الأربعاء، مارس 07، 2007

اعــــــــلامــــــيـــــة و اعلامية

السلام عليكم و رحمة الله و بركاتة
احب دائما تناول الاشياء من منظور مختلف ... سيكون هذا في حديثي عن اعلاميتان .... ( رولا مصطفي خرسا و هالة سرحان )
و لنبدأ بالاخيرة اولا ً
تابعت - الفترة الماضية - مثلما تابع الكثيرين , انباء فضيحة من تدعي ب هالة سرحان ... و طبعا لاني من القلة النادرة الذين يعتبروا في مرحلة ما قبل الدش - لانه لا يوجد لدينا طبق فضائي او حتي وصله حتي الان - فكنت لا اعرف تحديدا من هي هذه المراة التي يثار اسمها من ان لاخر , الا من اعلان ضخم بميدان التحرير في العام الماضي يتكلم عن حوارها مع عادل امام ... و طبعا لان ليا رأي مختلف عن الكثيرين في عادل امام ...فاستطعت ان افهم كيفية تفكير هذه المراة و اي نوعية تقدمها و انه لن يروق لي ... و لكن مع عند فضيحتها علي النت في الموضوع اياه ... اكتشفت , مدي شعبية هذه المراة التي - من وجة نظري ا لمتواضعة - لا تقدم اي شئ اساسا يستحق ان يصنع منها نجمة او ان يجعلها محط الاهتمام بهذا الشكل ... و رغم استنكار الناس ... الا ان مجرد ان لها جمهور عريض بهذا الشكل حتي لو كان مستهجننا ما تفعلة ...هو في حد ذاتة ظاهرة تستحق الدراسة ... فما افهمة ان من لا يعجبة شئ يغلقة و يتجاهل وجودة ... و لكن لا يصر علي ان يتابعة و يستنكرة !!! تماما كمن يشم رائحة نتنة عطنة في الشارع ... اعتقد انه من البديهي ان يبتعد الناس عنها , لا ان يظلوا يشموها و يقلوا ... " يع ايه الارف دا!!!! " .
اما علي الجانب الاخر ... ففي الاوقات القليلة التي اجد فيها متسع من الوقت لاري التليفيزيون ... شاهدت - مصادفة - الاعلامية المحترمة الاستاذة " رولا خرسا " و هي تقدم حلقة من برنامجها القصة و ما فيها ... و كان هذا الاسبوع عن " الحرم الابراهيمي "
اولا لم تجلس و تتأنق و تستضيف و تستعرض مهاراتها في مقاطعة الضيف كما تفعل مذيعاتنا ... بس قدمت تحقيقا هاما جدا , ذهبت الي الاراضي المحتلة و تحدثت عن الديانة اليهودية و كيف انهم "هودوا " جزئا من الحرم الابراهيمي الذي يعد رابع مسجد من الاهمية عند المسلمين بعد المسجد الحرام و المسجد النبوي و المسجد الاقصي ... و استعرضت بنفسها كيف ان اليهود غيروا معالم المسجد و انهم قسموا و اصبحووا يقيموا شعائرهم فيه و ان هذا المسجد به المنبر الوحيد الباقي من منابر صلاح الدين الايوبي و استضافت مؤذن الحرم ليوم الجمعة و كيف انه كانت هناك عائلات تعكف علي خدمة هذا الحرم من قديم الزمن ... و كيف آل حالة الان و ان اليهود ضيقون علي المسلمين تضييقوا شديدا هناك ...
ساهددت بنفسي غرور و صلف اليهود المطلق و هم يعبثون بمقدساتنا و ينوون هدمها و نحن عن السمع محجوبون ... و كيف اننا لا نتحرك - ليس كأعلام مصري فقط و لكن كأعلام عربي ككل - لا نتحرك كي نؤرخ هذه الاشياء في افلام تسجيلية و عمل ابحاث مصورة كي تكون ادلة دامغة و باقية علي اغتصاب مقدساتنا ... و من اشهر التشويهات الاعلامية ان الاعلام يبث دائما صورة مسجد "قبة الصخرة " ذلك المسجد ذي القبة الذهبة اللون علي انه المسجد الاقصي و هذا غير صحيح و لكن المسجد الاقصي الحقيقي عبارة عن مسجد قبته اصغر نسبيا من مسجد قبة الصخرة و لونها فضي و ليست ذهبيه و هناك صحن للمسجد و له اربعة مأذنات و بحثت علي النت الان و لم اجد له صورة واحدة واضحة !!! هذا هو التشوية الحقيقي و هذه هي وظيفة الاعلام الحقيقية من وجه نظري
حلقة من هذه الحلقة توقعت ان يثار حولها اي شئ او ان يطالب اي احد ان تزداد هذة النوعية من التحقيقات التي تحصر مقدساتنا و تجعلنا جميعا علي دراية بما يحدث بها لحظة بلحظة ... و لكن لما هو متوقع لا شئ البتة ...
نشكوا من هالة سرحان ... نحن الجمهور الذين اعطيناها هذه الهالة الزائفة من النجاح و البريق ... نشكوا انه لا يوجد اي اناس جادة ...بل يوجدون دائما ولكن هم متناثرون ولا يحظون باي اهتمام من قبلنا ...
*******************************************************
كنت دائما اتسائل لماذا عندما نريد ان نسخر من احد ان ننعتة بالهندي ؟؟؟ نحن في حقيقة الامر لا نستطيع ان نكون بعلو همة الهنود ... فأذكرة عندما كانت الهند محتلة من قبل الانجليز ... كان غاندي يقود حملة المقاومة السلبية - او ما نعرفة الان باسم المقاطعة - و اذكر ذات مرة انه اراد ان يقاطع الملح المستورد من الانجليز و قال للشعب اصنعوا انتم الملح بانفسكم من تبخير مياه البحر ... و فعلا كل الشعب التزم و ركدت تجارةالملح الانجليزي تماما في السوق الهندي و كبدتهم خسائر باهظة ... و اليوم الهند عندها ديمقراطية حقيقة و عندها قنبلة ذرية ... فهل نحن حقا مثل الهنود ام ان قلنا لاحد مصري هل انت هندي لقام سفير الهند برفع دعوة علي صاحبنا هذا لانه يحط من شأن و قدر الهنود ؟؟؟

