الجمعة، أغسطس 17، 2007

فضفضة واحدة مخنوقة ...تجفيف المنابع و اشياء اخري

السلام عليكم و رحمة الله و بركاتة
في اي شئ طبيعي لابد ان تواصل الاجيال ... في المدرسة كل واحد بيقضي في الصف الدراسي عام ثم يكبر و يذهب ما يليه و يحل اناس اخرون في المكان المتروح و هاكذا دواليك في كل مناحي الحياة
لكن الان بيتم تعطيل سنة مهمة من سنن الكون ... هناك من يريدون ان يبقوا الي الابد في اماكنهم ولا يفسحون المكان للتطور الطبيعي للاخرين ...
ليس هذا فحسب و لكن منع التعيينات في كل الكليات الحكومية يؤدي الي كارثة انه لن يكون هناك دكاترة اكفاء يدرسون و الجامعات الخاصة هدفها هو الربح فقط... فهي نعطي مبلغ مالي معين بعقد مؤقت للمعيد في اول تعيينة و ان طالب بالزيادة بعد فترة تلغي العقد و تأخذ من الخريجين الجدد ولا تساعد في اعداد الطالب للماجيستير او للدكتوراه و كل شئ يتم علي حسابة الخاص لو استطاع و ان لم بستكع فليش شرطا اساسا ان يكون حاصل علي درجات علمية !!!! حول الامر من جامعة لتحصل العلوم الي مجرد مدرسة ثانوي اخري و طلاب يدفعون الملايين للدروس للحصول علي الشهادة الجامعية و دمتم فلا توجد قاعدة ولا نواة لاي بحث علمي علي الاطلاق !!!! البحث العلمي الذي هو نواه تقدم اي مجتمع يريد ان يتقدم حقاً ...أ
عندما تكون بلد اساس زراعي و يكون اخر دفعة تم تعيينها في مركو البحوث الزراعية هي دفعة 84 اي انه لا يوجد ابحاث تتم علي الاطلاق ولا يوجد دماء جديدة تضخ و لهذا ينتحر اوائل كليات العلوم عن تخرجوا و لم يجدوا سوي وظيفة عامل نظافة او بائع في محل ... هذه العقول لابد من استثمارها و مصر ثروتها الحقيقية في عقولها .... هذه مصيبة و كارثة حقيقة و اعتقد ان الناس سوف تكترث لمبارة اهلي وزمالك اكثر من هذا الافساد المتعمد ...
عندما يقال انه لا سياسة في الكليات ... هم يرتكبون اكبر خطأ في حق انفسهم قبل اي احد اخر ... يعني عندما سنحت لي الفرصة لمناقشة عميد كليتنا الاسبق ( المعين و الذي لا يصلح لها ) و لن اذكر الاسماء في ان مقولة لا سياسة في الكلية مقوله خطأ ولا ينبغي لنا ان نكرر كلاما ً لا يسمن ولا يغني من جوع و عندما ناقشتة بعقلانية اقر بخطأ المقولة ... و لكنة انهي اجتماع اتحاد الطلبة علي الفور ...
توقف الانتخابات في كل اتحادات العمال و النقابات ... و يتم التعيين لمن يداهن النظام ... كيف اذن سنتقدم ؟؟؟
يعلموننا السلبية ثم يقولون شاركوا ... انتخبوا ... ثم يضربون نائب معارضة ...اي سخف هذا الذي يحدث ؟؟؟
بل و صل الامر الي مداه عندما سمح لجرائد المعارضة ان تظهر المفاسد ...و القناوات الفضايئة ان تظهر المفاسد ... ولا احد من الحكومة يكترث علي الاطلاق و كأنهم يقولون لنا رساله مفداها انتم لا لزوم ... انقوا و انبحوا و افعلوا ما يحلوا لكم ...( قمة الحرية ) ما نريدة نحن سوف ننفذة لانكم لا تساوون شيئا !!! لم يعد لنا كرامةف ي بلدنا و بالتالي لم يعد لنا كرامة في العالم اجمع
لسنا من نختار الحكومة حتي تكترث بارائنا ... فبقائها ليس مرهونا بادائها و لكن باشياء اخري
ليست هذه دعوة للتشاؤم و لكن مجرد فضفضة لفك الخنقة و سنواصل الكتابات التأمليه قريباً ان شاء الله :)

هناك 21 تعليقًا:

غير معرف يقول...

