الخميس، ديسمبر 28، 2006

كل عام و انتم بخير و صحة و لحمة و كل حاجة




السنة دي عيد الاضحي جاي في وقت بردددددد جدا


بجد الحج السنة دي هيتمع للغاية لانه هيكون بعيد عن الحرالمعهود عن السعودية - كان الود ودي يكون عندي القدرة و المال اني اروح احج - و بما انهم بيقولوا ان السنة الهجرية بتلف فبعد 33 سنة من السنة دي هيتكرر نفس الوقت ان ذو الحجة هيجي في اول السنة الميلادية يعني يكون فوق ال 55 يعني مش هكون محتاجة محرم معايا بس بردوا مش عارفة هكون لسة بصحتي و لسة عايشة ولا لأ :))




رغم اني اشتغلت و الشغل كويس - يعني المفروض انا مبسوطة - الا اني مش عارفة ليه مش قادرة اتبسط اوي زي زمان ...يمكن من البلاوي اللي في البلد اللي الكيل طفح بيها, من الحريات المزعومة و سياسة الكيل بمكياليين الغريبة اللي بتطبق بغباء




يعني الدنيا قامت و قعدت علشان بضع عشرات من المنتمين للبهائية - و فاكرين انهم مدتهضين علشان قله - طيب فسرولي بقي اللي بيحصل في الاخوان دا عنيني عينك - و المفروض انهم مسلميين يعني علي نفس ملة الناس الحاكمين , و انهم اغلبية ... اي منطق يسيرون به و يحكمون به - لا ادري


حاسة كأننا بقينا في وسية كبيرة ..... المصلحة الاولي و الاخيرة لا تخضع لاي قوانين معروفة الا لفئة تظن انها ملكت البلد و بقي ارث لهم و ان الشعب يعمل عندهم
يعني نفسي افهم هو الامن موجود بس كأمن سياسي ولا المفروض انه يحافظ علي امانابلد فعلا و يوئد الجريمة قبل ان تحدث و تنتشر و تتفشي و تكون كالسرطان الذي استحالة السيطرة عليه رغم انهم لو موتوة من الاول كانوا ارتاحوا !!!!!
بقول الكلام دا علشان مشكلة اطفال الشوارع و التوربينات الجديدة اللي اكتشفوا وجودها في الاسكندرية




************************************************




يوم 6 يناير من المفترض ان تعلن نتيجة هل قبلوا تفعيل "حزب الوسط " كحزب عامل ام لأ ( طبعا اعلم انه لن يقبله ) و لكن خليك مع الكداب لحد باب الداv
**********************************************************




يتزامن هذا العام عيد المسلمين مع عيد المسيحيين (عيد دوبل ) ...و اتمني و ادعوا الله عز وجل الا تحدث مهازل اخري من نوعية ما حدث في العيد الصغير الماضي ... - و لو اني اشك لان البرد قارس - و اعتقد ان الشوارع يتخلوا من المارة بس بردوا مين عارف - و لكن اتمني ان ينزل المدونين الفدائيين الي نفس ارض الاحداث حتي يراسلونا باخر التطورات - لاني عن نفسي لن ابرح بيني حتي لو كنا في عزو الصيف - و نشوف هل الحكومة هتنشر قوات الامن الهمامة ولا هيقدوا في بيوتهم هما كمان عشان البرد !!!!!!!!


**************************************************************

من ضمن من يهنؤون والدي بالعيد دكتور كان ابي علي علاقة به من ايام الكلية يعمل في مركز البحوث الزراعية ...كان والدي يسئله عن احال البحث العلمي الراعي في مصر ...قال له لا يوجد اي دعم او اي تمويلات لذا فالعمل متوقف تقريباالا اللهم من بحث او اتنين و لكن ليس بالحجم المتوقع ... و قال له ايه اخبارك طلعت علي المعاش ولا لسة ...قال : اه بس مدولي و هيمدولي لحد 70 .. الوالد : طيب مش هو احسن انهم يعينوا الشباب الجديد الاوائل خريجي كليات العلوم و الصيدلة و ما شابة ... عمو : انا معاك بس هما فين الشباب الجديد ؟؟؟؟ اخر دفعة تم تعيينها دفعة 84 !!!!!!!!!!!!!!!!!!!! هما بيجففوا منابع البحث العلمي في مصر و عايزين البلد تفضي بجد من الكوادر العلمية ...ومش يمسكها غير كام شحط من اللي معاهم فلوس اللي اسمهم رجال اعمال ...البلد بيتم تفريغها تدريجيا من البحث العلمي الحقيقي اللي هو اساسا التقدم ... من ايام عبد الناصر ما عمل المركز القومي للبحوث و المراكز البحثية و مفيش اي تطوير ليها ولا اتفتحت مراكز جديدة ... مش فالحين بس غير في الجامعات الخاصة اللي هتجيب البلد ورا بجد ... و تابعوا الحديث في كلام يحرق الدم ....