هناك 28 تعليقًا:

R.R يقول...
أزال أحد مشرفي المدونة هذا التعليق.
حسن محمود يقول...

وعليكم السلام ورحمة الله وبركاته
حضرتك أثرتى نقطه مهمه جدا وهى الاعلام
فى اعلام هادف وفى اعلام هادم هو ده المثل اللى ينطبق على اللى انتى قلتيهم
رولا وهالة
شوفى هى الحروب تطورت وبقت بدل ماتكون بالطيارات والصورايخ بقت بالفضائيات والاعلام.
بالاعلام يقدر الواحد يزعزع عقيده ويأثر على ناس كتيره ويبلبل الافكار زى الست هالة مابتعمل
وبالاعلام برضه ممكن الواحد ينشر حقائق ويوضح أفكار زى الست رولا مابتعمل
يبقى هو سلاح ذو حدين يستخدم للخير وممكن يستخدم للشر
والحروب الحديثة كلها بتعتمد على الاعلام انه يعمل حرب نفسية علشان يمهد للحرب العسكرية زى مابيحصل مع ايران دلوقتى
على العموم مش بلوم الا نفسنا علشان احنا اللى بنشجع الاعلام الهادم انه ينتشر والمفروض ان احنا نحاربه
بس المشكله المثل اللى بيقول الفلوس بتتكلم ده صحيح
بيحاولوا يلمعوا الاعلام الهادم ويخلوه جذاب وجميل علشان الناس تجرى عليه
لازم هنا بقى يكون فى وعى وثقافة ودى اللى ضايعه عندنا خالص
منه لله بقى الى كان السبب
الهند؟
الهند دولة تفوقت على نفسها وعلى مصر بمرااااااااااااحل كتييييير
هو احنا دلوقتى نطول نبقى زى الهند
انتى عارفه ان رئيس الهند مسلم وخلوه رئيس للهند علشان هو عالم صورايخ محترم
الهنود ناس شغاله وحاطيين هدف وعايزين يوصولوا ليه وهايوصلوا لأنهم أهتموا بالعلم والعمل
واحنا اهتمينا بالهلس والرقص علشان كده طريقنا برضه نهايته معروفه
لا ياستى سفير الهند هايضحك علينا مش هايرفع قضية
:(
زعلتينى
يلا معلش
سلام

يعقــــوب .... يقول...

