الثلاثاء، مايو 15، 2007

الكبار سيموتون والصغار سينسون




السلام عليكم و رحمة الله و بركاتة



ممممم ما هو تاريخ اليوم ؟؟؟

اساسا صعب جدا اذا سئلني هذا السؤال ان اتتذكر بسرعة ما هو تاريخ اليوم و ما هو اليوم نفسة




عامة نحن يوم الثلاثاء 15 – مايو- 2007



اول ما الواحد في مصر يسمع يوم 15 مايو يتذكر الكوبري المسمي بهذا التاريخ

و لطالما تعجبت من هذا التاريخ الذي لا اذكر له شئ مهم في تاريخنا و عندما سئلت وجدت انه يوم اقالة مراكز القوي ايام السادات ... و تعجبت هل هذا التاريخ يستحق ان يخلد بكوبري


و لكن لهذا التاريخ قصة اخري اكتشفتها – و يالجهلي – مصادفة

تذكرت مقولة تقول انه اغلب الاحداث الجسام بتحدث في السنة السابعة من العقد ... يعني سنة عام 1897 فى بازل بسويسرا ، أى فى العام نفسه الذى عُقد فيه المؤتمر الصهيونى الأول – و الذي يقال انه نفس العام التي كتبت فيه برتكولات حكماء صهيون-عام 1917 صدر وعد بلفور , عام 47 بدأ اليهود .يدخلون الي الاراضي الفلسطينية حتي يقيموا دولة اسرتئيل المزعومة ... اواخر عام 56 حدث العدوان الثلاثي ... و عام 67 حدثت النكسة – او حرب الاستة ايام كما يسمونها – و سقطت سيناء و الجولان و القدس في ايدي العدو ... و عام 77 تم توقيع اتفاقية السلام بين مصر و اسرائيل – و لتي بموجبها وقفت جميع ابحاثنا و انتاجنا الحربي و البحث العلمي الحقيقي - ... عام 87 حدثت انتفاضة الاقصي الاولي
و ارجو تصويبي ان حدث شئ في اعوام 1997 و 2007 لاني لا اذكر حقاً !

و لاني لم اكن اعرف الكثير ... فبحثت في عدة مواقع لاستخلص كيف تمت معجزة قيام دولة علي انقاض دولة .. في زمن يدعون فيه الحرية و يناهضون اي شئ يأتي علي حساب سياستهم ...لكن لنستعرض سويا ما وصلت اليه من حقائق جعلتني استخلص ما يأتي من نتائج


-----------------------------------------------------------------------------------------------

الموضوع لم يبدأ من عام 1947 عند بدئ تهجير اليهود و لكن عندما أصدر تيودور هيرتزل كتيباً بعنوان "دولة اليهود.. محاولة لحل عصري للمسألة اليهودية"، طُبع ونُشر في 5 لغات وتضمن القواعد التيتقوم عليها الصهيونية في صورتها الجديدة، والتي تهدف إلى جمع اليهود في دولة خالصة لهم.
استهل هرتزل نشاطه بالدعوة إلى عقد مؤتمر يضم ممثلين لليهودية الأوروبية بمدينة بازل السويسرية. وفي العام 1897 انتُخب رئيساً للمؤتمر فرئيساً للمنظمة الصهيونية. وهذا المؤتمر هو الذي أصدر ((برنامج بازل)) الشهير الذي تضمن محاولة الحصول على موافقة دولية على مشروعية الهجرة اليهودية الجماعية لفلسطين لبناء دولة يهودية خالصة....

و توالت الاحداث بعد ذلك و اصبحت خطط هيرتزل واقعيا عام وعد بلوفر , حيث خانت بريطانيا وعودها للعرب بمنح الاستقلال لهم بعد أن خدعتهم بـ"تحريرهم من الأتراك" (الدولة العثمانية)، وأصدرت في الثاني من نوفمبر 1917م على لسان وزير خارجيتها ارثر بلفور وعدا لانشاء وطن قومي لليهود في فلسطين وكان هذا وعد من لا يملك لمن لا يستحق دون علم صاحب الحق.. وخلال 28 عاماً من حكم الانتداب البريطاني، سنّت بريطانيا القوانين واتخذت الإجراءات التي سهلت إنشاء هذا الوطن حتى أصبح دولة عام 1948.


أصدرت الأمم المتحدة قرارها بتقسيم فلسطين في 29/11/47 إلى دولتين: فلسطينية ويهودية اقتطع لها 54% من أرض فلسطين. كان عدد اليهود عند الاحتلال البريطاني 56 ألفا أي 9% من مجموع السكان، وكان غالبيتهم من رعايا الدول الأجنبية، وما إن انتهى الانتداب البريطاني عام 1948 تضاعف الرقم حتي وصل عشية حرب 1948 بلغ عدد اليهود الي 650 ألف ي مقابل 2.065 مليون نسمة من الفلئسطينيين ، أي بنسبة 31%الي 69% ,







بدأ تنفيذ القرار الجائر في أوائل أبريل 1948 أثناء وجود الانتداب البريطاني، وبدأ بوصل الأراضي اليهودية ببعضها، ثم الاستيلاء على الأرض العربية حولها وطرد سكانها. واتبعت القوات اليهودية سياسة "الإبادة الجماعية للعرب" حيث كانت تحيط القرية من ثلاث جهات، وتترك الرابعة مفتوحة، ثم تجمع سكان القرية في مكان، وتختار عدداً من الشباب لإعدامهم، أو تقتلهم بالرصاص أو تحرقهم إذا وجدتهم مختبئين في مسجد أو كنيسة أو غار، وتترك الباقين ليهربوا وينقلوا أخبار الفظائع، أو تأخذ بعضا منهم لأعمال السخرة.






