الأحد، يونيو 08، 2008

مجرد كلام

لست معتادة ان اكتب موضوعات "جوانيه " علي هذه المدونة لاني افردتها للفكر و اراء و وجهات النظر ... و لكن لا باس من بعض الراحة و اكيد في وسط الكلام هيكون فيه تأملات او افكار كالعادة - مفيش كلام جواني 100% مني :) و لا باس ايضا من القليل من العامية

***********

منذ فترة ليست بالقليلة كنت اعاني نفسيا فعلا ... لا اشعر بطعم اي شئ , و كنا ابالغ في الاهتمام بالمظاهر و شراء الشيكولاته حتي اوهم نفسي انني سعيدة احاول ان افعل ما يفعله السعداء و لكن بلا جدوي حتي انني حضرت حفل توقيع الكتب و سعد بي الاصدقاء و لكن كنت اشعر ان هناك شئ مفقود لا ادري ما هو كأني اتفرج علي قيلم و لا اشارك في احداثه ... تماما مثل من يريد النوم و لكنه مصاب بالارق ... فعل كل شئ كي ينام و لكن بلا جدوي حتي انه نسي كيف ينام الناس و يغوص في النوم كل ليله و ظل بتقلب علي السرير الوثير في الغرفة المظلمة و لكن بلا نوم

***************************

اخطط كي اذهب لرحلة تصوير ... اعد كل شئ , لا ادري لماذا ادخل فجئه في هيستريا بكاء شديدة دون سبب مفهوم ... ادعوا الله ان يفرج همي , اجد اقدامي تسوقني للكلية لمقابلة صديقة قديمة ... تعتذر ... اجد زملاء من دفعتي , اتعجب من وجودهم هناك ... بقايا الاسرة التي اسسناها مازالت ايضا هناك, رغم اني لم ارهم منذ حوالي عام و نصف الا انني فوجئت انهم مازالوا يذكرونني ... تكلمنا في كل شئ الدراسة و السياسة و الفكر و احوال البلد والسيارات ...
قيلت في حديثنا جمله ... مأخوذة عن شيخ سوري حاجة راتب - عندما كان كل منا يستغرض ما الكتب الشخصيات التي تعلم منها في الفترة الماضية - فكانت هذه الجمله الرائعة :"
راعي الله فيما تملك يرعك الله فيما لا تملك " اي انني لو اخذت بالاسباب و لم انظر لمن هم حولي في المصائب و البلايا فسوف يسترها الله معي و هي نفس الجملة التي قالها لي الاستاذ الفاضل عصفور المدينة " ربما يستثني الله من الابتلاء العام افراد بعينهم "

ربما الان انا في اكثر وقت في قمه الازدراء في حياتي من كافة النواحي ( عملي بشع لاقصي درجة و لكن هذا هو المتاح في بلدنا ... اشعر بغربة و اغتراب عن الناس بشكل صعب و لكني هذا لا يؤثر علي التعامل معهم و مررت باحباطات صعبة للغاية في الفترة السابقة ) و لكني لا اشعر بضيق او ضجر او حزن او هم و لكن اشعر اني ارمي احمالي علي الله لاني عملت اقصي ما في وسعي و هذا اخري ...

جميعنا يعرف هذا الكلام ... و لمن انا كنت محرومة من ان استشعره ... الحمد لله ان ادركت المعني و شعرت به اخيراً

اكتشفت ان السعادة - او الرضا كي نكن اكثر واقعية - ليست اسباباً نأخذ بها ... او اشياء صماء نفعلها , انما هي اشياء لا علاقة لها بالماديات ... و لكن بالمعنويات اكثر ... ربما هي هبه او منحه لا نوصف

اتفقت مع صديقتان - كل لوحدها - علي رحلات تصوير اخري افضل من التي مضت
***********************************************************************

زمان ... عندما كنت اريد وصف لون ما , كنت ارده الي الالوان الاساسية ( يعني
اللبني او البترولي او التركواز و اي درجة من مشتقات الازرق هي من وجة نظري ازرق ولا شئ غير ذلك ) و طبعا هذا يعطي وصف مضحك جدا لما الواحد يقول علي لون احمر و هو في الحقيقة طوبي او بصلي ... كنت كطفله لم يكن عندي تداخلات الالوان و كنت ادرك فقط الالوان الاساسية, كنت اجد صعوبة في التفريق بين الفوشيا و البنفسجي الي ان ادركت الفارق بينهما ... الي ان بدأت ادرك ان هناك الوان اخري و اشتقاقات اخري موجودة غير الالوان الاساسية


