الخميس، فبراير 15، 2007

اســــــــــــــــبـــــــــــــــوع

السلام عليكم و رحمة الله و بركاتة


افتتحت هذا الاسبوع بعملية لوالدي ... مية بيضاء علي عينة ... و عملها في معهد حكومي متخصص ... و للامانة المشتسفي كانت نضيفة جدا جدا و الخدمة فعلا متميزة و دا بيثبت نظرية ان الحاجات الحكومية لازم تتصلح علشان تبقي فعاله و متنجة - مش تتخصخص و تتباع البلد زي اللي بيحصل دلوقي - . لان معهد مثل هذا يجتذب خبرات و ليس الموضوع تجاريا فقط و لكن علميا جيد ايضا ... و اعتقد انه مغطي تكاليفة ...




تحدث اعمامي معنا - اخي و انا - عن جانب من الفساد الذي يحدث ... و اكد لي عمي الذي يعمل في هيئة المصل و اللقاح ان مديرها السابق ليس بالسوء الذي اتهموه به و لكن الغلطة التي ارتكبها انه غلط في حد من المقربين من الحاشية الملكية , و تجاوز المسموح ... رغم انه نهض بالهيئة و قبل ما يتفرغ لها - لانه غير متزوج و ليس له ابناء يعني حياتة هي شغله - لم تكن شركة محترمة اساسا ... اشرف علي ابحاث علمية علي مسويات جيدة و ارسل بعثات للخارج .. و اصبحنا في اقل من 5 سنوات في بداية تصنيع الهرمونات من مصادر حيوية ... و كانت الشركة تحقق ارباحا ليست بالقليلة ... والغريب انه في القضية الملفقة له انه لم يتهم اي شخص اخر - رغم انه لا يعمل وحدة في الشركة - الا هو !!!!

عامة الشركة العام الماضي طالعة خسرانة و هما بينمروا انهم يخصخصوها و يخدوا هرمون الانسولين من الشركة اللي من البلد التي تسب الرسول عليه افضل الصلاوات و السلام بسعر معقول لمدة عشر سنوات و بعد كداالناس هتتشوي بجد!!!! اذا كنا احنا دلوقتي مش لاقيين الانسولين الاربعين ابو ستة جنية و نصف و الموجود بس ابو 31 جنية ... حسبنا الله و نعم الوكيل


فرأت علي النت عن ندوة عن التعديلات الدستورية قولت امااروحها لاني صراحة سامعة في موضوع التعديلات الدستورية دا و لكن حتي هذه اللحظة لا اعلم ما هو الذي سوف يتغير بالفعل و الي ماذا سوف يتغير ... و حضرت الندوة و لاول مرة اري جميع التيارات السياسية المختلفة ( القومي الممثل في الناصري - و الاسلامي الممثل في الاخوان - و الليبرالي ) يجمعون علي ان هذه التعديلات نكبة علي بلد ... و لكني حتي هذه اللحظة لا اعلم ما اللي سوف يتم تعديلة ... و في انتظار قراءة بحث يشرح لي تفصيليا المؤامرةالتي تحاك علينا نحن الشعب الغلبان اللي مش فاهم حاجة ... و يا رب بس التعديلات دي لا تتم الا بموافقة الشعب و ساعتها انا و لاول مرة في تاريخي هروح اقول رأيي اني ارفض ما يحدث


من ضمن اهخدافي التي عاهدت نفسي قبل ان ابدأ في العمل كصيدلانية ان اكون دكتورة - بتفهم - لانه فيه مقولة شائعة ان الستات مش بتفهم حاجة !!! فانا قررت اني اعمل علي قدر ا لمستطاع اني اكثب ثقة المريضات - لانهم اكثر من الرجال ما لا تثق في النساء و نفسي افهم ليه - و اقدم مثل لدكتورة مسلمة بتفهم ... و الحمد لله اخيرا اتنين علي يومين دخلوا و شكروني اني قولت لهم علاج و طلع صح ...و اني داكتورة بتفهم !!! دا بجد مخليني مبسوطة اوي اليومين اللي فاتوا ....


