الخميس، أكتوبر 11، 2007

حدث في مثل هذا اليوم


السلام عليكم و رحمة الله و بركاتة




و احنا بنودع رمضان ... بسعدني ان اقول لكم معلومة قد تخفي عن الجميع ...




انه و في مثل هذا اليوم من العام الماضي خرجت هذه المدونة لارض النت :)





السنة مرت بسرعة عجيبة اوي !!!! مش ممكن بجد

كأنها الشهر اللي فات , اتذكر ذكريات طازجة كم كنت محجمة عن عدم فتح مدونة ... لم يكن عدد المدونات وقتها بمثل هذه العدد الان , و كانت الساحة محتكرة علي فكر معين فقط ... و فولت ما الجديد الذي سوف اضيفة ... لان خبرتي ان ذاك علي عالم النت كانت مقتصرة فقط علي المنتديات - او للدقة هو منتدي وحيد بتاع دفعتنا اللي في الكلية و لما كلنا اتخرجنا محدش بقي يدخلة - فكانت الخطوة الحاسمة بتحميس صراحة من العزيزة ايمان سعد ... و فتحت المدونة في 10 اكتوبر 2006 ... ما بين مشجع و محبط ... و لكن دائما التطور الطبيعي للاشياء بيأخذ مجراه . .. م

لا انكر ان التدوين فرق معي كثيراً , اعتبرها اساسا خطوة اساسية في حياتي الفكرية ,فاسلوبي الادبي تطور كثيرا جدا بفضل الله اولا و التدوين و ممارستة و تعليقات اخوتي - و ليس القراء - تطويرا كبيرا جدا حتي ذكر اسم المدونة في عدة مواقع , مع التدوين شعرت ان هذا الوطن مازال بخير , و ان الجيل الجديد فعلا فيه امل و انه فيه ناس كتيرة زيي كتير حتي لو انا مش عارفاها المشكلة اننا مش متجمعين و ان هناك علاقات انسانية راقية تربط اغلب المدونين حتي و ان كان تجمعهم قليل او لا يحدث علي الارض الواقعيه و من الي كل جمعتني الظروف بهم- سواء واقعيا او في العالم الافتراضي - اشكر الله ثم التدوين ان عرفني بهم لانه لولا هذا الوسط الراقي لما تعرفت علي هؤلاء و لن اخص احد بالذكر لاني اكن للجميع التقدير و الاحترام البالغ ...

تعلمت ايضاً ان اتقبل الاخر و ان ادرك انه هناك طرق كثيرة للتفكير و المعيشة غير طريقتي و هي ايضاً صحيحة و لكن لكل انسان ما يناسبه و تعلمت ايضاً ان احترم الجميع ان لم يخرجوا عن الاداب العامة , و ان اتقبل وجود اخرين حتي و ان اختلفوا معي اختلافا صارخاً .... فقط أن اكون مثلما انا ...احاول ان اطور من نفسي دائما و ابحث دائما عن اجابات لكل ما هو مطروح حولي ... و ان اعمل عقلي دائما قدر ما استطيع في كل ما هو حولي ... و تعلمت ايضاً ان اكون موضوعية محادية ... و ان لا اصدق الاعلام لانه موجة ... و انه لا مصدر لمعرفة الحقيقة سوي بنفسي لان من طباع الشعب المصري التهويل و اضافه وجهات نظر شخصية لاي حدث و عدم النقل بحيادية ... نعلمت ان التأمل نعمة كبيرة , و يستحق الاخرون ان اشاركهم في تأملاتي و خواطري .. و جعلني هذا اكثر هدوئا و موضوعية و انظر للأشياء بنظرة شمولية اكثر ...

و بهذة المناسبة اشكر كل من قرأ و لم يعلق و لكل من ساهم و لو بتعليق واحد فقط علي مرة هذا العام في هذه المدونة لانه - حقاً - لولا التعليقات لاغلقت المدونة منذ امد لانه و من ضمن الاهداف ان اشعر بالتفاعل بيني و بين من يقرأ و ان اعرف انه مازال هناك حمهور يقرأ و يكتب ...