لكني ادركت ايضا ان القيم - مثل الالوان - يوجد بها المطلق و النسبي (جنبا لي جنب لا نفصلان )
فالمطلق هو الابيض و الاسود و الالوان الصريحة الاساسية
اما النسبي فهي كل الالوان التي تندرج بينهما


كلما توغلت في الحياة اكثر ... كلما وجدت ان الهاله التي تحيط بالابيض و الاسود تكبر اكثر فاكثر و اري ان مساحة اللون الرمادي اخذة في الاتساع ... و تتلاشي اغلب الالوان التي كانت تشكل قيم انسانية جميلة من حياتي رغما عني ... قد استعيدها في بعض اللحظات و لكن في المجمل ان حياتي اخذة في الذوبان في اللا لون
***************************************

تمت الموافقة علي قانون الطفل الذي يجرم زواج الفتاه اقل من 18 سنة و يبيح نسب الابن لوالدته و يقاضي الاب ان ادب طفله ...

اوساط الاخوان الداخلية منقلبة راسأ علي عقب من جراء ا لانتخابات الاخيرة التي لم يخبر هنها الموقع الرسمي للاخوان

سعر طن الحديد في ازدياد مستمر متوقع ان يصل الي 8500 جنية

طلاق احمد عز من شاهيناز النجار ... بعد ما كانت جوازة السنة من المبالغ اللي اتصرفت فيها

مش عارفة يا مصر رايحة علي فين
الكل مستني التغيير
و محدش مستعد يتعب علشان التغيير دا يجي
كأنه هينزل من السما لوحديه
انا من المستضعفين اللي فيكي اللي ملهومش ديه
المركب علي وشك انها تغرق
بس انا من ركاب السبنسة زيي زي كل الشعب
تايتانيك لما غرقت ركبوا البهوات في قوارب النجاه
و ركاب الدرجة التالتة مكنش معمول حسابهم اساسا في قوارب النجاه
و ماتوا
لان ملهومش ديه

بجد
البلد دي مش بلدي انا حاسة اني مجرد ضيفة او عابرة سبيل و مش دي اخر مطافي

هناك 27 تعليقًا:

عصفور المدينة يقول...

يااااااااه

دكتورة هذه الحالة تمر علينا جميعا ولكني تعلمت وخديها حكمة والله تعودت أن هذا الإحساس لا يأتي إلا قبل مرحلة حافلة بالأحداث

لكي لا تأسوا على مافاتكم ولا تفرحوا بما آتاكم

ومن عمق هذه الحالة التي يفقد الإنسان الإحساس بالألوان والفروق بين الأيام تخرج الحكمة

كلما قلت لنفسي أترك التدوين أرى عبارة مثل عبارتك تذكرني بكلمة قلتها فلا حول ولاقوة إلا بالله
:)

محمد عبد الغفار يقول...

أن رقائق السعادة منثوره فى كل مكان والناجح من يلتقطها

هونى على نفسك عزيزتى فحقاً لا شئ يجازى

مـحـمـد مـفـيـد يقول...

كلنا من يمر بهذه الحالات من كم الضغوط و المشاغل
ولكن لابد من التخلص منها لانها تؤثر بالسلب علي الانسان

فاتيما يقول...

شمس
انا متفقة مع كلام عصفور المدينة جدااا
الحالة اللى البلد فيها الهدوء الذى يسبق العاصفة
دا إحساسى الشخصى فعلاً
الكوباية اتملت على آخرها
و فاضل ىخر نفطة
اللى أبسط من أهون سبب
التغيير قادم لا محالة
و حالة اليأس دى طبيعية
اللى بيحب حد قوى و موش عاجبه حاله لازم يزعل عليه قوى و يجيله إحباط مخلوط بالحزن النبيل اللى إنتى فيه دلوقتى
ربنا يفرج كربتك و كربنا جميعاً
تحياتى يا عزيزتى

No Fear يقول...

السلام عليكم
هو الشعور ده أصبح السائد ليه كده
حتي الأمل قدروا يدموره جوانا
حسبنا الله و نعم الوكيل
أنا جوايا نفس الشعور دهو عمال أكتب عنه
بس بجد
إن الله لا يغير ما بقوما حتي يغيروا ما بأنفسهم

ربنا يفرج كربك

akroot4ever يقول...
أزال أحد مشرفي المدونة هذا التعليق.
عاشــــــ النقاب ـقــــة"نونو" يقول...

