولا مرحبا بك في المدونة و ارجو ان لا تكون هذه هي زيارتك الاول و الاخيرة :)

تعليقك جميل ولا ااستطيع ان ازيد ... بارك الله لك و اعزك

************************************
الفاضل الديب

مرحبا بك في المدونة

هو طبعا كلامك حق ... و لكن ما عنيت لم يكن في هذه النقطة ... و لكن كنت اقصد انه ربما تكون نيتك صالحة ... و لكن في العلاقات الانسانية النوايا الحسنةل ا تكفي ... بمعني انه لابد ان يصدق النية العمل و العمل المثمر الذي يوجة العلاقة في افضل حال ... و ربما تكون نيتي حسنة و لكن لا استطيع ان اتقبل هذا الانسان ( و حصلت فعلا معايا مرة انه كانت فيه واحدة مصرة انها تتعرف عليا و تبقي صاحبتي و انا كنت حاسة تجاهها بنفور غريب ... رغم انني لا ارتاب في نيتها ...

مججرد رغبت في توضيح نقطة قد لا تكون واضحة لقلة الكلام المكتوب ...

دمت في رعاية الله

***********************************

الكريم " احمد ثروت القاضي "

مممممم
للاسف انت معاك حق فعلا للاسف في النقطة دي ...

مرة كنت اتناقشت في نقطة البعيد عن العين بعيد عن القلب مع ناس اعرفهم , و طلعت بخلاصة انه المثل دا ممكن يطبق مع ناس " اتعودت" علي وجودهم فقط في حياتك ... و لكنه لا يمكن ان يطبق مع ناس جمعت بينهم اواصر علاقة نفسية عميقة و احببتهم بعمق ...

اتدري
كانت لي صديقة و فعلا حسيت بانها قريبة جدا من نفسيتي و اننا بننفذ لنفسيات بعض بسهولة في ايام ثانوي ... دخلت طب و دخلت انا صيدلة و هي صراحة مكانتش بتبذل مجهود علشان تحافظز علي الصداقة دي ... و انا زهقت من البذل ... و بعدنا عن بعض حوالي 4 سنوات , و لسة شايفاها من حوالي اسبوع ... مش عايزة اقول لك سبحان الله كأننا لسة شايفين بعض امس و فيه الف موضوع و موضوع نتكلم فيه و محسيتش ببعد ابدا ...

ربنا يجمعك علي اصدقائك بكل خير
***********************************

الفاضل عبد الرحمن

اكيد ... ليس الاهتمام فقط هناك اشياء اخري

لا استطيع ان ازيد علي كلامك الجميل ... خالص التحية :)

************************************

الفاضل قاسم افندي

صحيح ... دا لافارق بين الصداقة و الزمالة ... و لكن اعتقد ان الغالبية لا تدركة !!! و يشكو البعض من انهم وحيدون ولا يجدوا الاهتمام من الناس لانهم لم يدركوا الفارق الحقيقي بين الصداقة و الزمالة ...

ممكن اتفق معك جزئيا في نقطة انها غير محددة ... لكني لا اتفق مع حضرتك في انها متبادلة ... لان اي علاقة بين طرفين لابد ان تكون هاكذا <=========> اي سهم رايح جاي بين الطرفين ... لان العالفة القائمة علي الاخذ فقط او العطاء فقط هي علاقة عرجاء ( اي لا تسير علي قدمين متساويين )و غير متكافئة ... لانها بلا معني ... ربما يقبل طرف اي يكون هو الاخذ فقط و طرف اخر ان يكون هو علاطي فقط ... و لكن صدقني لن تكون علاقة متكافئة او مريحة ابدا و لن تكون حب او صداقة حقيقية ....

**********************************

دمتم جميعا بكل الخير و الود :)
في رعاية الله دائما

sherehan84 يقول...

ساعات بيبقى سماع الآخرين تقيل على القلب كده والواحد بيبقى نفسه يقول للي بيتكلم ده بس اسكت كفايه .. بتحصللي مع ناس عزاز قوي عليه وبحزن من جوايا اني مش قادره أسمعلهم ..
أه قلبتي عليا المواجع

غير معرف يقول...

مقال رائع يا أخت شمس و ده كان قصدي على دوام الحال مش من الحال,قصدي إن دوام حالك على الكتابة الرائعة و الجيدة لن يتوقف أبدا...أما بخصوص أنواع الصداقة ده ففي أبعاد كتيرة جدا في رابع و خامس و سادس و كل واحد فينا عنده بعد خاص به..طبعا كلامك معقول جدا و محدش يقدر يقول عليه حاجة و

النهر يقول...

