الأحد، أبريل 27، 2008

ايامي... في شارع دنشواي

السلام عليكم و رحمة الله و بركاتة

تغير مجال عملي قليلا و اصبحت اعمل في صيدلية مستشفي كتكليف ...فلقد قبلت التكليف , طبعا بعد الاستشارة و الاستخارة و بناء علي نصيجة الاهل و الجماهير العريضة هنا و علي الفيس بوك ...

لنتحدث عن صيدلية الصرف الخارجي المجاني ... و لمن لا يعرف فهذه صيدلية في المستشفيات الحكومية , تصرف الدواء بالمجان علي تذكرة الكشف التي هي بمبلغ جنية واحد فقط و لكننا نبيعاها بسعر اغلي قليل


يوجد في الصيدليه ابسط الانواع الموجودة من الادوية , فالمضاد الحيوي الشراب علي سبيل المثال هو نوع واحد فقط و تركيز واحد فقط ... و هاكذا بقية الاصناف
فاصناف هذه الصيدلية لا تتعدي 40 صنف و علي الرغم من ان الاصناف الموجودة في الصيدليات الخاصة لا تقل باي حال من الاحوال عن 5500 صنف :)

و طبعا عندما تتعامل مع هذه النوعية من الجمهور- مرتادي العيادات المجاني - تري وجة اخر لمصر مختلف تماما عما يمكن ان تراه في صيدلية في شارع عبد العزيز فهمي مثلا ....فالسمت العام لهم انهم لا يجيدون القراءة و الكتابة , و للامانه كنت انظر لهذه الفئة علي انهم جهلاء و ليسوا طبين و لا استطيع التعامل معهم ... و لكن الحقيقة عندما اقتربت اكثر منهم وجدت ان الاغلب اناس محترمين حتي و ان كانت ثيابهم بسيطة ... و حياتهم اكثر بساطة و اقل تعقيد و تستطيع ان تنفذ سريعا داخل حياتهم ...

و ما اقابلة من سخرية من الجانبين ( زملاء العمل و المرضي ) انني احب النظام , و اصر علي ان يقف المرضي طابور باسبقية الحضور ... و هذا يقابل باستياء شديد من العاملين في المستشفي ان ارادو صرف دواء الذين يظنون ان عملهم يعطيهم افضليه علي الناس ... فلن انسي عاملة دخلت لي من الباب - و هو غير مسموح - فاشارت اليها ان تقف في الخارج حيث يقف الناس ... و سمعتها و هي تخرج تقول ... هو الناس كمان هتتساواي ولا ايه و رفضت ان تقف في الطابور فلم اعرها اي انتباه الا بعد ان انهيت الجميع ... الظريف ان الناس بدأت تعتاد طريقتي و تقف في طابور للنساء و اخر للرجال - من نفسها - بل و ينهرون من يكسر الطابور , لانهم عرفوا انني لا اعتبر من يزاحم ناصح و لكني اتجاهله للاخر ...

أغلب المرضي يكونوا من الاطفال الذين تصحبهم امهاتهم .. و اي مريض - في اغلب الاحوال - لابد ان يكون معه شخص اخر ... نادرا ما تجد فرد يذهب وحده للطبيب حتي انني رأيت في مرة شخص معاه 4 نساء و رجلين و المرض اصلا بسيط للغاية !!!!

و للاسف مستوي الوعي عند هذه الفئة صفر او او اقل , فمرة اخذت امراه مضاد حيوي شرب - للعلم يتم تحضير اغلب المضادات الحيوية الشرب علي شكل بودرة و يتم حلها بالماء المقطر - و اخذت مع المضاد دواءشرب خافض للحرارة ... و وجدتها تقول لمن معها انت تضعي محتوي هذه الزجاجه - تقصد زجاجة خافض الحرارة - علي البودرة !!! قلت لها لأ طبعا غلط ...تشتري كيس مية من الصيدلية اللي برا بربع جنية و تحلي بيه الدواء..
و هناك امراه اخري سئلتني ...ما هو استخدام هذا الدواء , قولت لها لزيادة الكهرباء في المخ ...لم يبدوا عليها انها فهمت ..فكررت قولت لها لعلاج المخ ... قالت لي و لكني معنديش مخ !!! قولت لها لأ كلنا عندنا امخاخ

