الأربعاء، يناير 23، 2008

لا يوجد كلام

السلام عليكم و رحمة الله و بركاتة



لا ادري ما الذي يمكن ان يقال في هذه الظروف


هناك شعب عايش في الظلام .. و الاي شئ ... و في نفسا لوقت احنا علي بعد مرمي حجر منه و مش قادرين نعمل معاه حاجة ... ايه الذل اللي احنا فيه دا ... فيه شئ غير مفهوم يحدث ... لان تظل مصر هذه ضعيفة مش عارفين نملك قوت يومنا ... و حتي لو عملناه بينسرق سواء من البنوك او في تقرير الجهاز المركزي للمحاسبات ولا ندري ما الذي يمكنا فعله ...

الكارثة اللي بجد ان اغلب الناس اصلا مش حاسة باللي احنا بنقولة ولا صوتنا بيوصلهم


حدثني صحفي و قال لي : لقد نزل الشارع و اجري تحقيق عما يحدث في عزة ... اول واحد قال له معرفش ... تاني واحد قال له معرفش ... جرب ان يسأل فتاة فظنته يعاكسها ... و اخر انسان رضي ان يتحدث معه قال له : غزة دي فين .. في فلسطين , صح ؟ لا معرفش بيحصل فيها ايه .ه


ما يجعلني في قمة عصبيتي هو ان هذه الناس تعيش كالانعام ... لا يشغلها شئ الا انفسها فقط , و ان حدثت احدهم يقول يعني اناهعمل ايه ... خليني في اللي ان اف يه احسن يعني حتي الكلام و الانفعال الناس مستخسراه في اخواتها ؟؟؟ الناس هتفضل معصوبة العينين الي متي ... المشكلة اننا معاهم غصب عننا في نفس السفينة و و لانهم اكثرية سجعلون السنفينة تغرق بنا ... طيب ما العمل ؟؟؟؟ ل


عادت جارتي من قطر لان ابنتها هناك ...كانت اول مرة تزور قطر ... فكانت تروي لنا و تقول : انها كانت تسير في الشارع تجد قمامتهم عبارة عن اجهزة كهربائية معطلة ... ولأن مستوي المعيشة مرتفع في قطر ... فهم لا يصلحون الاشياء - حتي لو كان لحام سلك صغير - و لكن يلقون بها في الزبالة و يأتون بافضل منها !!!!!!!!!! و ان كي يرتبوا المنزل القوا بديفيدي قديم .... و كاسرت لا يعمل و تليفيزيون لا يعمل ... ان التصليح هذا في دول مثل مصر اما قطر ... القي و اشتري الاحدث .ث


يعني بلد مثل عزة او حتي مصر ...يمكنها ان تعيش علي "زبالة " الخليج .... عجبي بجد .د






انا اقدم اعتذاري ... لكل انسان مسلم - و خاصة في فلسطين الشقيقة ... يقاسي تحت الاحتلال اويتعرض للاضطهاد في اي مكان في العالم ... علمت به ام لم اعلم ... ولااستطيع نصرته حقاً , و ادعو الله ان يغفر لي عجزي و تقصيري في نصرتكم اخوتي ... و ليأخذ الله كل مافق الي الجحيم .




الشعور بالعجز اسواء من الشعور بالظلم ... م.


هناك 23 تعليقًا:

كلام لوجيك يقول...

السلام عليكم ورحمة الله وبركاته
صدقتى يا أختى الكريمة فى كل كلمة قلتها ، وما يثير حنقى حقيقة هو عدم مقدرتنا على فعل أي شيئ لتصحيح هذه الأوضاع التى ذكرتيها،

وصدقتى عندما كتبتى : الشعور بالعجز اسوء من الشعور بالظلم

وكا قلت سابقا وأقولها الان مرارا وتكرارا ان حكومتنا حكومة غير مسؤلة عن تصرفاتها ولو كنا فى دولة محترمة لتمت محاكمة كل هؤلاء الوزراء الذين لم يحترموا القسم الذي أقسموه ليحافظوا على بلدهم وليعملوا بكا جد وأمانة لخدمة المجتمع
استشري الفساد وتوحش وعندما تأتى التقارير والحملات الاعلامية لتكشفه للرأي العام فإننا نواجه بصمت مريب وفاضح من الحكومة ، وفى بعض الأحيان نجد الحكومة فى موضع الهجوم والتفنيد فى شكل يدل على مدي وقاحتها وكذبها وانتزاع برقع حيائها

واسمحلى لى أن اتضامن معكى وأعلن عن اعتذاري لكل مسلم وعربى يقاسى ولا يجد من ينصره أو يسانده

سامحونا يا اخوتنا
اسف للاطالة اختى الكريمة وأود ان ابدي اعجابى بكلماتك الموجوده أعلى صفحة التعليق والتى تعبر عن ما يجول فى صدورنا جميعا بسبب فوضى التعليقات والتى نعانى منها جميعا


دمتم جميعا فى خير

عصفور المدينة يقول...

