الخميس، أكتوبر 04، 2007

انا ... علي اخر الزمن ... يتبعت لي تاج

السلام عليكم و رحمة الله و بركاتة


مش عارفة ... رغم انه موضوع بيعجب ناس كتيرة الا اني مش بحب التاجات !!!

اولا نظرا لطبيعتي - اكيد انا عارفة ان ناس كتيرة من اللي تعرفني علي الواقع هيذهلوا - الا اني فعلا متحفظة بعض الشيئ و مش بحب اتكلم عن نفسي كتير خجولة يعني , و ثانيا : لاني عارفة قدر نفسي جيدا و شايفة انه فيه مواضيع اهم نتكلم فيها غير اللي بحبة و بكرهة يعني عارفة اني مش من مشاهير النت اللي الناس هتستني اخبارهم و تقرئها لهم بشغف ... ثالثا و هو ان التاج دا ضيع وقت كنت ممكن انزل فيه تدوينة جديدة !!!!!و

و لكن نظراُ لان التاج دا جاي من طرف ناس بعزهم اوي الا و هي " الفجر قادم " فهجاوب يا سيتي علي التاج بتاعك ..و لكني اعلنها صراحة و من موقعي هذا ان هذه المدونة ستصبح " مدونة خالية من التاجات " بعد ما اجاوب علي التاج دا علشان محدش يزعل مني :)



نبدأ بسم الله


لو قالولك اختاري عصر من عصور مصرعلشان تعيشي فيه تختار اى عصر و فى عهد اى ...واشمعنى؟
انا احب افضل في العصر للي احنا فيه دا ... لسبب لاني معتزة اولا بنفسي اوي و ممكن لو رجعت اي عهد تاني مقدرش اعيش بنفس الاسلوب اللي انا عايشة بيه دا دلوقتي
ثم ماله العصر دا ؟؟؟ بجد و بدون تهريج مصر ادامها فرصة تاريخية للازدهار و مفيش علي الموضوع دا غير بس تغيير الارادة السياسية الي ارادة جادة لها اولويات حقيقية

اول اولويه فى حياتك عيلتك ولا شغلك ولا اصحابك؟
و الله انا حاسة ان السؤال دا غلط ... لان كل حاجة المفترض ان ليها مقام محفوظ ولا يطغي شئ علي الاخر ... يعني هل حد بيشتغل ال 24 ساعة ؟؟؟ و لو بيعمل كدا يبقي اكيد انسان نفسيا غير متزن و قيس علي ذلك العائلة و الاصدقاء
هو السؤال يكون هل انت بتؤدي حق الناس عليك ولا لأ لان ممكن حد يكون بيروح الشغل لكن مش بيؤدي حق شغله علية او واحدة قاعدة في البيت و مش واخدة بالها منه ... المفهوم ان المفروض كلنا نعمل التلاتة بس مفيش حاجة تطغي علي حق التانية .

ايه اكتر حاجه بتحبيها فى رمضان؟
رمضان نفسة :)


اوصفى ليا اجمل فطار ممكن تفطريه؟
مع العائلة الكبيرة حيث صلة الرحم الجميلة


لو انت حاكم على مجموعه من الافراد هتكون ...هتعمل ايه عشان تتأكد انك حاكم عادل؟
سؤال مهم
اكيد الناس دول اللي انا حاكم عليهم هنعمل معا لتحقيق هدف
اذن اجمعهم و اشوف جهة نظرهم في الهدف اللي عايزين نعملة و نقترح خطط و و نختار احسنها و توزع الادوار و اتابع سير العمل و بعد كل فترة اعمل تقييم لنفسي من فم المحكومين علي كيفية سير العمل و هل هناك خلل ام لأ

اللى بيبوظ الحكام .......نفسهم؟ ولا الشعب؟ ولا الحاشيه المقربه؟
خليط من التلاتة
نفسة لو هو مش مؤهل اساسا انه يمارس السياسة ( اصل دي ممارسة مش بتتورث )
و الحاشية لو هو عجبة الحال و تنعم في النعيم و ترك المسؤوليات عليهم و نسي واجبة الاساسي و لو اني اري ان الحاشية عليها العامل