عاداتي لهم فضل علي ومنة...فلا أبعد الرحمن عني الأعاديا

همكشفو عني زلتي فاجتنبتها...وهم نافسوني فارتقيت الأعاليا

............................
تقدمني أناس كان شوطهم..وراء شوطي إذ أمشي على مهل

هذا جزاء أمريء أقرانه درجوا..منقبله فتمنى فسحة الأجل

كلام لوجيك يقول...

بوست رائع وموضوع هادف جدا
انتى فتحتى موضوع غايه فى الخطورة والجديه
للاسف الشديد هذه الهالة التى افردوا لها الصحف والمجلات للدفاع عنها وانبرت الاقلام للصراخ والعويل على الحرية التى ضاعت والاعلامية القديرة التى تحارب من الحاقدين والغيورين
لا احترمها بتاتا
برامجها تقوم على الرقص والخلاعه والمجون وتضخيم ذات الضيف الى اقصى حد
وفتح المواضيع السوقية والقضايا الحساسة والتى تجرح المشاهد والمتلقى من فجاجتها وخروجها عن العرف العام
انها تحاول ان تنشر ثقافه انفتاحية معينه
تريد ان يتحول المجتمع كله الى الثقافة الغربية
وتعتمد منهجية دس السم فى العسل
وهذا واضح للعيان

اما الهند والهنود فهذا موضوع يحزننى جدا
لقد سبقونا بمراحل ومراحل
انهم شعب مبتكر ومثابر وله هدف يعمل على تحقيقه وحققوه بالفعل
هل تعلمون انهم يصدرون برامج كمبيوتر بما يقارب الاربعة مليارات دولار؟
ومصر تصدر برامج بما يقارب ال300 مليون جنيه
هل تعلمون ان المانيا طلبت 25 الف مهندس كمبيوتر هندى للعمل والاقامه ومنحتهم الجنسية لحاجتها لملئ الوظائف الشاغرة لديها فى هذا الحقل والتى تقدر بخمسين الف وظيفه

عندما كنت اعمل فى الامارات فى امارة ابوظبى كان مديري فى العمل هندى الجنسية
انهم ذو عقليه جبارة جدا
ويتعاملون بحرص شديد وبفكر واع جدا فى كل شيء
ورغم تحفظاتى الكثيرة عليهم فى اشياء كثيرة وعدم تقبلى لبعض تصرفاتهم
الا انى اكن لهم الاحترام على ذكاءهم وتنظيمهم الجيد
اسف جدا للإطالة
خالص تحياتى ودمتم جميعا بألف خير

نورا لارين يقول...

أهو انتى يا شمس اثرتى نقطة مهمة جدا غايظنى على الأخر
ان هالة سرحان دى محدش بيحبها والناس ما صدقت دا حصل وبتهاجم فيها جامد طب ليه اصلا الناس بتشاهد برامجها بالكثافة دى كلها عشق للهيافة بشكل غير عادى ناس كل ما تتفرج تقول ايه دا دا كلام فاضى ازاى تقول كلام زى دا ازاى تستضيف ناس زى دول وازاى تطرح مواضيع زى طب ما تغيير المحطة وتتفرج على حاجة تانية نفسى اعرف لدا مسمى مسمى يريحنى بدل ما اطق بجد انا مش بحب الست دى وفعلا مش بتفرج عليها ولا اشوف ايه قدمته بس دا اللى اعرفه
اما بالنسبة لرولا طبعا ممتازة بس بتحاول غرس شوية قيم مش مضبوطة لكن طبعا فرق كبير بينها وبين هالة رولا تحترم عقلك إلى حد كبير وتحترم نفسها ايضاً
بالنسبة للهندى احلى حاجة فيكى بتقلبى عليا المواجع قال هندى قال
دا احنا غرقانين فى التخلف حتى اخر شعرة فى رأسنا
لنا الله

واحد من الناس يقول...