من اكثر الحالات التي استرعت انتباهي و جعلتني اتفكر طويلا فيها هي .... امرأة تبدوا محترمة ووقوره , و بعد ان صرفت لها الدواء قالت لي فيما استخدام هذا الدواء ؟ قولت لها مما تشكين ؟؟؟ قالت هل يستخدم في توسيع الشرايين ؟؟؟ عامة الدواء ليس لي انما هو لابني فظننت ان ابنها مصاب بتوع من تصلب الشرايين ... و لكن من عادتي ان اسئل عن ما يعانيه ا لمرء حتي استطيع ان اكون فكرة شاملة عن المرض ... و اذ فجئة اجد شاب طويل اسلوبه غاية في السوء و البلطجة يقول لوالدته ...يامما توسيع شرايين ايه ...انت مبتفهميش ؟
فقالت له اسكت انت خالص و سيبني اشرح للدكتورة ... و قالت لي ان ابنها اخد حقنة و اصابعة شوف تسقط !!!!

لم استوعب كلامها في البداية و صدمت و قولت لها ان تنتظرني حتي انهي بقية الناس و استفسر منها عن الحالة ... وقال لي ان ابنها كان يأخذ حقنه برشام ... و عندما سئلتها ان تشرح اكثر ...انهم يحضروا اقراص دواء و يدقوه و يدوبوه في ميه و يسحبوه و ياخدوه وريد فحدث عندة جلطة في يده فاخذ الطبيب يعطية ادوية تزيح الجلطة حتي تحركت الي عقل اصابعة و هذه العقل اسودت لان الدم لم يعد يصل اليها و سوف تسقط !!!!!
التفسير العلمي لهذا الامر ان حبيبات البرشام لم يذيبوها بشكل صحيح - لان اي طالب في صيدله يعرف ان تحضير اي محلول يؤخذ وريد لابد ان يكون صافي تماما ولا تشوبه شائبه - فحدث ان تجمعت حبيبات هذا الدواء في اصغر الاوردة التي تغذي عقل الاصابع و حرمت من الدم و لذلك ماتت و سوف تسقط قريبا
و كاتنت تحكي و هي غير متأثرة و لكن تشعر بالخزي منه و قالت ان عمرة 24 عام و انهم لم يقصوا في اي شئ معاه لدرجة انهم زوجوه و حضروا له كل شئ حتي لا يشعر بنفقص عن اصدقاؤة - اصدقاء السوء - و قالت لي انه يعمل سائق ميكروباص ..فقولت لها اي انه يكسب كثير ..قالت لي مكله ضايع علي الزفت اللي بيشربوه و الزفت اللي بيضربوه

سمعت كثيرا عن هذا النموذج , و لم ان تسمع شئ و ان تراه بنفسك شئ اخر

هذا ما يحدث بيني و بين الجمهور ... و لكن من اظرف الاشياء التي حدثت من مسؤولين المستشفي ... هو انه ذات يوم دخل علينا الصيدلية مسؤول من المستشفي يقول لنا ... هناك جمعية اسمها " اطباء بلا حقوق " هذه الجمعية قررت ان تسلك المسلك الشرعي و ان تعاين احوال الاطباء علي الواقع ... حتي تعرف معاناه الاطباء و ترصدها عن قرب ... طبعا انتوا عارفين ان ان الجمعية دي ضد الحكومة و احنا مش عايزين نعمل مشاكل مع الحكومة ... و خاصة ان اي حد هيقول اي معلومات عن انتوا بتاخدوا كام او عدد ساعات العمل اد ايه او هل الادوية متوفرة ولا لأ طبعا المعلومات دي حساسة و عسكريه للغاية علشان فرضنا حصلت حرب ... يعرفوا بقي فيه كام سرير في المستشفي و كدا بقي؟؟؟ امن الدولة هيتدخل في الموضوع و لو ثبت ان حد قال اي معلومة هيتم التحقيق معاه ...
قولت له و انا اكتم غيظي ... طيب و لو شوفنا حد من المنظمة الخارجه عن القانون دي نعمل معاه ايه ؟؟؟ قاللي تطلبي له الامنف ورا يا دكتورة ... دا امن قومي ولا يجوز العبث به ... و انتوا عارفين طبعا اننا مظلومين ...و كل الناس عارفين اننا مش بناخد حقنا ...بس مفيش داعي اننا نشتبك مع الحكومة



