الثلاثاء، نوفمبر 27، 2007

خرجت سريعاً من الدائرة

السلام عليكم و رحمة الله و بركاتة
منذ فترة كتبت تدوينة كئيبة ... احب اقول اني و الحمد لله رجعت لطبيعتي و ان اي شئ ايا كان لابد ان ينظر المرء اليه نظرة متفائلة ايا كانت يتحايل علي الوضع لان الكئابة متعبة حقا ً
احمد الله علي كل شئ ... فابي بارك الله له و جزاه عني خيرا لم يدخر وسعا قدر ما استطيع في ان يخفف عني و هو من علمني دائما ان افكر بطريقة عملية ..و في نفس الوقت ان يحترم مشاعري و حقي في ان احزن و لم ينكره علي ... قال لي
ما هو اسواء شئ يمكن اي يحدث ؟؟؟ قولت له ماذا ؟؟؟ قال لي ان تفقدي التكليف و ان تفقدي عملك الحالي ... اليس كذالك ؟؟؟ قولت له نعم ... قال لي يمكنك ان تبدأي من جديد .... الحمد لله انت حاصلة علي شهادة علياً - يعني متخرجة - و اعتقد انك عندك خبرة مش وحشة في الصيدليات ... ممكن تبتدي تدوري من تاني ... او ممكن تغيري مسار حياتك قليلا و تروحي شركات انا عارف انك رافضة شغلها علشان مش بتحبية ... لكن ممكن تشوفي ايه المطلوب و تحاولي تعملية ... الحمد لله علي كل شئ ... لازم نشوف المعطيات اللي عندنا و نعمل علي اساسها ... محدش هيجبرك علي شئ ... انت اول واحدة تدخل صيدلية في العائلة الباقي يا اما اطباء بشريين او مختلف التخصصات ... محدش عندة فكرة عن اي شئ اساسا , و شوفي بردوا الاماكن الكويسة في التكليف و اسعي علي اد ما تقدري و انا هعمل اللي اقدر عليه ... و ربنا في الاول و في الاخر اللي عايزة هو اللي هيكون ...
رغم ان ابي لم يقدم لي حلاً محددا الا انه دفعني للتفكير في الامر بشكل ايجابي ...
قال لي ايضا الخيار يكون ما بين المال و الاستقرار .... فهناك وظيفة معروضة علي في صيدليات و دخلها محترم و لكن لا يوجد تأمين اجتماعي ولا اي شئ و علي الطرف الاخر التكليف معروض علي و مالة هي ملاليم ( اي عامل في صيدلية بياخد اكتر من مرتب التكليف ) و لكن عل يالمدي الطويل به استقرار ... وخاصة انني علمت ان التكليف سوف يتم الغاؤة تدريجيا ... و انه هذا العام خاضع للتنسيق ( الاعلي في المجموع هيجيلة تكليف ) و الناس متضايقة اذا ضيق الناس من شئ ينم علي انها شئ حسن حتي و ان لم انتبه اليه
جزي الله خيرا كل من عقب عندي في التدوينة الماضية ... و جزي لله ابي عني خيراً , و احمد لله علي ان هدي لي نفسي و ان عرفت ما هي طريقة التفكير التي لابد ان احصر تفكيري بها ... و الحمد لله من قبل و من بعد
قرأت ايضاً ان الاستسلام للمشاعر السئية يجعلها حقيقة واقعية اما ان حاول الانسان الفرار منها و لم يلتزم بطقوس الكئابة فهذا حتما -حتي و ان لم يكن يشعر في البداية بتحسن - سوف يجعلة ينسي الحزن و الكئابة تدريجياً و يخرج من دائرة الكئابة اللعينة ... :)
بحب التدوين

هناك 33 تعليقًا:

رفقة عمر يقول...

حمدا لله على سلامتك
الحمد لله انك تعافيتى بسرعه والحمد لله على نعمه الرضا
يارب دايما مبسوطه
ويارب يتيسر لك كل امورك اللهم امين يارب العالمين

سندباد يقول...