بمناسبة كليات العلوم اتذكر ان صديق لى حصل على مجموع 93% تقريبا فى الثانويه العامه رفض الالتحاق بكلية العلوم مفضلا الالتحاق بكلية الشعب قصدى التجاره

الفقيرة إلى الله أم البنات يقول...

شمس
عارفه انا لما اتخيل ان الوزراء موجودين منذ كنت ادرس بالجامعه اصاب بالغثيان
وأقول ما هذا الهم الجاثم على صدورنا
وأعود..اقول كل واحد بيحمى الكرسى
يعنى عمرهم ما هيتغيروا لانهم بيظبطوا القاعده على الكراسى...علشان رجل الكرسى اللى سوست وأكلها السوس
تفضل مكانها
وسبحان الله
ينزع الملك ممن يشاء
ينزعه نزع تخيلى قوة الكلمه
فلا تقلقى قريبا ان شاء الله يحل الفجر
والأكيد ان القادم افضل بكثير
ولا تيأسى رغم ان الظروف تدعو لذلك ولكن لن يجف النبع يا شمس
طالما فى مثلكمك واقلام تكتب بقلب
انار الله طريقكم

الطائر الحزين يقول...

عارفة حضرتك

المفترض ان كل مسئول ياتى لمواجهة تحديات معينة ويكون عارفها قبل تولية المفترض انه يحلها لو معرفش يحلها يسيب الكرسى لناس تانية تحاول مش يبلط فى الخط طول العمر حاجة تخنق فعلا


وكمان المسئول يبقى مسئول عن الناس مين عنده القدرة يفضل مسئول عن كل الناس الاف السنين

اضم خنقتى الى خنقتك
تحياتى

رفقة عمر يقول...

بشكرك كتير على زيارتك عندى وكلامك الطيب ربنا يكرمك يارب
انا كمان بتابعك بس فعلا مدونتك من المدونات اللى فعلا بحس ان تفكيرها عالى قوى وباحس قد ايه انى صغيره قدامها
ربنا يوفقك وييسر لك الخير اللهم امين يارب العالمين

belal يقول...

لقد شاركتك خنقتك
ولذا
أضم خنقتني لخناقتكم..ونعمل اتحاد
المدونين المخنوقين
..
محمد : فيه أمر يا بني

أقولك معهد فني صحي المنصورة..واخد أعلى من علوم وتجارة وحقوق وتربية

يعني فيه ناس سابت كل الكليات ...ودخلت معهد فني صحي
عشان بيشغل
..

No Fear يقول...

السلام عليكم
بصي أنا ممكن كلامي اللي هأقوله ممكنيكون متناقض أو مش مرتب
بس ياريت تفهميني
أولا إن الله لا يغير ما بقوما حتي يغيروا ما بانفسهم
نضرب مثل بسيط
يعني القنوات السيئة اللي بتشتغل دلوقتي لو هي وجدت عدم إهتمام بها مش هتزيد اللي بيحصل إن الناس بتتكالب عليها لذلك بتزيد و كل اما نوصل لمرحلة تلاقي الناس تقلع فيها أكتر
تاني حاجة أي واحد فينا لو حصل و وجد فرصةأنه يدوس علي أخوة هيحصل
متقوليش بسبب الفقر و الخوف من الحياة لا معتقدش ده سبب
السبب في نفوسنا إحنا
بصراحة معنديش ثقة في أي حد من الناس اللي بتتكلم عن إصلاح البلد
للأسف بلدنا دي مش هتتصلح غير بحاجة من أتنين ثورة زي الثورة الفرنسية أو يحصل عندنا النموذج العراقي بأي شكل ممكن يكون مختلف عنه شوية
معلش علي التطويل و يارب تكوني فاهمة انا عاوز أوصل أية

m_elmenofy يقول...

