الثلاثاء، مارس 04، 2008

ايامي .... في شارع عبد العزيز فهمي

السلام عليكم و رحمة الله و بركاتة






استكمالا للسلسلة الواقعية التي اعيشها في عملي في الصيدليات ( اسامي في شارع ابو زيد 1,2 و ايامي في شارع السلام و ايامي في شارع الحكيم ) لم يسعدي الحظ الا بنشر الاولتان فقط لاسباب امنيه





عندما بدأت في العمل , عملت في صيدليات في مناطق شعبية كي اكتسب الخبرة الشعبية اولاً ... و بعد ان تنقلت في عدة مناطق رغبت في العمل في صيدلية كبيرة , تبيع المستورد و ما الي ذلك ... لم يكن البحث عنها سهلا و استغرف وقتا طويلا فعلا - خاصة ان اي صيدلية تتطلب خبرة في المستورد و هو لم يكن موجود لدي ... و لكن لله الحمد و الشكر ا ن استطعت ان اجد ما اريد و لكن بعد عناء





اقطن في منطقة عادية , و لكن انطباعي الاول عندما ذهبت الي صيدليتي الجديدةان هناك طبقية واضحة في المكان ... فالشارع واسع و به حديقة من منتصفة , لا يوجد احد يسير فيه الا بسيارة و من يسير علي قدمية يكون اما الشرطة او حراس المنازل او الخدم ... لا شئ اخر !!! ر





طبعا في هذه الصيدلية تختفي مستحضرات التجميل الرخيصة - كيس الشامبو او الزيت او البلسم ابو ربع جنية - و يحل محلها الانواع الفاخرة و المستوردة من مستحضرات التجميل حتي انني اخذت فترة حتي اعرفهم جميعا ... من ضمن الاشياء التي لفتت انتباهي ... ماء مقطر مستورد من فرنسا لغسل الوجة 200 ملل ب 55 جنية !!! شاور جيل مستورد 300 ملل ب 50 جنيه .... كريم مساج ماركة محترمة 450 ملل ب 195 جنية و هلم جره ... و العجيب ان لهذ المنتجات زبونها و لكن قليلون هم طبعا !!!! ا




المشكلة التي واجهها باستمرار في اي عمل جديد , انني صغيرة السن و لابد من حكم صيدلية كبيرة بكل ما و من فيها و المشكلة هذه المرة ان نظام الصيدلية كان جديد علي ...فكان يعتمد علي توصيل الطلبات للمنازل , مثل السوبر ماركت .... يعني الزبون يتصل و يقول : دكتورة عندي كذا و كذا و كذا اخد ايه ؟؟؟ او انا أريد كذا و كذا و كذا لو سمحتي ... و من المطلوب اخذ الطلبات و تحضيرها و محاسبة من سيذهب بالطلبات - اعطية باقي حتي يعود لي بمبلغ صحيح و ليس كسور - و الناس هناك عندهم وعي يعني يصروا ان من يتكلم معاهم يكون دكتور و ليس اي أحد مثلما يحدث في المناطق الشعبية بيع دواء فقط... و يهتمون بشدة بتاريخ الصلاحة ... و يتقبلون ان يأخدوا البديل ان اكدت لهم علي فعلياته ... عكس مناطق اخري يعتقدون ان ما كتبة الدكتور فقط به الشفاء و ما دون ذلك ماء بملح لا قيمة له .



اكتشفت ان المصريين هم هم في كل المناطق , و لكن فقط يوجد غلاف خارجي يحيط بالناس هنا ان استطعت ان تخترقة وجدت ان المكونات الاساسية واحدة تقريبا , ... تصادف ان كانت تحدثني امراة ذات لكنة لبنانية و لكن كانت في غاية الادب و كانت تسلم علي عند كل اتصال و في اخر المكالمة تقول لي عنوانها ... مثلا 11-ش محمد باشا رياض شقة واحد , ووجدت بعد فترة امراة صوتها اكبر و تطلب ادوية من نفس الشقة , فتطوعت بدافع الفضول و قولت لها , الم يكن يسكن في هذه الشقة امراة لبنانية , فوجدتها تضحك و تقول نعم , زوجة ابني , فتاه ماشاء الله عليها , تاكل الناس بكلامها و ادبها ... و هي بتصرف كتير اوي في العلاج لانها صيدلانية زييك :) و قالت لي رغم ذلك الواحد يريد ان يحضر لها الدنيا كلها لانها مؤدبة اوي ... و لاقيتها بتقول عكس مرات ابني المصرية ...يا ستار يتفات لها بلاد - طبعا انا دفاعا عن بنات جنسي المصريات قولت لها , و الله يا فندم البنات المصريات حلوين ايضاً , تقول لي جائز و لكن مرات ابني المصرية ذي لا تطاق ... و اصبحت هذه المراة تعرفني ايضا و تجلس تتكلم عن احوال ابنائها قبل اي طلب :)) ب