السلام عليكم
ما ضاقت الا اما فرجت باذن الله
لا تقنتي من رحمة الله
كلما امر بمثل ما تمرين به
اتمسك اكثر بالامل واقول يارب هون
باذن الله خير
تحياتي

Maha يقول...

:O

:(

ربنا يفرج همك يا بنتي

شــــمـس الديـن يقول...

السلام عليكم و رحمة الله و بركاتة

الاستاذ الكريم الفاضل عصفور المدينة

اكيد .. و الحمد لله انا خرجت منها بس هو تقريبا اسلوب الكتابة لانه كان وصف مشاعر مكنش مرتب ... انا فعلا بقيت حاسة بالصفا رغم اني قبل كدا كنت حاسة بكابة

عامة انا الاحداث لا تعنيني في شئ لاني بجد معادتش تفرق معايا البلد دي الا بالقدر اليسير اللي يؤثر عليا
ربنا يطلعنا منها علي خير ان شاء الله

و علي فكرة
مفيش حاجة اسمها تسيب التدوين

الوسط دا بجد اخر الاوساط المحترمة اللي الناس اتجمعت فيها فقط باجتهادها و اختارت الاسلوب اللي تعيش و تفكر بيه

اكيد فيه ناس بتتأثر بكلامك
و ربما الكلمة تخرج منك في لحظة صدق تأثر في مجري حياه انسان

الله اعلم

المهم مفيش خيار اساسا انك تسيب ا لتدوين :)

***********************************

الفاضل محمد عبد الغفار
انا مش حزينة انا فعلا خرجت من الحالة ووجدت صفاء داخلي

لكن المشكلة ان يعني ... هي فترات و بتعدي

***********************************

الفاضل محمد مفيد

فعلا
بس بجد مش بإيدك

عامة انا خرجت منها و شكرا علي الدعم

***********************************

الغزيزة الغالية فاتيما

بجد انا حاسة فيكي بكمية حنان ملهاش حل
ربنا يكرمك فعلا

بس عارفة
انا بجد معدتش بحب البلد دي
مجرد مكان مخترتوش و اتولدت فيه

بس حلوة ا وي تعبير حالة احباط مخلوط بحزن نبيل
انت فعلا حساني

بس الموضوع حزن خارجي لكن لا يؤثر علي حالتي النفسية

اللهم امين

خالص التحية يا عسولة التدوين

***********************************

الفاضل no fear
سائد

اكيد لازم يبقي سائد عن الناس اللي مازالت بتحس

متضايقش
المهم انك تخرج بسرعة و حتي لو متضايق مش يؤثر عليك و علي نفسيتك

خالص التحية

***********************************

العزيزة nonymm

انا اكيد مؤمنة و بجد قولت احلي شعور اناعايشاة دلوقتي اني بلا حول ولا قوة و رامية كل حمولي علي الله

عايزة اوصل للمرحلة الكاملة من الامر دا علشان ربنا فعلا يفرجها من عندة

يا رب هون علينا كلنا

نروتي المدونة بجد

***********************************

العزيزة مها

يابنتي متخضيش
انا كويسة

و الله انا بقيت كويسة انا بقول عن مشاعر رمادية كانت بتمر بيا

هو تقريبا اسلوب التدوينة دي غامض اوي علشان كدا الاغلب مخدش باله اني بقيت كويسة و مش متضايقة

شهاب الأزهر يقول...

الحمد لله أنك خرجت من هذه الحالة، فأنا أعلم قسوتها

فأكثري من حمد الله أختنا

مسلم من مصر - محمد على عطية يقول...