لا يتسع المجال لذكر كل ما يحدث ...و للحديث بقية ان شاء الله تعالي

من ايامي ايضاً :
ايامي في شارع عبد العزيز فهمي , اخر ايامي في شارع ابو زيد , ايامي في شارع ابو زيد

Blogged with the Flock Browser

هناك 19 تعليقًا:

الطائر الحزين يقول...

وعليكم السلام ورحمة الله

يا سبحان الله العظيم ستجدى مع هذه الفئة وجه أخر لا وجوه أخرى ستستفادى كثير وتتألمى أكثر


الدواء شىء نفسى

يعنى الذى يذهب ليشترى مضاد حيوى ايا كان نوعه فهو حاجة نفسية


يعنى لو انا اخذت هذا النوع من الدواء وواضع فى نفسى ان هذا الدواء سيشفينى سيشفينى باذن الله حتى ولو كان من 400 صنف وليس من 5500 صنف


بارك الله فيك وثبت خطاك

محمد عبد الغفار يقول...

هتكبرى قبل الأوان

Ahmed Kamal يقول...

و الله يا دكتورة الناس الغلابة دول هم اللي ربنا حافظ البلد علشانهم ، لكن جزاك الله خيرا انك تحاولي توعيهم بحقوقهم و تفهميهم أكتر ، لأنك عارفة طبعا الأطباء بيتعاملوا حتى مع الناس المتعلمين ازاي ..

أما بالنسبة لموضوع الأمن القومي ده ، فبانتظار ما ستسفر عنه وقائع مدونتك :)

ياسمين حميد يقول...

حساسة وعسكرية إيه
وحرب إيه؟

الراجل فاكر نفسه سنة كام؟

وبعدين من إمتى المعلومات عن المستشفيات سرية؟ ولا انتي بتشتغلي في مستشفى عسكري؟

آفاق الحرية يقول...

السلام عليكم
ولو ان هذه الفئة اصبحت هي الغالبة في المجتمع المصري
نقول ايه
لاحول ولا قوة الا بالله العلي العظيم

إيمــــان ســعد يقول...

هههههههههههههه


يا بنتى انتى مرصودة و انا باقولك

شكلى ح اقطع صلتى بيكي

يا عميلة

:)

... يقول...

السلام عليكم
أتعجب معك من كلمات المسئول وإن كان العمل مهما كان له أسراره
لكن الطريقة والتهديد فيه قدر من الغباء
علي كل حال خللي بالك
وأتعاطف معك..لما سيفعله بك التعامل مع هذه الفئات..قلبك هيوجعك

خمسة فضفضة يقول...

السلام عليكم ورحمة الله وبركاته

مبروك انك قبلتي التكليف فعلا ده هو القرار السليم والايام ان شاء الله هاتسبتلك كده

اما عن صيدليات المستشفيات والصيدليات عموما دي بتشوفي فيها العجب العجاب بتعدي ليك الدنيا وانت قاعده فيها اشكال والوان من البشر بجد يعني دنيا تانيه وبتقدري تدخلي جوا الناس وتعرفي عنهم وتتعلمي من تجاربهم ده لو انت عندك سعة صدر زي ما هو باين وبتقدري تسمعي بانصات وماتتزهقيش عليهم بسرعه

السنه اللي قضيتها في التكليف دي بجد كانت خصبه جدا كنت زيك في صيدلية العياده الخارجيه وياما شفت وعدي عليا
اما عن العاملين في المستشفي فا بجد حاسه باللي انت قلتيه وعدي علي منه كتير ، بيبقوا حاسين انهم ورثوا المستشفي واللي فيها عن السيد الوالد وبيعتبروا ده حق ليهم انهم ياخدوا الدوا اللي هما عاوزينه ويتحرق العيان اللي جاي متشحطط وقاطع تذكره وواقف في الطابور


بالنسبة لاخينا المسؤل اياه فحسبنا الله ونعم الوكيل


ان شاء الله ايام التكليف تكون سعيده عليك بس حاولي تتغاضي عن متاعب الروتين المعتاده

سلام

غير معرف يقول...