و لم يقتصر تعاملي مع المصريين فقط و لكن هناك الجنسات الاخري التي تقطن عنا و احرص علي حديثهم بالعربية و اغير اللغة فقط عندما يقول لي المريض انه يعتذر عن عدم المامه بالعربية , و هناك من يريدون ان يقووا لغتهم العربية فيكون هذا جميل ( لاني كنت دائما اغير من كل الجنسيات التي تعتز بلغتها ) ... فلدائما سوف اذكر المراة الحامل الانجليزية (في البداية لم تكن تجيد العربي و لكن بعد ذلك اصبحت رائعة ) التي كانت تحضر كل اسبوع في نفس الموعد لشراء نوع معين من مزيلات العرف لزوجها ... و بعد فترة وجدتها تحضر و معها ابنها لتشتري نفس المزيل و بالمقابل احرص علي ان يكون متوفرا لها و هي تشكرني لذلك... وايضا السيدة الروسية التي في ربيع العمر و مازالت محتفظة برونقها و جمالها ... وتتحدث العربية و عند شرائها للدواء قالت لي " تفضلي هذا الدواء ...زائد عن حاجتي , فقد انهيت العلاج و لم يعد لي حاجة به ... و الناس غلابة و الادوية غالية اعطية لمن يحتاجة " حييتها علي موقفها فقالت لي لابد ان الناس ببعضهم البعض ... حقا احترمت هذه السيدة بشكل عميق , اما اكثر الجنسيات التي لم احب التعامل معهم هم الامريكان ,فلقد كانوا قمة في الغرور و عدم الجديث بشكل لائق .


يصادفني رعايا الدول الافريقية الاغنياء و هم يدخلون بروشتة مكتوب بها الجرعات بالفرنسية , و تريدني ان اترجم الكلام لاخري بالانجليزية :)) و في النهاية تحييني علي نعاوني و تقوللي انها من التشاد و لغتهم الاولي هي الفرنسية و لكن هناك نسبة ليست بالقليلة من المسلمين هناك , اتذكر ايضا ان بعض الاقارفة ارادو شراء اشياء و لكنهم لم يجدوا ما يريدون و لكني سئلتهم من اي بلد انتم ... و قتالوا انهم من جمهورية بنين و قال لي احدهم انه يحب ابو تريكة جدا و كان يشجع مصر في البطولة الافريقية السابقة !!!!!!!!!!!!! لم اكن افهم في البداية ما يريد و لكن عند استرسال الكلام اتضح انه ابو تريكة بتاعنا !!!!
من ضمن المواقف التي لن انساها و التي تعكس مدي التضاد الصارخ الذي يوجد بحياتنا ,,, كان هناك رجل و امراة في ربيع العمر يأتيان كي يطمئنان علي الضغط و السكر و اذا كان احدهما اقل من الاخر مازح زوجه انه افضل منه ... و طلبا دواء ذهبت الي داخل الصيدلية لاحضره , و عند عودتي بعد عدة ثوان و جدت الرجل يقول لي و هو يدخل الي الصيدلية : " ادبتة و عرفتة ان الله حق " فقولت له " من هو ؟؟ " قال لي ... البواب المتخلف , دخل الان و قال " هو مفيش دكتور راجل هنا " فقال له المساعدين " لأ , و لكن توجد الدكتورة شمس و هذه الدكتورة التي تتمرن " ... و عندما هم بالانصراف سألة الزبون " و لماذا لا تريد الحديث مع الدكتورة " ...فقال له " اصل مبقتنعش بكلام الحريم !!! " فذهب وراؤة الرجل و اعطي له محاضرة و درس في الاخلاق و انه لا يوجد فارق بين دكتور رجل و دكتورة امراة لان كلامها تعلم و تعب في هذه الكلية الصعبة ...
و بعد عدة ايام دخل رجل يشكوا من حموضه و حرقان غير عادي ... و قال لي احد المساعدين ( هو دا يا دكتورة اللي مش بيقتنع بالدكاترة الستات مش هتعرفيه مقامه .. فلم ارد )و تجاهلت الامر و قولت له علي دواء افضل ... وبعد عودة بعدة ايام كرر العلاج فقولت له , اراك كررت العلاج , هل ارتاحت عليه ام ماذا ؟؟؟ فقال لي اوي يا دكتورة ارتاحت قوي " فرددت مستنكرة : هل النساء يفهمون ام مازلت غير مقتنع بهن ؟؟؟ " قال لي علي عيني و راسي يا دكتورة ... حد يقدر يتكلم ... انا و الله كنت بهرج ... المساعدين قالوا , علمتية الادب بصحيح
:)) .
لم اعد اعمل بهذه الصيدلية الا يوم واحد فقط في الاسبوع ... لاني عملت بنصيحة امه لا اله الا الله و قبلت التكليف كما قالوا لي ...
و لكن ماذا يحدث في غيابات المستشفيات الحكومية ... في صيدلية الصرف الخارجي او العمليات التي اعمل بها الان ...
في الحلقة القادمة فهذي قصة اخري :))))))). ي