أعتقد أن صداقات الطفولة وخصوصا الطفولة المتأخرة هى الأقرب للديمومة من أى صداقات أخرى ، وعندما راجعت ذلك بنفسى على من حولى و على نفسى أيضا وجدت ذلك هو الأقرب للحقيقة من أى صداقات تنبنى بعد ذلك ، لأن فترة الطفولة فيها صفاء ونقاء غير موجود فى المراحل العمرية التى تلى تلك الفترة من حياة الأنسان

غير معرف يقول...

حقيقة الصداقة في رأيي من المفاهيم الغامضة فهي ليست مثل الحب و ليست مثل الأخوة فهي لا تقوم علي علاقة بالدم و لا علي عقد شرعي و لا علي مصالح متبادلة
معك حق عندما تقولي أن لوجود الصداقة يلزم وجود بعد ثالث في العلاقة
لكن هذا البعد يتكون من عوامل كثيرة تختلف من شخص لشخص
لا أظن إننا سنستطيع أبدا أن نحدد قاعدة ثابته نقول أن لهاذا السبب تقوم علاقة صداقة بين طرفين فتنوع الأسباب ناتج عن تنوع الطبائع البشرية
فعن نفسي لي أصدقاء نختلف عن بعض في كل النواحي لكنهم أصدقائي
و لي صديق عن جد قد تعرفت عليه لمدة ست أشهر في مرحلة الطفولة و لم أقابله بعد ذلك غير ثلاث أو أربع مرات صدفة و لكني دوما أعتبره من أعز أصدقائي

Stangallina يقول...

masha 2allah ,, ma3doo3 aktar men ra2e3 ya Shams ,, we ameel awy ,, ennena netkallem 3an el bo3d el ensany fe el 3elakat el ensaniah ,, elly fe el ghaleb ,, maba2ash ensany ,, we ba2a leeh da3wa be el masale7 we bas ,, rabena yebarek feeky ,, we atmanna law tezoreeny fe mowadanty el motawad3a ,, we teddeny ra2iek law 7aga 3agabetek ,,
than so much
& have a nice day
www.Stangallina.blogspot.com

غير معرف يقول...

عارفة يا شمس الدين انا حاسس اني مش فاهم اي حاجة تقريبا انا مستوي غبائي زاد او بقيت زي بتاع الندوة بتاعة الصاوي مش مهم هحاول افهم

kaed يقول...

إزيك ياشمس عندك حق فى اللى قولتية ولكن الزمالة حاجة و الصحوبية حاجة تانية خالص

كراكيب عادل يقول...

اخ جيتي علي الجرح العلاقات بين البشر

واستمرارها او انقطاعها موضوع كبير جداااا

بس بنحاول نفسرة انتي طرحتي اسئلة ناقصه الاجابات انا كتبت حاجه قريبه عن كده بس انا عايز اقول حاجه مهمه جداا لازم يكون فيه عامل مشترك بين اي اتنين علشان يكون فيه تواصل علي الاقل حاجه او اتنين مهما تكن درجه العلاقه وطرأ تغير لطرف منهم هيحصل نوع من التغير مش سريع وكان حاجة بتموت شويه شويه

نتشرف بمرورك مع انك في مره كنتي هتعوريني بالسيف بتاعك في تعليق من تعليقاتي بس اعمل ايه موضوعك شدني

شخبطة ملوكى يقول...

جميل جداهذا البعد الرائع الذى نفتقده هذه الايام
يعنى بالمختصر المزيد نقدر نقول ان علاقات هذا الزمان علاقات لحظية تعتمد على المصلحة و الشراكة فى المكان او الزمان فقط و ليس الا
انما ما نفتقده هو العلاقة الحميمة بين الاصدقاء بلا غرض
علاقة تعتمد على الشراكة اكثر من التوافق على الحب و الاحترام ومش شرط التطابق
انا عن نفسي صدمت فى علاقه مع مجموعة من الزملاء كنت اظنها صداقة و كتبت عنها قصيده ارفق مقطع منها


تاهت مجاديف المشاعر واختفت .. كل الشطوط..
بعد اما تاهت مركبى ف بحر الضياع ..
تاهت مراسينا . انتهت ..
راح منى صوت ..
يكتب على صفحة شراع ..
ضاقت شطوط بر الصديق ..
على مركبى .. والبر ضاع ..
بعد اما جمعنا الوسع . طول الزمن ..
ف قلوب تساع.. كل البشر ..
تصبح مشاع ..
للى يريد .. و اللى يعوز ..
جايز .. يجوز ..
كنا غلط ..
كنت الصديق .. ده بالغلط ..
واليوم بفوق على حلم ضاع ..
مكتوب على صفحة شراع ..
اه يا وطن قلب الصديق ..
ملعون ابوك لما تضيق ..
سامحونى لازم انسحب ..
واقول وداع..

