السبت، سبتمبر 01، 2007

............

السلام عليكم و رحمة الله و بركاتة
بقالي فترة لم اكتب و لم اطالع المدونات ... هذا بسبب ظروف عملي الجديد الذي اخذني بشدة و اصبحت ادور في ساقيه لا نهاية لها و رغم هذا فالامر ليس بالخنيق .... ق
طالعت اخر كتابات كتبتها لاري كيف افكر , وجدت انني اصبحت فمة في الاكتئاب ... ليس هذه كتابات فتاه من المفترض انها لم تتعدي الربع قرن بعد فكيف اذا وصلت للثلاثين و الاربعين و الخمسين ؟؟؟؟ دائما ما يقول لي اخي "لا تتعاطي السياسة و حاولي تبقي بنت هايفة شوية علشان تعرفي تستمتعي بالحياة , و كدا او كدا كلامك و تفكيرك لا هيودي ولا هيجيب " مش عارفة هو اخويا مش سطحي بس طريقة تفكيرة زي الاف الناس ...و مقدرش اقول انه غلط و لكن معاه حق في جزء كبير في كلامة ... عامة في الاوان الاخيرة تعلمت ان افصل تماما بين الارف اللي في البلد و بين حياتي حتي استطيع ان اكمل ما بقي لي باقل خسائر ممكنه ...
بصفتي من مرتادي الميكروباسات ... منذ عدة ايام سمعت اشاعة قوية عبارة عن حوار بين سائق الميكروباس و التباع عن وفاة حسني مبارك ... و يقول السائق انه لو عملوا جناسة سيسير وراؤة ...و يرد عليه التباع قائلا : دا مفيش ولا واحد من الشيوخ ناويين ينشوا وراة ( و فهمت بعد ذلك ان الملتحين الملتزمين نوعا ما بقال عليهم شيوخ ) رد السائق و قال : لو هيوزعوا فلوس في جنازتة همشي فيها ( قولت في نفسي اكيد دا متعود علي اسلوب الحزب الحاكم كل مناسبة عايزين يجمعوا فيها ناس يدوعم فلوس علشان يهيصوا ليهم )
بقيت بشتغل في صيدلية مستواها مرتفع نوعا ما .... يعني اكياس الشامبو ام ربع جنية دي او برشامة الصداع او الاسهال او المغص دول انا نسيتهم ... اغلب مستحضرات التجميل مستوردة حقا لا تدري الطبقية في مصر الا عند الاحتكاك بمثل هذه الامثلة من بيع بضاعة واحدة لمختلف المستوايات ....
لن انسي الرجل الذي اخذ عرض فرش اسنان 3 بمئة جنية ( ايوة الفرش اللي بنسمع عنها في الدش دي لاني عقبال عندكم ركبنا دش ) الواحد ة كانت ب 45 بس عاملين عرض اشتري 3 ب 100 جنية !!! يا بلاش طبعا .
و ايضا السيدة التي سئلتني عن حفاضات لطفلها و لكنها تشترط النوعية المستوردة !!!! ال 12 حفاضة ب 38 جنية
حقا تشعر ان الجنية لم يعد يساوي ان طلبت في المقابل خدمة او سلعة جيدة ....
لا يوجد هدف محدد من هذه التدوينة و لكني رغبت الا انقطع عن هوايتي المفضلة طوال هذا الوقت ... و ربنا يسهل و اعرف انظم وقتي وجد وقت كي اكتب و اتابع كما كنت حتي اشعر انني مازلت علي قيد الحياة و اني لم ادخل في عداد المواطنين المطحونين :)

هناك 28 تعليقًا:

حورية من الجنة يقول...

كنت منتظرة البوست ده حبيبتي

علشان بحب اقرأ المواقف الاجتماعية

الجميلة البتشوفبها الانت بتكتبيها

وربنا يعينك حبيبتي على العمل الجديد

وضـّاح يقول...