عبارة وردت خطأ في التدوينة

اول واد قال له معرفش

وذلك الخطأ من نوع صدفة خير من ألف ميعاد
فهؤلاء لا يستحقون أسما ءالرجال

Maha يقول...

عاااااااا

كنت كاتبة رد قد كده وضاااااااع

عايزة أقتل حد

***

حسبي الله ونعم الوكيل

***

خلاصة ردي إني متفقة معاك جدا في آخر نقطة

شعور العجز والذنب تجاههم لا يقل ألما عن شعورهم بالمعاناة .. على الأقل هم مرتاحين نفسيا جزئيا لأنهم مجاهدين

***

أنا حرمت أكتب ردود طويلة خلاص

يخرب بيت اليهود الصهاينة الظالمين

ابن حـجـر الـعـسـقـلانـى يقول...

من لم يهتم بأمر المسلمين فليس منهم

لا حول و لا قوة إلا بالله

غير معرف يقول...

حكتب اقول ايه مفيش كلام اقدر اقوله
بصراحة الكلام يهرب منى ويدى عاجزة
حقول ايه
تحياتى

Rivendell** يقول...

معاكي ان مفروض نهتم ونحزن ونشارك
لكن يابنتي اللي مربوط ومش عارف ياخد حقه في بلده تفتكري هيبص عاللي بيحصل حواليه
لما يهتم بحال اهله يبقى يهتم بحال الجيران
الناس في جريها مش قادرة تاخد نفسها
البلد انهارت خلاص

الطائر الحزين يقول...

اللهم اغفر لنا تخاذلنا

الكل يفكر فى نفسه

اللهم ارحمنا


تحياتى

صريح أوي يقول...

السلام عليكم
نعم اوافقك الرأي
وصدقتى : الشعور بالعجز اسوء من الشعور بالظلم

نحن نعجز عن الكثير بإرادتنا ولا نتحرك بإرادتنا
نعم
جزاكم الله خيرا
دعوة لمحاكمة الحكام والملوك العرب الذين خلوا إخواننا في غزة

حاول تفتكرنى يقول...

بعض السكون عجز عن الحركة

جميعنا يعلم أن الأمر مخطط ومدبر ، ولن يفيد الكلام ولا المساومات ولا رد الفعل المعلن ، لأننا لا نقوى على رد الفعل الطبيعى والعادل

نحن عجزة حتى فى عباراتنا المرتجلة ، وشعاراتنا المرتعشة

ربما نعجز يوما عن مجرد السكون فنجد أنفسنا - دون قصد منا - نتحرك

تحياتي

يا مراكبي يقول...

وأنا بأضم صوتي لصوتك وبأكرر نفس كلامك

انا اقدم اعتذاري ... لكل انسان مسلم - و خاصة في فلسطين الشقيقة ... يقاسي تحت الاحتلال اويتعرض للاضطهاد في اي مكان في العالم ... علمت به ام لم اعلم ... ولااستطيع نصرته حقاً , و ادعو الله ان يغفر لي عجزي و تقصيري في نصرتكم اخوتي ... و ليأخذ الله كل منافق الي الجحيم

محمد يقول...

عن غزة .. "حسبي الله ونعم الوكيل"

عن بعض المصريين تجاه غزة .. "لا حول ولا قوة إلا بالله .. له في خلقه شئون"

وعن أحوال بعض أهل الخليج ـ التي رأيتها بنفسي ـ في الإسراف والبذخ , ومنها أنهم لأنفسهم يسرفون وعلى غيرهم من المسلمين وهم الأولى يقترون .. "إنا لله وإنا إليه راجعون"

غير معرف يقول...