من اغرب الاشياء التي قابلتها ... طفل صغير " بتاع سنة و نصف " و بديلة حقن ... مشكلة الاطفال مع الصيدلية انهم مجرد ما يعدوا ادم الصيدلية يبتدوا يعيطوا علي اساس ان الصيدلية دي = حقنة = الم = الكثير من البكاء و العويل

اما هذا الطفل ...فبع ما بياخد الحقنة و نوبة البكاء تخلص - عكس كل الاطفال - يقعد يضحك لي و يرسل لي قبلات في الهواء و يعمل لي وداعا بيدة !!!! نفسي افهم اشمعني الولد دا !!!! حاجة غريبة


كمان من ضمن الحاجات اللي هتجنن و افهمها ... في زبالين بيعدوا علي الصيدلية 3 مرات في اليوم !!! واحد العادي و التاني اللي بتع الكهرباء و الثالت اللي تبع المحافظة ... و مع ذلك الشارع مليان ورق و كراتين و غير نظيف , نفسي افهم بجد ازاي دا


هناك ايضا رجل عجوز ... و الرجال العواجيز لما بتتكلم بتتكلم عن السياسة - عكس النساء اللي بتتكلم عن مشاكلها الاجتماعية - مصر ان الفقراء هما اللي هيدخلوا النار و انه الاغنياء كويسين و هيدخلوا الجنة ... و ان اللي بيتعاون مع اسرائيل صح و مالة لان حكومتنا بتهب اكتر ... و اكتر من دا و دا مصر اني مش مصرية و اني دخلية علي الجنس المصري الاصيل !!!! انا الناس اللي زي دول صراحة بحب اسمع لهم بس و مشاتناقش معاهم لانه شايفينا الجيل التلفان اللي بيجادل و خلاص و معندوش اي خبرة ولا فاهم اي حاجة ... بس رجل مجملا طيب و بيشتري دواء كثير :)


من ضمن العادات التي لم ارها من قبل ... اعلان عن الميت في ميكروفون الجامع ... و قدرا توفي عدة اشخاص لم يخلوا هذا اليوم من صلاه علي متوفي في كل فرض


اما من الحاجات الغريبة ايضاُ , مرور عربية كارو بميكروفون - مثل الروبابيكيا - و تنادي علي ملح !!!! لم اسم قط من قبل علي ملح يباع سايب هاكذا ...


امس حضرت خطوبة واحدة من انتيماتي الثلاثة ... ( واحدة اتخطبت امس و التانية مخطوبة و التالتة زيي تمام ) و كانت فرصة رائعة اني اشوف ناس كتيرة اوي مش بشوفهم غير في المناسبات الرسمية ( الافراح و المياتم ) ... كأن الدنيا بتاخدك في موال لوحدها و بتنعزل و بتتقوقع علي نفسك و مش تفوق عير علي دول ... ما علينا دا حال الدنيا و لكن قريبا هنغيرة !!!!!


والدي علي فكرة الحمد لله بقي كويس جدا و العملية نجحت و بيقول انه رجع احسن من زمان بكتير ... شكرا لكل من دعي لي :)



هناك 19 تعليقًا:

غير معرف يقول...

بجد اول مرة من زمان الاقي حد في حاجة عجباه مش هتكلم عن بقيت البوست بس بجد انجاز

karakib يقول...

الف حمد الله علي سلامة والدك
هو دايما اللي بيحب يعمل حاجه عدله في بلدنا او يطلع بشيء جديد قوي و ناجح نرميه بالطوب زي حسن فتحي المعماري اللي يصنف أحد اهم 10 معماريين فالعالم لما كان عايز يبني مشروعه في مصر ... فشلوه مرتين بطرق كثيره
اما عن الزبالين
فدول واقفين يشحتوا مش يلموا زباله
شيء حلو انك تكوني دكتورة و فاهمه لأن ده مهم أوي
الولد الصغير اللي بيعمل لك باي باي ده أكيد بيحيبك :) معجب يا شمس

غير معرف يقول...

الف مبروك لنجاح العملية بتاعت السيد الوالد.
وربنا يشفى كل مريض ان شاء الله.
ومتفق معاكى ان فى جانب من الاهمال المتعمد للمعاهد الحكومية وللاسف مش عارف مين اللى مستفيد من الكلام ده.

طيب ياستى صحيح يعنى الراجل بتاع
المصل واللقاح فعلا محترم وفعلا عمل انجازات؟ أمال الوزير بيهاجموا ليه؟

على كل حال وزير الصحة الجديد مش عاجبنى برضه - كان فى يوم من الايام فى مجلس ادارة مستشفى دار الفؤاد- انما شكله مش كويس انما برضه ده رأيى الشخصى

وبمناسبة موضوع الانسولين -ياترى المركز القومى للبحوث بيعمل اى حاجه ولا مالوش لازمه؟

أما عن السياسة للأسف مافيش فايدة اللى الحكومة عايزه تعمله هاتعمله
هى عايزه تمرر التعديلات الدستورية اللى أهم نقطه فيها انها تلغى قيام الاحزاب على اساس دينى وده طبعا عالشان تستبعد الاخوان والوسط.