ازيك يا شمس الدين انا اول مرة اكتب رد بس حبيت اقولك ان اسلوبك حلو جدا وربنا يكرمك ويجزيكى خير على مسعدتك للناس ومن خلال شغلى معاكي شوفت اد اية الى بيتعملوامعاكي بيحبوكى.ياريت لما المسؤول دا يجي تبلغينى لحسن انا علي اخرى خلااااااااااااص

شــــمـس الديـن يقول...

السلام عليكم و رحمة الله و بركاتة

الفاضل الكريم الطائر الحزين

مممممم :) و الله ماشي انا معاك بس مش كل تأثير الجواء نفسي ... انا فعلا ببقي متألمة اوي لما بيكون مريض عندي و معنديش له دواؤة الحقيقي و بديله دواء من القرون الوسطي ... ناقص اعمل شوية سحر علشان عارفة ان الدواء مش فعال

ان شاء الله فيه حلقة تانية من المستشفي دي و فيها بدع بجد

هو تملي لما حد بيسئلني الدواء دا هيخففني اقوله الشفاء من عند الله و الدواء مجرد سبب :)

***********************************

الفاضل الكريم محمد عبد الغفار

ليه هكبر قبل الاوان ... مش فاهمة ؟؟؟ :D

**********************************

الفاضل الكريم احمد كمال

اهلا بك في المدونة و ان شاء الله مش تكون زيارتك الاخيرة

انا بقول كدا بردوا ... اكيد حتي لو الواحد في مكان صغير لازم يحس بقيمته و انا اصلا بحب التعامل مع الناس

و ان شاء الله هقوللك علي التفاصيل
اساسا محدش بيقرأ مدونات اليكرتونيه علشان كدا كتبت بحرية

**********************************

العزيزة ياسمين حميد

رغم اني اعرفك و اعرف مدونتك الا انني حقا سعيدة لتشريفك للمدونة

تقريبا الراجل جي من ايام الهكسوس
و اكيد انا شغالة في مستشفي مدني ...مش علشان اسم الشارع دنشواي الذي يذكرك بالحادثة الشهيرة ...يبقي الامر كلة وطني في وطني

لأ طبعا

:))

نورتي التعليق بجد

***********************************

الفاضل افاق الحرية

ما هي الفئة دي اللي لازم تستأصل علشان البلد تنضف

ربنا يستر علينا بجد و علي كل الشباب

**********************************

العزيزة جدا جدا و رفيقة الشطحات ايمان

انا بردوا اللي مرصودة
خلي الطابق مستور

***********************************

السلام عليكم و رحمة الله و بركاتة

يا عزيزتي الغالية
ليست ما تقولين مما يندرج تحت اسرار العمل
لكن عاملوا الناس علي قدر عقولهم ... هو فاكر انه بيستعبطنا لكن اهنا بنضحك عليه من غباؤة

و احسن كلمة صراحة هي ان الحكومة عارفة اننا مظلومين و لكن بلاش نستضم معاها يعني نستني الفتافيت اللي بترميهالنا احسن

فعلا قلبي هيوجعني
و لكن و الله بيدوني امل في الحياة و مهما الدنيا بتضيق بيا ... بحس اني احسن من حد في الدنيا

خالص التحية

***********************************

العزيزة زميلة الكفاح الصيدلي فضفضة

الله يبارك فيكي علي التكليف و لو اني بفكر فعلا اني اسيبة و لكن مستنية فرصة احسن

هو والدي قاللي ان الصيدلية بتديكي نظرة بانورامية علي الواقع

الناس مريضة وواجبي و حسن خلقي و اسلامي اني اكون صبورة عليهم ... دا اللي اي صيدلي لازم يعملة بس للاسف قليل جدا من يعرفوا كيف يتعاملون مع الناس و خاصة المرضي ...