********************************************************



عند تصفحي بعض المدونات , وجدت صور لاحداث العام علي المستوي العام و لكن اعتقد ان اهم الاحداث التي حدثت لي علي المستوي الخاص هو وفاة والدتي رحمها الله ...و تخرجي من كلية الصيدلة ( المفروض يعني ) و زواج ابنه عمل و ابنه خالي و قدوم اول ابناء ابن عمي ...




اعتقد ان السنة الماضية لم تكن باجميلة علي الاطلاق (علي المستويين العام و الخاص ) ...و لكني و نحن علي اعتاب عام ميلادي جديد و في بداية اخر شهر من العام الهجري الذي يوشك هو ايضا علي الانقضاء ...اعتقد ان العام القادم علي مصر سيكون اسواء من الذي انقضي ...لان المقدمات ببساطة تؤدي الي النتائج .




ليست هذه دعوة الي التشاؤم و لكن ادعو الله عز و جل ان تنصلح امورنا من جزورها و ان يستخدمنا الله لرفعة هذه البلد ولا يستبدلنا ...




اللي حد من المدونين رايح يحج او حد قريبة رايح يحج يوصيه انه ياريت يدعلي لكل المدونين و المدونات ...المصريين و المصريات ...المسلمين و المسلمات ,....بكل الخير و السعادة والصحة و البركات ... و ان ينجح الله الطلاب و الطالبات ... و يوفق الله العاطلين و العاطلات ...و يقر عيني العزاب و العازبات بالزيجات الهنئات المطمئنات ...و ان يجعل العام القادم ابيض علي المصريين الشرفاء و الشريفات ... و اسود حالج علي كل اللصوص و الحرامية و الافاقين و المتحكمين في رؤوس العباد و لن استطيع الان سوي ان ادعوا عليهم و لكن سوف اشفي غليلي منهم في الاخرة







هناك 24 تعليقًا:

غير معرف يقول...

الأول انا متشكر جدا جدا علي انك بتهتمي بزيارة مدونتي وده شرف كبير ليه
بس انا زعلان ان مفيش اي موضع خلاكي تسيبي ولو تعليق عليه بالاتفاق او الاختلاف او حتي ادلقي عليه جردل ميه ساقعةوشكرا لكي سيدتي

سابرينا يقول...

كل سنه وانت طيبه و ومتهنيه
واللهم تقبل منا ومنك

غير معرف يقول...

كل سنة وانتي طيبة ي دكتورة :)

Unknown يقول...

كل عام وأنت بخير

وإلى الله أقرب

:)

الديب يقول...

الدنـ ... يا فععــ..ــلا برررررد

بسسس..

كلل سننــ...ــة وانـ ان - تي طييـبة


السلللللام عللــ...يكم

شــــمـس الديـن يقول...

كبير المتشردين

العفو ...هي المشكلة اني بحب اقرأ كتير بس وعد ان شاء الله هبقي اقول اي حاجة ... بس هي ايه حكاية المية الساقعة دي ... هي الدنيا مش برد عندكم بردوا ولا ايه ؟؟؟

*********************************

العوزيزة سابرينا
كل سنة و انت طيبة

********************************

الاخ الفاضل workin' brain
و حضرتك طيب :)
بس هي مدونتك مالها ؟؟؟
********************************

الاخ الفاضل عمرو

كل عام و انت بخير ...شد حيلك في الامتحانات

*******************************

الاخ الفاضل الديب

برد جداااااااااااااااااااااااا

كلللل عامممم و انت بخيررررررررررررررررر

:)))))))))))))))))))))))))))))

مع خالص التحيات :)

إيمــــان ســعد يقول...

كل سنة وانتى طيبة يا شمس

استغلى يومين العيد انك تحاولى زى حلاتى تريحي اعصابك شوية

و ذهنك من التفكير

و كلي لحمة كده و اتغذي

و ربنا يستر يوم 6/1

Ma 3lina يقول...

kol sana we enty tayba

we isa tekon a7'er el 2a7zan we el sana gaya a7sen isa we rabna yktblk el 7'er feha

قاسم أفندي يقول...