شــــمـس الديـن يقول...

السلام عليكم و رحمة الله و بركاتة

sherehan84الفاضلة
مرورا طيبا و ارجو ان لا تكون المرة الاخيرة
مش عارفة بس اللي انت بتقوليه دا مؤشر غير طيب ...لو لم يتسع صدرك للنا لن يتسع تتسع صدورهم اليك بعد فترة ... و ستعاني كثيرا ... انها القاعدة , لن يأخذ من هو غير مستعد للعطاء

علي فكرة دي مرحلة ان شاء الله و اتمني انك تتغلبي عليها قريبا
في حفظ الله

**********************************


الاخ الفاضل الكريم يعقوب
اله يكرمك ...ادعي لي انت بس اني اظل ا جد وقت للكتابة ...

اكيد , المقال مجرد بداية للتامل الكثير ...يعني اصلا هو بداية لتصورات كثيرة ممكن اي انسان يضيف عليها

خالص الامتنان علي مرورك الطيب

***********************************

الاخ الفاضل nagah

و الله هي ممكن فعلا تكون حصلت مع حضرتحك او مع الناس اللي تعرفهم ...بس معايا انا و اغلب اللي اعرفهم الاكمر لم يكن كذلك :)
لان في الطفولة المتأخرة هذه الانسان يكون متخبط ولا يعرف له طريق ... هي عامة البشر مختلفين جدا و طعام زيد سم لعمرو ... يعني مش قاعدة و لكنه مجرد تأمل قاصر ...لان عقل الانسان لن يستوعب كل ما يحدث لكل البشر

خالص التحية علي المرور العطر

***********************************

الاخ الفاضل محمد

صحيح ...البعد الثالث يختلف من شخص لاخر ... فهناك مجموعة من الاشخاص يحتاجون لاشياء لا يحتاجها الاخرون ... و هاكذا بختلاف البشر انفسهم ...
طيب حضرتك قولت ان ناس مختلفين عنك تماما بس هما اصدقائك... ايه اللي خلاك تقول انهم اصدقائك ؟؟؟ و باسلوب اخر ...ما هو الشئ الذي لو حدث مع شخص تستطيع ان تقول عليه انه صديقك ؟؟؟

جزيتم خيرا علي مروركم الكريم

***********************************

الفاضل stangallina

بجب انا بتعب كثيرا لما بقرأ العربي مكوتب بالحروف اللاتينية ... بجد عذبتني لحد ما عرفت افكر الطلاسم اللي موجودة

شكرا علي مرورك الطيب ...و فعلا الناس بتحكم علي اي علاقة بين اتنين دلوقتي بالماديات فقط و نسيوا الانسانيات اللي في اي علاقة ...و ان شاء الله في القريب العاجل هزور مدونتك ...و اعذرني علي التأخير لاني برجع من الشغل ميته

دمت في رعاية الله دائما
***********************************

الاخ الفاضل كبير المتشردين
لا قطع الله لك عادة ...:)

بس انت بجد يبت لي احباط كبير ...لان كون ان حد مفهمش معني ذلك اني بكتب باسلوب صعب و غير مفهوم ... :(

..................................

الاخ الفاضل قائد

فعلا الزمالة حاجة و الصحوبية حاجة تانية ...و فيه ناس مش فتفهم الفارق بين الاتنين و بتلاقي مشاكل في انها تكون صداقات ... خالص تحياتي علي المرور والتعقيب

***********************************

الاخ الفاضل عادل ...
انا مكنتش اعرف انه انت اللي بتمر و بتكتب اسمك بدون المدونة ...اعذرني بجد لاني مش مداومة اني ادخل المدونة كتير الفترة الماضية ...

طيب ايه هي الاسئلة الناقصة اللي طرحتها ؟؟؟ انا جاوبت علي ما اريدة في اخر المقالة و قولت علي الشروط اللي شايفاها من وجة نظري المتواضعة اهم العوامل اللي تعمل صداقة او اي علافة انسانية


و مش فاكرة صراحي اني كنت هعور حد باي حاجة ولا حتي فكرة ....