فعلا كلامك محسسني انك حاسة بيا اوي اوي اوي :)

اكيد هتغاضي ما دي ضريبة اي شئ كويس
نروتي بجد المدونة اختي العزيزة

***********************************

السلام عليكم و رحمة الله و بركاتة

ازيك يا هبه
انا مش مصدقة انك اخيرا تعاطفتي و علقتي عندي

بجد النا مبسوطة اوي

و ربنا يكرمك بجد انت اللي كلك ذوق و انا سعيدة اني اشتغلت معاكي فترة
و اكيد لما يجوا هقوللك :)

في حفظ الله يا قمر

اسلام صديق يقول...

ههههههههههههههه

المفروض تبقي عندك سعة صدر اكتر من كده

انا ف ستة طب وبشوف بلاوي

بس موضوع الواد المدمن ده سببه ان حقن ف الشريان مش ف الوريد

Monzer يقول...

احنا كتار قوى يا شمس

المتعلمين كتير والأميين كتير

الى فى المستشفيات الخاصة كتير والى فى العام كتير

الاغنيا كتار والفقرا كتار

بس بنتفق لما حد بيروح للدكتور لازم ياخد حد تانى معاه يخفف عننه

وربنا يوفقك ان شاء الله

صحيح التاج باه عبارة عن عشر أسئلة بتدور فى الذهن

فانتى الى بتألفى أسئلة التاج وغالبا مش بيبقى ليها إجابة

تحياتى يا فندم

حائر في دنيا الله يقول...

من فترة كان عندي علاج معين يجب أن في مستفى الجامعة
وكنت أتعامل مع تلك الفئة باستمرار ،، ناس بسيطة جدا وللأسف مهدر حقوقها بشكل بشع جدا جدا
هي لا تريد سوى حق بسيط وهو ان تحيا بأقل قدر من الألم والحكومة تصر على ان تعطيهم هذا القدر البسيط بمعاناة كبيرة
لنا ولهم الله

بس عجبني اوي الدكتور اللواء
خلي بالك انتي بس بدون خوف ولا تهور


السلام عليكم

سبهللة يقول...

شدنى اسلوبك من اول كلمة لاخر كلمة
تحياتى وبالتوفيق ان شاء الله

son's egypt يقول...

السلام عليكم
صحبة السوء
فلينظر احدكم كم يخالل

yamen يقول...

السلام عليكم

مش عارف لو كانت استشارتك في موضوع قبول التكليف كانت وصلتني كنت هاقولك ايه..
علي اي حال اللي حصل حصل وكلها كام شهر وهاتكتشفي خدعة التكليف بنفسك

ثانيا بقة موضوع التدوينة

انا برضه غلطت نفس الغلطة من فترة وقبلت التكليف وكان في مكان مشابه للي انتي فيه وقابلت ناس زي دول وحصلت مواقف زي دي
بتبقي خبرة كويسة في حياتنا اننا نقابل النوعيات دي من البشر
اللي مانقدرش نعيش حياتهم ابدا
(وده من كرم ربنا علينا)
انما بيبقي مفيد لينا جدا اننا نشوف معاناتهم ونحس بيهم عشان نشوف مجتمعنا
علي حقيقته
عشان بعد كده لما نتكلم عن الوعي وعن الثقافة والكلام ده كله نبقي عارفين احنا بنتكلم عن ايه وعن مين بالظبط

تحياتي

ابن رشد يقول...

على فكرة الفئة دي محترمة جدا و طيبين جدا و هتتعلمي منهم حاجات كتيرة جدا
و هتقابلي فيهم الغير محترم لكن قلائل جدا
اتمنى انك تتعلمي منهم حاجة فعلا تأثر فيكي

غير معرف يقول...