السلام عليكم
أختى فى الله/د.شمس
عندما قرأت تدوينتك و وصلت الى نهايتها التى كانت محملة بقدر كبير من الإحباط,أحببت أن أعلق , و لكن بعد قراءتى لتعليقات الأخوة و ردك عليهم أحمد الله أنك قد خرجت من هذه الحالة كما تقولين
لن أزيد كثيراً عن ما ذكره الأخوة هنا, لكن أحب أن أقول أن هذه الحالة التى مررت بها يمر بها أى منا من وقت لآخر, شعور بالضيق و الملل و الإحباط,شعور بأن ما نفعل ليس له فائدة أو أثر ملموس, شعور بأننا أضعف من الظروف التى تتغير بسرعة من حولنا.
كل هذه قيود و وساوس يقيدنا بها الشيطان, و المستفيد الوحيد ليس الشيطان فقط الذى سيعطلنا عن دورنا فى صناعة الحياة و تعمير الأرض, بل أيضاً شياطيم الإنس الذين سيسعدون حتماً بأن العقول الواعية , و النفوس المؤمنة, و الألسنة المتكلمة تمر بوعكة أو بحالة (فصل شحن)
رغم كل الظروف, شخصية أو عامة, فلنحاول ألا نستسلم للمشاعر السلبية و الإحباط, و إيماننا يجعلنا نستعيد عافيتنا بقوة, و كلما ضاقت الدنيا فى أعيننا, فلنعد الى الله ,و لنحاول أن نرى ما يفعل المصلحون من حولنا, فبأعمال المصلحين الجادين يشعر الإنسان أنه ما زال هناك أمل, و يشعر برغبة و قوة دافعة فى اللحاق بالركب.
عذراً للإطالة, لكن بصفتى زبون معتاد مر بالكثير من دورات الأمل و اليأس , و التفاؤل و التشاؤم, أحببت أن أعطيك هذه الروشتة يا دكتورة, و ان شاء الله اذا فتشت فى دفاترك القديمة و أدراجك تجدينها عندك :)
وفقك الله, و جزاك الله خيرا

Ahmed Kamal يقول...

كلامك يا دكتورة شمس متدفق مع أنفاس حارة تخرج لتعبر عن غليان داخلي ، أكاد أجد عبراتك على مفاتيح الكيبورد ..

هوني عليك يا أختي ، أجد أفكارك تعبر عما يدور بداخل الكثير من الناس ، مما يعني أنك لست وحيدة ، و هذا في حد ذاته يعطيك أمل في التغيير ، فما نفكر فيه و نتمناه جميعا سيحدث إذا أخلصنا ، و إذا كان لنا تأثير حقيقي ..

بلدنا مرت بأحوال و ظروف سيئة ، و لكن هذا لا يعني أنها لم تعد بلدنا ، و صدقيني ستختاريها في لحظة الحقيقة ..

أشكرك على هذا الكلام الجواني ، فلقد مس قلبي كل هذا الحزن النبيل - على رأي فاتيما .

دنـيـا محيراني(ايناس لطفي يقول...

كلنا مثلك يا شمس
ربنا يهون علينا ويهدينا الي ما يحب
سلام يا عزيزتي

الطائر الحزين يقول...

انا كتبت تعليق قبل كدة

من فترة

راح فين

حاله صحية
والحمد لله انك استفدتى منها


بارك الله فيك

الطائر الحزين يقول...

ئانا كتبت تعليق قبل كدة

من فترة

راح فين

حاله صحية
والحمد لله انك استفدتى منها


بارك الله فيك

حبيبـــــــة القمـــــر يقول...

السلام عليكم
اول مرة اجي هنا ومن حسن حظي اني وجدت اللينك عند فاتيما
عزيزتي نمر كثيرا باحباطات في حياتنا لكن كلها ايام وبتمر وبنرجع نقول ياه اخيرا الحمد لله انها مرت

يمكن الفترة دي الاحباطات من كل ناحيه زي مايكون طوق بيلف على رقابنا واحنا سايبنه يخنقنا زياده باستسلامنا بالاحساس دا

وحتى لما بنحاول نخرج من الحاله دي بتبقى محاوله على استحياء وكأن صار فيه الفه بينا وبين اليأس والاحباط فتعودناه

مش عارفه اقولك ايه غير احلمي وعيشي الحلم وخليه هو سبيلك للخروج من رتابة واحباطات الواقع

دمتي بخير عزيزتي
وازاح الله عنك كل هم وفرج عنك كل كرب

آفاق الحرية يقول...

السلام عليكم

والله البلد ده احسن من غيرها
هههههههههههه

المستنصر بالله يقول...

انا اول مره ازور مدونتك حضرتك
احساسك عندى وعندنا كلنا لكن لا يجب ان نفقد الامل ابدا فهو طريق الخلاص
وانا موافق الكل ان الخلاص ميعاده حان
ما شاء الله مدونتك حضرتك هادفه وجميلة
تحياتى

شــــمـس الديـن يقول...