ولا ينسى أحد مذبحة دير ياسين وهي واحدة من 17 مذبحة اقترفت أثناء الانتداب، و17 أخرى بعده.. لم تحرك القوات البريطانية ساكناً لحماية الأهالي حسب ما يمليه ميثاق الانتداب، وما إن جاءت نهاية الانتداب حتى كان اليهود وعصاباتهم قد سيطروا على 13% من مساحة فلسطين، وطردوا 400 ألف لاجئ من 199 قرية، وقد أعلنوا قيام دولتهم على هذه الرقعة، ولكن دون تحديد أي حدود، فلا يزال النهم الصهيوني لابتلاع الأرض في أوله.
وسيطرت الدولة الجديدة آنذاك على معظم السهل الساحلي وشريط غربي نهر الأردن حول بحيرة طبرية، وشريط يصل بينهما في مرج ابن عامر. وسقطت في يدها مدن فلسطينية مهمة مثل يافا وحيفا وطبرية وصفد وبيسان، وأشرفت عكا على السقوط.
وهاكذا .... نشأت معظم الزيادة اليهودية بسبب الهجرة المحمية من قوات الاحتلال البريطاني (الانتداب)، وأصبح اليهود يمتلكون بموجب عقود ملكية 5.66% فقط من مساحة فلسطين إلا أنهم استولوا بالقوة خلال فترة الانتداب على ما مجموعة 11% منها، بما في ذلك 191 قرية و7 مدن






فور اعلان قيام دولة اسرائيل ... و انتهاء الانتداب البريطاني دخلت قوات نظامية صغيرة من الدول العربية، متفرقة غير متعاونة، لحماية الشعب الفلسطيني من هذه الكارثة، استجابة لغضبة الشعب العربي وتظاهراته، لكن قدراتها العسكرية وعددها كان أقل بكثير من القوات الصهيونية التي أصبحت الآن تسمى بإسرائيلية.
جاءت القوات النظامية إلى فلسطين دون خطة موحدة، أو معرفة بالبلاد أو بالعدو، وكان عددها مجتمعة حتى لو كانت تحت قيادة موحدة لا يتجاوز ثلث القوات الإسرائيلية؛ ولذلك لم تتمكن هذه القوات من وقف المد الإسرائيلي الذي سرعان ما انتشر ليحتل اللد والرملة ويمد جسراً إلى القدس ويحتل مساحات واسعة في الجليل.




كانت هذه إشارة أولية إلى هزيمة العرب، كان احتلال اللد والرملة من الفصول المأساوية في تاريخ فلسطين؛ إذ استيقظ سكان المدينتين والمهاجرون إليهما من قرى يافا المحتلة على أخبار انسحاب القوات الأردنية بقيادة الإنجليزي جلوب باشا وهجوم القوات الإسرائيلية من الشمال والشرق..


قُتل من لجأ إلى المساجد والكنائس، وطرد الأهالي بقوة السلاح وبترويع المذابح، واتجهت قافلة بشرية من 60 ألفا في رمضان وتحت شمس الصيف اللاهبة إلى رام الله. ولما طال الطريق، تساقط المتاع القليل الذي حملوه على جانبي الطرق ثم تبعه الشيوخ والمرضى ثم الأطفال. والقوات الإسرائيلية تحثهم على السير، ومن عثر على ماء ليشرب أطلقوا عليه الرصاص.





وعندما أعلنت الهدنة بين العرب واليهود قفز عدد اللاجئين إلى 630 ألفا، وتم طردهم من 378 قرية حتى ذلك التاريخ، واحتلت إسرائيل أرضا تساوي 3 أضعاف الأرض اليهودية، وهي من أخصب الأراضي وأكثرها كثافة سكانية، وبذلك انتهت فعلياً حرب فلسطين.


لكن النهم الإسرائيلي لم يشبع، فاتجهت قواته نحو الجنوب لتحتله وتهزم الجيش المصري أكبر قوة عربية، بينما كانت الجيوش العربية تنتظر دورها ولا تقوم بمهاجمة العدو وإشغاله، ففي منتصف أكتوبر، احتلت إسرائيل مساحات واسعة من الجنوب حتى بئر السبع وجنوب القدس، وامتدت على الساحل الجنوبي، وأصبح عدد اللاجئين 664 ألفا طردوا من 418 قرية حتى ذلك الوقت.
فقدت الدول العربية قدرتها على القتال لإنقاذ الأهالي، ولم تستطع ردم الخلافات بينها وتكوين قيادة موحدة؛ ولذلك سارعت إلى توقيع اتفاقيات هدنة مع إسرائيل، بداية بمصر ثم الأردن ولبنان وأخيراً سوريا.

و هاكذا
احتلت إسرائيل دون طلقة رصاص واحدة النقب الجنوبي حتى وصلت إلى أم رشرش (إيلات الآن)، وزرعت علمها على خليج العقبة، وبينما كانت مفاوضات الهدنة تدور، تنازل الملك عبد الله عن 436 كيلومترا مربعاً في المثلث الصغير الخصب والمليء بالسكان.



وحسب شروط الهدنة الموقعة , خرجت القوات المصرية المحاصرة من الفالوجا بكامل سلاحها، وكان من بين ضباطها جمال عبد الناصر، وتخطت بذلك إسرائيل خط التقسيم في جميع الجهات باحتلالها 78% من أرض فلسطين أي بزيادة 24% من مشروع التقسيم، فاحتلت الجليل الأوسط المخصص للدول العربية، واحتلت مثلثاً يصلها بالقدس عبر اللد والرملة، رغم أن القدس منطقة دولية وما حولها عربي، حسب قرار التقسيم.



النتائج
بفعل الحرب سيطر الصهاينة على 77.4% من أراضي فلسطين. وأدى قيام الكيان الصهيوني والمذابح الصهيونية التي ارتكبت ضد الفلسطينيين، إلى إحداث حركة نزوح ضخمة أبقت على 160000 فلسطيني فقط في الأراضي المحتلة عام 48، مقابل أكثر من مليون يهودي، كما هاجر إلى فلسطين خلال الأشهر الستة الأولى لقيام الكيان الصهيوني 101828 يهوديًّا. كما خلفت النكبة وراءها حوالي 900 ألف لاجئ طردوا من 531 مدينة وقرية، نزحوا إلى الجنوب المتبقي في قطاع غزة، وإلى الشرق فيما أصبح يعرف بالضفة الغربية، وإلى الشمال نحو سوريا ولبنان. وأصبحت النكبة بقعة سوداء في التاريخ العربي دفع ثمنها قادة وحكام بحياتهم، وأزيلت عروش وسقطت أنظمة، ولا يزال يدفع ثمنها اليوم 5 ملايين لاجئ داخل فلسطين وحولها في الشتات.