ايش جاب لجاب
ده فرق السما والأرض
واحده زي هاله سرحان دي مريضه او معقده "من الذين يحبون ان تشيع لافاحشه"
وليس لها هدف سوى الإثاره حتة بصي على اليبتستضيفهم
مجموعه من النسوه المنحله اخلاقيا
انما واحده زي رولا دي فعلا صحفيه ليها هدف من الي بتعمله

انما بالنسبه للهند انا عايز اذكر مثال تاني
انا احنا في مصر بنقول على اي حاجه غير كفء "تلاقيها صيني" مع ان الصين تملك الذره و التكنولوجيا وكل شيء

وبرضه اعدنا فتره نتكلم عن الدول العربيه دول لا تفقه شيء فاين نحن منهم الآن

ياريت نبص لنفسنا شويه و نسيب الناس

محمود سعيد يقول...

كنت هاقول زى على
فرق السماء والأرض

مسـتنـية الفـرج يقول...

هالة سرحان احسن وصف وصفت بية هو" انها هالة التى اهالت التراب على الشرف والاخلاق"
وهى تتبع مؤتمرات المرأة التى يحيكها اعداء الاسلام وتطالب بتحررها من اخلاقها؛وهى تدعم من تلك البلاد؛ وكل من عملوا مع هالة شكوا من قذارة لسانها الفج
وفى الحقيقة هى ليست اعلامية الا ان اطلقنا على قنواتها قنوات التحرش الفضائى

كراكيب عادل يقول...

البوست رائع وبيتكلم عن حجات كتير جوانا بس كمان دايما بسئل نفسي اية الي خلي الناس دي اشتهرت هنلاقي العيب فينا تلاقي الناس مش عاجبها وبرضو متنحة انا لو عرفت شئ بيضايقني مش بتابعة ومنهم عادل امام دة شوفتلة مرة لقاء ومن بعدها ولا يهمني لو الكل كدة الناس دي تروح تبيع لب لكن شجعناهم انهم يبتذلوا ويبتذلو وما زلنا نتابعهم

تحياتي

r.r يقول...

السلام عليكم
ازيك ياشمس ايه اخبارك؟اولا حمدالله على سلامة باباكى انا عرفت وانا بتصفح باقى التدوينات
..بالنسبه بقى للتدوينه دى
فعلا انتى جبتى نموزجين لاتنين على طرفى نقيض على الاقل فى الوقت الحالى
لانى كنت بسمع ان هاله سرحان كانت زمان بتقدم برامج قويه بس بما انى مبحبهاش من البرامج اللى انا شفتهالها فبصراحه مسالتش عن كنه البرامج القديمه

رولا بقى لاغبار عليها

بشكل عام اعلامنا بقى غير موضوعى وبيصدرلنا مشاكل مش بدرجة الاهميه بالنسبه للمشاكل اللى مش بيظهرها

ودى هى بقى سياسة التوجيه اللى بيتبعوها معانا
الموضوع جميل والى الامام
تحياتى
رانيا

شــــمـس الديـن يقول...

السلام عليكم و رحمة الله و بركاتة

الاخ الفاضل حسن محمود
معاك كل الحق في ان الحروب بقي ليها شكل تاني و نظام تاني عن زمان ... و هما بيضعفوا شبابنا و اغلب الشعب عامة علشان لما يدخلوا بالاسلحةالتقلدية مش يلاقوا اي مقاومة تذكر ... الشعب يكون السوس نخر في عضدة خلاص و مش هتقوم له قومة

و كويس انك وصلت للنقطة اللي اقصدها ...لا نلومن الا انفسنا ان اعطينا لمن لا يستحق وقت و شهرة لا لزوم لها ...

هي مشكلتناان الشعب بفي خاوي الثقافة خالص ول ايهتم الا بالاغاني و كرة القدم فقط ...

اما بالنسبة لنقطة الهند ... كنت بقول عنها علشان اوري ان المقاومة السلبية ممكن تجيف فاعلية و زي ما خرجت الانجليز ممكن تستأصل اسس الفساد ..
زو بجد بحب التعليقات اللي بتتكلم و تستفيض في الكلام
*******************************

الاخ الفاضل الكريم يعقوب
اولا الف مبروك علي المدونة ... اخيرا لاقيت صفحة مدونة بجد مش اي موقع مش بيفتح و حاطة :)

بيت الشعر دا جميل اوي ... و ارجوا ان يكون شوطك قبل الجميع ..