هناك 20 تعليقًا:

عصفور المدينة يقول...

ليه كدة يا دكتورة زعلت لما خلصت
هكذا يكون التدوين

بطوط حبوب يقول...

البوست ده حلو اوى فيه وطريقتك فى السرد فوق التحفه

عاشقه الفردوس يقول...

ماشاء الله يادكتورة شمس

تدوينه هايله

وضـّاح يقول...

تدوينة ممتعة لأقصى حد

ممتعة لأسباب وليست كلمة تقال

تحكي تجربة شخصية ربما تتكرر كثيرا .. ولكن لا يتكرر أن يكتب عنها أحدهم
تحكي واقع يعبر عن فئة معينة فئة الصيادلة
أخرجتي فيها انطباعات وملاحظات كثيرة , تعبر عن رأيك أحيانا , وأحيانا أخرى عن رأي فئة معينة

كل هذا بأسلوب سهل ممتع دون تكلف , زادك الله علما

أُكتب بالرصاص يقول...

وقوفك في الصيديلة هايدلك خبرة كبيرة قوي في التعامل مع البشر
وسوف يورد عليك انواع من الناس
وكثير من المواقف



بتقول عكس مرات ابني المصرية ...يا ستار يتفات لها بلاد


صدقت

محمد عبد الغفار يقول...

الحياة ملئى بالمقتطفات التى تحيى القلوب والماهر هو من يلتقطها

وقد التقطى كبشة منها ها هنا

بس الستات ملهمش فى الطب بردو

Monzer يقول...

أسلبو مميز بالفعل ولغة راقية بديعة

اكاد اتخيل الوضع فى صيدليات المستشفيات العامة

فى انتظار الحلقة الجديدة

تحياتى

رفقة عمر يقول...

ااه من التكليف اللى مخلينى مش عارفه اتكلم معاكى مشغوله انت خالص
ربنا يوفقك يارب ويسر لك كل خير
بجد ممتعه شغل الصيادله بتشوفى الناس عن قرب
وبتتقدرى تتعملى مع كل النفوس
انا بجد استمعت بطريقه سردك جدا
وحشتينى قووى

آفاق الحرية يقول...

السلام عليكم
يعني بعد ده كله اشتغلتي اسبوع واحد بس
بس طريقة العرض والكتابة اكثر من رائعة
تحياتي

الطائر الحزين يقول...

عندما تصاغ التجربة الشخصية فى منفعه عامة هذا هو غاية التدوين

تخياتى

son's egypt يقول...

السلام عليكم
المصريين هم هم في كل مكان
ولمن بتختلف تصرفاتهم طبقا من مكان لمكان

إخوانى مخربش يقول...

سبحان الله

الصدليات دى عالم و نموذج مصغر من شعب مصر

فى منهم اللى بيحب يتفشخر ويشترى حجات غالية لمجرد انها غالية وخلاص وعيب يشترى حاجة رخيصة

وفى منهم اللى مفكر ان الاناث لا يفقهون شئ فهم ناقصات عقل

وفى منهم المحترم والمؤدب جدا الايجابى

اللى عايز يشوف مصر ينزل يقعد فى صيدلية يومين تلاته

غير معرف يقول...