و ما بقي من المدن تم اغيير اسمة من الاسماء العربية الي الاسماء العبرية .... حتي تتغير الخريطة بالكامل ( من سخرية القدر في مصر عندنا نحن من تتطوع بهذه المهمة و نختار اسماء غربية اصلا لوصف مدننا ممثل مارينا و ماربيلا و ما الي ذلك )









هذا هو سيناريو الحرب باختصا ر

ما فهمتة او من تأملاتي للامر ...ان الغرب لم يكن ليحب اسرائيل و هو لم يقيم لهم دولتهم من اجل سواد عيونهم – كما يقولوا في مصر – و لكن لان اليهود حولوا من انتشارهم في شتي بقاع الارض نقطة قوة لهم و استطاعوا ان يكونوا قوة اقتصادية مؤثر في اي مكان يتواجدون فيه ... و اعتقد اننا نتذكر عدس و ريفولي و شاملا كانت اكبر المحلات التجارية في صر و كانت مملوكة لليهود قبل التأميم ... و كانوا يحتكرون تجارة الذهب و صناعة الدواء – كوهين العطار – و مؤسسوا البنوك ...بل انهم جعلوا من السبت اجازة لجميع بنوك العالم من قوتهم و احتكارهم لسوق المال العالمي , الي جانب النبوغ العلمي الذي يأتي علي رأسة اينشتاين

اي ان الافراد –رغم قلتهم – الا انهم امنوا جميعا بقيمة واحدة و استطاعوا ان يخدموها بشكل غير مباشر من خلال تواجدهم القوي في شتي مناحي الحياة ...

عملوا في صمت ... .و بعدما وصلوا لمرحلة تؤهلهم من فرض سلطتهم ... ترجموا هذا باسلوب حديث يستوعبة الغرب – عقد مؤتمرات ثم الخروج من المؤتمرات ب توصيات ( مدروسة بشكل حقيقي من قبل خبراء و واقعية يمكن تطبيقها و تنتج ثمارا ملموسة ثم اليات ضغط علي الحكومات من اجل تنفيذ هذه التوصيات ...

هاكذا نجحوا


لن اتحدث عن اسباب فشلنا لانها بالطبع معروفة للجميع و نلمسها في كل يوم ... و احب ان اطرح التفكير الايجابي الذي يقدم حلولا او يحلل تجارب ناجحة اخري ...


هل من المصادفة التاريخية ان يتم ابتداع مناسبة لا يوجد لها اهمية حتي يسمي اسم الكوبري المصري علي هذا التاريخ ؟؟؟ ام للامر دلالات اخري ... ...

علي فكرة العنوان هو مقولة قيلت لبين جوريون بعد النكبة !!!! و اعتقد انه كان يري المستقبل بعين نافذة حقا :)

وقبل ما انهي التدوينة .... عيب اوي في ظل الانفتاح و الاستسلام - اقصد التطبيع - اللي احنا بنحياة ... لازم و لابد اعرف اليهود اننا من بيت كرم بردوا و بهدي لهم القيديو دا بمناسبة قيام دولتهم ... و ياريت اللي يعرف يوصلة لاي موقع اجنبي يوصلة ... يعني كنوع من كرم الضيافة بردو....


---------------------------------
مصادر المعلومات و الصور

موقع د يوسف زيدان للمخطوطات
اسلام اون لاين
بوابة فلسطين – رمش العين
النكبه

منتديات منابر الثقافية

نداء القدس
فلسطين عبر الذاكرة

هناك 35 تعليقًا:

عصفور المدينة يقول...

أعجبتني وآلمتني
وما فعلتهي مطلوب ومطلوب التذكير به دائما
كما يفعل اليهود بتذكيرهم بالمحرقة المزعومة ويستخدمون شعار
لكي لاننسى
شكرا لك

الديب يقول...

جزاكي الله خيرا ..

جميل جدا ذكر المصادر ..

نقطة مية يقول...

نحن نحي ذكرى الخذلان..حسبي الله و نعم الوكيل..كان الله في عون العرب

بوست قيم و جميل ذكر المصادر

تحياتي

غير معرف يقول...

اختى الفاضلة شمس الدين
شكرا جزيلا لكم لسؤالكم واعتذر عن غيابى القهرى واتمنى ان اكون لم اسبب لكى اى ازعاج
ولكى خالص شكرى واحترامى
توقيت جميل واختيارك لليوم الموافق 15 مايو لكى تكتبى عنه
ولكن الموضوع مؤلم جدا
ومتفق معاكى تماما ان اليهود نجحوا واحنا فشلنا بس مختلف معاكى فى موضوع ان الكبار سيموتون والصغار سينسون

أولا لازم تعرفى ان أوروبا كانت عايزه تخلص منهم بأى شكل من الاشكال وخاصة انجلترا علشان اليهود على الرغم من انهم ناس بتفكر كويس انما تعاملهم سىء الى أقصى الحدود والطبع بتاعهم اللى هو البخل لايمكن هايتغير ابدا من جيل الى جيل

وعلشان أأكد كلامى لحضرتكم كنت عايز حضرتك تقرى السيد بنجامين فرانكلين اللى هو كتب الدستور الامريكى - شارك فى كتابته مع ناس تانيه - قال على اليهود ايه
christianparty.net/benjaminfranklin.htm

ثانيا: الله جل جلاله فى كتابه العزيز قال :
"وإذ تأذن ربك ليبعثن عليهم إلى يوم القيامة من يسومهم سوء العذاب إن ربك لسريع العقاب وإنه لغفور رحيم"

سورة الاعراف - الاية 167

يعنى هموا مش هايعيشوا فى سلام ابدا وهايطلع ليهم ناس زى حزب الله كده وزى حماس والجهاد يقعدوا يحاربوا فيهم
علشان كده معاهده السلام دى زى قلتها
وانسى ان الصغار هاينسوا . الجرائم اللى بترتكبها اسرائيل هاتفضل محفوره والمذابح معلمه فى التاريخ كل رئيس وزراء عندهم بمذبحة.

ثالثا وده المهم أنهم اليهود نفسهم فاهمين الدين بتاعنا كويس جدا وعارفين كل كبيرة وصغيره فيه وده اللى يخلى واحده زى جولدا مائير تقول لما الناس سألتها امتى تخافى من العرب؟
قالت لما عدد اللى بيصلوا الفجر يبقى زى عدد اللى بيصلوا الجمعة.
الكلام ده مايطلعش الا من عقربه فاهمه الاسلام كويس

حاجه اخيرة وهى دى اللى مزعلانى قوى
ان احنا بندفع تمن أخطاء لأشياء لم نرتكبها
وعلشان كده احنا عايشيين المهانه الكبرى
كل اللى بيحصل لينا النهارده كان تخطيط جهنمى الناس اللى قبلينا محاولوش يعملوا اى حاجه علشان يصدوه وجت فينا احنا
واللى مأثر فيه قوى ان مش ممكن جيلنا ولا اللى بعدينا حتى هموا اللى يحققوا النصر
نهاية مؤسفة وواقع سىء عايشيين فيه

ربنا يهدينا وينصرنا يارب
ودمتى بكل خير وحب وتقدير
سلام

كراكيب عادل يقول...