مع خالص التحية

-----------------------------------

الاخ الفاضل الكريم ساكاماكا نيوز

و الله و انا زيك يا اخي لا احترمها ايضا ... ولا ادري لماذا يصر الناس علي الوقوف عند المنطق العطنة و التأفف من الرائحة الفاسدة بدلا من السير و تركها ...
يا نهار ملون ... اربعة مليارات دولارات برامج فقط !!! ياريت الحكومة تيجي تسمع و تشوف بجد لما يكونوا عايزين يدخلوا حاسب في كل بيت و مفيش اي انتاجية و الحاسوب بس موجود ليث قيمة من القيم الاستهلاكية اكثر فأكثر و لكن لا شئ مفيد حقيقي !!!!!

بالعكس ...انا فعلا بستمتع بالبوستات الطويلة علشان بحس انه فيه اولا ود بيني و بين اللي بقرأ ثانيا ان موضوع مهم ليه بجد ...

خالص تحياتي لك اخي الجديد

**********************************

العزيزة الغالية نورا لارين ...

و الله بتفائل لما بشوف تعليقاتك
طيف انت بتقولي محدش بيحبها ...فهمنيني ليه نسبة مشاهدة برامجها عالية اوي زي ما بسمع ؟؟؟

حد يفهمني يا ناس

و الله هقول لك ...حتي لو رولا كانت مش متفقة معاكي في بعض النقاط و لكن لا تستخدم الدعارة الاعلامية لكسب شهرتها ولا يستطيع احد ان يقول عنها غير انها انسانة نضيفة ...

حلوة احلي حاجة اني بقلبالمواجع ...بجد و الله يا نورا انا حاسة اننا ممكن في خلال 10 سنوات فقط اننا نتقدم ...بس المشكلةان الراس الكبيرة و التوابع يتحشوا و يجي بدالهم ناس نضيفة ...
يا رب اعيش لحد ما اشوف اليوم دا

لنا الله فعلا

***********************************

الاخ الفاضل واحد من الناس

و الله احنا مشكلتنا اننا " اقرع و نزهي " يعني فينا كل العبر و فاكرين نفسنا احسن الناس ... علي ايه يا حسرة

***********************************

الاخ الفاضل محمود سعيد
اولا ارحب بك في المدونة

ومعاك حق انه فرق السماء من الارض ... و لكن واحد من الناس دا واحد من الناس تاني و ليس علي :)
وجب التنبيه

تحياتي :)

***********************************
العزيزة حبيبة محمد

كويس يا بنتي ان اول تعليق ليكي في عالم المدونت يكون عندي

اتفق معك تماما فيما قولتيه
فيه واحد اساسا بيقول انه حضر كواليس لبرنامج مع هذه الهالة ...بيقول ان فعلا اسلوبها اقل الن يكون محترم و بتعامل الكومبارس الجموهور بشكل فظ للغاية
و الله نفسي بس الناس تفوق و تبطل الافيون الاعلامي اللي مدمنينة دا ... علي الاقل ننقل لهم نظرة استهجان

تحياتي و مش تقطعي الزيارات

***********************************

اخي الفاضل الكريم عادل
و الله انا عايزة اتعذر علشان بجد معنديش وقت كافي اني ارد في المدونة رغكم اني تصفحتها كذا مرة لكن فعلا وقتي ضاق جدا الفترة الماضية دي

فعلا زي ما انت بتقول و كويس ان الفكرة دي وصلت ... نعيب الزمن و العيب فينا و ما كن للزمان عيب سوانا

مع خالص تحياتي
***********************************

العزيزة رانيا ... بجد واحشاني ... عاملة ايه في ابو النمرس ؟؟؟

انا اسمي يا بنتي شمس الدين ... ماشي شمس الدييييين

الله يسلمك ...والدي بقي كويس اوي الحمد لله
و الله هقول لك ... انا ليا باللي بيحصل دلوقتي مش زمان ... يعني حتي لو كان انسان كويس في ماضية دا يبرر له السقوط و الانحراف اللي وصل له ؟؟؟