اسجل اعجابي بالاسلوب
المميز بسرد الاحداث
خالص دعواتي بالتوفيق بحياتك
الادبيه وكمان الصيدليه
سوبيا

ا بـن عــمــر يقول...

على فكرة دى أول مرة أدخل على مدونتك
ولن تكون الأخيرة باذن الله
على فكرة أنا خطيبتى دكتورة صيدلانية
وبتحكى على مواقف من دى كتير
بوست رائع

طال الليل يقول...

الزميلة الفاضلة د.شمس

الصيدلى صديق الشعب
الصيدلى والصيدلانية طبعا يمكنهما ان يؤثرا تأثيرا كبيرا فى المحيط إن توفر الهدف وصح العزم وغتضح السبيل

بوصفى زميلا لحضرتك أتمنى لك مزيدا من الخبرة بالناس قبل الخبرة بالأصناف
يبدو لى هذا هو الأهم
أما عن موضوع المواد التجميلية المرتفعة السعر
فاسمحى لى أن أدلى بدلوى
بصراحة المسترى ربما كان من بلد أجنبى ولن يثق بالمنتج المحلى والحال كما تعرفين عن مستوى سمعة منتجات العالم الثالث

وحتى بعض الموسرين فإنه يحتاج أحيانا ولأسباب مختلفة للشعور بتميزه عن الأقل منه مالديا وهو يجد فى شرائه المنتج الغالى ما يلبى لديه هذه الرغبة
وربما كان الأمر خلاف ما أرى

عندى فى صيدليتى فرصة عمل لصيدلى 3أيام فى الإسبوع الإثين والثلاثاء والخميس
على فكرة العملاء لدينا ليست عندهم مشكلة أخينا الغير مقتنع بالدكاترة البنات

حنة يقول...

مدونتك حلوة قوي يا شمس اولا شعرت بالحقد الطبقي علشان الناس اللي ممكن تشتري مواد تجميل غالية قوي وانا بحب ادوات التجميل جدا
وبعدين حببتيني في الناس اللي بتتعاملي معاهم وده معناه ان انتي روحك حلوة جدا

شــــمـس الديـن يقول...

السلام عليكم و رحمة الله و بركاتة

الفاضل الكريم عصفور المدينة ...

اخجلتم التواضع بجد ... و خاصة لما حد محترف مثلك في التدوين يقول كدا ... سعيدة فعلا بمرورك :)

***********************************

الفاضل البطوط الحبوب

شكرا .. علي تحديد ما عجبك حقا ً !

خالص التحية لمرورك

***********************************

القاضلة الكريمة عاشقة الفردوس

جزاكي الله خيرا عزيزتي


**********************************

الفاضل الكريم وضاح

جميل انك اسردت واوردت ما عجبك لاني استفيد حقا من تعليقاكم و هي ما تجعلنش انتبه الي اشياء لم التفت اليها

و حقا جميل قراتئك لما بين السطور :))

دمت بحفظ الله دائما

***********************************

الفاضل الكريم اكتب بالرصاص ... نورت المدونة بجد و الله :))

:)) بس انا بردوا ضد التعميم زي ما فيه مصريات يتفات لهم بلاد فيه مصريات ينضرب بيهم مثال الزوجة كما يجب ان تكون
و من الاجنبيات ايضا :))
***********************************


الفاضل الكريم محمد عبد الغفار

:) اطرائك الطيب زادني تألقا

بس بردوا بقوللك مش تعمم ... فيه رجالة دكاترة فاشلين و ستات دكاترة فاشيلن دا وارد في اي فئة و لكمن العيب مش في انها ست ... و عامة اكيد بحترم وجة نظرك بس اختلف معها تماما

***********************************
الفاضل الكريم منذر

نورت المدونة فعلا
ممممم

يعني خليها مفاجئة :)

دمت بخالص التحية

***********************************

العزيزة الرقيقة رفقة عمر

معلش يا سيتي الظرورة ليها احكام بقي و انا يا سيتي مش عارفة مش متخيلة اني اقعد بدون عمل :))

الله يخليكي
بردوا معجبة بطريقة السرد ؟؟؟ هي ايه الحكاية :))

و انت و الله كمان واحشاني جدا

***********************************

يتبع ------->

شــــمـس الديـن يقول...

