الجمعة، أبريل 13، 2007

فلسفة المال

السلام عليكم و رحمة الله و بركاتة


بما انني انتمي الي الطبقة الوسطي التي كادت ان تنقرض في مجتمعنا الغريب هذا .... فقد املت انه عندما اتخرج ان احقق حلمي في ان اكون ممن يستطيعون تأميل حياتهم و حياة اطفالهم –ان جاؤا - بالمال ... ووجدت اعلان عن صيدليه تريد شريك مستأجر و اخري تريد مشتري للتمليك قيمة الايجار حوالي 450 جنية ... قررت ان اخوض التجربة و اسئل عن التأجير – و ليس عن التمليك - و فوجئت بقيمة التأحير خمس مليون و التمليك نصف مليون !!!!!!

ادركت ان الفروق و الحراك الطبقي في مصر اصبح فعلا صعب للغاية و قولت لاخي انا لو عايزة اني اكسب الفلوس دي بالطريق التقليدي علشان اؤجر صيدلية هضيع من حياتي 21 سنة دون ان اصرف اي شئ و دون يوم اجازة واحد و حتي لو ادخرت هلاقي ان المبلغ تضاعب بمتواليه هندسية بعد 21 سنة !!!!!!!!!!!!!!!!!!!!!!!
رد علي اخري بمنتهي البساطة ... انت قولتي الحل بنفسك ... قولك له كيف ؟ قال لي لا تتبعي طرق تقليدية !!!!!

**********************************************************************
حفل تخرجي من المفترض انه في الفترة القادمة ....
كنت اعتقد انه سيقام في مكان محترم ... نظرا للمبلغ المطلوب مننا 130 جنية ... و لكني فوجئت انه سوف يقام في قاعة الاحتفالات في الجامعة و دون حتي اي برنامج للاحتفال او حتي طعام !!!!! و ان تأجيل البالطو الاسود الذي سوف يحتفل الخريجين به ب 25 جنية علي شكل تأجير ب 100 جنية و يرد 75 عند اعادة تسليمة !

فوجئت ان شهادتي – الكارتون و ليست ما سوف اقدم اوراق تعييني بها - التي دفعت فيها 5 سنوات من عمري غير المال المصروف والتعب و المجهود المبذول فيها ... سوف يبيعونا اياها بمبلغ 90 جنية !!!!! و كأننا بنلاقي الفلوس في الارض ,

يعني بحسبة بسيطة ... 130 جنية في 1800 طالب ما هو عدد دفعتنا ... سنجد ان المحصلة المبدئية 234000 جنية !!! يعني نظريا ممكن اؤجر بهذا المبلغ الصيدلية اللي انا عايزاها .

غير ان المبلغ هيروح لجهات غير معروفة ...هل ادارة الكلية ؟ هل الجهة الغامضة القائمة علي تنظيم هذاالامر ؟؟؟ لا احد يعلم حقا

علي فكرة انا مش ضد اني ادفع حتي الف جنية ... بس مش احس انه بيتنصب عليا بالشكل المهين دا .... انا فكرت فيها بشويه عقلانية ... علشان للاسف لسة بحس بمعاناه الناس في زمن بجد كل واحد بيقول فيه يالا نفسي ... قولت الناس بتدفع عن طيب خاطر مبلغ زي دا ... في شوية هبل و كلام فارغ ... طيب لو حد موثوق منه و قال لك, فيه مريض سرطان في مصر بيموت و حياتة متوقفة علي تمت حقنة ب 130 جنية ؟؟؟ هل تدفع الملبغ بنفس طيب الخاطر ؟؟؟ ولا ايه الاجابة هتكون ؟؟؟
يتبع ---------->

هناك 18 تعليقًا:

النهر يقول...