السلام عليكم
الفاضل شهاب الازهر

اكيد الحمد لله علي كل شئ و ربنا يبعدها عنا الروح دي
لانها فعلا قاسية و مدمرة

*************************************
الفاضل مسلم من مصر

تحياتي لاول مرة تزور فيها المدونة و ان شاء الله مش تكون الاخيرة

معك حق و بجد المرء قليل بنفسة كثير باخوانة

و بجد الواحد مش بايدة و الله لكن الاستعانة بالله و التفكر بعمق و محاولة اشراك اخوه حقيقيين مثل ا خواني في التدوين بجد بيخفف عن الواحد جامد اوي

و معك حق لابد ان اعيد قراءة كتاباتي القديمة
و جزامكم الله خيرا علي التعليق المميز :)

***********************************
الاستاذ الفاضل احمد كمال

:)
انت احساسك عالي بجد
بس مع تصحيح بسيط اني فقدت القدرة علي البكاء و كانت لحظة البكاء دي جت بعد فترة كبيرة اوي و مش قادرة ابكي تاني
تقريبا جتي نحست

و شكرا علي التعليق الجميل الراقي اوي
دمت زائر دائم للمدونة :)

***********************************
العزيزة الغالية دنيا

ربنا يفك عننا كلنا و يهدينا و يقربنا منه و يبعدنا عن انفسنا

خالص التحية
***********************************
الفاضل الكريم الطاشر الحزين

للاسف موصلنيش تعليق منك و انا زعلانة انه موصلش :(

طيب ياريت تقوللي ملخص اتكتب فيه ايه
و بارك الله لك المرور الكريم

***********************************

حبيبة القمر

فاتيما دي بجد عاملة معايا احلي واجب

هو اكتر شئ بيصبرنا ان حالة الاحباط دي حالة جماعية مش علي مستوي ا لفرد بس

و الله بجد انا عانيت اوي زمان من الحالة دي و علشان كدا بحاول بكل ا لوسائل اني اخرج منها فورا
اكيد هحلم علي امل ان الحلم يتحقق ولو واحد في المليون

المهم اني اعيش علشان شئ
بارك الله لك و بجد نورتي المدونة

***********************************
الفاضل افاق الحرية

دا تقريبا المثل اللي بيقول اللي تعرفة احسن مناللي متعرفوش ...مش دي بقية السلسلة ؟؟؟

انا اختلف معك في الراي
البلد دي مش احسن ولا حاجة
فيها سلبيات و مزايا
بس انا قرفت منها فعلا

***********************************

الفاضل الكريم المستنصر بالله
نورت المدونة بجد

و ربنا يفك الكرب عننا كلنا
و لكن لازم تبدأ مش نتوقع ان الكرب هيتفك كدا لوحدة

بس هو ايه اللي حان وقته ؟؟؟

خالص التحية اخي الكريم :)

AbdElRaHmaN Ayyash يقول...

اولا ..
ربنا يوفقك بجد و يهدي سرك :)
اعتقد ان افضل حاجة ممكن تتعمل هي تغير الحالة بتغيير اللي بنعمله
اعملي حاجة مختلفة
اما سؤالك .. مصر ... مش عارف رايحة على فين
بس اكيد .. مش متجهه لواقع أفضل

غير معرف يقول...

لم أعد أرفع عيني الى السماء كلما ضاقت الأحوال ...صرت أحدث الله بداخل وأهدأكثيرا بعدها ...
لم أعد أرى الحياه بعينين مفتوحتين لا تريان سوى الظاهر ويختفي عنها كل الأسرار بت سعيده بأكتشاف الأسرار حتى التي تسبب لي الضيق عندها أسعد بأكتشافي للحقائق وهكذا ...
دمت دائما سالمه وبأحسن حال

أحمد أبو خليل يقول...

عندما أكون فى مثل هذه الحالة لا يسعنى فى الكتابة عنها إلا سبيلين :

أن أكتب بواعث الهم " النكد " جنبا إلى جنب مع بواعث البثر ، حتى ولو طغت الأولى على الثانية .

أو أن أتحدث بلسان غيرى أ أو بالضمير الثالث ، حتى لا أصدق أننى فعلا مقهور أو مظلوم ، فأشعر بأنّـ"هم " انتصروا على وألجئونى إلى هذه الحالة ، بغض النظر عن عمن يعود الضمير " هم " فى حياة كل منا .

لن أقول لك الحياة حلوة ، ولن أقول أنها سيئة ، ولكن أقول تذكرى أنك فى معركة ، ومهما جرحت فيجب أن تفجرى بجرحك هذا ، كبطولة لا كانكسار .