حاضر ان شاء الله همر قريبا علي مدونتك بس اعذرني بجد لاني غير مداومةالفترة دي علي اني ادل علي النت


خالص التحية
*********************************

اخي العزيز طارق المملوك

اعتقد ان حضرتك و الهام ...اكثر اتنين فهموا انا اقصد ايه بالضب من كلامي ...
كلامك بؤكد ما اقولة ... و بجد بجد بحد الجزء اللي حضرتك كتابتة من القصيدة بتاعتك غاية في العمق و التأثر و دا اللي خلاني اقول انك فعلا حسيت بمعني كلامي ووصلك المعني اللي عايزة اقولة

ز بجد سعيدة اوي ان انسان موهوب زي حضرتك يشرف مدونتي بالمرور

**********************************

خالص تحياتي للجميع :)

ancient clown يقول...

Blessings;

Visiting and sharing the LOVE.
your humble servant,
ancient clown

Diyaa' يقول...

i love that theory & i'll talk about it when i go back to the right mood
i almost agree wiz u & i greet u for it
sorry for not following ur blog

غير معرف يقول...

عشان متزعليش نفسك :)
ضبط شركة لتعبئة الأعشاب والمستحضرات الطبية المغشوشة
الأخبار
55 السنة - 17113 ه - العدد 1428 صفر من 7 - م 2007 فبراير من 25 الأحد


ترويج المنتجات عن طريق الصحف والقنوات الفضائية
كتب حسين المرصفاوي وبهاء الدين
ألقت الادارة العامة لمباحث التموين بوزارة الداخلية القبض علي المسئولين عن شركة شهيرة في تصنيع المستحضرات الطبية لقيامهم بتعبئة المستحضرات الطبية المغشوشة وبيعها عن طريق وسائل الاعلام المرئية والمطبوعة وتم ضبط 8610 اقراص وعبوات و375 كيلو اعشاب طبية و240 كيلو عسل ابيض مغشوش مجهولة المصدر وتولت النيابة التحقيق.
وردت معلومات للواء دكتور محمد أبوشادي مدير الادارة عن قيام صاحب الشركة غير المرخصة بتعبئة المستحضرات الطبية مجهولة المصدر وغير مسجلة بوزارة الصحة والمعبأة داخل عبوات بلاستيكية مدون عليها تعالج البروستاتا والسكر وامراض الكبد وتعبئة عسل السدر ومزاولة مهنة الطب والصيدلة بدون ترخيص والاعلان عن هذه المنتجات عن طريق وسائل الاعلام والقنوات الفضائية.. تم استئذان النيابة العامة وقامت حملة بالاشتراك مع الادارة المركزية للشئون الصيدلية بوزارة الصحة والسكان بمداهمة مقر الشركة والمخزن وضبط كميات كبيرة من العسل الابيض والاعشاب الطبية مغشوشة وكميات كبيرة من الاستيكرات المدون عليها اعلانات الشركة وفواتير اعلانات الشركة وفواتير البيع.. تم القبض علي المسئولين عن الشركة بينما هرب صاحبها وتم اخطار الادارة العامة لمكافحة التهرب الضريبي وامرت النيابة بالتحفظ علي المضبوطات.

Khaled gad يقول...

كلامك بأسلوب تانى

كل واحد بيسعى ان الاخرين بفهموه و ده هدف كل تواصل بين شخص و اخر فى اى مجال و تحت اى مسمى , فلو الواحد اشبع رغبة الاخر فى انه يتفهم يبقى حطه فى جيبه و بنى علاقه قويه جدا مع هذا الاخر

بس اللى بيحصل اننا بنحاول نحقق رغبتنا قبل كل شئ و نفضل نهاتى علشان الاخر يفهمنا و ننسى خالص ان الاخر برضه محتاج اننا نفهمه و بتصبح معظم المناقشات , مين صح و مين غلط , فى حين انها ممكن تكون انا صح و انت صح و كلامى على كلامك هو خلاصة الموضوع

ان الواحد يسمع اللى قدامه بانصات شديد و تفاهم هو الطريقة اللى هيتبنى عليه البعد التالت

انا عايز رأيك فى اخر تدوينة عندى , ومش بس رايك , و مشاركتك كمان
سيبى كل اللى فى ايدكدلوقتى و افتحى المدونة

غير معرف يقول...

كلام جميل كلام معقول مقدرش اقول حاجة عنه
أنا عن نفسى لو مكنش وجود الأصدقاء فى حياتى اللى بحبهم فعلا من غير اى مصلحة نهائى وبعض الروابط الاجتماعية اللى بسعى فيها برضه بصدق نفسى وحب فى الله جدا كان زمانى معقدة نفسيا بجد علاقات البعد الثالث دى مهمة فى حياة الإنسان جدا وهى التى تبعث التفائل والأمل وحب الناس
ربنا يكرمك يا شمس يارب

مهندس زراعي يقول...