و الله حتي لو اعلامنا بقي موجة ... انا ضربت مثل الهند بالذات علشان اوري انه لازم العضو المعطل عند بعض الناس ففي في رأسهم يشتغل و بمجرد ما يلاقيا ان الكلام اللي بيحل دا هبل و كلام فارغ يحولوا ولا حتي يقفلوا ... المقاومة السلبية في الهند و اللي المفروض نعملها لوقتي هي اللي خرجت الانجليز من هناك
الله المستعان و سعيدة بتشريفك هنا :)

................................
خالص تحياتي لكل من شرف مدونتي بالمرور و التعليق :)

بنى أدم مع وقف التنفيذ يقول...

مختلف مع رايك نهائي
لو هالة مش بتقدم حاجة مكنتش الناس تتفرج عليها
ليا رأي مختلف كتبه ع مدونتى

R.R يقول...

اعتذر بشده
يا شمس الديييييييييييييييين
معرفش انك تفضلين الحركى

الى اللقاء

الديب يقول...

اختنا الغالية شمس ..

في ظل الاضمحلال الثقافي الذي نعانيه، تجدي الناس تنجذب لما هو غريب، بغض النظر عن الجودة ..

فموضوع مثل المومسات لم يتطرق اليه احد من قبل .. فعندما خاضته الست هالة سرحان كان حاجة غريبة .. دي مش شطارة منها .. وانما خيبة لم يأت أحد بمثلها من قبل ..
ولكن تظل حاجة غريبة تجذب أولوا العقول الفارغة !

قاسم أفندي يقول...

تدوينة جميلة
انا عجبتني الحتة بتاعت الهنود اللي في الاخر
عموما أحنا شعب عنده داء العظمة من أيام الفراعنة ودائما ننظر للخر بالدونية فلا نزال مثلا ننظر للعرب وبخاصة اهل الخليج علي انهم شعوب متخلفة والحقيقة أنهم تفوقوا علينا في مجالات عديدة
علي فكرة السبب برضه الاعلام من خلال حملة المصريين أهمه
تحياتي

hesterua يقول...

ممكن نقول هالة سرحان 50 فى المية غلط
والجمهور النص التانى
عشان هو اللى عاوزها وبيجرى وراها

محمد يقول...

ليه الناس بتتفرج عليها
ببساطة لأن الناس بتحب الفضايح و الغيبة و النميمة
مع إنهم عرفين إنها حرام و لكن؟؟؟؟؟
الناس عندها إستعداد تشارك في النميمة و الغيبة و في نفس الوقت تستنكرها لأن الأخلاق بقت حاجة ثانوية ممكن إنحصرت في مجموعة من الصفات القليلة خرج منها المروءة و الحياء و العفة
بالنسبة للهند غمضي عينك كده و فكري في خمسين سنة أدام هتشوفي العالم القديم اللي هو الغرب حاليا و العالم الجديد اللي هما الصين و الهند و بس
أنا هنا بحتك بالهنود كتير هما بطبعهم في حالهم لكنهم بيشتغلوا بجد ميعرفوش التهريج لأن مفيش وقت للتهريج
عشان كده ناجحين حتي في الأفلام
مفضلش عندهم غير بس مشكلة الفقر المنتشر

خالد وليس بخالد يقول...

رغم انني لا اشاهد التليفزيون

ولا اعتبر المتبرجات اللاتي يظهرن في التليفزيون زي رولا خارسا او فاتن حمامة او ماجدة أو ........
لا اعتبر هؤلاء من المحترمات -لان المظاهر المفترض انها لا تخدع -

لكن المقال في اجماله جيد

وفقكم الله

خالد وليس بخالد يقول...

عفوا
لم اقصد بكلامي غير محترمات
المعنى الاول اللي يتبادر لذهن
ولكن المعنى الثاني
أيوة التاني ده
سلام عليكم :)

Maha يقول...
أزال المؤلف هذا التعليق.
Maha يقول...
أزال المؤلف هذا التعليق.
كراكيب عادل يقول...

بقولك تعالي شوفي التمرين دة عندي


اعتبرية استراحة من الابعاد دي

حائر في دنيا الله يقول...