و انتهز هذه المناسبة ان اهدي لزائري المدونة التصميم اللي فوق و دعوة حلوة في اخر يوم - احتمال يكون ليلة قدر - في رمضان ... ان ربنا يغفرلنا و يرحمنا و تعتقنا من النار و يرينا الحق حقا و يرزقنااتباعة و يرينا الباطل باطلا و يرزقنا اجتنابة و يا رب رمضان الجاي يكون كل واحد عايز بحقق جادة تجيلة ان شاء الله :) ... خالص التحية .



هناك 34 تعليقًا:

http://kasperb4.blogspot.com/ يقول...

بجد احساس جميل وشعور رائع وفعلا التدوين ده طلع حاجة جميلة جدا وساهمت في تغيري انا كمان
انا عايز اقولك ان مش انتي لوحدك بس اللي حاسة بالكلام اللي قلتيه ده
لاء ده كل واحد دخل التدوين من أجل هدف معين او تحقيق فكرة معينة هو كمان حس وشعر بنفس اللي انتي قلتي عليه ده
وكل سنة وانتي طيبة ليكي ولمدونتك وان كنت انا من اللي علقو مرة واحدة في السنة اللي فاتت دي كلها
:]
بس اكيد ده شرف ليا فعلا لأن مدونتك من المدونات الهادفة المحترمة والتي تستحق التقدير
---------

وجزاكي الله خيرا على زيارتك اللي نورتني واتمنى متكونش الاخيرة
:)

Rania Lelah يقول...

شمس
كل سنه و انتى طيبة علشان عيد البلوج بتاعك
و اكيد عيد الفطر
التدوين غيرنا كلنا و اكيد غيرنا للاحسن
تحياتاى لك يا جميل و اشوفك قريبب باذن الله

AbdElRaHmaN Ayyash يقول...

:D
يا لهوي
سنة يا شمس
شايفة العمر بيجري ازاي
عشان تعرفي بس سيادتك ان الواحد مش بيلحق يعمل حاجه
بس أجمل حاجه ..
انك حاسه انك عملتي كتير بالمدونة
و ان المدونة اضافت لك مش انتي اللي اضفتيلها
بجد كل سنة وانتي طيبة
بمناسية العيد ده اول شيء
و بمناسبة عام على التدوين
و ربنا يوفقك ياارب

islamz يقول...

كل سنة وانتى طيبة وبالف صحة وسلامة عيد سعيد عليكى يا رب :]

وسنة حلوة على مدونتك وعقبال 100 سنة :]

abderrahman يقول...

مدونتك مميزة
بحبها، عشان بتعبر عن شخصية ورأي ومش مع الرايجة
كل سنة وانتي طيبة
وان اشاء الله يكون عيد سعيد ليكي

Mai_Jeneen يقول...

الدكتورة شمس

من أجمل العقول اللي بحب اقرالها

حتى لو ماعلقتش في المدونة كتير

بس المدونة هية اللي علقت فية

بارك الله فيكِ

غير معرف يقول...

مبروك يا شمس و عقبال الف سنة تدوين ان شاء الله
مدونتك راقيه بمعنى الكلمة
فقط مش تغيبي علينا كتير رغم انشغالك فاحنا لينا فيكي احنا كمان و لازم تفضيلنا و لو ساعه اسبوعيا لتمتعينا بما تكتبين
هو مش هاتمتعينا اوي يعني ممكن نتخنق من اللي هاتكتبيه لكن لا مانع من اننا نجاملك يعني احيانا :d
مبروك مرة تانية

nour el 3ozamaa يقول...

كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره

تحياتى لكل عظيم وعظيمه

يا مراكبي يقول...

كل سنة وإنتي والمدونة طيبة ودايما تشتهري أكتر وأكتر بس إبقي إفتكري إخواتك المغمورين

:-D

ليا تعليق على البوست اللي قبل اللي فات .. النماذج اللي إنتي حكيتيها هي ملخص الفرق بين الجهل والجهل المركب

ألا تعلم = الجهل

ألا تعلم أنك لا تعلم = الجهل المركب

وهو حال الغالبية للأسف

خالص تحياتي

رفقة عمر يقول...