موضوع جميل فعلا ورائع اتمنى التوفيق لكِ

وتحياتي

كلام لوجيك يقول...

اختى الكريمة شمس
احب احييكى على موضوعك المميز واسلوبك السلس فى الكتابة
انتى اخترتى موضوع مهم جدا وبيسبب كتير من الاختلاف وسوء الفهم بين الناس فى تفسيرهم لمعنى الصداقة الحقيقية والزمالة
انا مش هطول فى الكلام لإن اللى سبقونى شرحوا بالكامل ما كنت اريد قوله
لكن اللى عاوز اقوله
ان بعيد عن تلك التصنيفات والبعد الثالث والعشرة
فأنا اؤمن بحاجه اسمها كيميا الارواح
ودي اللى بتخلى عند الشخص قبول للاخر
ان الانسان يتعاطف ويميل الى شخص اخر حتى دون ان يعرفه او ان يتكلم معه
وكيميا الارواح دي هى السبب فى كره زميلتك فى السيكشن ليكى بدون سبب وبدون وقبل ان تتعامل معكى حتى

لا اريد الأطالة اكثر من ذلك
اشكرك مرة اخري على الموضوع المميز وكلماتك المعبرة
خالص تحياتى
ودمتم جميعا بألف خير

FTM يقول...

لمستى نقطة مهمة جدا و انا مؤمنة بها تماما و هى ان الاهتمامات المشتركة قد تكون عاملا مخادعا يوحى لك بأن التقارب الفكرى موجود لكن الإنسان عشان يختبر التقارب الروحى و الفكرى لازم ينحى هذة الاهتمامات جانبا ليستطيع الحكم بموضوعية

و كمان فى ناس متقاربين جدا مع بعض و مجالاتهم و اهتمامتهم مختلفة و هو ما يؤكد الكلام السابق

دمتى بخير

قاسم أفندي يقول...

شمس
في موضوع منشور عندي ياريت تشاركينا فيه

شــــمـس الديـن يقول...

السلام عليكم و رحمة الله و بركاتة

ancient clownالفاضل

حسنا و لكني كنت اتمني ان تقرأ ما قولتة و تعقب عليه ثم تعلن عن ما تريد

***********************************

الاخ الفاضل ضياء

عاش من شافك ... انتظر تعليقك بفارغ الصبر و اعتقد ان كلامي وصلك , وولا يهمك اكيد عندك عذرك

------------------------------------
انونميس
شكرا علي الخبر !!!

////////////////////////////////////
اخي الفاضل " خالد " بحب مصر

انت معاك حق تماما فيما تقول و احنا اتعودنا اننا ناخد منديش و دا سبب فشل علاقات كتيرة اوي قائمة علي طرف واحد فقط ...هذا النوع من العلاقات اسمية علاقة عرجاء
و حاضر انا قولت رأيي في اخر تدوينة بس ياريت مش تزعل :)

************************************


نورا لارين ...بحب بتفائل لما بشوف اسمك علي المدونة ...
و كويس اننامتفقين في نفس الرؤية

تحياتي ليكي

*--*-*-*-*-*-*-*-***-**-*-*-*-*-*-**-
الفاضل مهندس زراعي

شكرا لك علي تعقيبك ... و لكن مدونتك مش عايزة تفتح !!!

------------------------------------

الفاضل ساكاماكا نيوز

( هو الاسم دا له اصل ياباني اخي الكريم ؟؟؟)


انال معاك تماما في موضوع كيمياء الارواح دا ... و الموضوع دا صعب انك تشرحة بالكلمات و لكن يمكن اكون اختارت البعد التالت لوصف هذا الشئ بالذات ... احييك بشدة لانك حيبت مرادف لما احوالان اقوله ...

دمت بكل الود

----------------------------------


العزيزة فاطمة
هذه المرة الثانية التي تمري علي في مدونتي ...و يا رب يديم المعروف علي طول

التقارب الروحيا و كما قال ساكاماكا كيمياء الارواح هي اللي بجد بتشكل الصداقة او ركيزة اساسية للصداقة ... حتي و ان بعدت المسافات .. فالمثل القائل البعيد عن العين بعيد عن القلب لا يتحدثون فيه عن اسخاص حدثت بينهم كيمياء و لكن عن اشخاص فقط اعتادوا علي بعضهم البعض و عند الافتراق نسوا هذا الاعتياد ... و لكن من بينهم كيمياء ارواح لا ينطبق عليهم هذا المثل

دامت زياراتك لي بكل الخير

===================================
الاخ الفاضل قاسم افندي
حاضر
:)

0000000000000000000000000000000000
مع خالص التحية للجميع :)