هناك فرق بين الاعلام الذي يبني أمة ويعلم شعب ويقوم مجتمع ويفهم الناس ويصحح المفاهيم ويقوم بدور إيجابي وفعال مع الناس
وفرق آخر رهيب مع إعلام يشوه ويهدم ويفسد ويميت ويعرض عورات الآخرين

والفرق هذا هو ما بين ما تفعله هالة سرحان وعادل إمام معا او منفردين وما هو المطلوب فعلاً

مع تحياتي

Sampateek يقول...

اوافقك في الراي
فعلا
انت صاحبة السيف القلم
تحياتي

مجهول يقول...

واخيرا اصبحت في مدونه ربه السيف و القلم
واخيرا ايضا اعلق
مدونتك رائعه جدا جدا
وشكلي كده حكمل بقا قرايه في باقي كلامك يا مجاهده
اما بقا تعليقي عن هاله حبيبتي
بصي يا ستي
هاله تحاول ان تنقل فقط
تنقل بالنص برنامج اوبرا وينفلي الشهير
قضايا جنسيه وحوارات سينمائيه مضحكه و سخيفه
لم تراعي شيئا مهما في مبادئ الاعلام العالميه
التناسب الاعلامي في عرض الافكار مع افكار المجتمع او الوسط المعروض فيه
الناس اللي بتتفرج عليها ولا مؤاخذه اهوه كأنها بتتفرج علي فيديو كليب او مسرحيه
نضحك شويه ونصقف و نغني هلس في هلس
اما رولا او مني الشاذلي وغيرهم كتير برضه
غيروا وجهه نظر الناس للاعلاميه
ماعلينا
لك تحياتي واسمحي ليا اني اضيفك في مدوناتي
علي فكره بالنسبه للاعلام بصفه خاصه واهميته
تذكرت حادثه مشهوره
لما الالمان استولوا علي فرنسا في الحرب العالميه التانيه
قرروا ينشأوا شرطه مواليه ليهم او جيش مصغر
ورفضوا انشاء اذاعه

nagah يقول...

هى ليست مقارنة بين سيدتين ، ولكن كانت تدوينتك تبيان بين الغث و الثمين فى اعلامنا الذى يزحف على بطنه فى عصر الفضاء ، و أزيد قولا بأن تلك السيدة المذيعة و أخريتان ممثلة و مخرجة أفسدن كل الأعمال التى شاركن فيها ، أما لماذا يتجمع الناس حول أعمالهن ، فهذا يرجع لنسبة كبيرة من الشباب الذى يرغب فى رؤية الأعمال الهابطة دائما ، مثل الأعمال الغنائية فى العقود الأخيرة .

شــــمـس الديـن يقول...

السلام عليكم و رحمة الله و بركاتة

الفاضل بني ادم مع وقف التنفيذ

عادي ان تختلف مع رأيي فالاختلاف في الرأي لا يفسد للود قضية كما يقولوا

يعني هو الفن و الاغاني اللي طالعة دلوقتي ( مش بدخل في قضايا خلافية لانة ليس مجال حديثس و لكني اتحدث عن نقطة اخري تماما ) بيقدم حاجة علشان كدا الناس تتابعة و منتشر؟؟ ولا حتي السجائر بقدم للناس قيمة علشان كدا اكثر من نصف الرجال من المدخنين ؟؟؟
ليس كل ما ينساق الناس وراؤة هو الصح او هو ما يقدم شئ نافع ... كثرا ما ينساق الناس معدومي او قليلي الثقافة وراء اشياء مضرة ...

ان ما قولته هو رصد لشئ او لنوع معين من الاعلام الهدام

*********************************

ٌالاخت العزيزة R.R.ياريت تمري كتير لنك بتوحشيني بجد ... ربنا يوفقك دائما علي طول

**********************************

اخانا الفاضل الديب

مش عارفة هو مش موضوع غريب ... هو موضوع انه بيخاطب شهوات اساسية دون تهذيب ... و هذا هو الفارق بين الانسان الذي يتعلم انه كي يبلغ مراتب الانسانية لابد من تهذيب الشهوات داخلة لا ان يعيش هاكذا ... هذه هي الثقافة الهدامة بحق و التي يحاولون نشرها و تصنع نوع من اذدواجية المعايير داخل ذوي النفوس الضعيفة