بجد الحاجات التحرق الدم و تخنق بقت كتير اوى
ربنا يعين الشباب و يثبتهم

محمد عبد الغفار يقول...

فعلاً احنا غير موجودين فى حساباتهم على الإطلاق

غير معرف يقول...

نحن بلدان الأصاله
وكل جديد مرفوض
وكل قديم معفن ومثل ما تقولون "منيل بستين نيلة "نريدة ونبجلة ونقدسه
أما أنتم المصريين فكارثتكم كارثة أكبر كونكم تمتلكون تاريخ قديم في التحنيط ويبدو أن هذا الشغف يطال البلد والمسؤولين تحنطونهم الى ما لا نهايه
طبعا الوضع غير مختلف كثيرا لدينا ودمعة منك من اليمين وأنا من اليسار لنبكي معا ولكن لنتفائل بأن نكون نحن الدماء الجديدة التي ستجري في شرايين أوطاننا مستقبلا ...قولي آمين

محمد عبد الرحمن يقول...

د.شمس
تحية لك أخيتى على عقلك المشغول بصالح البلد
نعم الكارثة الحقيقية هى نحر العقول والكفاءات ببساطة شديدة
إن اليأس الذى بدأيفعل فعله فى النفوس ويدفع بالبعض بالقنوع بالبلاهة والركون إلى التفاهة لأن من يفترض بهم البحث عن مصلحة العباد شغلوا بالحفاظ على الكراسى وتعظيم العائد الشخصى
لكن الأمل فى الله أن يأتى الفجر الباسم لتنتفع الأمة بطاقات أبناءها

ابن رشد يقول...

لا بصي بقى انا اقلك
الحكومة بتاعتنا مش عايزة ما تتطورش بس
لالالالالالالالالالالالالالالالالالا
دة ياريت دة الواقع كنت ازغرط زي البنات
لا دة الواقع ان الحكومة عايزة ترجعنا لورا
و مشكلتي انا بقى الشخصية انا بدور على ورا اكتر من اللي احنا فيه مش لاقي

يا مراكبي يقول...

هو ده اللي بيغيظني بجد وبأعتبره من أكبر أنواع الوقاحه

وهو مبدأهم اللي بيقول إن القافلة تعوي والكلاب تسير

ربنا يعافينا

-_- يقول...

Hi there,

You are chosen to represent your country in the first international blog
WUB (World United Bloggers)

The aim of this blog is to prove to the world that differences in language, religion,race and nationality do not make us hate each other and we can make this world better if we express our opinions with respect to others.

If you agree to join us please send e-mail with your nick name , age , country and your blog address to sharm_lover@hotmail.com where you will be sent an activation mail which makes you entitled to contribute in WUB, your name as one of the contributor will automatically be updated.Please read the rules before you start any posting in WUB where you will also find the aims of this WUB.

Thanks
Chief WUB,


Sharm .

www.worlub.blogspot.com

شــــمـس الديـن يقول...

السلام عليكم و رحمة الله و بركاتة

الفاضل محمد
لن اتعجب من كلامك ...هي حقيقة و ليفرح مسؤولي التعليم عندنا

***********************************

الفاضلة ام البنات
كم يسعدني ان تشرفيني في مدونتي ,و حقا لا ادري و لكني اشعر انك اما لي انا ايضا !!! مش عايزة اكبرك بس بجد احساس خفي :)

بس انت عارفة
هما مش هيطلعوا غير بالدم
بس هو هيكون دمنا احنا

دمت و اتمني ان اراك دائما

***********************************

الفاضل الكريم الطائر الحزين

اقول ايه
زي ما بيقولوا ......و لقت عضمة هل عيسيبوها ... اكيد لا طبعا

ربنا يصبر كل المخنوقين

*************************************

الفاضلة الكريمة رفقة عمر

بجد انا كمان بتابع مدونتك و لكن مش بعقب ولا ادري ما السبب ... و كنت عايزة اقول لك الموضوع بتاع الوفاة دا من زمان احتمال يكون وصلك في النعي لكن طنت عايزة حاجة كدا بينا و بين بعض اسبيشيال كدا علي انفراد