السلام عليكم و رحمة الله و بركاتة

الفاضل الكريم افاق الحرية

:)) اكيد لأ طبعا مش بعد كل دا اشتغلت اسبوع واحد فقط ... انا بشتغل يوم واحد في الاسبوع فيها بس !!!

جزاكم الله خيرا
-*********************************

الفاضل الكريم الطائر الحزين

اوجزت فاجملت :)

عميق تقديري و تحياتي
**********************************

الفاضل الكريم son's egypt

فعلا المصريين هم هم و بجد مش تخدعنا ا لمظاهر او الانطباعات المادية
دمت في حفظ الله

***********************************
الفاضل الكريم اخواني مخربش

و الهل مش افكرة بس فعلا فيه ناس بتفكر كدا و فيه فعلا منتجات غالية و تمنها فيها و الرخيص انت بتضيع فلوسك عليه ... الامر كلة مش قنعرة و خلاص

و الله مش الصيدلية بس ... اي حتة ممكن ترصد منها مصر بس يكون عندك النظرة الفاحصة

دمت في حفظ الله

***********************************

الفاضل الكريم سوبيا

جزاكم الله خيرا علي الدعاء الرقيق دمت في حفظ الله

***********************************

الفاضل الكريم ابن عمر

نورت المدونة لاول زيارة ليك
و يا رب ما تقطع عادة

خلي خطيبتك هي كمان تكتب في مدونة و اكيد مدونتها هتضرب :))

دمت في حفظ الله

***********************************

الزميل الفاضل الكريم طال الليل

و الله اي انسان يحط نية التأثير في الناس و من حولة اكيد هيكون انسان ناجح مهما كان مكانه او حجمة

و انا فعلا معاك تماما في الامر دا - موضوع المواد التجميلية - يعني فعلا و عن تجربة شخصية جربت انواع كثيرة من كريمات الايد المصرية و كانت غاية في الردائة و لكن النوع المستورد الالماني الذي نعرفة منذ الازل هو الافضل فعلا ... لانهم ببساطةو يتقنون عملهم و لذلك حافظوا علي سمعة منتجهم و نحن الان نشترية بكل ثقة

اما بالنسبة لموضوع التفاخر ... فهناك من يميلون لهذا السلوك و ان كنت اظنة عبارة عن مرض اجتماعي و ليس سلوكا سويا

و لكن هناك ايضا من يشترون البضاعة الغالية و هم لا يشعرون بالقيمة الحقيقية للقرش الذي معهم لان ربنا فاتح عليهم و الفلوس ملهاش قيمة لديهم

نورت المدونة و فعلا لو فكرت اني اشتغل بعد التكليف اكيد هتصل بحضرتك :)

شكرا علي ثقتك الغالية و دمت في رعاية الله


***********************************

الفاضلة الكريمة حنة

حقد طبقي ايه بس ؟؟؟ لأ طبعا انا مجرد بسرد في حيادية تامة ما اشاهد و اصف ما اري ... لو عايزاني اتكلم عن الحقد الطبقي بجد ... هقول كلام هيخلي الناس تقوم تولع في الاغنياء دول ... لكن دا مجرد سرد

شكرا لك و كويس انك حسيتي اني بحب الناس اللي بتعامل معاهم حتي لو كانوا ضدي :)

دمتي في رعاية الله

***********************************

خالص التحية لكم جميعا

NoOR يقول...

كنت جاي احيكي يا دكتوره علي البوسط اللذيذ ده و للعلم دي أول مره اتشرف بزياره البلوج الهايل ده

و مش اخر مره اكيد

بس التعليمات اللي كاتباها فوق عجبتني قوي و قعدت اضحك لدرجه اني نسيت كنت عاوز اقول ايه
هاضطر ارجع اقرا البوسط تاني علشان افتكر

تحياتي

الهام يقول...

مرحبا صديقتي
شغلتني الأيام والأحداث عن زيارتك ولكن ما أن عدت الى المدونات التي أزورها حتى ساقني تفكيري اليك
كيف حالك؟
باين تمام
مدونتك مليئه بالحياه والتسامح والهمه كنت وما زلت مليئه بالتجدد
لم أعلق على الموضوع وأنما عنك
ولك وحشه
تحياتي الدائمه