عام تتدوينى سعيد ومزيد من التقدم اللهم امين
كل سنه وحضرتك طيبه
عيد سعيد عليكم وعلى الاسرة
ورزقكم الله القبول اللهم امين

TAMTAM يقول...

كل سنة وانتي طيبة بمناسبة العيد كل سنة وانتي طيبة بمناسبة عيد ميلاد البلوج

كل سنة وانتي طيبة على طول:))

سكوت هنصوت يقول...

كل سنة وانت طيبة يا شمس

و كل سنة و المدونة بألف خير

استمتعت بمعرفتك من عالم التدوين

و استمتعت بزمالتك في أبناء مصر

بارك الله فيكي وفي قلمك

Monzer يقول...

ربة السيف والقلم
اسم غاية فى الجمال، أحسدك على اختيارك للاسم


الموضوعات الى بتناقشيها مهمة قوى
وتناولها كمان محترم
وبحب أكتر منك، لما تكتبى أحداث يومية او مشاهد شوفتيها
غير الحاجت الفضائية ، لو تفتكرى

كل سنة وانت طيب يا بلوج
وعقبال ما نختفل باتمام العقد الأول

بس مافيش اي حلويات كده ولا حاجة
هو مش عيد ميلاد ولا ايه
احنا جبنى الهدية أهو وعلقنا، ناكل بأه
:))
كل سنة وانت طيبة

ابن حـجـر الـعـسـقـلانـى يقول...

عقبال ميت سنة ..... ضوئية

:-)

ربنا يجعلها فى ميزان حسناتك

layal يقول...

كل عام والمدونه وصاحبتها بألف خير
تمنياتي لك بالتوفيق
والي الامام دائما

ma 3lina يقول...

دخلت لأهنئ بالعيد فقط .. فكده يبقى التهنئة مضاعفة

كل عام وأنتم جميعا بخير وتقبل الله منا منكم .. وعقبال 100 عام تدوين

:D

eldoctor يقول...

كل عام و انتم بخير

محمد عبد الرحمن يقول...

كل عام وحضرتك والأسرة بخير

أرجو من الله أن أحيا لأدخل الذكرى الماسية للمدونة التى أدخلها وأنا أنتظر منك فيها كل هادف وراق وبناء

تقبلى تحياتى

soosa el-mafroosa يقول...

كل سنة وانتي طيبة يا جميل

حقيقي من الناس المحترمة اللي الواحدة سعدت بمعرفتهم على البلوجر

عقبال 100 سنة

ابن رشد يقول...

كل سنة و انتي طيبة و في صحة و سلام
و المدونة في تألق دائم

BinO يقول...

الهم أطل عمر مدونتك في الخير
:)
كل عام وأنتم الي الله أقرب
وتقبل الله منا ومنكم الطاعة وصالح العمل

Maha يقول...

كل سنة وانت والمدونة أطيب وأنقى وأقرب إلى الله .. وأنا برضة مدونتي تمت عاملها الأول قريب في رمضان ده ..

غير معرف يقول...

عقبال الف الف رمضان غارق بالعباده والصحه والتدوين وكل عام وانتي بخير موضوع فيه اهتمام بكتابته وبجد مدونه لطيفه وفيها الكثير من الاهتمام

محمد يقول...

:):)

كل علم وأنتما بخير
وتقبل الله منا ومنك الصيام والقيام والتدوين

فكله لله .. أليس كذلك ؟

شــــمـس الديـن يقول...

السلام عليكم و رحمة الله و بركاتة

الفاضل الكريم الام و امال

فعلا التدوين دا بيكسب الانسان بعد اخر غير بقية الناس اللي مش بتدون
اكيد نور تالمدونة حتي لو كانت مرة ... انا علي فكرة مش بنسي اللي بيعلقوا عندي حتي لو كانت مرة واحدة بس :)

ان شاء الله مش الاخيرة بس هي المشكلة اني انا مقصرة اصلا في زيارة النت كلة علي بعضة ... خالص التحية اخي الفاضل

***********************************

العزيزة رانيا

و انت طيبة يا جميل و بجد انت انسانة رقيقة اوي اوي اوي و دمثة الاخلاق و سعدت جدا اني اتعرفت عليكي بجد