عامة سعيدة انك فهمتي كلامي بقلبك و نورتي المدونة :)
***********************************

الفاضل الكريم اشياء اخري

اتحاد المخنوقين

معهد فني صحي !!!!!!!!!!
لا تعليق بجد

/**********************************

الفاضل الكريم no fear

مش مهم ارحب باي حد مخنوق عايز يتلكم... طلع كل اللي جواك و كلنا هنسمعك

و الله هقول لك ...بعد احتكاكي بالناس كثيرا اتضح انه قله خمن الناس هي اللي بتنصاع لاوامر الضمير اللي انت بتقول عليها دي ... يعني لو حد تدينة مش اوي او وازع الاخلاق عندة مش تمام هيقول و ايه المشكلة يا عم ما نتفرج ... و ادينا بنسلي نفسنا و عادي بلاش خنقة يا جدع و هنلاقي العملية كلها بقيت سلطة و سداح مداح

ماشي السبب في نفوس بعضنا ... بس الناس محتاجة انهم يتربوا و يتعلموا ولا فيه لا تربية ولا تعليم في المدارس اليا لدرجة ان الوزارة غيرت الشغال بدل ما كان التربية و التعليم بقي التعليم بس !!!!

انت مطولتش ولا حادة مرحبا بك في اي وقت :)

***********************************


الفاضل m-elmenofy

اللهم امين و مرحبا بك في المدونة

***********************************

الفاضل الكريم محمد عبد الغفار

لا اسكت الله لك حسا نورت المدونة

اكيد هما شغالين لوحدهم و احنا شغالين لوحدنا لو لو اتوجدنا يبقي علشان ازاي ياخدوا مننا فلوس اكتر

دمت بكل الخير و شفاك الله و عافاك

***********************************

العويوة الغالية الهام

هو للامانة يا عزيزتي مش كل قديم وحش بس المهم ان الناس نفسها تتغير ... هما فاكرين انهز زي العطور او الجبنة الرومي او السجاد الايراني ... كل ما قدم قيمتة زادت

امييييييييييييييين يا رب العالمين تقبل دعاء

************************************
الفاضل طال الليل

هي مش نقطة مشغول و الله انا بطلت اقرأ جرايد من الارف دا بس اعمل ايه كل شوية الواحد بيتخنق و يحتاج انه يفضفض شوية

يا رب و حتي لو منتفعتش هما الخاسرين

***********************************

الفاضل شمس

شوف مش انت مش لاقي ورا اكتر من كدا ؟؟؟ ما هيلاقوه و يعملوة و يرجعونا علشان حكومتنا تبقي رائدة التميز :))

دمت بكل الخير

************************************

الفاضل الكريم باشمهندس احمد

احلي شئ انك قلبت المثل و خليتهم هما الكلاب هههههههههههههههههههه

دمت بكل الخير و في حفظ الله

************************************

الفاضل الكريم شارم

بعت لكميل استفسر فيه عن ما دعوتني اليه لان الوصلة بايظة

خالص التحية

غير معرف يقول...

عن المشاركة السياسية اعلق

و منتهى التناقض بين افعال الحكومة و اقوالها

فكيف تتظاهر بالسعي لخلق مناخ ديموقراطي

و تعدد للاحزاب

ثم تمنع طلاب الجامعات من المشاركة في هذه الحياة

على الرغم من اكثر فئات المجتمع قدرة على دب الحياة في الافكار

و اعطائها روح الحيوية

هم الشباب

-_- يقول...

sorry for eh bad link

www.worldub.blogspot.com

by the way , I am not a faculty student , I am a master degree student of the pharmaceutical science

Diyaa' يقول...

الواقعية عمرها ما كانت تشاؤم
ومتتصوريش بتبسط أد إيه بيكي تحديداً لأنك نموذج للبشر اللي لسه عندهم دم
وزي ما قلت ولسه مصمم
لا الحكومة ولا الريس بس هما المشكلة
حتي ما يستاهلش لقب الريس
المشكلة في البذرة نفسها
ربنا يهدي المصريين والمسلمين عموماً ويفوقوا بقي
امتي يفوقوا ..هفضل أنا وأنتي نتأمل لحد ما يحصل ده وأتمني أقدر أقولك يومها مبروك يا شمس

بالنسبة لكلام البوست والتفاصيل ..فتجفيف المنابع دي سياسية غربية خبيثة بحتة لا تمت للعقليات الديكتاتورية الضحلة بصلة
يعني هو جزء من التحالف مع الصديق الغربي سواء كان سوفيت أو أمريكان

مستني تأملاتك وأسف للتقصير
سلام عليكم

محمد يقول...