الأخت العزيزة شمس
كل عام وأنتي بخير وأنشاء الله تحجي السنة الجاية ومتنتظريش 33 سنة كمان
كان نفسي أبعث لك برسالة تدعوكي للتفاؤل شوية بس واضح أنك كتبتبي مدونتك قبل إعدام صدام
فللأسف مش هأعرف أدعوكي للتفاؤل المرة دي رغم أن محدش بيحب صدام الا أن اعدامه أعطي كآبة اضافية لهذا العيد
كل سنة وانتي طيبة

layal يقول...

كل عام وانتي بخير
وامين يا رب تتحقق دعواتك
ومبروك علي الشغل

غير معرف يقول...

من روزهارت الى شمس مصر ايتها الغالية على جناح يمامة بيضاء تطير اليك امنيات قلبي بعام حلو رغم كل شيءمما يحدث في العالم .الحمد لله على كل حال يا ربة السيف والقلم

غير معرف يقول...

من روزهارت الى شمس مصر ايتها الغالية على جناح يمامة بيضاء تطير اليك امنيات قلبي بعام حلو رغم كل شيءمما يحدث في العالم .الحمد لله على كل حال يا ربة السيف والقلم

http://walashakir.maktoobblog.com/?post=172886#myComments

من البصرة العنقاء الحزينة

غير معرف يقول...

عزيزتي
كل عام وانت بألف خير
وكل عام وانت سعيده
وكل عام وانت تواصلين تدوينك الجميل
نختلف او نتفق أقدرك رغم كل ذلك أراك قريبه وبعيده احيانا من أفكاري ولكنني أفتح مدونتك دائما وأحاول ان نتواصل علنا نجد الحلول التي نبحث عنها انا وانت
ولك العزاء في والدتك وأطال الله بقائها في قلبك الى الابد
أختك

شــــمـس الديـن يقول...

عذرا للتأخر في الرد
------------

بنت سعد
حاضر يا سيتي هعمل بنصيحتك و ربنا يستر و لو اني عارفة الحكم بتاع يوم 6 يناير


*************************

ما علينا
ان شاء الله كما تقولين ... ربنا يبرك فيكي و يعزك

=========================

الاخ الفاضل قاسم افندي

يشرفني حقا ان تكون من احد متابعي مدوني

انا علي فكرة مش متشائمة خالص و لكن كل ما بهرب من الواقع الاليم بيجي يفرض نفسة عليا بسخرية و تحدي ...
عادي بس اكيد لاننا بشر لاوزم نتفاعل مع ما بحدث حولنا من احداث , لكن اطمئن لا تؤثر سلبا في حالتي النفسية

بجد انا اعتبر نمفسي متفائلة جدا
و كل سنة و حضرتك بالف صحة و سعاجة و هناء

^^^^^^^^^^^^^^^^^^^^^^^^^^^^

ليال

مدونتي نورت و زادت العاياد الكتيرة اللي بحتفل بيها عيد انك مريتي عليا ...يا ريت متكونش اول و اخر مرة :)
الله يبارك فيكي

كل سنمة و حضرتك بالف صحة و سعاجة و هناء

##############################

العزيزة روز هارت

اكيد الحمد لله و اكيد هنتغلب علي ما يحدث بقوة و عزيمة و توفيق من الله ...و مادامت الامة فيها ناس زيك و زي كل الناس الايجابيين اللي عندهم مدونات و الليعمر ما صوتهم هتخرسة اي شئ في الكون

"""""""""""""""""""""""""""""""""

العزيزة الهام

علي فكرة بقي ... انا مش حاصة ان احنا بيننا اختلاف كبير اوي زي ما حضرتك فاكرة

لكن عارفة ...حتي لو كنتي شايفة اننا مختلفين تماما في بعض النقاط , اهم شئ هو انه هناك "احترام " للاخر و موضوعية

و حقا كلامك هذا يجعلني اثق في نظرتي و حكمي علي الناس لانك من الشخصيات التي حقا لم اقابلهم و لكني اكننت لها احترام و اجلال كبيرين
و دا كلام مش مبالغة لانك وسط كل من قرأ الخبر الوحيدة التي عزيتيني في والدتي و قولتي كلام حقا اتمني ان تغيش دائما داخلي و داخل كل من عرفها ... رحمها الله و علي فكرة مقالالحرية انا مش ناسياه و لكن هفتح علي نفسي زوبعة قولت اؤجل وقتها الان احسن :)

""""""""""""

في حفظ الله
و مع خالص تحياتي للجميع

غير معرف يقول...