السلام عليكم

حمدا لله على سلامة حضرتك .. ومبارك العمل الجديد

ما شاء الله

في صيدليات فيها كده

أنا كانت آخري في الصيدلية كيس شامبو أو برشامة مغص .......... وغيره كتير على شاكلته

عملت لفترة طويلة في صيدلية كمساعد صيدلي في منطقة شعبية .. هذا كان أيام دراستي

أجمل ما في الموضوع كان عندما تستلمني إحدى العجائز فتحكي لي حكايتها مع زوجها الزي تزوجته منذ ما يقرب من ثلاثين سنة أو أربعين وبالتفصيل الممل

الناس في هذه المناطق تكون عشرية جدا جدا

ولكن أظن أنها أفضل من الصيدليات في الأماكن الراقية .. التي تجعل الصيدلي يدمن أدوية الضغط

Abdou Basha يقول...

عادي يا شمس.. مش انتي لوحدك، بس أي حد واخد العملية جد وبيفكر في المستقبل
بس مش شرط انه المكتئب او اللي مضايق دلوقت يفضل يزيد ضيقه لحد ما يبقى عنده 43 سنة.. ممكن وهو عند 43 سنة يبقى في أحسن حالاته
على فكرة أنا أكتشفت مؤخرا بعد مجموعة أحداث إنه شغل الإنسان بيبقى عليه عامل كبير في حالته النفسية، خلي تفكيرك في الشغل دايما أو ازاي تخففي من التوتر أو القلق أو الضيق هناك
وربنا يوفقك دايما
وحمدالله على السلامة
:)

الطائر الحزين يقول...

حمدا لله على سلامتك
مين قال انك لم تكتبى شىء
رميتى كام قنبلة وهتمشى

الهيافة-الدواء-البامبرز-....
الميكروباص وحواديتة

تحياتى

Monzer يقول...

ازيك يا شمس وايه أخبارك
مبروك ع الشغل
وفعلا ده تبقى حاجات مستفزة جدا
ليه سنان حضرته دهب علشان تبقى الفرشة بمية جنيه
انا عندى حقد طبقى زي ما بيقوا ولا ايه :))

أصلى كنت كتبت خاطرة كده
وقالو انى عندى حقد طبقى
بس لقيتك زي
يبقى مس لوحدى يا ناس :))

تحياتى ليكى

ma_3alina يقول...

اسمح لي يا دكتورة .. من فترة وأنا عايز اقولها .. لكن سبقني بها أخوكي وأنا حكتفي بالتأييد ..

فعلا .. الدنيا مش مستاهلة كل هذا التعقيد والاكتئاب .. الدنيا لا تسوى عند الله جناح بعوضة .. ولو كان أحد لحمله الهم فقد حيويته وإنسانيته لكان الأنبياء أولى من غرق في الحزن والحيرة والكآبة .. لكنهم مع الهموم االمتلاحقة كانوا يضحكو حتى تبدوا نواجذهم ..

عادي حفكر واحلل وانظر نظرة عميقة لكل حاجة .. بس مش دا كل حاجة في الحياة .. ممكن نعمل كده واحنا بنسخر ونهزر ونضحك وإحنا المصريين طول عمرنا شاطرين في الحكاية دي ..

مش لازم أفكر وأنا واكل اتنين كيلو نشا معاهم .. مش بقصدك طبعا .. لكن اقصد أصحاب شعار الكآبة هي الحل ..

تحياتي ليكي ومبارك على الشغل الجديد

اسماء العـــــــريان يقول...

غدا الاثنين 3 سبتمر
استئناف قرار الحبس بالتجديد 15 يوم لمجموعة الدكتور عصام العريان ومن معه

فى محكمة شمال القاهرة بالعباسية

الساعة 10 صباحا

ارجو ممن يريد التضامن معنا ان ياتى

7amza يقول...

مبروك عالدش
ومبروك عالعمل في الصيدلية الهاي كلاس دي أعتقد كده أفضل
حتى كمان الناس اللي بيسألوا على سرنجات أو ترامادول مش هتلاقيهم تاني خلاص
:)

أما بالنسبة للمستقبل والنهضة وحال البلد والأفلام دي
علينا بالتفاؤل
فالمؤمن دائما متفائل

وفي النهاية عاوزين ندعي لكل المعتقلين
فك الله أسرهم أجمعين

دنــــيــــــا مـحـيـرانـي يقول...