ياستى حسب ماقريت فى الاهرام مافيش غير اتنين بس اللى رفضوا التعديلات
الاخوان والتجمع وجرايد المعارضه والمستقلين بتقول ان الوفد باع القضيه نظير ان الحزب الوطنى يدي ليه اماكن والله أعلم...

المفروض أن الكل يرفض التعديلات مش الاتنين دول بس أنما مين الى هايوفق قدام الحكومة؟

اما موضوع كونك بتفهمى ومين قال ياستى ان الستات مش بتفهم؟

شوفى وجهة نظرى ان الست بتبقى كويسه جدا وبتبقى شاطرة جدا كمان لحد قبل الجواز بعد الجواز لا يمكن ابدا بتبقى زى الاول.
وده عن تجربة يعنى
انما ماحدش قال ان الستات مش بتفهم
وبينى وبينك رئيستى فى الشغل واحده ست أراشنه. وبتفهم انا جاى ليها ليه من قبل لما أقول

نيجى لموضوع الراجل العجوز والفقراء والاغنياء فى حديث شريف للرسول "اللهم احشرنى مع المساكين" وده معناه ان غالبا الفقراء اللى هايدخلوا الجنه
بس اصلا دخول الجنه مش مربوط بالفقر والغناء انما مربوط بالاعمال الصالحة والقرب والبعد من ربنا
بس هو فى حديث تانى برضه ان ربنا بيجازى الغنى ضعف الفقير لأن الغنى عنده فرصه انه ينحرف انما مش بيعمل كده خوفا من ربنا بينما الفقير مضطر انه يمشى مضبوط عالشان ماعندوش خيار
وعلى كل حال دخول الجنة دى حاجه بتاعت ربنا مش بتاعت اى حد من البشر
وهى أولا وأخيرا مربوطه بالقلوب
اللى ربنا هايثبت قلبه على الايمان هايدخل الجنه اللى ربنا هايزيغ قلبه هايدخله النار
يعنى كله فى أيد ربنا مش فى أيد أى حد خالص

أما بقى عن موضوع الجنس المصرى هو فى حاجه اسمها جنس مصرى؟
دى عايزه واحد بتاع علم أجناس عالشان يفتى فى المواضيع دى
وفوتى - مش لازم تعلقى على كل اللى تسمعيه

وياستى مش كنتى تعزمينا على الفرح؟
عقبالك ياستى لما نحضر فرحك
والف سلامة لعيون السيد الوالد
ودمتم فى رعاية الله

AbdElRaHmaN Ayyash يقول...

:) ألف حمد الله على سلامة عمو
سلامنا له
الاسبوع واضح انه كان حافل
مبروك لأنتيمتك
وطبيعي ان الملح يتباع سايب
البلد كلها بتتباع سايبة
هتيجي على الملح يعني
فعلا تدوينة جميلة
سلام

قاسم أفندي يقول...

حمدا لله علي سلامة الوالد
مبروك لصديقتك وربنا يتمم لها بخير وانشاء الله قريبا جدا نقولك انتي كمان مبروك
وفقك الله

bastokka طهقانة يقول...

الف سلامة للوالد
---
التلاتة اللي بيعدوا بيعدوا علشان يقبضوا اخر الشهر مش علشان ينضفوا
---
اية رايك تكتب عن فكرة واحدة واحدة
لاني حاسة ان البوست زحمة

اوروفوار
طهقانة

يا مراكبي يقول...

طبعا أنا بأشكرك على زيارتك لمدونتي يا دكتورة لأنك بسبب الزيارة دي عرفتيني على مدونتك الثرية دي

البوست ده مثلا شامل حاجات كتيرة .. أحسدك على التركيز العالي ده في كل الموضوعات دي جوه بوست واحد

وعموما .. السياسة زي الشخصية .. لا تتجزأ

يعني حالة التدهور اللي البلد فيها دي حالة شاملة بتمس كل ما يتبع النظام بكل طبقاته ودرجاته من فوق لتحت .. ده ملخص الحال في بلادنا

عموما تحياتي وبأتمنى ألاقي الوقت اللي أقرأ فيه باقي المومضوعات

شــــمـس الديـن يقول...

السلام عليكم و رحمة الله و بركاتة

كبير المتشردين

ايوة ... مش لازم علي طول الخط نرتدي النظارة السوداء ... الواحد لازم يكون موضوعي ...