ولو إني جئت متأخر وما فهمتش مصطلحات التكليف وغيره بحكم كوني مش مصري
لكن حسيت بوضعك ـاللي بالمناسبة هو وضعنا بشكل أو أخرـ وفرحت إنك عديت من غيمة التوتر بمزيد من الرضا و الثقة و التفاؤل

ربنا يسعدك ويعينك و يرزقك حياة كريمة تليق بالشرفاء

إبقي أشكري السيد الوالد
:)

لك صالح الدعاء و كل الأمنيات الطيبة

عصفور المدينة يقول...

أنا سعيد جدا بهذه التدوينة
ربنا يبارك لك في عقلك ويتم عليك نعماءه

عصفور المدينة يقول...

سأضع هذه تدوينتي المختارة اليوم

Abdou Basha يقول...

والدك قام بدور اللايف كوتش، عمل على تغيير طريقة تفكيرك السلبية إلى طريقة أكثر عملية
كلام جميل
شكرا لكِ شمس، وبلغي تحياتي إلى والدك أيضا
(F)

A.SAMIR يقول...

نصيحة بقى من صيدلي اكبر منك مش شوية
التكليف ثم التكلبيف
اوعي تجربي الدعاية....فلوسها كتير...استقرارها صفر....شغلها في منتهى السوء
استمري واستلمي تكليفك
وربنا يوفقك
تحياتي

وضـّاح يقول...

الحمد لله

أسعدتني هذه التدوينة جدا

أهم شيء فعلا أن تخرجي من حالة الإكتئاب

لأنك لو آمنت بأي شيء وفعلتيه بعد ذلك ومن قبل استخرت وتوكلت على الله فإنك بإذن الله ستصلي إلى ما يرضيكي ويرضي عنك ربك

أعانك الله ويسر لك الخير

الطائر الحزين يقول...

عارفة
الشىء الذى يفعلة الانسان عن اقتناع يهون الامر علية حتى لو قابله صعاب او حتى فشل فيه لانه كان اختيارة من البداية


الحمد لله انك بخير

أُكتب بالرصاص يقول...

مع اني أتيت متأخرا..انما من حديثك تذكرت اعلان ..قوم يا مصري..الحق القطر

اللي فاتوا القطر مش عارف إيه واللي قاعد على القهوة لازم يخسر عشرة الطولة


ربنا يكرمك ، ويبدل الحال ،
ويفتحها في وشك
قادر يا كريم

المهـ إلي الله ـاجر يقول...

وفقك الله


واستأذنك في إيصال سلامي وتقديري واحترامي لوالدك الرجل ذو العقل الحكيم

بارك الله لكم فيه و جمعكم واياه في جنته

التوأمان يقول...

ما شاء اله ربنا رزقك بوالد حكيم أويي فعلا

ربنا يخيلي ليكي ويديم السعادة ان شاء الله

ابن عمر يقول...

دى هديه لبابا

أبيات شعرية وأقوال مأثورة قيلت في


مدح والأب




عَلَيْـكَ بِبِـرِّ الـوَالِدَيْـنِ كِلَيْهِـمَا

وَبِـرِّ ذَوِي القُـرْبَى وَبَـرِّ الأَبَاعِـدِ

( الإمام علي - ك )

* * *

أَطِــعِ الإِلَــهَ كَـمَـا أَمَــرْ

وَامْــلأْ فُــؤَادَكَ بِـالحَــذَرْ

وَأَطِــعِ أَبَـــاكَ فَــإِنَّــهُ

رَبَّـاكَ مِـنْ عَـهْـدِ الصِّـغَـرْ

( الإمام الشافعي )

* * *

أَعْـطِ أَبَـاكَ النِّصْـفَ حَيًّـا وَمَيِّتـاً

وَفَضِّـلْ عَلَيْـهِ مِنْ كَرَامَتِـهَا الأُمَّـا

( أبوالعلاء المعري )

* * *

تَحَمَّـلْ عَـنْ أَبِيْـكَ الثِّقْـلَ يَوْمـاً

فَـإِنَّ الشَّيْـخَ قَـدْ ضَعُفَـتْ قِـوَاهُ

أَتَـى بِـكَ عَـنْ قَضَـاءٍ لَمْ تُـرِدْهُ

وَآثَـرَ أَنْ تَـفُـوزَ بِـمَـا حَـوَاهُ

( أبوالعلاء المعري )