عارفة كل ما اجي هنا بقول حاجة في نفسي مدونتك دي مش مدونة عادية

انتي بتتعبي في الموضوع الي بتكتبية وكانك بتعملي بحث ومن غير مقابل

بس المقابل الي في نفسك غير ان الناس تقرا بس انتي طالبة حاجة اكبر يمكن ثواب او اجر ودة الي هتكلم عنة عندي قريب

وبرضو بقول تاني حرام ان مش كل الناس بتشوف الكلام والمعلومات دي

هقولك حاجة

ربنا يجعل اعمالك كلها وفي ميزان

حسناتك انشاءالله

بفكر انا في 2007 :)
دي البلد هتبقي كلها كباري

يعقــــوب .... يقول...

ما شاء الله عليكي فعلا مجتهدة....
بس نسيتي حاجة اسرائيل حققتها في سنة 2007
انها وفرت على نفسها قتل الفلسطينيين من شعب وقادة وكوادر و سابتهم هما يصفوا بعض ووفرت على نفسها المخاطرة و فقدان جنودها و مالها...فعلا دولة مخططة و ذكية

يا مراكبي يقول...

أحييكي على هذا المجهود الرائع والجهد المبذول بإتقان

أتمنى بالطبع ألا ينسى الصغار عندما يموت الكبار .. وأعتقد أن أمنيتي هذه ستتحقق لأن التصعيد سيستمر أكثر وأكثر .. فما نحن فيه ما هو إلا بداية لما هو أكبر في المستقبل

فقط إقرأي الآيات الأوائل من سورة الإسراء لتعي ما أقصده تماما

وبالرغم من ذلك اليقين إلا أنني أتحسر متسائلا عن كيفية قبول الهوان بهذا الشكل وأين كانت نخوة العرب آنذاك .. إن كان لهم نخوة

مع خالص تحياتي

النهر يقول...

عمل مشكور على الجهد المبذول ... ويا للروعة مع المصادر أيضا ... هذه الطريقة فى الكتابة تكون مفيدة للكثير من الناس فشكرالك

david santos يقول...

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

صاحب البوابــة يقول...

بوست جميل وقيم للغاية

تحياتي اختاة

وجزاكِ الله كل خير عنه

قنديل يقول...

بوستك شديد لدرجة أنه أطلق تلك الكلمات من صدري

الجرح غار والوجع تعبني
عايش بعار والتار غلبني
وسلاحي ضاع والكبير باعني
والعزة عزت حتي وأنا في بلدي
لو إتحولت لقنبلة ماحدش يلومني
ماعدشي حيلة إلا يأسي وعجزي


أأأه يا قلبي

حائر في دنيا الله يقول...

وتلك مشكلتنا أننا أمه "نساية" ليس عن تسامح وطيبة بل عن سذاجة وعن عدم فهم حقيقي لكثير من الأمور وانشغالنا بتوافهها في كثير من الأحيان وافتعال كثير من الحروب والخناقات في الفاضي
ولأن الذكرى تنفع المؤمنين، ولأن الجرح لم يشفى بعد، فنحتاج دوما لمن يضع عليه مواد حارقة حتى نعرف انه لم يلتئم، للأسف نريد من يعالجنا بقسوة ويوقظنا بعنف حتى نفيق من سباتنا
أشكرك على موضوعك وسردك ولو أنه لا شكر على واجب
في زمن لا يعرف أحد أن هناك واجب وأن هناك امتحان

والله المستعان

sharkawoo يقول...

جزاكم الله خيراً كثيراً ...


تجميلة جميلة جداً لا يستطيع أحد أن ينكر هذا ... ولكننا الآن نحتاج لن يجمل ما يحدث حالياً ذلك الأمر الذي لا يفهوا الكثير فيما يحدث الآن في فلسطين ولم يحدث منذ زمن طويل ...

إقتتال داخلي ... إغتيالات ... نهب ... تجسس أشياء كثير من الصعب تفسيرها بسهولة...


أتذكر الأمس حينما كلمني أحد الفلسطنين من غزة وسألني هل مازلتم تدعوا لنا أم نستمونا؟؟؟

سؤال جرحني كثيراً هل بالفعل نسينا ؟؟؟

من الصعب أن تشعر أنك تقاتل لوحدك من غير أن يكون لك أي معين ...


علي العموم أري إننا بحاجة إلي تكاتف كبير بين كل المهتمين بالقضية

فالأمر يحتاج إلي مراجعة...

سجدة يقول...

مقال رائع ومفيد فعلا للتذكير دائما بما يحدث وسوف يحدث
واسفاه على ما يحدث
ولكن يبقى حكمة
وهى عندما يكون لك هدف محدد ومصمم عليه بالتأكيد ستصل لهدفك مهما حدث وهذه الحكمة اخذتها من اليهود لأنهم استطاعوا الوصول للهدفهم واستخدموا كل واسائلهم المتاحة والغير المتاحة برغم انهم يملكون عقيدة فاسدة
اما نحن اصحاب العقيدة الصالحة التى تحيى أمم وذات شأن عظيم
تهاونا فسقطنا فى بحور الهوان والاستهانة
أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب،

واحد من الناس يقول...

ادهشتني فكرة السنه السابعه من العقد

ياليت الفلسطينيين يعلموا ما سيؤول اليه وضعهم في هذه السنه من هذا العقد
هل سيمزقهم الإقتتال الداخلي

ونشكرك على تزكيرك لنا بما حدث

Diyaa' يقول...