شكرا علي الاطراء الذي لا استحق

***********************************

هاني جورج

الله يسلمك ... الحمد لله بس هي المشكلة ان عين والدي بني و العدسة اللي ركبوهاله سوداء ... بقت عين اغمق من عين بس مش مهم :)

و فعلا معاك حق ...البلد دي بتحارب الناس الكويسة متفهمش ليه !!!!

لأ دول مش شحاتين لانهم معاهم عربية زبالة و بنديهم الزبالة و بيكنسوا ادام الصيدليه كمان !!!!!!!

معجب !!!! حلوة دي بجد ..دا مكملش سنتين حتي ...اش فهمة
نورت المدونة

***********************************
حسن محمود ... مشكور علي مرورك و تعقيبك المفصل

الله يسلمك و عقبال العين التانية ان شاء الله بعد كام شهر كدا

بيهاجمة يا سيدي لانه غلطوا في بعض و تعدي حدودة و تجاوز الحطوط الحمراء معة
فحب يعلمة الادب ... بجد موضوع كبير

عامة انا لم يعد عندي ثقة في احد تبع الحكومة ابدا ... ازمة حكومتنا هي ازمة ثقة بجد مع الشعب

المركز القومي للبحوث يا سيدي بيتم تفيغة من الكفائات زيية زي كل المراكز البحثية - مركز البحوث لزراعية اخر دفعة من اوائل الكليات العملية اتعينت فيه كانت دفعة 84 !!!-اللي انشئت ايام عبد الناصر و لم يفتتح غيرها حتي الان

يعني فعلا الدكاترة اللي في المركز لا حيلة لديهم لانهم بيطلبوا تمويلات و محدش سائل فيهم و حتي اللي بيشتغل بيشتغل كجهد ذاتي و ففردي دون اتجاه عام للدولة و لا يتم الاستفادة من هذه الابجاث ... لاني اعرف ناس شخصيا هناك و كفائات عاليه و لكن لا يوجد استفادة حقيقية من هذه الثروة

موضوع ان الستات مش بتفهم ...دي بجد عقيدة عن النساء الشعبييات مش الرجال... و مش فاهمة دا يعتبر ازدراء للذات مثلا ولا اسمية ايه بالضبط :)

يا سيدي الفرح كان يساع من الحبايب الف ... و بجد احلي حاجة انه بيجمعنا ... دخلنا في النسق المصري اللي بيتجمعوا في الافراح و المياتم بس

تعليق متميز ...دمت في حفظ الله
***********************************

عبد الرحمن عياش
الله يسلمك

حلو تعبير البلد اللي بتتباع سايبة دي ....

بجد معبر اوي
دمت بكل الخير
***********************************
قاسم افندي
الله يسلمك

هههههههههههههه
انا متعقدة من الجواز و شروطي تقريبا مش موجودة فعلشان كدا مش اوعدك انك هتقولهالي قريب :)

دمت بكل الود
***********************************
بستوكة

اولا مرحبا بك في المدونة و اتمني ان لا تكون هذه زيارتك الاخيرة ...

مدونتك علي فكرة حلوةاوي

حاضر ... بس المشكلةان كداالمتدوينات هتكتر و محدش هيدخلها كلها

دمتي بكل الخير
*********************************

يا مراكبي

الله يكرمك و يارك لك ...علي هذا الاطرائء الذي لا استحقة ...و انت فعلا مدونتك جميلة و عارفاها من مدة بس الوقت لا يسعفني اني اقرأ و ارد ...

و فعلا السياسة لا تتجزأ ...و بحس انها داخله في كل حاجة حولينا
و يا رب تلاقي الوقت و مستنية تعليقاتك عن كل البوستات اللي موجودة ...

دمت بكل الخير
**********************************

مع خالص تحياتي للجميع :)

yamen يقول...

الف الف سلامة للوالد |..
ربنا يديم عليه الصحة

بس اقولك علي حاجة مخلياني مستغرب جدا

ازاي انتي فضلتي فاكرة كل الحاجات دي لغاية اخر الاسبوع

انا شخصيا لما اليوم بيخلص واحط راسي علي المخدة بيحصل عندي مسح اوتوماتيكي لكل حاجة..و تاني يوم باحس اني اتولدت من جديد وهكذا يوميا

عموما هيه كانت ملاحظات علي صغرها انما فيها معاني كبيييرة اوي

اشوفك علي خير

Ma 3lina يقول...

salmet ur dad we alf 7amd alah 3la el salam

at last la2ina 7aga 3edla feky ya masr

غير معرف يقول...