السلام عليكم

كيف حالك أخت شمس ؟
...........

لسه مخنوقة .. والله معاك حق

يد الفساد المتعمد طالت كل شيء

حسبنا الله ونعم الوكيل

أُكتب بالرصاص يقول...

متألقة كالعادة

ولكن كالعادة برضه
نصيحتي


كل فقرة من دول يصلح موضوع لوحده

الفجر قادم يقول...

شمس الدين يا غاليتى : نعم هناك تجفيف لمنابع الأشياء , لأن كمان فى مشكلة كبيرة اعتقد انها موجودة عند الناس الا من رحم ربى و هى حب الأنا حب أنى وحدى من يفهم , تلاقى واحد لسة متعين فى شركة اللى اكبر منه ممكن فعلا يكون مش عايزه يظهر و لا يبان لييييه ؟ خوفا على منصبه
المشكلة فى ناس مش حاسة ان المهم مصلحة العمل و المصلحة العامة مثلا لأ , المهم مصلحتى انا
...........
كلمة ملهاش علاقة بالموضوع بس بجد وحشتينى جدا ووحشنى الحوار معاكى فى ساحة الكلية:D

شــــمـس الديـن يقول...

السلام عليكم و رحمة الله و بركاتة

الفاضلة الكريمة منه الله

نورتي المدونة دا اولا كدا

ربنا يهديها و لو اني اعتقد انالناس دي مش هتسيبها الا علي القبر

دمت بكل الخير

*******************************

الفاضل الكريم شارم
شكرا علي تصحيح الرابط

و اعتذر عن الخطأ الغير مقصود ... كنت اظنك مازلت طالبا ...لكن معلش :)

*******************************//

الفاضل الكريم ضياء
مرحبا بك دوما اخ فاضل للمدونة و بجد بفتقد تعليقاتك و سؤالك

انت بتقول اني عندي دم بس دا بيقلب بنفسيات سيئة علي صاحبها ... عامة ربنا يسهل ان شاء الله و اعرف اوازن بين الاتنين اني اتحمق و لكن لا يؤثر علي حالتي المذاجية

و فعلا معك حق ...تجقيف المنابع سياسة غربية نطبقها نحن كالانعام ببراعة منقطعة النظير

ارجوك لا تعتذر انا اللي مقصرة مش انت :)

دمت في حفظ الله دوما

**********************************


الاخ الفاضل وضاح
و عليكم السلام و رحمة الله و بركاتة

الحمد لله انا بخير :)
و اله خلاص معدتش مخنوقة الحمد لله علي نعمة الاحساس بس

جزاكم الله خيرا علي مرورك الكريم الطيب

***********************************


الفاضل الكريم اكتب بالرصاص
مرورك علي مدونتي بين حين و اخر يشعرني بالابتهاج ...ربما لان قلم زي قلم حضرتك لما يثني علي حد بتكون جايزة كبيرة

بس انا دلوقتي بقيت اتبع سياسةالاختصار علي اد ما اقدر علشان الناس معادتش عندهم وقت

:)

دمت بكل الخير

***********************************

مش ممكن
انا مش مصدقة عيني

فجر بنفسها جت هنا ؟؟؟يا مرحبا يا مرحبا


الفساد يا بنتي دائرة مغلقة و لو مسكتي طرف هتلاقيه اوتوماتيكي بيجيب الشبكة كلها
-----------------------------

و الله ليكي وحشة
و بعيدا عن الموضوع بردوا ...اخبار الجواز معاكي ايه و لسة قاعدة في مصر ولا فين اراضيكي ... بس و الله كويس انك عرفتي عنواني و شرفتيني بالزيارة