ياااه بقالي كتير مجيتش هنا وعلقت ..أحياناً باجي أطمن وأقرا البوست بس بستقل أوي تعليقي لأني بحس إنه مش قد المقام ..
لكن..
البوست ده جالي علي الجرح + في كام نقطة عايز أنوه عنهم
حبس صاحب مدونة أنا أخوان اللي منزلاله بانر علي يمين المدونة
البانر عبارة عن وجه مبتسم
انا متهيألي مينفعش غير وجه كئيب أو وجه متشائم أو علي الأقل وجه مصدوم من سرعة تطبيق التعديلات في البلد النايمة دي
:s
زي ده في الماسنجر مثلاً

المهم ..نيجي لبداية الموضوع...مش مؤمن بنظرية السنين دي ..لأنها غالباً صدف ..وعموماً لازم كل سنة يمر بينا موقف أو موضوع يستحق إن التاريخ يسجله ..فمتعتمديش علي النظريات دي كتير


نيجي لجهدك المشكور اللي أقدر أعتبره بحث تخرج محترم لو درسه أي صانع قرار بيعاني من بعض الجهل ..وعنده ضمير وإحساس ..أكيد هيختلف موقفه من التعامل مع الكيان الصهيوني مهما كانت مواءمات السياسة ..

في نقطة أغفلتيها ومش هقدر أذكرها لأن الكلام عنها يطول ..بس تقدري في وقت فراغك تدوري عليها ..
البروتوكلات
أنا لما قريت جزء منها اندهشت ..إزاي الناس دي عرفت تتفق علي كلام زي ده وتنفذه ومحدش في العالم واعي ..وكمان في تأييد ليهم من الغرب..لأن أولاً الصهاينة ليهم أذرع كثيرة في أهم المجالات الاقتصادية والسياسية في أهم بلدان العالم
وثانياً لأن اليهود ورم سرطاني لابد من التخلص منه أو هكذا يعتقدون وأنا مختلف في جزئية إن مش كل اليهود سرطان..أغلبهم اللي كلهم حقد واللي بيسمحوا لنفوسهم الأنانية تتحكم فيهم ويستغلوا أي موقف لإستغلاله في تحقيق أوهامهم
لكن..العرب إزاي مش دريانين بحاجة اسمها بروتوكلات حكماء صهيون

حاولي بجهدك واهتمامك الجمال دول تدوري عليهم وتقريهم وتتصدمي زي ما أنا اتصدمت وتكتبي عنهم بوست كمان ويا رب نفوق بقي
بحييكي أوي ..وبطمنك إني بخير ..
يا رب تكوني بخير
تحياتي
سلام عليكم

layal يقول...

الكبار سيموتون والصغار سينسون
ان حقا كلمات مؤلمه
هل نسينا نحن القضيه ؟؟
وهل سينسي ابنائنا القضيه ؟؟
اعتقد انهم في الطريق الي ذلك ان استمرت العقليه العربيه علي ما هي عليه الان
وشكرا علي مجهودك الطيب
تحياتي

kaed يقول...

العزيزة شمس

الكبار سيموتون نعم ولكن الصغار سوف لاينسون وإن نسى الكبار الذين يحكمون الصغار
تحية لك لسرد مأساة وطن ضاع

شــــمـس الديـن يقول...

السلام عليكم و رحمة الله و بركاتة

الفاضل عصفور المدينة

لابد جميعا ان لا ننسي ... اي نعم لن نستطيع ان تفعل شئ ملموس في الوقت الحالي و لكن لا تضيع القضية فقط هاكذا ...

*/*/*/*/*/*/*/*/*/*/*/*/*/*/*/*/*/*

الفاضل الديب
جزاكم الله خيرا علي التعليق و التشجيع

*-*-*-*-*-*-*-*-*-*-*-*-*-*-*-*-*-*-*

الفاضلة نقطة ميه

نحن نحيي الذكري كي لا ننسي , لانه اصبحت هناك اولويات لا تمت لحياتنا بصله ...
تحياتي لك انت ايضا

************************************
الفاضل الكريم حسن محمود

اسمح لي ان ارد علي حضرتك في رد منفصل ... لانه عندي الكثير و الكثير لاقلة لحضرتك :)

*************************************

الفاضل عادل

علي فكرة ... حضرتك انسان عميق بجد ... يعني محدش اخد باله من ما وراء اللي بكتبة
انا ببساطة بؤمن انه لازم يكون هناك تدوين محترم جاد ... يكون بقايا نبض المصريين بجد , و بحط فيه كل القيم اللي نفسي الاقيها من كل حد مصري و اهم القيم دي الاتقان
يعني لما بكتب تدوينة بحب انها تثري القارء من جانب او اخر و بحاول علي قدر الامكان ان الاسلوب يكون مبسط لاقصي درجة
عزيزي ... انا عارفة ان المدونة مش هتعدي التعليقات فيها باي حال من الاحوال 60 تعليق , و دا لان اسلوبها مش سهل لكن ادي الواحد بيحاول و ربنا اكيد في يوم هيوصل صوتي دا لقاعدة عريضة من الناس ليتحقق ما اريد ...

دمت بكل الود و الترحاب
***********************************

الفاضل الكريم يعقوب

دولة مخططة فعلا ...بس تفتكر دا ممكن اسميه ايه ؟ لو عايزة احط له عنوان ؟؟

***********************************

الفاضل مراكبي
اولا مرحبا بك لاول مرة في المدونة و اتمني ان تكون من الزوار الدائمين

اتمني حقا ما تقول ... ان نكون نحن الان بداية تصعيد
حقا سورة ااسراء مرجع كامل للتاعمل مع اليهود و ما سوف يحدث لهم علي مدار الحقب التاريخية

خالص تحياتي لاخ فاضل كبير مثلك

**********************************
الفاضل النهر

جزاكم الله خيرا
علي فكرة اي شئ الواحد بينقله من مصدر لابد ان يذكرة
اعتقد انه سلوك اسلامي صرف
الم نكن نحن من لابد ان يذكر اسم الاية و السورة عندما يقتبسة منه ؟؟؟
و لكنه و للاسف سلوك ضاع في حياتنا

**********************************

يتبع

محمد يقول...