حمدا لله على سلامة الوالد.أنا بصراحة أول مرة أسمع عن حد بيشكر في مكان حكومي,بس لو كلامك ده صحيح !كده نبتدي نتفائل لحال البلد مع إن دوام الحال من المحال.و كمان البوست جميل و موضوعي و معبر ,أما بخصوصك دوام الحال مش محال إن شاء الله

غير معرف يقول...

حمدالله علي سلامة الوالد
شفاه الله و عفاه
عموما في أماكن حكومية كويسة بس كلها بجهود شخصية مش بغرض من الحكومة
لأن بلدنا بقت بتتحرك حسب المصالح الشخصية المادية فمبقاش في لازمة لأي جهة حكومية إنها تتطور
ده اللي إتعلمته لما إشتغلت في الحكومة لفترة
موضوع الدستور ده إنسي إنك تفهميه أعتقد إن الغرض منه إن محدش يفهم حاجة

و ألف مبروك صحبتك و عقبال كل اللي متجوزش

محمد عبد الغفار يقول...

أسبوع مزدحم ، والف سلامه لبابا ومبروك لصديقتك

اروي الطويل يقول...

الف سلامه لباباك ويارب الشفا لكل مرضى المسلمين

شــــمـس الديـن يقول...

السلام عليكم و رحمة الله و بركاتة

الفاضل يامن

الله يسلمك ...

ازاي فضلت فاكرة !!!!
انا مش بعمل مسح ذاتي للذاكرة , زمان كنت بعمل كدا علشان كنت ببقي عايزة انسي احداث بأكملها في الحياة ... لكن الان عرفت ان هذه الطريقة ليست صحيحة في جميع الاحوال

دمت بكل الخير
***********************************


الفاضل يعقوب

الله يسلمك
ايه المشكلة !!! لازم زي ما بنشوف الغلط نشوف الصح ... انا بحب الانسان الموضوعي اللي مش الشكوي تبقي طبع فيه زي معظم المصريين

دام حال ايه اللي مش محال ؟؟؟ يعني بتاعة البلد و فهمتها ...لكن ايه التانية دي

دمت في حفظ الله

***********************************
الفاضل محمد

الله بسلمك

فعلا ...الموضوع مجرد جهود فردية لكن ليس اتجاه للدولة و غالبا الكويسين مش بيفضلوا علشان متفسدش الصورة التقليدية لفساد الحكومة :)

الله يبارك فيك

***********************************

الفاضل mohamed a. ghaffar

الله يسلمك ... الله يبارك فيك
مرور كريم :)

***********************************

الفاضلة اروي الطويل
اولا مرحبا بك في المدونة و اتمني ان لا تكون الاخيرة

الله يسلمك يا اختي و شكرا علي شعورك الطيب

***********************************

في حفظ الله

غير معرف يقول...

أنت تذكريني بنفسي عندما ألاحظ الاشياء وأحالول أن أجعل لها مذاق خاص بها
سلامات لوالدك الكريم وأما الدستور من خلال خبرتي والتي ليست طويله ولكني أقيس بها بعض الامور الدستور لايعدل أو يتغير الا لاجل فائده السلطه الحاكمه ثانيا وهو الاهم الدستور عندنا ورق في ورق والتعديل هو مرجعيه عند الرجوع للورق ولآعطاء الظلم شرعيته
تحياتي

النهر يقول...

ألف سلامة للوالد،كان أسبوع حافل بالمشاغل ، أما الملح السائب فيباع هكذا على مدار التاريخ ،و طول عمرى أراه يباع هكذا

شــــمـس الديـن يقول...

السلام عليكم و رحمة الله و بركاتة

العزيزة جدا الهام

الله يسلمك
اكيد ... الواحد لو معملش كدا مش هتكون للحياة اي معني ولا لون ولا حتي طعم :)

بس سيبك انت ... اجمل كلمة انت قولتيها ؟( اعطاء الظلم شرعية ) قمة التجبر و الجباروت حقا !!!!!!!!!!!!!!

اقول اي حسبنا الله و نعم الوكيل و ربنا علي الظالم و المفتري

***********************************

الفاضل الكريم nagah

الله يسلمك

الملح طول عمرك بتشوفة بيتباع كدا !!!!!!!!!!!!!!!!!!!!!

سبحان الله انا عمري ما وعيت علي الملح غير بتاع النصر للملاحات و كوكس و اخيرا الملح المستورد بتاع السعودية ( اصل بحار مصر بقت عذبة و بطلت تجيب ملح )
كويس و الله ...معلش علي قلة المعلومات العامة !!!!

***********************************

دمتم بكل الخير

سابرينا يقول...

ألف سلأمه علي بابا يا شمس سلمي عليه