حمد لله علي السلامه عالم التدونين كان مضلم من غيرك
و مبروك علي الشغل الجديد ربنا يوفق
احلي حاجه فيك يا شمس انك في كل لحظه في حياتك بتتأمل ما حواليك اصل انا زيك غاويه تأمل و الوقوف امام الاشياء حتي لو كانت صغيره مثل الاشياء الاي قولتها
حاجات صغيره بس مستخبي ورائها بلوي
علي كلامك نكتشف مدي وجود ناس غنيه اوي ي في حياتنا مهتمين بالقشور و الرفاهيات و ناس تانيه مش لاقيه الدواء و لامكان في المستشفي غني فاحش من قله و فقر معدم لاغلب تناقض صارخ في حياتنا
دائما تاملاتك و مواقفك تجي علي الجرح
تحياتي يا شموسه

ابن حـجـر الـعـسـقـلانـى يقول...

حمد الله على السلامة.. جات لى خاطرة كدة على السريع: سيدنا أبو ذر الغفارى كان بيقول إن الحد الفاصل اللى بعده الأموال تبقى مما يكنز فتحمى عليها جباه الناس و ظهورهم هو الحد الذى يزيد عن قوت يوم الانسان... هذا و هناك من يشترى فرشاة الأسنان بـ 45 جنيه

يا مراكبي يقول...

البوست فيه خبرين: خبر كويس وخبر مش كويس

الخبر الكويس هو شغلك الجديد وخبرة إكتشاف طبقات أخرى من المجتمع

والخبر اللي مش كويس هو إن مافيش جنازة

بس خلاص

الفجر قادم يقول...

شمس الدين حبيبتى مش عارفة أقولك ايه بس فكرتينى بصيدلية كنت فيها جنب مستشفى منشية البكرى وطبعا الزباين و كان مندوب شركة من الشركات اللذيذة الأجنبية عايز يبيع دوا صداع نصفى حبيتين تقريبا بحوالى 80 ج فقالفقال لى الدكتور عندنا انت بتهزر يا بنى احنا عندنا ناس غلابة لدرجة حبية نوفلجين أبولنج يبقى خير انت تقلى دوا للصداع ب 80 ج روح بيعه فى المعادى
و الله الناس غلابة قووووى عندنا ربنا يقويهم

.........
بعيد عن الموضوع ابقى نورينى فى المدونة بتاعتى أخيرا ربنا أعانى وظهرت للنور

دعواتك بقى :)

أميرة محمد محمد محمد يقول...

ليه الشمس زعلانه اياكي ان تكتابي والا الدنيا مش هتنور.خليكي واثقه في الله وتفائلي وباذن الله الخير قادم

انا مش بستخدم فرش اسنان اقل من الف جنيه لو عندك في الصيدليه اعملي حسابي

حسبنا الله ونعم الوكيل الشعب مش لاقي ياكل ويشرب وفيه ناس بترمي فلوسها علي الارض

اللهم انصر المظلومين والمسروقين في بلدنا

دي اول مره اعلق واسعدني المرور جدا

other_things يقول...

وعليكم السلام ورحمة الله بركاته
..
انا مش شايف فيها حاجة حكاية الفرشاة خمسة واربعين يا أستاذ بن حجر

واحد عاوز يشتري حاجة كويسة فيها ايه
ثم لو حكاية قوت الإنسان طبقناها علينا
فكلنا ..كده
..

ابن حـجـر الـعـسـقـلانـى يقول...

والله و لا انا معترض.. إن الله يحب أن يرى أثر نعمته على عبده .. انا عايز ابين ان بلدنا فيها واحد مرتبه فى الشهر حوالى 60 جنيه و واحد تانى بيشترى فرشاة أسنان بـ 45 جنيه .. و لو رأى سيدنا أبو ذر طبقناه دلوقتى ..يبقى مالناش غير رحمة ربنا

طال الليل يقول...

عود حميد
أحسن إنك تركت الناس اللى إشتكيت منهم قبل كدة ومعلش بقى الطبقية مستفزة فعلا
ربنا يوفقك ويعينك متنقطعيش عن التدوين لأنه متنفس ممتاز للتواصل مع الحياة النابضة ودمت بخير

شــــمـس الديـن يقول...