فعلاً كلامك صح لأن منطقهم ف الخليج منطق استهلاكي و الأجيال الجديدة ما شافتش عيشة أبهاتهم أبداً و لو حتى من مسلاسلات تحكيلهم كان الوضع شكله ازاي زمان عشان يحسوا بالنعمة اللي مغرقاهم ، لكن للأسف هما مش مستوعبين إن الغني لما يكون عنده نعمة لازم يقتصد فيها زي الإنسان العادي بالظبط

بالنسبة لغزة، فخلاص عملوها الوحوش و نسفوا الحاجز الحديدي و دخلوا مصر، اللي بيخليني فعلاً متغاظ بحق إن الناس دي مش داخلة تقعد ف مصر، دا يدوب إشتروا(بفلوسهم)بضائع مصرية و رجعوا تاني مما يعطيني تأكيد إن حكومتنا(الرشيدة)همها الأول و الأخير هو فرض الحصار على القطاع مش زي ما بيقعدوا يعبولنا راسنا إن الفلسطينية هينزلوا (يحتلوا)مصر و ياكلوا أكلنا، و حتى إذا أكلوا أكلنا و إية يعني؟ طعام الواحد يكفي الإثنين و طعام الإثنين يكفي الأربعة إلى آخر الحديث

Abd-Alrahman يقول...

اختي الكريمة
احييكي علي هذا الشعور بالاخوة في الاسلام
واهنيكي علي كل كلمة كتبتيها في البوست دة
وجزالكي الله كل خير بهذة الكلمات
وجعلها في ميزان حسناتك بوم الدين

مدونتك جميلة جدا
تحتوي الكصير من الكنوز الغالية
والمعاني الجلية
ولقد استمتعت بوقتي في زيارتي الاولي لها واتمني ان اري لك تعليقا في مدونتي المتواضعة

الصيدلي المطحووون

غير معرف يقول...

بصي يا اخت شمس هو انتي ذكري في قصة الخاصة بجارتك سبب المشاكل كلها
احنا او معظمنا إلا من رحم ربي
بين امرين
يا إما أغنية اوي زي دول الخليج وبعدنا عن ربنا فمش حاسين بمعاناه اصلا جارك اللي ساكن جنبك فازاي هيحس بجارك اللي على بعد اميال منك
ويا إما فقرا جدا زي الحال مثلا هنا في معظم سكان مصر بيدوروا على اللي يكفيهم في يومهم وخايفين اصلا من بكره لمحسن ما يعرفوش ياكلوا ولادهم
فمش قادرين يفكروا في غيرهم

تقريبا كل واحد اصبح بيفكر في نفسه مع اختلاف الاسباب
موقف مثلا زي التجار اللي في سينا لما دخل عليهم اخوانا في غزة
كنت اتوقع مثلا انهم يدوهم المنتجان باسعار قليلة او حتى خليها زي ما هاي ما تتغيرش بس اللي حصل حاجه برده تحرق الدم الاسعار زادت الاضعاف هناك

تحسي ان كل واحد بيغني على ليلاه
ما حدش بيفكر في التاني
كله بيقول يالا نفسي

احنا ليه بنلوم على الحكومة واحنا نفسنا اللي ساعدناها على اللي بتعمله فينا

انا مش بدافع عن الحكومة
بس شوفي اصلا الناس بتفكر ازاي

انا كنت بقابل افراد رايهم ان الفلسطينين يستاهلو اللي بيحصل ليهم عشان كذا وكذا وكذا
ومبررات تحسي انك نفسك تقومي تمسكي في رقبته

بس اخر حاجه ممكن اقولها
لينا كلنا ونذكر بيها بعض
إننا نحاول بقدر الإمكان نطبق حديث الرسول صلى الله عليه وسلم " من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان"
كل واحد حسب ما ربنا اداه من قدرة على التغيير احنا قدامنا التغير يا اما باللسان يا إما بالدعاء انما موضوع اليد اعتقد أولياء الامور مشغولين بالدنيا عن انهم ينصروا الدين
فبلاش نبرة اليأس اللي في لسانا
بلاش اليأس يوصل لقلوبنا
لإنهم حاليا هم الوسيلتين اللي ممكن نغير بيهم طالما عجزت ايدينا عن التغيير
يا جماعة لو كانت الامة ده ضعيفة
لكانت انتهارت من زمان
غزة وغير غزة اتعرضوا لمواقف اشد واصعب من كده من زمان
واللي بينجي الامة ده هو وجود رجال صدفوا ما عاهدوا الله عليه

يمكن ما نقدرش نغير بإيدينا
بس ما شاء الله لو كل واحد من الاخوة الموجودين واللي حاسين بالقضية ده قدروا يستخدموا لسانهم وقلبهم
واستخدموا ايديهم في انهم انجبوا اسرة مسلمة تقدر تحمل هم الامة يبقى اعتقد ده تغير باليد بس هياخد فترة
وده اللي قالوا ربنا
وإن تتولو يستبدل قوما غيركم ثم لا يكونوا أمثالكم

السؤال هنا ربنا قادر على كل شئ بس مين السبب اللي هيكون في إيجاد القوم اللي هيكونا مش زينا وهينصروا دين الله

اكيد مش اللي تخلوا عن القضية
اكيد اللي حاملين هم القضية زيك وزي جميع اخوانا اللي كتبوا في المدونة هنا وغيرها

يبقى بلاش نبرة اليأس تتسرب للي يتبقى مننا

والله المستعان

ا بـن عــمــر يقول...