* * *

مَـا مَـاتَ حَـيٌّ لِـمَيِّـتٍ أَسَـفاً

أَعْـذَرُ مِـنْ وَالِـدٍ عَـلَـى وَلَـدِ

( أحمد بن عبدربه )

* * *

إِذَا كَـانَ رَبُّ البَيْـتِ بِالطَّبْـلِ ضَـارِباً

فَشِيْـمَةُ أَهْلِ البَيْـتِ كُلِّهِـمُ الرَّقْـصُ

* * *
أقوال مأثورة

أَحِبَّ أَبَاكَ إذا كان منصفا ، وإذا لم يكن كذلك فتحمله

( بوبليليوس سيروس )

الأب يخفي أخطاء ابنه ، والابن يخفي أخطاء أبيه

( كونفوشيوس )

قلب الأب هو هبة الله الرائعة

( بريفو )
حين تغفو جميع القلوب لا يغفو قلب الأب

( ريشيليو )
إذا عشت دون أن تكون أبا فإنك ستقضي دون أن تكون رجلا

( سهل بن هارون )

Mohamed A. Ghaffar يقول...

وفقك الله

صريح أوي يقول...

السلام عليكم تأثرت كثيرا بالتدوينة رغم أني أول مرة أزور فيها المدونة.. عالعموم
كل شئ بيدك أنت لا بيد غيرك انت من يقرر .. أنت من يتخذ القرار
نصيحة والدك غالية.. تحتاج لدراسة جادة
المهم أنا ضفت رابط المدونة عندي بعد إذنك طبعا
جزاكم الله خيرا

صريح أوي يقول...

السلام عليكم تأثرت كثيرا بالتدوينة رغم أني أول مرة أزور فيها المدونة.. عالعموم
كل شئ بيدك أنت لا بيد غيرك انت من يقرر .. أنت من يتخذ القرار
نصيحة والدك غالية.. تحتاج لدراسة جادة
المهم أنا ضفت رابط المدونة عندي بعد إذنك طبعا
جزاكم الله خيرا

shams يقول...

طب مبروك ان حالة الاكتئاب راحت عبالي

soosa el-mafroosa يقول...

يا بنتي كبري

الدنيا مش طالبة إكتئاب..انتي لسه في لأول و الحياة مليانة مواقف مقندلة
لووقفنا عند كل موقف و اكتأبنا مش هنخلص

فكي فكي ولا يهمك

و التكليف حلو مش وحش و لو عايزة تزودي الغلة ممكن تشوفي صيدلية بعد الضهر

بس نصيحة ماتسيبيش التكليف ..و الله بينفع


تحياتي

الحــــــــرية يقول...

سلام عليكم
حمدالله على سلامتك وكلنا بيحصلنا كده وبتيجى علينا فترة مش طايقين نفسنا حتى لان مفيش حاجة حوالينا تخلينا نكون كويسيين او فى ارتياح نفسى بس اهم حاجة الواحد يقدر يقوم ويخف من الحالة دى بسرعة والحمدلله على سلامتك

تجمع المدونين الطامحين في وطن عربي بدون سجين رأي واحد يقول...
أزال أحد مشرفي المدونة هذا التعليق.
AbdElRaHmaN Ayyash يقول...

الحمد لله يا حاجه :D
المهم تكوني كويسة يعني
على فكره موضوع " اسوا حاجه ممكن تحصل دي " يدل على ان والدك فعلا راجل محترم و بيفهم و مثقف كمان
:D سلمي عليه بجد
:D بيعرف يتعامل مع بنته

دنــــيــــــا مـحـيـرانـي يقول...

حمد لله علي السلامه عقبالي يارب لما اخرج انا كمان من جو الكآبة

يا مراكبي يقول...

أنا سعيد إني فاتني البوست اللي فات وجيت على البوست ده على طول .. كويس إني جيت على الأخبار الكويسة .. والحمد لله على هذا التحسن

نسيت أحييكي على البوست قبل اللي فات واللي بيحتوي على معلومات قيمة للغاية عن تاريخ سكان فلسطين .. حقيقي مجهود أكثر من رائع

شــــمـس الديـن يقول...