عذرا يا اخواني علي تأخري لان خظ التليفون اجز يومين و بالتالي اجوت بالتبعية يومين :))
بجد متتخيلوش لما بلاقي تعليقات علي المدونة بفرح اد ايه :)



السلام عليكم و رحمة الله و بركاتة اولا


:)

الفاضلة الكريمة حورية من الجنة
الله يكرمك و ربنا يبارك لك دائما يا رب

و نورتي المدونة بجد

***********************************

الفاضل الكريم وضاح

اكيد طبعا فيه ... مش بتسمع عن العزبي و علي و علي ولا ايه ؟؟؟ عامة انا كنت زي حضرتك كدا في الصيدليات اللي احنا كلنا عارفينها ( ثلاث صيجليات من ضمنهم بتاعة شارع ابو زيد ) لكن غيرت علشان كنت عايزة اخد خبرة و ربنا يسسر لي الحال

لا و الله المناطق الراقية بردوا فيها المصريين مصريين ... بس بطريقة اخري !!!

بس ليه الواحد يدمن الضغط ؟؟؟ مش فاهمة دي بصراحة

دمت بحفظ الله
************************************

الفاضل الكريم عبد الرحمن

انا مش مكتئبة بمذاجي و الله بس المشكلة اني بحس !!!!
فعلا علي فكرة الشغل بيكون هو انعكاس لانت العملية ... و الواحد بيحس انه اخيرا بعد كم السنوات اللي قضاها في التعليم بقي بيعمل شئ حتي لو كان اي شئ

ربنا يوفقك انت كمان

**********************************

الفاضل الكريم الطائر الحزين

يعني
بعض ما نراه من حياتنااليومية :)

**********************************

الفاضل الكريم منذر

الحمد لله
اللا يبارك فيك

بصراحة انا مش معاك حالص في النقطة دي
و الله هو ربنا رفعنا درجات فوق بعض يعني دي اساسا سنة الكون و الخلق ... و كل شئ فيه تفاضل بدأ من العربية ال 128 لحد الهامر و المحمول ال تلاتة تلتمية لحد الان سيرز
فعادي ان لو ربنا رزق حد المال انه يجيب اللي هو عايزة ...
انا مش معاك في حقدك الطبقي لانه اساسا و مع احترامي بيدل علي عدم الرضا ...

ربنا فرض الزكاة علينا و طالما الانسان بيؤديها يبقي خلاص ...

انا مش زيك و لكن انا مجرد راصدة بعين حيادية لما يحدث :)

دمت بكل الخير

***********************************

الفاض الكريم ما علينا

يا استاذي الكريم ... انا لا معقدة ولا مكتئبة ولا اي شئ انا بس بحس و بتفاعل و مش بحب احط راسي في الرمال
لخويا بيقول لي ابقي هايفة ... للاسف اولا مش اقدر اكون هايفة و تافهة ثانيا مش بيدي تقريبا انا خلقتي كدا



اولو العزم كانوا عاملين المعادلة
انهم يشيلوا هم الناس و لكن دون اكتئاب ...احنا بقي مش عايزين نشيل هم شئ و لا نكتئب ...

انا مش واخدة دا كل شئ في الحياة ... و لكن اعتقد ان دي النظرة او السمة الساسية اللي بتفرقني عن اي حد بيشوف نفس المشاهد اللي بشوفها ...

انا بحس اساسا ان جوايا طفل صغير لسة بيستكشف كل شئ و مبهور لسة بكل شئ و بيتضايق لما بلاقي ناس بيعملوا شئ هيترتب عليه تعاسة ناس اخرين

اكيد الكئابة ليست الحل و لكن قلة من تستطيع الموازنة ...و الاغلب يكبر دماغة الي غير عودة

خالص التحية لمرورك و تعقيبك الجميل :)

*********************************

الفاضلة اسماء العريان

مرحبا بك في المدوة و لو اني كنت اتمني ان تشاريكنا حديثنا

المشملة انه عندي شغل فلا استطيع تركة و لكن ادعوا الله ان يفك كرب و سجن شرفاء هذا الوطن

امين
***********************************

الفاضل الكريم 7amza

انت الوحيد اللي اخدت بالك من موضوع الدش دا !!! قوي الملاحظة حضرتك فعلا

فعلا
مفيش حد بيسئل علي سرنجات ولا ترامادول ولا ما شابه

حلوة حكاية الافلام دي

ربنا يستخدمنا ولا يستبدلنا ... امين
اللهم فك اسرهم و عليك بالظالمين

امين

***********************************

يتبع

شــــمـس الديـن يقول...