فعلا عندك حق
الناس فىالشارع شغلتها الحكومة بارتفاع الاسعار حتى لاتهتم بشىء آخر
من أبسط الاهتمامات أن نتابع القضية
لك الله ياغزة

ابن رشد يقول...

و الله فهمت البوست كله و جيت في الكلام اللي مكتوب فوق التعليق قعدت ربع ساعة عشان افهمه
ههههههههههههههه
انا بهرج
المهم
عايز اقلك ان جهل الشعب المصري بغزة راجع لاحساسه بالم الجوع و اللي ينتجج عنه عمل طوال اليوم دون مبالاه باي شئ اخر حتى لو كان في الجيزة مش غزة اما عن موضوع الدول العربية فانا مش هتكلم فية عشان بيجيلي احباط

son's egypt يقول...

السلام عليكم
السكوت علي الظم ابشع من الظلم نفسه
انه بكده انك رضيت بالمهانه والذل
والسكوت علي مايحدث في غزة اكبر دليل علي الذل والمهانه

ابن رشد يقول...

على فكرة يا شمس ليكي تاجين عندي

الربان يقول...

تحياتي

قلوبنا مع اخواننا في غزة...مع أهلنا هناك...و اعتقد ان العرب و المسلمين كلهم علي أتم استعداد لمساعدتهم، و لكن ، وهذا رأيي , اقول ولكن علي الفلسطينيين أنفسهم أن يساعدوا انفسهم أولا و لا يهرولوا الي المناصب و الالقاب ، فكل من عليها فان ، الصراعات بين الفصائل المتناحرة علي السلطة.... ياريت يتذكروا ان الاخري خير و ابقي...وان يتحدوا لخدمة وطنهم
و شعبهم...

تحياتي و تقديري لشخصك الكريم و دمتي بألف خير.

شــــمـس الديـن يقول...

السلام عليكم و رحمة الله و بركاتة

الفاضل الكريم باشمهندز اسامة
حكومتنا مش حكومة دي شلة منتفعين و بس

و شكرا علي التضامن و ربنا يشفع لنا يوم القيامة ان شاء الله

***********************************


الفاضل الكريم عصفور المدينة

معلش علي الغلطة دي انا صلحتها بس فعلا قعدت اضحك :))

خالص التحية علي المرور الكريم

***********************************

الفاضلة الكريمة مها

لا معلش دا قضاء و قدر انت عارفة اني بحب اني اقرأ الردود الكبيرة

الله يخرب بيتهم كمان مرة

امين :))

***********************************

الفاضل الكريم ابن حجر العسقلاني

الاعلام اللي مغيب الناس يعمل اكتر من كدا

خالص التحية

***********************************

الفاضل الكريم طائر الحرية

الحمد لله علي نعمة الاحساس بجد و ربنا يبارك لك فيها

خالص التحية

***********************************

الكريمة العزيزة rivendell

و الله بصي ... احنا مش مربوطين ولا حاجة ...بس منخليش اي شئ يسلبنا ابسط حقوقنا في التغبير عن غضبنا ... يعني حتي لو كبلوا ايدينا لسه فينا لسان يتكلم و قعول تنبض بالافكار ... و البلد عمرها ما هتنهار طالما فيها ناس شرفاءئ زيينا

الخير في و في امتي الي يوم الدين
مش كدا ولا ايه :))

يعدت بمرورك

***********************************

الفاضل الكريم الطائر الحزين
اللهم امين

يا رب استخدمنا ولا اتستبدلنا

***********************************
الفاضل الكريم صريح اوي

مرحبا بك في المدونة
تستطيع ان نتحرك بارادتنا ان كسرنا حاجز السلبية ...