السلام عليكم و رحمة الله و بركاتة

رغم ان ابي مش من هواة الكمبيوتر ولا النت ... لكني قرأت له كل التعليقات اللي جائت بخصوصة في هذه التدوية ... يعني الرسالة وصلت و كان رد فعل ابي الدهشة الشديدة و قال لي دا اساسا البديهي ... قولت له لأ مش كل الابهات بيعملوا كدا :)

***********************************

العزيزة رفقة عمر
الله يسلمك , و انت كمان لك مثلما تمنيتي لي
:)

*********************************

الفاضل الكريم سندباد

منور المدونة و الله
مصطلح التكليف يا سيدي عندنا في مصر , انه فيه بعض الكليات اللي بتبقي محتاجة ناس تعمل في اماكن معينة ( زي الاطباءو المدرسين و الصيادلة ) ليهم تكليف يعني بيروحوا يشتغلواف ي الحكومة سنة باجر قليل و بعدين بيتعيونوا ... وطبعاالمزايا انك بتلاقي مكانم تشتغل فيه , و ليك تأمين و معاش .اما الشغل الخاص فممكنف ي اي لحظة تحصل مشكلة و تترمي برا

و جزاكم الله خيرا علي الدعاء الجميل و جعل لك نصيب منه
ياريت متبقاش تغيب عننا كدا

***********************************
الفاضل الكريم عصفور المدينة

بجد كون ان تدوينة زي بتاعتي دي تعجبك اوي كدا دا زاد نفسي سرورا الي سرورها اللي كانت فيه

و ليا عظيم الشرف انك تحطها في تدوينات اليوم ( انذاك )

***********************************

الفاضل الكريم عبدة باشا

التحيات بجد وصلته و اسعدتة و ادهشتة :)

مرور عطر كالمعتاد

***********************************

الفاضل الكريم احمد سمير

بجد النصيحة دي علي راسي من فوق لانها من حد جرب قبلي و في نفس الظروف تقريبا

و ربنا ييسر الحال و عما قريب اقول انا ايه اللي حصل لي بالضبط

شكرا عل يالنصيحة الغالية لان ساعات النصايح بتبقي فارقة في حياة الانسان

***********************************

الفاضل الكريم وضاح

الحمد لله رب العالمين
لا تتخيل كم كانت الدنيا ضائقة و لكن الحمد لله علي كل شئ
فعلا و اساسا ممكن الواحد يغير نظرتة للاشياء بما يتوافق مع الموقف اللي هو محطوط فيه

جزاكم الله خيرا علي المرور

***********************************
الفاضل الكريم الطائر الحزين

اكيد
الحمد لله علي كل شئ

***********************************

الفاضل الكريم اكتب بالرصاص
فينك من زمان بجد ؟؟؟

مش عارفة
مش شوفت الاعلان دا صراحة :)
يسمع من بقك ربنا

قول ان شالله :)

***********************************
المهاجر الي الله

وصل سلامك حقا لا تقلق و اسعد والدي و ادهشة ايضا

و بارك الله لك انت ايضاً

***********************************
التوؤمان

وفقك الله و هداكم و اصلح لك بالك و شئنك و مدونتك حلوة و هقراها بتمعن قريب اوي ان شاء الله

//////////////////////////////////

يتبع ---->

شــــمـس الديـن يقول...

الفاضل الكريم ابن عمر

اعجبت والدي كلماتك كثيرا :)
جزاكم الله خيرا

و مرحبا بك صديق دائم للمدونة

***********************************

الفاضل الكريم محمد عبد الغفار

وفقنا و اياك لما فيه الخير :)

تعليقاتك المختصرة ذات طابع عائلي للغاية

:)
***********************************

الفاضل الكريم صريح اوي

و حضرتك نورت المدونة بجد و اتمني ان تكون ضيف دائم عليها

اكيد لن امانع دا الشرف ليا انك تحط المدونة عندك

دمت بكل الخير

***********************************
الفاضل الكريم شمس الزنتي

عقابلك ان شاء الله قريب اوي بس انت فضفض مع حد بترتاح له و بتئق في رايه

***********************************
العزيزة الغالية سوسة المفروسة

و الله انا اتخنقت الني حسيت ان منعطف من منعطفات حياتي الاساسية بتضيع و مش عارفة احددة لسة
انا بقالي سنة و نصف متخرجة و لسة معرفش راسي من رجليا في موضوع الشغل