و الشعب لو هو بقي امعة ليهم لان الناس عمر ما شئ هيجتمعوا عليه


مين أكتر اعلامي مصري بتحترميه؟
حمدي قنديل ... رولا خرسا – ولو انها مش مصرية – مني الشاذلي و لو اني اذن انه فيه ناس محترمة كتيرة اوي و لكن لم تأخذ فرصتها

قريتي ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟ لو اه ايه رايك فيه؟؟
لأ للاسف لم اقرؤة
بس هو يعني ياريت التاج كان فيه لنك للموضوع مش كلمة متسابة كدا و خلاص


لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟
معرفش
الخيرة فيما اختارة الله وانا مبسوطة من عملي و لكن ممكن اكون كاتبة في مجال علم النفس الاجتماعي لو كان فيه حاجة كدا:)


ايه تانى بلد تتمنى تعيش فيها بعد مصر؟
مممم
اي دولةغربية متقدمة لا تضتهد الاسلام


اوصفي ليا ترتيبات اجمل فرح ممكن تحضرية؟
مفكرتش عمري في شئ زي دا لاني بعتبر الفرح ترف فارغ مع احترامي للجميع لان مهما اتصرف عليه العريس و العروسة و الاكل مش بيعجبوا المدعويين و الناس تقعد تمص مص شفايفها و تقول اخدتة علي ايه ولا هو عجبه فيها ايه و سمعنا ان الشبكة كانت بكذا ولا المهر اللي دفع هولوها كذا ولا امها قالت له كذا و الخ الخ من حكاوي الافراح التي لا تنتهي و الخلاصة انها غرامة محترمة للعريس و العروس و الكسبان الوحيد هو المعازيم بالاكل المجاني :) .


بتراعي كلام الناس والقيل والقال؟ لو اه او لا قول ليه؟

ايوة براعيه لو الموضوع هيتعلق بالاخلاق او القيم و المثل بحاول يعني مش احط نفسي في موقع شبهات ... لكن لحد حد معين لان الناس لا تجتمع علي شئ ... و انا اساسا براعي ربنا اولا و بطلب منه الستر دائما و اعتقد انه فعلا ساترها معايا لحد دلوقتي و يا رب علي طول

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟
عادي جدا
انا اساسا مولودة في عهد لم يكن فيه هذه الاشياء
يعني ممكن ادون علي ورق اكون اخدت عناوين الاصدقاء اللي بيعلقوا عندي وو ابعت لهم التدوينات بالحمام الزاجل و نعمل لقاء اسبوعي زي سوق عكاظ لمناقشة اهم القضايا المطروحة:)سيبكم طبعا اكيد هتأثر و لكن حياتي مش هتقف


السعاده بالنسبه لك هى؟
السعادة تنبع من داخل الانسان
اعتقد ان رضا الله و الوالدين ووجود الصحبة الصالحة و الستر المادي و المعنوي هي اهم الاشياء تبعث علي السعادة


عندك امل ...اسبابك؟
اكيد
لان لو كان اي حد عظيم سواء في الثقافة الاسلامية او خارجها فقد الامل مكنش حقق المعجزات ...و تملي بقول كل الاشخاص العضماء هم في الاخر "اناس مثلي " فلماذا افقد الامل ؟؟؟


لما تحب تهرب من كل شئ بتروح فين؟
بروح انام


امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟
كل ما بحس بان المسؤوليات بتكتر عليا


لما بتعمل عمل خيرى بيكون ايه هو دافعك الاول؟
و الله تحديدا مش بفكر و لكن اللي بيحركني في اغلب الاشياء دي مبدأ " حب لاخيك ما تحب لنفسك " و انا بحب اتعامل كدا يبقي اكيد لازم اعامل الناس كدا .