الفاضلة الكريمة دنيا

الله يبارك فيكي و بجد مش عارفة اقول لذوقك دا ايه

زي ما بقول لك انا حاسة اني طفلة كبيرة مندهشة و مازالت تتعلم , و الله مش قشور هو مود او زي ما بنقول استايل اوف لايف فيه فعلا طبقة عالية اوي
يمكن بنشوفها في المسلسلات و لكن عمرنا ما شوفناها بشكل رسمي
لكن فيه

اقول لك ايه بس
زيارتك ليا بجد محسبها كويس لاني عارفة اني مقصرة في حق الناس لان الوقت كلة ضايع في الشغل و شغل البيت و المواصلات

تحياتي ليكي انت ايضا يا قمر :)

***********************************

الفاضل الكريم ابن حجر العسقلاني

اولا اخي الفاضل ... لا ادري هل هذه قاعدة شرعية فقهية ام مجرد رأي

ثم مع احترامي الشديد لاني لا استطيع اساسا ان اقول اي شئ علي مقولة الصحابي الجليل ابو ذر ... و لكن ما اريد ان اقولة ان المقاييس و الحسابات اختلفت ... القوت الان اصبح يحسب "شهريا و ليس يوميا " بل انه فيه اشياء اصبحت كل 3 اشهر و بعضها موسمي

يعني الغاز و الكهرباء و التليفون و النت و المية و ايجار المنزل و مصاريف المواصلات و مصاريف المدرسة او الجامعة و العلاج و شراء ملابس تستره و .. اعتقد ان هذا كلة يندرج تجت مسمي " قوت الانسان " و كما قولت للاخ الفاضل الكريم منذر هذا من مراتب الدرجات التي رفع الله بعض العباد فوق بعض

هذه سنة الله و لن تجد لسنة الله تبديلا ...و عتقد لو رجل دفع زكاتة و ادي صدقاتة ثم اشتري فرشه حتي بالف جنية لها من المميزات الطبية مفعول سحر فلا يستطيع احد ان يلومة

دمت بحفظ الله و نورت المدونة

************************************

الفاضل الكريم باشمهندس احمد

بجد بسعد لما بتمر عندي :)

هو الخبر اللي مش كويس اكيد هيتحقق في يوم من الايام ... لكل اجل كتاب

***********************************

الغزيزة الغالية فجر قادم

بجد و الله ما حايشني عنك الا ان الوقت متاخد في المواصلات و بعيت من الكادحين في الارض ... بس اكيد هزورك اساسي

***********************************

الفاضلة الكريمة اميرة محمد محمد محمد

و الله يا عزيزتي انا مش زعلانة و لكن انا بس الوقت مقصر معايا حبتين تلاتة

امين

***********************************

الفاضل الكريم other things

طيب سلم حتي ... داخل في الراجل حامي اوي كدا
:)

معلش ... انا بقي هقول لك علي فرشاة متوسطة و فيها المفيد اورال بي ام تلاتة جنية و ربع صراحة ممتازة :)

احنا مش كلنا كدا ولا حاجة علي فكرة كلنا يادوب عايشين و الحمد لله


دمت بكل الخير

**********************************

اخي الفاضل ابن حجر ... راي ابو ذر يختلف من زمن لاخر و اعتقد انني بينته في ردي الاول عليك

و مرحبا بك دائما فعلا

***********************************
الفاضل الكريم طال الليل

و الله انا مشتكيتش و لكن بس بحكي مغلامرات الحياة

كل عمل علي فكرة و له مشاكلة و علي فكرة مشاكل العمل دا اكتر من اي عمل اخر

نورت و ان شاء الله عبقي اكتب عليه بعد ما اسيبة
و معك حق فعلا في موضوع التدوين

دمت بكل الود

Maha يقول...

وعليكم السلام ورحمة الله وبركاته

اااه يا بنتي وحشتنا تدويناتك وكتاباتك

وحكاية أخوك تعليقي عليها هو

(كلنا هذه الفتاة)

ومبروك على الشغل الجديد

اسماء العـــــــريان يقول...

اليوم السبت الموافق 8-9

مؤتمر فى نقابة الصحفيين بعنوان

سجناء سبتمر بين الحاضر والماضى

ويحضره الاستاذ محمد عبد القدوس

بعد صلاة المغرب

ارجو ممن يريد التضامن ان يذهب

ارجو النشر

layal يقول...