الطريقة التقليدية - الطبيعية- للتحرك الى أعلى فى هذا الزمن تغيرت الى ........ فتح مخك تأكل ملبن ... سياسة تحت الترابيزة ... الوصولية وهذا يوصل ذاك الى هدفه بعد دفع معلوم و عزائم و خلافه ... و لا يعرف ذلك الا من يجيدون الهمبكة ... و هم فى صعود مستمر ... معذرة ما معنى الهمبكة .. حقيقى لا أعرف لها معنى أو ماذا تعنى ... أما حكاية الشعور بالنصب من جهة ادارة الكلية أو أى فرد فيها ... ماذا يضيرك ذلك اذا كان هناك فرد واحد نصب على شعبنا كله و على رؤوس الأشهاد و بالصوت و الصورة و على الهواء مباشرة للعالم كله ... أخيرا مبروك لك التخرج و مع التمانى بتحقيق كل الطموحات

shabfa2re يقول...

معلش ربنا يوفق حضرتك

غير معرف يقول...

لا تتبعي طرق تقليدية
and
Try to think outside the box

kaed يقول...

العزيزة شمس
أنتى بتفكرينى بنفسى أول ما إتخرجت كان المرتب 160جنية يعنى ما يكفوش قطة
المهم أخذت الماجيستير والمرتب بقى ماشاء اللة 245وبرضة مايكفوش قطة و الدكتوراة فى الطريق و المرتب حيبقى 400جنية وبرضة مش حيكفوا قطة انا مبقوليكيش كدة علشان أجيبلك إحباط ولا حاجة أنا أخذت أجازة من الحكومة والحمد للة ربنا فرجها عقبالك
نصيحتى ليكى فكرى فى السفر وكونى مستقبلك بعيد عن القرف اللى إحنا فية دة

الديب يقول...

السلام عليكم يا شمس ..
تصدقي .. انا برده حفلة تخرجي كانت من اسبوع تقريبا .. وفي الاول طلبوا مننا المبالغ دي .. وبعد شوية نزلوا التسعيرة .. فبقت ب30 جنيه شامل الروب وكل حاجة ..

الحفلة كانت مملة جدا جدا .. بجد ..بس الحاجة الوحيدة اللي ادت طعم هي الناس .. بقالنا حوالي 8 شهور ما شفناش بعض ..

-------
بالنسبة للطرق الغير تقليدية للكسب ..اظن ان خريجي الكليات العلمية كلهم عندهم نفس المشكلة .. اننا مش بنعرف نفكر بشكل غير الشكل العلمي .. لازم نقرا شوية في ادارة الاعمال .. التسويق ..دراسة السوق ..
مع حبة افكار .. ممكن تلاقي انك تقدري تعملي فكرة .. وتسوقيها .. وتبدأي شغلك الخاص ..في المجال بتاعك برده .. بس بشكل مش تقليدي .. وفي الاخر ..الارزاق دي بتاعت ربنا

:)

السلام عليكم

يعقــــوب يقول...

ده شيء طبيعي و من زماااان مش من دلوقت.يعني مش حاجة جديدة خالص...و الخد باله و غير من الطرق التقليدية هو الكسب و التبع العادي اهه قاعد لحد دلوقتي بياخد مرتب قطة على رأي kaed
بس مش معنى طرق غير تقليدية يعني طرق ملتوية و غير شرعية لأ طرق اكتر مرونة وانسيابية ,طرق جديدة و مبتكرة ,,اي حاجة عشان نوفر مرتب يليق بنا كبني ادميين

نورا لارين يقول...

يا بنتى يا حبيبتى النصب المقنع مالى البلد معلش مش قادرة اكتب اكتر من كده المرة دى

Mohamed A. Ghaffar يقول...

هيتنصب عليكى هيتنصب عليكى

شخبطة ملوكى يقول...

بقولك ايه ماتزعليش
روحى و انبسطى و احضرى حفلتك و ماتكبريش الموضوع عشان تعرفى تعيشى
احنا فى بلد بقى كل اللى فيها هليبة و يسرقوا الكحل من العين بس الانبساط و الذكرى اللى هاتفضل معاكى هاتبقى باقية طول العمر
معلش مسيرها تتعدل و ينصلح الحال

ابقى زورينا فى المدونة وفى الفاجومى

تحياتى

خالد وليس بخالد يقول...