بتعرف ايدك اليمين من الشمال ازاي؟
سؤال عبقري للغاية
اكيد دلوقتي حفظت لكن
زمان و انا صغيرة كنت بعلم ايدي الشمال بحسنة فيها ... لكن كنت بطلخبط و اقول يا ربي هي الحسنة كانت في اليد اليمني ام اليسري ؟؟؟



ايه اكتر اله موسيقيه بتحبها ؟
الات كتيرة
الناي
البيانو
الجيتار الالكتروني
الدرامز


فى رأيك ليه الذوق والنخوه اتعدموا؟
و الله هما متعدموش هما في حتت حتت ... يعني في الارياف لسه فيه نخوة اعتقد ان دا سلوك خاص بالمدن المزدحمة مثل القاهرة ,و لو قولنا في القاهرة لان القانون لا يأخد مجراه و اللي هيتكلم ممكن يموت و ملوش دية و الناس ماشية بمبدأ " من خاف سلم " \

دا بالنسبة للنخوة اما الذوق فدا راجع لان عامة الناس بقت تستقي ثقافتها من التليفيزيون ... الي جانب ان امريكا مؤثرة في الموضوع ...فبقت البلطجة هي القوة الحقيقية لانزاع اي شئ ,فهبقي ذوق ليه و اراعيمشاعرا لناس ليه ... و كمان الزحمة خلت الناس خلقها ضيق .

ايه الحاجه اللى لو حصلتلك تبقى سعيد قوى؟؟؟
معرفش
اعتقد اني عديت مرحلة اني ابقي "سعيدة اوي بشئ دي " او اعلق نفسي بشئ قد يحدث و قد لأ

تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟

ولا اي شئ من دول انا افضل مشروع استثماري صناعي علي مستوي ضخم يكون عامود فقري لاشياء اخري ارغب في عملها

لان الارض الزراعية مش هقدر ازرع عليها اللي انا عايزاه لانها مليانه بالاسمدة المسرطنة الي جانب اني لو زرعت قمح او قطن ممكن اتحبس ... و اجنس العربيات مشروع استهلاكي لا انتاجية فيه ... و العمارة مشروع للثراء البحت , اما المال بفسوف ينتهي حتما يوما ما ...


البحر و لا النيل؟؟

في ايه بالضبط ؟؟؟ حدد لا احب الاسئلة المائعة

مركب ولا طياره؟
الاجابة السابقة


انت مجنونه ولا عاقله؟
و الله سايبة الناس تحكم علي دا


تقرأ كتاب و لا تتفرج عليه فيلم؟
حسب الحالة المزاجية
بس لو هيكون فيلم هيكون اجنبي .


بتمرر التاج لمين؟
ولا حد لاني بحب اعامل الناس كما احب ان اعامل و لكن لو حد عجبة ياريت ياخدة و يجاوبة بنفسة


فيه بقي ملحوظة علي التاج دا مني انا ... ضمير المخاطب مؤنث ... هو لازم يتمرر التاج لبنت بس ولا ايه ؟؟؟

ملحوظة تانية هو مين اللي بيعمل التاجات دي ؟؟؟ تكونش المخابارات الاسرائيلية و عايزة تحلل نفسية اللي بيدونوا ؟؟؟

هناك 12 تعليقًا:

آلام وآمال يقول...

حسيت من اجاباتك انك شخصية جادة
واجتهادية
ومثابرة
واثقة من نفسك جدا
قنوعة وراضية
واثقة من خطاك

ربنا يبارك فيكي

بس ادهشتني اجابتك على اي الالات الموسيقة تحبها
!!
كنت منتظرك تقولي ان الموسيقى ليست من الاسلام في شيء

بالنسبة لملاحظاتك على التاج
انا مش شايف ان ضمير المخاطب مؤنث هو حضرتك ازاي مش واخدة بالك

تاني حاجة اللي بيعمل التاجات دي واحد من المدونين عادي جدا وبيختار مجموعة من اصدقائه في التدوين ويبعته ليهم وفي اخر التاج بيطلب من اللي اجابه انه يمرره لحد غيره وبالتالي ينتشر التاج
ولو المخابرات الاسرائيلية فكرت انها تعمل تحليل نفسي للمصريين اعتقد انهم هيألفو تاج أشد واعمق من كده بكتييير دول ابالسة اصلا
:D :D

آلام وآمال يقول...