اتمنى لك التوفيق في شغلك الجديد
اما ما تواجهينه فكلها تجارب نتعلم منها بعد حين

Ma-3lina يقول...

دى اخرة الشغل فى المناطق الراقية
علشان تعرفى دمنا بيتحرق قد ايه

عود احمد

صاحب البوابــة يقول...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

Rain_Drops يقول...

أنا أكتر حاجة أضحكتني في الإشاعة دي إن حتى بياعين الفول بقو بيتكلمو عن الموت الإكلينيكي للرئيس معقول الثقافة دي كلها كانت عند الشعب و احنا مش حاسين :ض

شـــــهــــروزة يقول...

كل سنة وانتى طيبة وبخير

ورمضان كريم عليكم يا رب


متستغربيش من الطبيقة
ومتستغربيش من ان الفلوس مبقاش لها معنى

لأنها لا تعنى بالفعل شيئا لمن لم يستشعر تعب وعرق الحصول عليها

لسة كنت باقول امبارح لماما
لو الجدع دة مات
مفيش حد حيمشى فى جنازته
وعلشان عارفين ان الشعب مش حيمشى له فىجنازة زى ناصر مثلا او ام كلثوم او السادات

حيجيبوه فى طيارة مباشرة على المدفن
مش على عربة مدفع ولا بتاع

يلااا
الايامجاية وحنشوف

احمدرامى يقول...

عقبال ما تقدرى تشترى زى الناس اللى بتحكى عنهم دول يس ساعتها ماتنسيش الناس الغلابة واصرفى الفلوس الكتير اللى حتبقى معاك فيما هو اولى

رفقة عمر يقول...

كل سنه وانت طيبه

ربنا يتقبل منك صالح الاعمال اللهم امين
رمضان كريم

شــــمـس الديـن يقول...

السلام عليكم و رحمة الله و بركاتة

ازيك يا مها ... يا بنتي ما انت اساسا مش بتدخلي :) انا و اله مطحونة في الشغل ... ربنا يكون في عوننا جميعا

***********************************

الفاضلة الكريمة اسماء العريان

كنت اتمني منك للمرة الثانية ان تتفاعلي معنا في الموضوع و لكن يبدوا ان لك رأي اخر ....

اتمني منك ايضا ان تنوهي عن اي شئ قبلها بفترة كافية - عدة ايام - و ليس عدة ساعات لاني مشغولة في عملي ولا افتح المدونة الا مرة كل 24 ساعة

************************************

الفاضلة العزيزة ليال

شكرا علي مرورك و تعليقك الجميل

خالص التحية

***********************************

العزيزة ما علينا
لا و الله يا بنتي انا مش بتفرق معايا الحاجات دي انا بنظر لها من منظور اخر ... ببصلها ان الصيدلية تكسب ... بصي للنصف المليان حتي لو كانت نقطة

خالص التحية للمرور
***********************************

الفاضل صاحب البوابة
و حضرتك بخير و يعيد الايام بخير و سعادة

************************************
الفاضل rain drops

احنا فعلا شعب قمة في العجب

نورتي المدونة

***********************************

العزيزة الغالية شهروزة

رمضان كريم علينا كلنا
و الله بصي هما ممكن يكون تعبوا فيها - بحسن الظن لحد النهاية - لكن مش عارفة اناس بتفكر ازاي ... بس دا ميمنعش بردوا ان الجنية معادش يساوي ربع جنية

بس عايزة اقول شئ ... هو مش جدع , هو بلاء من ابتلائات الزمن ولا يمت للجدعة بصلة

دمتي بكل الخير و في حفظ الله

***********************************

الدكتور الفاضل الكريم / احمد رامي

بجد حضرتك متتخيلش انا مبسوطة اد ايه ان حضرتك نورت المدونة ... ربنا يحفظك

و الله يا دكتور انا تملي بدعي و بقول يا رب يجعل الدنيا في يدي ولا يجعلهاف ي قلبي ... اه انا بحب الفلوس بس عمري ما هخليها تتحكم فيا ... لان للاسف الكويسين ذهدوا في الفلوس فراحت للي معندهومش ضمير فاحنا اللي نستاهل في النهاية

خالص التحية لمرور حضرتك العطر

***********************************

الاخت العزيزة رفقة عمر ..

تقبل الله منا و منكم صالح الاعمال و يا رب يجعله في ميزان حسناتنا

اللهم امين