موضوع جامع شامل .. جميل

يحتاج لأن يعاد قراءته مرة ثانية

عمل ممتاز .. جعله الله في ميزان حسناتك

أخشى أن يتشاءم العرب من رقم سبعة فيتم إلغاؤه .. فهو سبب الهزائم

شــــمـس الديـن يقول...

to david santos

i really apriciate ur comment in my blog , but if u plz >>> comment concerning what i have wrote in spite of anouncing for what u want just like that >>> it is really not so cool

i'd like to hear ur opinion in what i post ... so my visitors and me have a better connection with u

i'm really so proud in writing in arabic and this is the 1st time to answer any one in english

**********************************
الفاضل صاحب البوابة

لك مني خالص التحية علي التعقيب الجميل

***********************************

الفاضل قنديل في قلبي

كلماتك حقا جميلة للغاية ... تحياتي علي احساسك الرائع
هذا صدي لما يضج بصدورنا جميعا

خالص تحياتي
***********************************


الفاضل صاحب البوابة

عذرا اخي علي تأخري في رؤية حملتك القيمة هذه ...
لاني كنت امر بظروف صعبة الفترة الماضية و لم افتح الكمبيوتر الا اليوم

انا هبحث في الموضوع دا ان شاء الله و ربنا ييسر الحال

***********************************

الفاضل الكريم الحائر

نريد من يعالجنا بقسوة

الحل في ضرب رأس الافعي الفاسدة و ليس الذيل ....
طبعا حضرتك فاهمني

هو فعلا واجبنا كلنا ... و مش تشكرني و لكني من اشكرك علي كلماتك التي تنم عن قلب جريح و نفس عليله

تحياتي
***********************************


الفاضل شارقاوو
عاش من شافك :)

انا ليست قضيتيقضية فلسطين بذاتها ...انما قضيتي هي المسجد الاقصي , لانه جزء من مقدساتنا ...
الفلسطينيين مثلهم مثل بقية العرب ... معنا الله حتي يتقدم سلوكنا ... و لا يجب تسطيح الامور ... و لكن النية ليست خالصة و ان ترك طرف الامر سوف ينفرد الطرف الاخر و يستبد بالقضية ... الموضوع جد معقد

ربنا يسهل و يستر !
حياتي العطرة
***********************************

العزيزة نورا(سجدة )

اكنا فعلا لازم نتعمل من اليهود في اصرارهم علي الهدف ... بجد رغم انهم اعدائي الا انهم بيعجبوني في نقاط معينة

و نعم بالله معك حق

***********************************
الفاضل واحد من الناس

عاش من شاف حضرتك بردوا :)

هي فكرة السنة السايعة مجرد صدفة فقط انا لا اؤمن بالحظ و التفاؤل و ما الي ذلك :))

*************************************

الفاضل ضياء

عاش من شافك انت بردوا ( الظاهر التدوينة دي جابت ناسكتيرة غايبة )

اي تعليق ايا كان بيسعدي حقا ... مفيش حاجة اسمها مش اد المقام انا مش بقول "الدخول بالملابس الرسمية لا سمح الله "

اخي الفاضل انا مش شايفة اي بانر انا حاطاه ! انت بتتكلم عن ايه ؟؟؟

ولا اا مؤمنة بيها ...دي مسئلة تصادف فقط

بحث تخرج محترم !!! ربنا يبارك لك و لكني لا استحق هذا الاطراء ...
كفايا بس خبر ان رئيسنا المبارك رفض عمل كوبري لربط مصر بالسعودية علشان شرم الشيخ مش تبوظ من الحجاج ...

اصحاب القار فعلا بيهمهم مصلحة البلد
بالنسبة لموضوع البرتكولات انا جايبة الكتاب من قبل الضجة اللي حصلت عليه علشان مسلسل فارس بلا جواد
...من ايام روجية جارودي سنة حوالي 98 او 99 و قرأتها و علشان كدا لو تلاحظ ان كرهي لليهود متأصل في اغلب كتاباتي
بارك الله لك و اعزك

***********************************

العزيزة الغالية ليال

اتمني ان نمنع هذه المقولة علي الاقل بجعل جزء - مش هقول كل - من كلامنا هنها في المواسم و جعلها قضية بحث لدينا و من اولوياتنا في وقت الفراغ ...

ربنا يستر علينا بجد
************************************

الفاضل الكريم قائد

اتمني ذلك من كل قلبي ان نكسر الدائرة و ندرك ما يحدث حقا

تحياتي
***********************************
الفاضل وضاح

لا تقلق لن يتشائم العرب من اي شئ ...ماعاد شئ بيحوق فيهم

بارك الله لك

**********************************

شــــمـس الديـن يقول...

الفاضل حسن محمود
انا كنت قولت لحضرتك اني هكتب لك رد منفصل علشان كنت عايزة ارد لي نقطة غيابك ...بس هتلاقي ردي عليك في موضوعك المخصوص في مدونة الاخ الفاضل محمد عبد الغفار

موضوع الكبار سيموتون دي مقولة بن جوريون و اعتقد انها الي حد ما موجودة ...بس لازم نحاول نثبت فشلها و فشلها بمنتهي البساطة بيعتمد علي توعية الجيل الجديد اللي اغلبة يا اما ضايع و ابن ولاد ذوات يااما عايز يكون نفسة و يمشي جنب الحيط

معك حق تماما في ان اليهود كانوا مكروهين من العالم كلة ... و فيه رسالة من مكاتبات عن اقليم الجزائر ايام العثمانيين كتب عن بشاعة اليهود هناك في كاب حضارة العرب لزجريد هونكة ... و بردوا الموضع اللي حضرتك جايبة حقيقي رائع و كلنا عارفين قصة شيكسبير و كيف صور اليهودي شايلوك في تاجر البندقية ... كرههم متأصل في العالم كلة من زمان اوي

و نعمك بالله طبعا

والدي لما بكلمة في موضوع علو اليهود دلوقتي و انه ازاي مع انهم شعب مكروه من زمان في كل حتة , قال لي الموضوع في سروة الاسراء ما معناه في كلمة " الا بحبل من الله و حبل من الناس " يعني هما هيفسوا في الارض مرتين و هيعلوا علو كبير و دا تقريبا اللي حاصلدلوقتي ... يعني منطقيا ملهاش تفسير غير الارادة الالهية ...


صح هما كلهم عقارب و علشان كدا اول حاجة بيحاربونا فيهاانهم يبعدوا الناسعن الدين باس شكل و للاسف حكومتنا مساعداهم ... فخلت فيه موجة من فهم الدين سائدة و لا يوجد الان منبر حقيقي للدفاع عن الدين ....


حضرتك جيت علي جرح عميق في نفسي
طيب ما تعديل الدستور كان في عهدنا و لم نستع فعل اي شئ و اللي هيدفع التمن دم كتير اوي من ابنائنا بعد كدا ...لو حبوا يغيروا بجد

ربنا يستر علينا و علي الاجيال اللي جاية

اللهم استخدمنا ولا تستبدلنا

جزاكم لله خيرا علي تعقيبكم المثري و المفيد

Diyaa' يقول...