... ربنا يوفقنا جميعا

خالص التحية

***********************************

الفاضل الكريم حاول تفتكرني

حتي لو كان دا كلة مرسوم ... انا برفض دا و حتي لو رفضي مش هيعبر عن شئ ...المهم اني اعمل زي ما الحديث بيقول اني ارد المنكر و لو بلساني و هذا اضعف الايمان

خالضص التحية

***********************************

الفاضل الباسمهندس احمد القاضي

انت فعلا انسان علي قدر المسؤولية

خالص التحية لشخصكم الكريم :)

***********************************


يتبع ---->

شــــمـس الديـن يقول...

الفاضل الكريم وضاح

حلو تقسيم الرد داعلي كافة الاصعدة

تقبل فائق احترامي لان تعليقك فعلا جميل

***********************************

الفاضل محمد فوزي ال ربيع

يعني فعلا ياريت الخليك يقوم بالدورا لمنوط به مش كله علي مصر و خلاص

و دا في الاساس بعد عن التربية الصحيحة ...
امنا بقي بالنسبة لموقف حكومتنا ... فانا معدتش بفهم شئ منها خالص

ربنا يستر

خالص التحية علي المرور و التعقيب

***********************************

الفاضل الكريم Dr-Online ..

جزاكم الله خيرا علي الاظراء الذي لا استحق ... . شكرا علي كلماتك

خالص التحية عي المرور العطر

***********************************

الفاضل الكريم شهاب

تدوينتين ورا بعض تعلق عليهم ... دا ايه الرضا دا كله علينا


فعلا احنا فعلا كدا ... الطبقة الوسطي اضمحلت و دا سبب مشاكل بالهبل ... ربنا يستر علينا

بس مع احترامي دا قانونالبيت العرض و الكلب هو اللي بيتكم في كل شئ ... متتوقعش ان الناس هتنزل عليها الطيبة فجئة و هما شاربينالمر من كيعانهم طول حياتهم

يعني دا شئ بديهي, دي تجرة ... و حتي لو الناس عملت كدا دا مش مبرر ان الحكومة تكون حرمية ... احنا عايشين في الارض مش المدينة الفاضلة ...

انا مش يائسة مش معني كلامي علشان حانقة علي الوضع اني اكون يأسة فيه فارق بين الحنق و الغضب اللي بيولد طاقة و انفجار و يأس و خنوقع فيه فارق كبير اوي بينهما ...

خالص التحية علي المرور الجميل و مش تحرمنا من زياراتك

تحياتي

***********************************

الفاضل الكريم ابن عمر
ما لاسف دي ثقافة التغييب

لنا الله جميعا

حالص التحية علي المرور و التعقيب

***********************************

الفاضل الكريم شمس

ربع ساعة يا راجل
طويب

صح كلامك ... الاكل اولا و الاحتياجات الاساسية و بعدين تيجي الحاجات دي ...

خالص التحية

و حاضر هحل التاج بس اعذرني اني مشغولة حبتين

-**********************************

الفاضل الكريم son's egypt

و الله فهلا بس انا بتعتبر نفسي من المستضعفين اللي ميقدروش علي فعل شئ

ربنا يرحم عجزنا و ضعفنا

خالص التحية

************************************
و الله شوف المشكلة ان الفلسطينيين دول بشر زي اي بشر ... يعني هتلاقي نفس الافات البشرية اللي عندهم عند اي شعب تاني ... و احنا لسنا ببعيد

هو المهم ان اللي يتولي الامر يكون من المصلحين ... لان الفساد و ضعف النفس موجود في كل جماعات البشر

خالص التحية لك و لشخصك الكريم

---------------------------------

اعتذر عن التأخر في الرد و دمتم جميعا في حفظ و رعاية الله

خالص التحية

smraa alnil يقول...

مين قالك ان الشعب مش في دماغه حاجة

لا يا شموس

الشعب مشغول بقضايا اهم

يعني اهم قضية علي الساحة دلوقتي
كاس الحلل الافريقية

شووفتي بي انك ظلمتي شعبنا

يا بنتي لما شعبنا يصرخ علي اوضاعه توقعي منه يصرخ علي اوضاع الغير

يا شمس احنا قبلنا الذل والمهانة علي نفسنا
عايزانا ننصر غيرنا

يعني من الاخر
مش بايدي غير اني ادعي نفس دعاؤك في الاخر

mo'men mohamed يقول...

أشعر فلا كلامك بالمرارة اللى المفروض تكون موجودة فى قلب كل مسلم
كنت أكلم أحدهم على النت
فسألأته عن غزة
قالى من عزة
قلتله لا غزة مش عزة مدينة فلسطينية
قالى معرفهاش
حسبى الله ونعم الوكيل
السلام عليكم