كل سنة و إنتي طيبة
و السنة الجاية تبقي علي عرفات
متقلقيش أدامك خمس سنين علي ما البرد يخلص ربنا ييسر ليكي و لينا و لجميع المسلمين الحج إن شاء الله
بس حلوة أوي حكاية الدعوة للمدونين و المدونات دي

غير معرف يقول...

كل سنة وانت طيبة وبخير
وسلامة

واحد من الناس يقول...
أزال أحد مشرفي المدونة هذا التعليق.
غير معرف يقول...

ربة السيف والقلم
ازيك انا عباس طبعا انتي عارفاني ولا مش فاكرة انا عباس بتاع الوسط

المهم انا معجب بالمدونة

عموما ربنا يكرمنا جميعا انا معاكي برضو في موضوع الوسط انهم مش حايوفقوا عليه بس ربنا يخيب ظننا قادر يا كريم
عموما انا متخييل انهم لو وافقوا يبقوا اغبية وده راي

بس يارب اعمي عقلهم كما اعميت عيون المتربصين برسولك

بس انا مش عايزك تتضيقي لو رفضوا الحزب
ربة ضرة نافعة

وبعدين كل مادى الحزب بياخد مصداقية وناسوا بيزيدوا واكيد ان شاء الله حانتقدم للرمة الرابعة

وساعتها عايزين هممتمك يا جمال انتي وصاحبتك بنت سعد

أُكتب بالرصاص يقول...

كل عام وانت بخير


مقالاتك دايما في الصميم
بس لي ملاحظة واحدة

علشان تسهلي علينا المتابعة والمناقشة يا ريت كل موضوع يكون مستقل بذاته ،
يعني تنزلي كل فكرة في بوست لوحده

لان...الواحد بيبقى عايز يعلق على حاجة ..ولما يوصل لنهاية البوست
بيكون التعليقات كلها دخلت على بعض
وكمان لان كل نقطة بتكتبيها
تستحق تكون موضوع بروحه

شــــمـس الديـن يقول...

السلام عليكم و رحمة الله و بركاتة

اخي الفاضل محمد
هذه ليست المرة الاولي التي تعلق علي مدونتي و كنت اتمني ان اعلم ما هيمدونتك اوكيف عرفت مدونتي علي الاقل

يا رب الدعاء بتاع المدونين دا يكون من ناصيبنا

***************************

الاخ الفاضل الحائر

كل سنة و حضرتك طيب :)

***************************

الاخ الفاضل واحد من الناس

معذرة لا اتذكر حضرتك او عباس
اللي عايزة ربنا هو اللي هيكون و ربنا يعمل اللي فيه الخير

**************************

الاخ الفاضل اكتب بالرصاص

حقا انها لشهادة اعتز بها كثيرا من اديب رحلات متميز مثلك ان تقول هذا الاطراء الذي لا استحقة
و حاضر ان شاء الله المرة القادمة مش هتبع الاسلوب دا في الكتابة ...و هتكب موضوع ذو وحدة واحدة :) لازم تاخد بنصيحة الكتاب المحترفين بردوا :)

كل سنة و انت طيب :)

--------------------------------

في حفظ الله :)

غير معرف يقول...

الأخت الفاضلة شمس
الحقيقة أنا معنديش مدونة
أظن عرفت مدونتك من تعليقك علي مدونة أخري
عجبني أسلوبك و مواضيعك و بس يعني
أصبحت من المتابعين لمدونتك
خالص تحياتي

Tamer Nabil Moussa يقول...

كل سنة وانتى طيبة

ربنا يحقق ليكى كل ما تتمنى

تحياتى

شــــمـس الديـن يقول...

اخي الفاضل محمد

سعدية جدا بحضرتك و اتمني ان اكون عند حسن ظنك و من تظل من متابعي المدونة

--------------------------
اخي الفاضل تامر

مرور طيب عطر ...اتمني ان تكررها و كل عام و حضرتك بخير

Diyaa' يقول...

مصر فيها مبكيات ومضحكات وبلاوي ...متهيألي أحنا نشغل بالنا باللي نقدر نغيره فعلاً
وندعي ربنا في الباقي
وبعدين مبارك بيه جنسيته مبقتش مصرية من زمان وإسلامه بقي إسلام شكلي مش أكتر ...متعتمديش علي كده في استفساراتك بقي
و الشغل أوله بيكون كئيب شوية ...حاجة جديدة وإلتزام مش متعودين عليه
بإذن الله هتتحسن الأحوال
سلام أنا بقي ؟!