انا مستنيا اللقاء دا بقارغ الصبر
خالص التحية

***********************************

الفاضل الكريم عبد الرحمن عياش باشا

فعلا الواحد لم مش اغتنم الوقت الوقت بيسرقة و مش بيعمل حاجة ...
بجد التدوين رائع انه عرفني علي شخصيات جديرة بالاحترام مكنتش هعرفهم بدونه و حضرتك من اهمها

جزاكم الله خيرا علي التهنئة

***********************************

الفاضل الكريم islamz
و انت طيب بمناسبة العيدين
ربنا يكرمك علي التهنئة

***********************************

الفاضل الكريم عبد الرحمن باشا

بجد من اهم التعليقات اللي اتقالت في المدونة
جزاكم الله خيرا علي المرور العطر
عيد سعيد باللي مروا و علقوا عندي

**********************************

الافاضلة الكريمة جنين

فعلا حضرتك مش من دائمي التعليق عندي ... تعليقك بجد - يمكن علشان مكنتش متوقعة انه فيه ناس بتابع و مش بتعلق - اثر فيا بشدة

بارك الله لك انت ايضاً
***********************************

الفاضل الكريم احمد المصري

جزاكم الله خيرا علي الاطراء الذي لا استحق
هو اكيد اللي بيتخنق مش بيعلق من اساسة مش محتاج انه يجامل :))

جزاكم الله خيرا علي المرور و التعليق
***********************************


الفاضل الكريم nourhetler
من بقك لباب السما ... دعوة جميلة رغم اني لا اتفائل كثيرا

نورت المدونة لاول مرة
***********************************

الفاضل الكريم استاذ احمد

معمورين مين بس ماشاء اله مدونتك من المدونات المشهورة للغاية

للاسف زي ملا انت قولت ( حال الغالبية ) و دا اكتر شئ يحزن في الموضوع

تحياتي لمرورك



يتبع ------->

شــــمـس الديـن يقول...

العزيزة الكريمة رفقة عمر

من الناس اللي رغم انهم مش بيعلقوا كتير عندي ولا انا بعلق كتير عندها الا اني اكن لها احترام و مشاعر خاصة حقا و اكيد انت عارفة

و لك مثل هذه الدعوة الجميلة

***********************************

الفاضلة داليا عز
حسنا ان شاء الله

و في مرة هبقي اكتب تدوينة عن الموضوع دا ( لما تقروها هتعرفوا اقصد ايه بالموضوع )

***********************************

العزيزة الغالية طمطم

و انت طيبة انت كمان علي طول ... نهتئتك عسولة اوي

**********************************

العزيزة الغالية مها

و انا و الله و اكن لك الكثير من الاحترام و التقدير ... و عارفة اني مقصرة بس ان شاء الله ادعيلي ان الظروف تتحسن و هناك عودة قوية ان شاء الله

بارك الله لك في حماسك البناء

***********************************

العزيز الكريم منذر
تصدق بالله اني عارفة ان الاسم دا بيثير بعض الخنقة للوهلة الاولي و الناس بتتخنق منه و تفتكرني اني مغرورة ؟؟؟

انا الاسم دا قعدت كتير اوي افكر فيه علشان الاقية و كويس ان الواحد مش بيختار اسمة لنفسة في الحقيقة :))

حاجات فضائية :) لسة فاكر اضحك الله سنك بس فيه ناس تانيين شافوها معايا بجد

الاكل بقي قريب اوي ان شاء الله :)
خالص التحية للتعليق المتميز

***********************************
الفاضل الكريم
ابن حجر العسقلاني

يا لهوي !!!! حتة دعوة شكرا عليها

انا علي فكرة مش من الناس اللي احب اعيش كتير علشان ذنوبي مش تكتر :)

***********************************

العزيزة الغالية ليال

ايضا من الشخصيات التي اعتز بمعرفتها و التي لم اكن لاعرفها دون التدوين

جزاكي الله خيرا علي الدعوة و لك المثل

***********************************

الفاضل ما علينا اللي بيظهر في المناسبات فقط :)

و انت طيب و باحسن صحة و حال ان شاء الله

***********************************

الفاضل الكريم الدكتور
و حضرتك طيب و بخير


يتبع ----------->

شــــمـس الديـن يقول...