مرور طيب اخي الكريم

***********************************
الاخ الفاضل قاسم افندي

ياريتنا بس نتعمل من الناس بدل ما نبقي زي الاقرع النزهي :)

تحياتي علي مرورك الكريم
***********************************

الفاضل hesterua
اولا مرحبا بك في المدونة لازل مرة و اتمني ان تكون من الوجوه الثابتة هنا

صح ... معاك حق انه 50% غلط مش 100% و انا اصلا كاتبة التدجوينة دي احملنا مسؤولية انها اخدت وضع اعلي كتير من اللي زييها

***********************************
الاخ الفاضل الكريم محمد

السبب اللي حضرتك ذكرتة صحيح ... و دا لان عندناالتدين مش داخل جوا ضكايرنا و لكن مجرد مفاهيم موروثة دور روحها و عمقها الحقيقي الذي يتمكن من الانسان بحق حتي ينعكس علي كل افعالة و تصرفاتة مش تبقي العملية نص نص معاه في كل حاجة
مشكلة الدماغ الفاضية الخاوية
دمت بكل الخير

************************************

الاستاذ خالد من المحروسة

هو انا مش عندي دش مش علشان حاجة ولا ادعي انه من التدين و لكنه ببساطة معنديش وقت له ....

كون ان حضرتك واضع كل هؤلاء النسوة معا في سلة واحدة فلا ادري ما الذي يجمعهن اساسا غير انهم يظهرن علي الشاشة ...
و لا اعتقد ان الاحترام له عدة معاني فالاخلاق لا نتفصل ولا تتجزء ... و اعتقد ان الملبس رغم انه امر شرعي الا ان الالتزام به من عدمة سوف يحاسب الله عليه عبادة فقط ولا احكم علي احترام الشخص من عدمة لمجرد ملبسة ...
علي العموم وجة نظر موجودة و لها من يؤيدها

وفقك الله لما يحب و يرضي
**********************************

الاخ الفاضل عادل

دا مستوي احترافي من التماريت يقترب من الاوليمبياد

علم و سينفذ :)

***********************************

الاخ الفاضل حائر في دنيا الله ... عاش من شافك

كلامك صحيح تماما و احب ان اضيف انه و للاسف الاعلام الباني و الذي يرتقي بالامة ليس له فرسان كثيرين و لكن معاول الهدم التي تنال مننا كثر جدا جدا جدا ...
اتمني يكثر من يؤمن بخطورة رسالة الاعلام

تحياتي لمرورك الكريم

************************************
العزيزة سمباتيك

حضرتك من المدوناتالمشهورات و مبسوطة كتير انك عندي و بتردي عليا

و مبسوطة اكتر ان المقالة عجبتك ... ربنا يديم المعروف

مع ارق و خالص تحياتي لك

***********************************

السلام عليكم و رحمة الله و بركاتة

اولا مرحبا ب "المجهول " في المدونة كأول تعليق لك و اتمني ان لا يكون اخر تعليق لك

اه
انا سعت بردوا مع موضوع انها عايزة تقلد برنامج اوبيرا " حتي مسمية اسم البرنامج علي اسمها "

بس هي المشكلة انه لا عقل لها كي تمصر الموضوعات و لكن نقل كالببغاء بالكاربون

دي ضمن الموجة اللي ماشية اللي بتقوي و تدعمل الفكر المتفرنج و المقلد لامريكا
تحياتي لك علي التعليق الجميل

***********************************

الاخ الفاضل nagah
معك كل الحق
و لكن لنقل انها ليست رغبة بقدر ما هو فساد للذوق العام و رؤية الفبيح و الفاسد العطن جميلا و مستساغا و التعضيد قيمة كل واحد حر و نضرب بكل القيم و الاعراف و المثل العليا

ربنا يهدي بجد


خالص تحياتي للجميع ...و الدعاء الخالص بدوام التواصل و الود

بنـت ســعد يقول...

شمس زورى مدونى و اقراى اخر بوست

للضرورة القصوى

تحياتي

عل ىفكرة البوست ده حلو بس عندي حالة غليان مش قادرة اعلق عليه