بس علي رأي حد قال

طنش تعش تنتعش

و معاكي حق فعلا محدش صيدلي كبير عني الا و نصحني بالتكليف

خالص التحية لك انت ايضا عزيزتي

***********************************
الفاضل الكريم الحرية

الله يسلمك و انت فعلا معك حق الواحد بيبقي في ارتفاعات و هبوطات دائما
و بمساعدة الناس الكويسة اللي حولينا بنعدي كل شئ لله الحمد

منور المدونة و يا رب تنورنا علي طول

خالص التحية


***********************************

الفاضل الكريم عبد الرحمن عياش

الحمد لله علي كل شئ عامة انا لسة محجيتش ابقي ادعيلي

سلامك وصلت و تعليقك وصل بجد :))

بارك الله فيك اخي الصغير

***********************************

العزيزة دينا

ليه يا بنتي مالك بس ؟؟؟؟ لا حول ولا قوة الا بالله العلي العظيم

فك الله كربك بس حاولت تتكلمي مع حد ترتاحي له و تستأنسي برأية

خالص التحية

***********************************

الفاضل الكريم باشمهندز احمد

اول مرة اشوف حد سعيد ان بوست يفوتة

عامة خير ... و كل تأخيرة وفيها خيرة زي ما بيقولوا

عامة منور كلامعتاد و كويس انك بتكتلت عليق مجمع علي كل التدوينات في وقت واحد :))

خارص التحية و منور علي طول

:)
*************************************
الي اللقاء في تدوينة كويسة ان شاء الله

الجمعاوي الاصيل يقول...

موضوع جميل جداً ربنا يجعله في ميزان حسناتك

ربنا يسعدك ويعينك

ولو عليزة تعرفي الجيش العربي فين

ننتظر زيارتكم في مدونة ميخا

الا اصلاً هو في جيش عربي

كراكيب عادل يقول...

ربنا يوفقك يا شمس

قولي امين

الحــــــــرية يقول...
أزال أحد مشرفي المدونة هذا التعليق.
Rain_Drops يقول...

أنا سعيد جدا بمدونتك ، و عارف إني متأخر زي الدول النامية كدا بس لفت انتباهي تاريخ فلسطين و اليهود اللي ذكرتيه و حبيت أعرف رأيك في مدونة كنت كتبتها عن فلسطين و الوعد
http://cloudno5.blogspot.com/2007/08/blog-post_31.html

رفقة عمر يقول...

ازيك شمس عامله ايه
مافيش جديد ليه
على العموم ليكى عندى تاج
اتمنى انك تقبليه
كل سنه وانت بالف خير

نقطة مية يقول...

كل سنة و انتم طيبين و عيد اضحى مبارك و ان شاء الله ننال جميعا شرف الوقوف على عرفات

سندباد يقول...

عيد مبارك سعيد و كل عام وإنت طيبة و بألف خير

كل المودة و الإحترام

ذو النون المصري يقول...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................

afgalal يقول...

لست صيدليا لكننى طبيب أسنان
من الصيادلة أعلم أن التكليف بعد عام يمكن الصيدلى أن يكون صيدلى أول ليدير صيدلية
و التكليف بالنسبة للأطباء و أطباء الأسنان برغم أنه لا يوفر مرتبا كافيا، بل يصرف الطبيب منا على وظيفته فى السنة الأولى بالخصوص، لكنه يعطى الإنسان خبرات بالحكومة و سلبياتها و التعامل معها
كما يعطى الإنسان خبرات مع أشخاص من نفس التخصص أكلتهم سنين الحكومة أو وجدوا الحلول البديلة
ثم تأتى بعد ذلك البدائل الأخرى
لقد ساعدك والدك بما يملك من مساندة نفسية و عقلية
لكن يتبقى الاستعانة بشخص خبير و ثقة
يفيدك فى فتواك الحياتية
و شاورى حكيما و لا تعصيه
فهذا يعين مع الاستخارة طبعا
أرجو الله أن يدبرك و كل من يقع فى نفس المأزق على مفترق الطرق الوظيفية