سبحان الله
مالكم إذا قيل لكم انفروا في سبيل الله اثاقلتم إلى الأرض

جزاك الله خيرا اختنا شمس الدين
حقيقة احنا بنضيع فلوس كتير ي حاات كتير
ملهاش لازمة...وياريتنا بنثاب عليها
والله انا برأيي..ان الواحد ميصرفشي شلن-خمس قروش يعني-
الا لما يكون متأكد إنه هياخد عليه ثواب..حتى لو هيصرفه على نفسه
لكن...الله المستعان

لمحة بسيطة: اعتقد لو حضرتك اشتغلتي في صيدلية في بداية حياتك..الساعة ب80 جنيه ..يعني حواي 600 جنيه في بداية حياتك
ممتازة جدا..ان شاء الله..
الى ان يوفقك الله اكثر من هذا

شــــمـس الديـن يقول...

الفاضل النهر

مش عارفة هل هقدر اني اتبع هذه الطرق ام لأ ... و لكن اعتقدج انه هناك طرق اكثر جدوي و اقل في التنازل عن الضمير

اللهم امين ...اخققها في حياتك ان شاء الله

***********************************

الفاضل شاب فقري

يا اخي انا مش متضايقة ...انا بس بحكي , الحمد لله رب العالمين ,احسن من غيرنا بردوا

***********************************
الفاضل anonymous

مممممممممممممم
هتعمل لي زي اخويا
ربنا يسهل ان شاء الله

***********************************
الفاضل Kaed

حلو اوي حكاية مرتب القطة دا ...
كويس انك كملت دراسات اساسا .. الحمد لله و الله ,
افكر في السفر ايه بس خلينا واقعيين انا كبنت صعب اني اسيب اهلي و اسافر ... و سيبك بقي من الاستقلالية و الكلام دا انا مقدرش اعيش لوحدي ابدا

المستقبل بيد الله و ربنا يعدلهالنا من عندة

***********************************

الفاضل الديب

ازاي بقي نزلوا التسعيرة ؟؟؟ اعترضتم ولا هما استعبطوا بتوع صيدلة اكمنهم سلبيين بدرجة بشعة ؟؟؟

فعلا الناس هي الاهم

و الله ربنا يسهل .. ادي ا لواحد بيسعي و ربنا فوق الجميد في الهداية لسبيل الرشاد

***********************************

الفاضل يعقوب

انت فهمتني بجد ... فيه توحش في الاسعار ...ربنا يتر عليناف ي الايام القادمة بجد

**********************************

نورا لارين

معلش يا بنتي ... بس احنا مش لازم نقع ضحية للنصب المقنع دا و لازم يكون لنا رأي و صوت

ولا يهمك يا حبيبتي

***********************************

الفاضل mohamed a. ghaffar

لأ ...و هقول لك ازاي ههههههههههه

***********************************

الفاضل طارق المملوك

انا مش زعلانة
و البوست القادم هقول لك انا عملت ايه
لاني ارفض ان يتلاعب احد باحلامي

حاضر ... طلبات حضرتك اوامر علي عيني

اعذرني بس علشان الوقت ضيق للغاية

تحياتي لك و للفاجومية كلهم

***********************************

الفاضل خالد و ليس بخالد

معك حق في كل ما تقول و هي دي وجة نظري بالضبط

حتي لو مش هياخد عليها ثواب بالشكل المباشر ...بس علي الاقل القرش دا يكون رايح في مكانة و معروف هيرجع لنا من وراه ايه

ان شاء الله خير ...بسانااساسا هسيب الشغل لاسباب خاصة بالصيدلية نفسها ... مفيش حاجة بقت مضمونة اليومين دول :)

مع خالص تحياتي

sabrina يقول...

هو ده وبس
ما كل حاجة كدة
من أهيف حاجه بنشتريها لأكبر حاجه!!!!!!!!!
المهم
مبرووووووووووك علي التخرج يا دكتور

eldoctor يقول...

فى ظل واقع مصر الحالى .. اما أن تكون ذئبا لتعيش مع الذئاب .. و اما ان تكون فردا من افراد الشعب المصرى.. !!!!
و للاسف الغالبية .. تعرف الله و تأبى ان تكون من الذئاب ..
المهم ..
مبروك التخرج ... و مش حتفرق حفلة التخرج .. بروب أو من غير ... بس موضوع تمن الشهادة ده جديد .. ايامنا مكانش فيه كده .. وكان تأجير الروب .. ب10 جنيه بس ...