الفاضل الكريم طال الليل

جزاكم الله خيرا علي دعوتكم الرقيقة ... و ان شاء الله نردهالك في الافراح قريبا

***********************************

العزيزة الغالية سوسة المفروسة

و انت طيبة يا قمر
و انت بجد من البنات القلائل اللي يتمتعوا بثقافة و فكر عال و يشرفني معرفتهم من التدوين و اتمني يكون لنا لقاء قريب

بارك لله فيكي يا عزيزتي

***********************************

الفاضل الكريم شمس الزناتي

و انت طيب يا شمس جزاكم الله خيرا علي التهنئة العطرة

**********************************

الفاضل الكريم بينو

اللهم تقبل صالح اعمالنا جميعا و اجعلها خالصة لوجهك الكريم ...امين

***********************************

العزيزة الغالية مها

بجد و الله انت كمان تمت عامها الاول ؟؟؟
حاسة ان المدونات دي زي عيالنا كدا... تتربي في عزك يا حبيبتي :))

***********************************

الفاضل الكريم يزيد

بسعد جدا لما حد يكون من خارج التدوين و يعلق عندي

جزاكم الله خيرا علي الاطراء الذي لا استحق

***********************************

الفاضل الكريم وضاح

فعلا طبعا كل عمل المفروض اننا نبتغي بيه وجة الله تعالي (( قل ان صلاتي و نسكي و محياي و مماتي لله رب العالمين )) فحتي لو الواحد مذكرش كدا بس اكيد النيه دي موجودة

خالص التحية علي المرور الجميل

**********************************

اخوتي المدونين و غير المدونين ... كل عام و انتم بخير

Maha يقول...

انت حتقولي فيها :D

فعلا المدونة زي بيتي .. وكل تدوينة فيها طفل من أطفالي .. أم اربعة واربعين مين بقى احنا اللى دهنا الهوا دوكو :D

الطائر الحزين يقول...

كل عام انت بخير

فعلا القراءة والكتابة تثرى الفكر خصوصا ان كان هناك رأى ورأى أخر


بارك الله فيك

belal يقول...

كل سنة وانتي طيبة ....وعقبال مليون فيزتور>>وربنا يجعلها في ميزان حسناتك

kaed يقول...

كل سنة وإنت طيبة يا شمس
وكلها أيام قليلة و أحصلك و أبقى قدك وعمرى يادوب سنة

شــــمـس الديـن يقول...

العزيزة الغالية مها

و بتهرجي بالمصري كمان :))

انا فعلا تربطني علاقة غريبة بالتدوين لا يوجد لها اي مرادف معروف

منورة المدونة دائما و الله
*********************************

الفاضل الكريم الطائر الحزين

و انت بخير و صحة و سعادة

بارك الله لك و علي رياؤتك الدائمة لي ...

***********************************

الفاضل الكريم other things

و انت طيب و حتي لو مكانوش كتير اهم شئ ان المدونة تكون مقصد لنوعية محترمة من القارئين

بارك الله لك
***********************************
الفاضل الكريم قائد

و انت 'يب يا قائدنا الكريم حلوة يبقي عندي سنة واحدة :))

نورت المدونة حفأ

**********************************

جزي الله خيرا كل من اسعدني بالتعليق و ادخل السرور الي نفسي ... و عقبال ما نجاملكم في الافراح و الليالي الملاح :)

عصفور المدينة يقول...

أستاذة بارك الله فيك

أنا متابع المدونة دائما ولكني كنت منقطع في رمضان عن المتابعة ووجدت هذا اليوم

ورأيت قولك عن التعليقات وآسف أنني أحيانا كثيرة كنت لا أعلق

وسعيد بكلماتك عما تعلمتيه من التدوين
وإلى الأمام
وكل عام وأنت بخير ولو أنها متأخرة

Diyaa' يقول...

كل سنة وأنتي أحسن
بس ليه مش رديتي عليا ؟