طيب الحمد لله ..بس مقلتليش رأيك
والبانر اللي بتقولي فيه
بشاير الدستور الجديد ..بشاير متدفعش للابتسام الصراحة
وفعلاً كلامي مش اطراء ..نهائياً يعني
طلب بسيط ..هعلق عادي بس بلاش الفاضل دي لأنها كلمة كبيرة أوي عليا ..عادي ضياء كفاية ..لحد ما ربنا ينولنا الفضيلة وينولنا كل شئ جميل
تحياتي لجهدك
والسلام ختام

غير معرف يقول...

لاأدري هل المطلوب منا تذكير أولادنا بانهزاماتنا أم حقنهم بالتفائل وترك الأفق مفتوحا لهم مليئا بالخيارات والقرارات ؟؟
ما يحدث الآن داخل فلسطين يتوج الخيبه والنكسه والأتجاه الخاطىء الذي يسلكه الغالبيه دون علم بالنهايات ..
ما يحدث الآن في العالم بدايه للنهايه
ولكنه بدايه في جميع الأحوال
تحياتي

BinO يقول...

تجميع عظيم لتاريخ لو نسيه الصغار فتذكرهم الأحجار

BinO يقول...

تجميع عظيم لتاريخ لو نسيه الصغار فتذكرهم الأحجار

غير معرف يقول...

الأخت الفاضلة : شمس الدين
السلام عليكم ورحمة الله وبركاته
هذه زيارتى الأولى لمدونتك القيمة
وأعجبنى كثيراً حسن اختيارالموضوعات وأسلوب الطرح
ولابد أن أحييك على حسن اختيارك لهذا الموضوع الهام لقضية هى أهم قضايانا وهى الجرح الغائر فى قلوبنا والذى مازال ينزف ويوجع
عرض طيب وأسلوب متميز ومعلومات قيمة
وكشف عن الكثير من الحقائق والأمور التى يجب كشفها وإعلانها على الملأ

الأخت الفاضلة : بارك الله فيك ورعاك
أخوك
محمد

غير معرف يقول...

أكبر عملية سرقة وسطو مسلح حصلت في التاريخ: سرقة وطن أمام أنظار المغفلين والضعفاء

ربنا معاك

سلام

محمد يقول...

"الكبار سيموتون والصغار سينسون"

تصدقي لم أر عنوان المقالة إلا الآن

جميل وقاتل

:(

شــــمـس الديـن يقول...

السلام عليكم و رحمة الله و بركاتة

ضياء بس :)

يمكن تكون دي سخرية مثلا ...اصل الواحد لو مضحكش في الزمن دا هيموت من البكا و حرقة الدم ...
تحياتي و الحمد لله انك بخير دائما :)

**********************************

المتألقة العزيزة الهام


هو مش تقطة نذكرهم بالهزائم و لكن امه بلا تاريخ فلا حاضر ولا مستقبل لها و من لا يتعلم من التاريخ فلا يستحق الحياة !!!

اغلب شبابنا لاهي و انا نفسي اساسا مكنتش اعرف الموضوع دا غير لما بحثت بنفسي عنه قبلها بحوالي اسبوعين ... و صادف انه يكون قبل التاريخ 15 مايو ... دا احنا عندنا في مصر مش كوبري بس و لكن مدينة كاملة بهذا التاريخ ...شوفتي الهنا اللي احنا فيه !!!!

و صدقتي ...نحنالان في بداية النهاية
ربنا يستر و تكون نهاية سعيدة !!!

***********************************

الفاضل بينو

جزاكم الله خيرا علي المرور و التعقيب الطيب

خالص تحياتي

***********************************

الفاضل محمد الجرايحي

بارك الله فيك علي مرورك الطيب العطر

***********************************

الفاضل سندباد

ربنا معانا جميعا ... مجرد للتذكير حتي لا تنطبق المقوله علينا وز لا نكون الصفار الذين ينسون

***********************************

الفاضل وضاح

تصدق بالله

العنوان دا عبارة عن مقوله قالها بن جوريون " مش تاليفي يعني " و حاسة ان الراجل دا كان بيري عبر ستار الزمن !!!!

تحياتي لمرورك الكريم

صاحب البوابــة يقول...

ممرت لأقرأ لكِ الجديد

فأين هو ؟؟؟

تحياتي اختاة

من انا يقول...

الله اكبر عليكى
وجزاكى الله كل خير على السرد الجميل
على فكره موضوعك فادنى كتيييييير اوى
خصوصا فى مجال دراستى
" الجغرافيا السياسيه "
جزاكى الله كل خير



على الرغم من ان دى اول مره ادخل فيها المدونه
لكن بجد المدونه اكتر من رائعه
علشان بطلب منك انك تسمحيلى باضافة مدونتك عندى

شــــمـس الديـن يقول...

الفاضل الكريم صاحب البوابة

اديني نزلت الجديد اهه ... اتمني ان اري تعليقك عليه :))

***********************************

الفاضل احمد حسن
اولا مرحبا بك في المدونة و طبعا يسعدي جدا ان تضم مدونتي لقائمة لديك ...

و بارك الله لك و اعزك علي اطرائك الذي لا استحق ...

خالص تحياتي لكما

غير معرف يقول...

الأخت الفاضلة شمس الدين

اسف جدا على التأخير . قرأت ردك عند الاخ محمد عبد الغفار وطبعا متفق مع كلامك .فعلا ببقى سعيد مع وجود ناس محترمين ولسه قلوبهم نضيفه وعقولهم ممتازه وعندهم امال وطموحات جميلة . وفعلا بقول والله مصر لسه بخير وانها ممكن تتصلح مع وجود أشخاص كويسين جدا زيكم و و و و وببقى مستغرب ان احنا متوحدين فى حاجات كتير مع ان احنا بعاد جدا عن بعض . على كل حال هى دى ميزة التكنولوجيا واستخدامها الكويس الجميل لأنها للأسف سلاح ذو حدين برضه . وعاجز عن شكر حضرتك على كلامكم الجميل