أُكتب بالرصاص يقول...

اللي بيحصل دا نموذجج مصغر للي بيحصل بعد التخرج
واللي حصل في الابتادئي
وهدايا عيد الام للمدرسات
وتزيين الفصل

النهب
والسرقة
وكله بالدستور
والقانون


تحياتي لك
والف مبروك على التخرج
إيديك على سبعتاشر جنيه رسوم دخول للمدونة وترك تعليق

وضـّاح يقول...

السلام عليكم

الموضوع .. أكبر من ذلك

ربنا يعينا

الأسوأ من فلسفة المال في الجامعة .. هي

"فلسفة إذن الدفع"

ربنا يتولانا

حائر في دنيا الله يقول...

شمس
الطرق التقليدية لا تصنع مستقبلا في أيامنا، لا اقصد اتباع وسائل اخري غير شريفة بقدر ما اقصد ان نحاول التفكير قليلا في طرق أخرى للحياة بوسائل مختلفة ولا نركن للاستسلام بسهولة
اعترف معك انها مسألة صعبة وحتى انا الذي سأترك كليتي بعد عناء فيها لا اعرف ماذا انا بفاعل ولكن من الآن ابحث عن اشياء غير تقليدية لاننا في زمان لن يقبل بسهولة الحل
=
وعن الثاني انا لو مكانك لن ادفع شيء وساتفق مع زملائي في جعلها وديا بيننا في مكان ما مع دفع نفس المبلغ ولو في النقابة فبصراحة انا استخسر اي شيء في الجامعة التي طالعين تطلب فلوس نازلين تطلب فلوس ولا نرى تعليم يقابل شيء مما ندفعه مع انه تعليم مجاني
=
وعن مريض السرطان
ساقول لك شيء صرنا لا نأمن الخداع والنصب في كل مكان وعلينا ان نغير ثقافة العطاء عندنا قليلا وان نفعل مثل ما يفعله جيتس واغنياء أوربا وديننا فيه حوافز لتلك الأشياء ولكنها ثقافة شعب الاستهلاكية واللامبالاة بالآخرين

=
مع تحياتي

شــــمـس الديـن يقول...

الفاضلة سابرينا

طيب ... مش ان الاوان اننا نفكر في اللي بنشترية و نشوف هل المال ذاهب لمكانة ام لأ ؟؟؟
هنتحاسب علي كل دا و الله

:)
الله يبارك فيكي
***********************************


الفاضل eldoctor

مش عارفة ... ليا وجة نظر تانية ... ان الواحد ممكن يراعي ربنا بردوا و يكون انسان مسلم , بس مسلم مخربش !!!

مش عبيط

خير ... الدنيا كل مادا بتغلي و بتزيد

***********************************

الفاضل وضاح


هههههههههههههههههههههههه
لي الذراع ادفع ادفع ادفع ...
انت ممكن تقول مش مسامحكم علي اللي بتاخدوة مني ... و انت بتدفع و ربنا فوق الكل :)

***********************************


الفاضل الكريم حاثر في دنيا الله

اعلم تماما قصد حضرتك و اعرف امثلة عملية علي ما تقول ... لكن الواحد مستني انهيتودك في السوق كويس

ان شاء اللهف ي التدوينة القادمة ... هقول لك انا عملت ايه في الحفلة دي و اثبت بالدليل انه من يضحك اخيرا يضحك كثيرا و اني عرفت اتعامل مع البلد دي ازاي و عرفت مناين تؤكل الكتف :)

و الله هي المشكلة ان الثقافة الاستهلاكية و ثقافة الانا بقي ماشية جدا لدرجة ان اغلب او للانصاف معظم الناس نسيت انه فيه ناس تانيين عايشين معاهم ...

اقول لك ايه المجتمع المتقدم منظومة متكاملة و احنا لسة مش كدا للاسف

خالص التحية علي الاضافة القيمة

**********************************

خالص تحياتي للجميع

حائر في دنيا الله يقول...

انبارح شفت اسمك في المصري اليوم منور
قلت افكرك بس بالاتوجراف قبل ما نعرفش حتى نكلمكم
ههه
ربنا يوفقك لما فيه الخير يارب