غير معرف يقول...

انا مؤمن ان الله تعالى مطلع على الاحوال وسيجعل بعد عسر يسرا ان شاء الله http://anawesa7by.blogspot.com/

Ahmed Kamal يقول...

يا رب ياساتر .. (تصفيق)

يا اهل الله ياللي هنا .. (تصفيق)

هم الجماعة دول مسافرين ولا إيه ؟

طيب أمانة عليكم أي حد يشوف الدكتورة يقول لها عايزينها في موضوع شخصي كده في رحايا العمر بس ماعلش مش حاقدر أتكلم عن التفاصيل لأنها سر ، أو بالأصح مجموعة أسرار ..

محمد عبدالحي بتاع بيطري يقول...

رويت رؤية و علما
شبعت رؤية و حكمة
لكنني
أحس فيك يا مدينتي المحيرة
بأنني أضل من رسالة مغفلة العنوان
و أنني
سأظل واقفا على نواصي السكك المنحدرة
أبحث عن مكان

صلاح عبدالصبور



رغم أن ده مش معتاد عندنا في مصر
بس أنا من سنتين كان جالي أكتئاب شديد
فعملت اللي أنا شفته طبيعي ساعتها ورحت لمعالجة نفسية
و خلال كام شهر كنت كويس جدا

ليه ما تجربيش

الفقيرة إلى الله أم البنات يقول...

حبيبتى..حتما سيلوح الفجر..وله ناسه...صحيح نحن مغلبون
ونسأل الله الانتصار....وربنا يعلم اننا ضعفاء..غير قادرون
ولكن نملك الدعاء

شــــمـس الديـن يقول...

السلام عليكم و رحمة الله و بركاتة

ازيك يا عياش
مش عارفة كلمة يهدي سري دي تتقال للناس اللي متجوزين مش للناس اللي بتواجهم مناعب نفسية و هما لوحدهم :)
عامة ما علينا

اعمل حاجة مختلفة
و الله اعتقد انه اصابني داء اسمة الكاميرا

بجد داء ممتع و بيجعلك تتفكر كتير اوي في العالم و الدنيا اللي حوليك

عارفة انه مش واقع افضل بس بصبر نفسي لحد ما نخرج منها علي خير بأقل الخسائر الممكنه

نورت المدونة
:)

************************************
العزيزة الهام

هو الظاهر قدرنا اننا نكون ممن يعرفوا اكثر و يغتموا اكثر و لكننا سعيدين بهذه المعرفة

دمت بكل الخير و الود و اعذريني علي تقصيري معك :)

***********************************
الفاضل الكريم احمد ابو خليل

اول مرة تيجي تزورني علي فكرة و تسيب تعليق

انا سعيدة اوي بالزيارة دي بعد ال21 عام

و فعلا بجد تعليقك تفكرت فيه اوي و يكفيني شرف ما تتركة الطعنات في
ذكرتني بايام المبارزة الحقيقية حينما كنا نتباهي بالطعنات و اثارها في اجسادنا و تكون كناية عن الشجاعة و الاقدام :)

***********************************
الفاضل الكريم احمد اشرف

ان شاء الله خير و لكن ربنا ييسر ان و يجعله قريبا
خالص التحية علي المرور الكريم

***********************************
معلش يا استاذ احمد لاني كسلت احل الواجب و قريب اوي اوي اوي ان شاء الله اعمله لك بمزاج

خالص التحية وانا عارفة انك مش هتزعل مني علشان واجب اتأخرت فيه

***********************************

الفاضل عبحي ...فخور اني مش بني ادم

علي فكرة انا مش ضد فكرة العلاج النفسي اصلا لاني في المجال الطبي و نشأتي عادي ان يكون فيه مرص نفسي
و لكن انا لم اصل الي الحالة الشديدة بعد حتي احتاج الي طبيب

ان شاء الله لا يتطور الامر و لكن ان تطور فاعدك ان اري طبيب حاذق

خالص التحية علي النصيحة الاخوية

***********************************

الفاضلة ام البنات

بجد انا بيقتلني احساسي بالعجز اكتر ما بيقتلني احساس الضعف ...تخيلي بقي ؟؟؟
انا واثقة في نصر الله و لكن السؤال
هل سيستخدمني الله فيه و لا هيستبدلني

الله اعلم بنيتي و اتمني ان يجازيني كما احب
شكرا علي دعمك

***********************************

خالص التحية للجميع :)