نيجى بقى لموضوع بن جوريون – طيب خدتى بالك هو قال الكلام ده امتى ؟
من أكتر من تلاتين سنه يعنى هموا عندهم سياسة النفس الطويل فى التخطيط ولازم نعترف انهم عقول جباره بتعرف توصل لأهدافها والدليل انهم عارفين يضحكوا على العالم كله لحد دلوقتى . بس دوام الحال من المحال . على كل حال فعلا زى مانتى قولتى و دا تقريبا اللي حاصل دلوقتي ... يعني منطقيا ملهاش تفسير غير الارادة الالهية ...ماهو القران الكريم فى سورة الاسراء الاية 8 (عسى ربكم ان يرحمكم وان عدتم عدنا وجعلنا جهنم للكافرين حصيرا )
يعنى الموضوع فيه سجال . شوفى انا مش قلقان من اليهود أكتر من قلقى مننا احنا . ليه؟ شوفى احنا اللى بنحدد اليهود فين. اذا احنا تحت يبقى هموا فوق واذا احنا فوق يبقى همه تحت . أصلها كفة ميزان يا احنا ياهمه . يبقى احنا مش المفروض نهتم بيهم ومش معنى كده ان احنا ننسى اللى بيعلموه فينا بس الأهم نهتم باننا احنا نكون كويسين علشان لما احنا هانكون كويسين همه من نفسهم – ده اقتناعى الكامل – هايروحوا واقعين لما يشوفونا كويسين .
هموا طبعا مش هايدونا الفرصه دى

وطبعا الحكومه كل اللى يهمها انها تبقى فوق الكرسى بالدين من غير الدين مش مهم . المهم انها ماتمشيش من الحكم وتفضل مكلبشه بأيديها وسنانها.
والله يافندم مكنش قصدى اجى على أى جرح . انما هو فعلا الواقع مؤلم . على حكاية تعديل الدستور تم واحنا موجودين فعلا معاكى حق . بس احنا برضه مش فى ايدينا حاجه نعملها . اذا كان كل الاحزاب أعلنت رفضها ومافيش فايده يعنى الحكومه مش هاممها أى حاجه . وده ليه ؟ لأنها هى كمان مخططه ان مافيش حزب معارضه يكون قوى . واذا كان فى حزب قوى تروح على طول عامله فيه انشقاق أو تجمده زى حزب الغد والعمل – اللى هموا كانوا أقوى حزبين ممكن يقفوا ضد الحكومة .
على كل حال موضوع التعديلات لسه ماخلصش لسه فى دعوه قضائية مرفوعه على التعديل يوم الاتنين هايبان ايه راى المحكمه
masrawy.com/News/2007/Egypt/Politics/May/27/moday.aspx
على كل حال تعليم بايظ وقضاء يابظ يبقى خلاص ربنا يتولانا برحمته .
المهم ان احنا نركز بقى انه مايحصلش توريث ونتحد على كده ونخطط احنا كمان للهدف ده.
اذا مش قادرين نقضى على الفساد يبقى على الأقل نحده
ولا أملك غير انى أؤمن على دعائك ان ربنا يرحمنا ويستخدمنا ولايستبدلنا
وان شاء الله اذ مات الكبار الصغار يكون محفور فيهم اللى بيحصل واللى بيتنقش فى الصغر لايمكن يتنسى

ودمتى بكل خير وحب وتقدير
سلام

شــــمـس الديـن يقول...

الاخ الفاضل الكريم حسن محمود

ارجو ان تلتمس ليالعذر في عدم الرد السريع ...فلا ادري كبف لم الحظ الرد سوي الان

هما عندهم سياسة النفس الطويل الي جانب انهم حتي و ان اختلفت المناصب هناك اطر و اساسيات لا يحيدون عنها ( الافكار ثابته و لا تتأثر بالشخصيات )عكسنا تماما كل فرد يجيئ بسياسة شكل تاني خالص و تقريبا في كل حقبة يتغير الدستور تبعا لاهواءا لناس

حضرتك بتتكلم في 30 سنة ... طيب من ايام هرتزل يعدي داخلين علي قرنين 200 سنة و كلامة لسة دستور ليهم و ماشيين عليه بالحرف

و كلام حضرتك صح تماما , احنا الاساس و لو احنا تراجعنا هما هيسبقونا مش لانهم صح و لكن لاننا تخاذلنا ... و زي ما جولدا مائير قالت انها هتخاف من المسلمين يوم ما يكون عدد مصلين الفجر مثلما يصلون الجمعة ...

هما مش هيدوناالفرصة دي ... و اعتقد ان دا هدفهم الاساسي فيا نهم طاويين الحكومة تحت باطهم و مفهمينهم ان هو دا الاسلوب الوحيد لانهم بيقوا في الحكم انهم يقضوا علي الاسلام الحقيقي بشكل او باخر فتجد الاضعاف الرهيب للازهر لانه تقريبا قائد الحراك السياسي في مصر منذ امد بعيد ...
الي جانب شكل الدولة العلماني اللي عايزين يفرضوه فرض علي الناس و الناس مش متقبلاه و مش هتتقبله ابدا


موضوع الدستور زيية زي موضوع فلسطين زي الامريكان لما دخلوا العراق ... ربنا بلانا بحكومات زي الحائط المائل الذي لا يستطيع ان يدفع اي اذي عنا ... و من يريد ان يكون له دول بدل ما يسير في اتجاة صحيح يعاون الامريكان حتي يسطع اسمة ايا كانت الوسائل

معلش كلام حضرتك عميق و ممتع فعلا و يجعلني اتفرع اعتذ عن الاطالة ...
لكن الاجزاب المضعفة بيد الحكومة قالت لأ ... و بقيت الشعب لم يكن يدري اي شئ اصلا عما يحدث !!! عملت استفتاء حقيقي لو حابب تطلع عليه http://shamseddeen.blogspot.com/2007/03/blog-post_23.html

الجهل و صناعة انصاف متعلمين هو السبيل في احكام السيططرة علي الشعب ..لان الجهلة لا يتكلمون
و اول معول هدم في اي امة هوافساد التعليم فيها ...

عامة بردوا لا يجب ان نفقد الامل ... لاني اري حراك في الشعب و وعي حتي و ان لم تظهرة وسائل اعلامنا فاعتقد انه يتنامي اكثر فاكثر ... و اعتقد انه لكل فعل رد فعل مضاد في في الاتجاة و موازي له في القوة ... حتما سيتنج عن كل ما نراه و نشاهدة من فساد ردة فعل تطهيرية طال الزمن ام قصر ... و لمني اعتقد انها سوف تظهر في القريب العاجل ...

و طالما فيه ناس زي المدونين المحترمين و زي حضرتك , يبقي لسة فيه امل :)

خالص تحياتي لمرورك العطر الرائع فحقا تعليقاتك تثري المدونة :)