جزاكم الله خيرا ،



ذكرني اعتياد الناس على النظام الجديد


اعني الوقوف في الطابور في صفين

و نهرهم لمن لا يتبع النظام

رغم انهم كانوا كما فهمت قبلها بفترة قليلة يتعجبون من هذا النظام

ذكرني هذا بنظرية ادارية

تدعى نظرية القرود الخمس

يبدو انها لا تنطبق بحرفيتها على اي شعب كما تنطبق على الشعب المصري

الذي يحسد على تاقلمه و النقياده السريعين خلف كل جديد

حسن ام ساء

دون ان يكلف نفسه عناء فهم الاسباب

شــــمـس الديـن يقول...

السلام عليكم و رحمة الله و بركاتة

الفاضل الكريم الافغاني

نورت المدوة و عقبال كل مرة كدا

بس هو انت شايف اني صدري ضيق علشان يكون عندي سعة اكتر من كدا ؟؟؟
و بعدين انا مفهمتش ايه النظرية بردوا
الحقنة لما تيحي في شريان ايه اللي يحصل يعني ؟؟؟
ياريت تفيدنا بالمعلومات الطبية ربنا يكرمك

***********************************
الفاضل الكريم منذر

الفلد بقت فعلا زحمة ...و الدنيا حررر

و كويس انك فهمتني ايه فكرة التاج لاني فلا مكنتش مستوعبة

نورت المدونة

**********************************

الفاضل الحائر في دنيا الله
فعلا و الله
ناس عايزين الكفاف بجد

و الله هي اجدع حاجة اني لحد دلوقتي مطلعتش الاي دي بتاعي و محدش من الدكاترة الكبار عارف اسمي ا و انا اطلع ايه اساسا

:)
دمت بكل الخير

***********************************

الفاضلة الكريمة سبهلله علي الاخر

شكرا لك علي المرورو التعقيب

***********************************
لالفاضل الكريم son's egypt

فعلا صحبة السوء بقت بلاء ربنا يعافيبنا فعلا منه لان الناس دي بتبقي مبتلاه

ربنا يستر علينا كلنا

دمت بكل الخير
***********************************

الفاضل الكريم يامن

بجد اتبسط اوي لما لاقيتك في المدونة سايب تعليق

بس انت كنت هتنصحني بايه ؟؟؟؟
عامةاحنا فيه لسة و اي شئ ممكن يتصلح و نتدارك خطورتة

لان من الواضح كدا ان التكليف انت حاسس انه مش كويس

رغم اني شايفة انهم مفيد للاطباء علشان الخبرة لكن للصيادلة لأ

و فعلا
لازم الواحد يمر بخبرات زي دي علشان حكمة يبقي موضوعي

خالص التحية

***********************************

الفاضل الكريم شمس الزناتي

فعلا
الشكل الظاهري لا ينم عن خبايا الانسان و الواحد يحاول يصلح الصورة السلبية اللي عندة دي بس الاحتكاك خير تجربة

خالص التحية

***********************************

الفاضل الكريم الموج الطامح

بجد لا تتصور مدي سعادتي ان تعلق عندي
نفحة من الزمن الجميل
و الله شوف

انا مش بعتب علي الناس لان الناس محتاجة تتربي و مفيش قيم اتغرست ...لان مفيش بالتبعية اي حد مؤمن باللي بيعملة علشان يشيع الروح دي

لما اللي بيزاحم هو اللي ياخد - ايا كان اللي ياخدة - يبقي الملتزم هيلتزم ليه ؟؟؟

انا رايي ان المسؤول في اي مكان هو الاهم انه يعلم الناس و يشيع قيم النظام في اي حتة حتي لو كان مجرد موظف بيصرف تذاكر في المترو بس هتلاقي ان القيم العامة تطبق في كل مكان

اعتقدان الامر لا علاقة له بنظرية القرود الخمسة اد ما له علاقة بان الناس لما تجرب النظافة صعب تحب ترجع للغير نظيف

بس بردو ارجع و اقول ان المسؤول هو الاهم

نورت فعلا التعليق

دمت بكل الخير

***********************************

خالص التحية لكل من شارك بالتعقيب