تشرفت بالمرور على مدونتك

Mahmoud يقول...

إجابات هادية وراسية و متزنة
و شخصية عاقلة وجادة فعلا
و رأيي الشخصي في موضوع التاجات ده أنها مفيدة أنها تلقي الضوء علي نقاط شخصية عن المدون و الناس تعرفه أكتر بس بشرط انها تكون جادة و محددة و مبتكرة ..و بالنسبة للي علق و أندهش من إجابتك عن أحب الألات الموسيقية و بيقول أن الموسيقي مش من الإسلام
أعتقد أن الموسيقي شئ راقي إنساني بحت
و مفيش داعي لتحريمها لو كانت جميلة راقية و كمان مش بتلهي عن عبادة و ذكر يعني حاجة ليها وقتها و ظروفها

شكرا

layal يقول...

التجات بعضها يكون ذو فائده للجميع وممتع وبعضها مجرد اسأله خطرت علي بال مخترعها والدليل ان بعضها يكون غير مترابط الافكار يعني سؤال في الشمال والاخر في الجنوب
وهى تساعد المدونيين للتعرف علي بعضهم البعض
من ما كتبتي يمكنني القول
انك
جدليه
واقعيه لابعد حد
جاده
صريحه وبعيده عن اللف والدوران
تملكين ثقه بالنفس
لا تفضلين الحديث عن نفسك او تعريفها للاخرين
اعذريني ان كنت صريحه ومباشره في تعليقي
تحياتي
:-)

shams يقول...

لالالالالالالالالالالالا بجد هتعب معاكي في التعليق اوي انتي قلتي حاجات كتير و عمال اسجلك عشان اعلق
بصي يا سيتي
اولا و ثانيا و ثالثا
تقدري تعتبري التاجات هي روح الفرفشة بين المدونين من زحمة الافكار و الاحتجاجات و الاعتصمات و الاتحادات
ثانيا بقى نظرا لانك مدونه زميله فانا لازم ادور على اي تاج قريب يكون جامد كدة و برضة ابعتهولك
و بعدين بيني و بينك من اجاباتك حاسس انك جد شوية

Maha يقول...

هههههههههه

ازاى جت للفجر قادم الجرأة إنها تبعت لك تاااج

:)

على عكسك أنا بقيت أحب التاجات .. مش كلها لكن فيها اللى بيكون حلو قوي

طيب باصي لي التاج :D

Maha يقول...

الفجر قادم : أناااا بهزر .. لا تزعلي وإحنا في رمضان ..

شــــمـس الديـن يقول...

السلام عليكم و رحمة الله و بركاتة

الفاضل الكريم الام و امال
مرحبا بك لاول مرة في المدونة و

جزاكم الله خيرا علي تعليقكم و اتمني ان اكون هاكذا

هو بالنسبي للموسيقي لموضوع فيه اختلاف و لكني لا افتي ... و انا مش مدمنة ولا حاجة يعني بس لا مانع من قليل من الترفيه كل بضعة ايام ...

بالنسبة للضمير المؤنث انا غيرتة :)

و نورت المدونة و ياريت تبقي تكررها

**********************************

الفاضل الكريم محمود
مرحبا بك في المدونة و جزاكم الله خيرا علي تعليقك ...

و الله هو شوفق بالنسبة للالات الموسيقية هو اي شئ اساسا لازم الاول ندور علي هل هناك شئ فيه و بعد ذلك هناك قضايا خلافية و هناك قضايا مثبتة و لنا ان نأخذ باي الرأيين ان كانت خلافية ...

و معك حق فعلا بس المشكلة انه فيه ناس فعلا ملهية بيها بشكل وصل لحد الادمان ...
بارك الله فيك و اعزك و شكرا علي مرورك

***********************************

العزيزة الغالية ليال

و الله مش عارفة بس هو يمكن هو راجع لاني مش بحب اتكلم عن نفسي بعض الشئ و هي كلها طباع في النهاية

و هو يا بنتي كلامك يزعل علشان تقولي اعذرك لو كنتي صريحة ...بالعكس انا فعلا زي ما انت قولتي و مفيش داعي للاعتذار ... احنا بجد اخوات :)

بارك الله لك و اعزك
***********************************

الفاضل الكريم شمس

انت هنامل زي اكتب بالرصاص ... كل ما اعمل تدوينة يقول لي كلامك كتير و مش عارف اعلق و حطية في عدة تدوينات و علشان كدا بقلل التدوينات علي قدر الامكان :)

اكيد بردوا معك حق ... بس هي علي حسب الشخصيات و علي حسب الاسئلة ...

بس هو فيه سؤال ... هو فيه مشكلة اني ابقي جد ؟؟؟ انا حاسة انها بقت شتيمة و الناس بتعتذر و توطي صوتها و هي بتقولها :)))) لو هي بقت كلمة عيب او ليها مدلول مش لذيذ قولوا ... بجد مش هزعل :)

خالص التحية و دمت بكل الخير و الود

************************************

العزيزة الجميلة مها

ولا تزعلي يا سيتي ...هنزل منشور رسمي ان التاج يتوجة لك ولا يهمك
و عالي فكرة الفجر قادم عسولة جدا و مش هتضايق منك ... و كل سنة و انت طيبة بمناسبة العيد ... هيفوتك كحك بسكو مصر و انت مش في مصر ...فعلا شديد
:)
********************************

جزاكم الله خيرا علي التعقيب

AbdElRaHmaN Ayyash يقول...

ههههههههههه
جميل اوي العنوان
بس انا مش عارف ليه الاجابات حاده شوية يا دكتورة
يعني كأنك بتتخانقي مع اللي باعت التاج
و عجبني جدا سؤالك ال"منطقي" ان المخابرات الاسرائيلية تكونش بتبعت هي التاجات :d
هو انتي بتسألي بجد
؟ :O

الفجر قادم يقول...

ربة السيف و القلم ...والله انتى عارفة انا مش عميل ولا حاجة :) انا حتى بكره اسرئيل :)
خلاص معلش تعيشى ومتخديش غيرها
ربنا يكرمك بس أجاباتك جميلة زى ما توقعت وعرفتنى بيكى اكتر
.....
مها ممكن تعتبرى انى بعت لك التاج ...ولا اقولك حبعت لك واحد تانى مناسب لما بعد رمضان
انتى تأمرى:)

شــــمـس الديـن يقول...

الفاضل الكريم عبد الرحمن عياش

هي حادة

هز شوية تقولي جادة و شوية تقولوا حادة :))

انا قولت لكم التاجات دي لعبة فاشلة ليا اساسا مش صدقتوني

انا بسئل بجد ... جاوب انتبنمفسك علي سؤالك ... لا تعليق

الملاحظات دي يابني فكاهية
اوك !

***********************************

الغزيزة الغالية الفجر قادم

انا عارفة انك مش انت اللي عميلة ... و عارفة انك من كارهي اسرائيل

و عادي يا بنتي و الله انت زي العسل و لولا انه منك مكنتش رديت عليه

يالا في حفظ الله

Maha يقول...

آآآه يا شمس .. فاتني الحكح والبسكوت والغريبة والبيتيفور .. واااااء

بجد أهو ده طعم العيد في مصر .. :( والأهل هناك

يعني بجد أنا كل سنة أكتب في الماسنجر في العيد ..

عيد بأي حال عدت يا عيد .. بما مضى أم لأمر فيك تجديد
أما الأحبة فالبيداء دونهم .. فليت دونك بيد دونها بيد

والاحبة هم الغريبة والبسكوت .... ومن ضمنهم الأهل طبعا يعني :D

الفجر قادم .. أنا جاية أزور مدونتك أهو دلوقتي إن شاء الله .. تعقيبي هناك بقى :)