الثلاثاء، فبراير 06، 2007

أيـــــامــــي في شــــارع ابــــــــــو زيـــــــــــــد

السلام عليكم و رحمة الله و بركاتة






اعود الي النوع الكتابة الذي طرقتة حديثاً الا و هو " المذكرات "

طبيعة عملنا في ظل الاوضاع الاقتصادية الميمونة في مصرنا المحروسة ... تجعلنا نعمل بلا عقود ولا ثبات في مكان ما ... و حياة الترحال بين العمل و اخر اي نعم بها كثير من المخاطر و لكنها مناسبة لروح التجديد داخلي ... و عملي الان في صيدلية في شارع ابو زيد ... احد شوارع القاهرة المحروسة و التي اراها قد تقسمت الي عدة مقاطعات كل حي هو مقاطعة مستقلة بذاتها ...






ربما لان مهنة الصيدلي تجمع بين العديد من الاشياء التي احبها – رغم اني كنت بكرة الدراسة عمي – و اكثر شئ يعجبني فيها صراحة انني اقابل نوعيات من البشر مختلفة كثيرا و ان اكون في قلب الثقافة المصرية الاصيلة الصميمة دون اي توجهات او اي شئ اخر ... وايضا ان اكون نوع من العلاقات الوطيدة و الجميع يشكوا مما يؤلمة سواء مرض ام حال عيال معووج ام زوج منه لله متعب و مش حاسس بحاجة – لان النساء من طبيعتهن الحكي اماالرجال فلا - ... و لقد حضرت في الاجازة الماضية دورة تدريبية – الدورة الوحيدة التي استفدت منها حقا و لكني حتي الان لم اخذ شهادة معتمدة منهم – كانت تبع صيدليات علي و علي و سيف و علي اميدج و العزبي و صراحة الجزء الذي القاه الموفد من صيدليات العزبي هو الذي افادني كثيرا ...

من ضمن الاشياء التي التزم بها في عملي ان الزبون دائما علي حق !!! رغم سذاجة هذا الشعار و تكرارة الا ان تطبيقة في واقع منعدم الثقافة الطبيع لهو من اصعب الاشياء!!!!
فلا انسي انه في مرة قدمت فناة تريد شراء دايين من نفس بهما نفس المادة الفعالة مع اختلافالاسم (abomole & cetal ) و اي صيدلي مبتدئ يعلم ان الاثنان باراسيتامول و لا يصح استخدامهما مع بعض و الا تعرض الكبد لمخاطر ... و لكن هيهات ان تقتنع الفتاة الصغيرة بكلام غير اللذي قيل لها من امها ...

من ضمن الاشياء التي يصعب علي المريض استيعابها هو انه من ضمن علاجات الروماتزم هو الريفو - طبعا هناك اشياء اكثر تقدما الان و لكن الريفو شغال - الا ان الطبيب اللي بيكتبة بيبان في عيون الزبائن انه دكتور اي كلام و مبيفهمش ( اروح له في المستوصف و ادفع كشف 3 جنية علشان في الاخر يديني ريفو )!!!


من ضمن ايضا الاشياء التي جعل الزبون متضايق و قد يثور غلو الاسعار ... فاثناء موجة غلاء الاسعار للادوية في بداية شهر يناير الماضي اتت سيدات هما في غاية الغضب لاننا بعنا لها دواء اغلي و تقول : انا واخداه الشهر اللي فات ب كذا ... انتوا هتضحكوا عليا و تغلوه ... منكم لله !!!! و اقول لها انني لست مسؤولة عن هذا ...المسؤول هوا الكبار اللي في البلد المنهوبة دي ... متجوش علينا احنا غلابة زييكم ...
و طبعا فيه ناس كانت هتقرب تمسك في خناقي علشان الدواءاللي غلي ( الدواء غلي بشكل صعب يعني فيه ادوية كانت ب 5 جنيهات بقت ب 6 جنيهات و نصف وهناك دواء كان ب 4 جنيهات بقي ب 7 جنية 75 فرش و هاكذا اغلب الزيادات ) و من الاشياء الملفتة للنظر ان الكثيرين عندما يدفعون الكثير تجدهم يسبون و يلعنون في النظام الحاكم وولاد الحرام اللي واكلينها والعة و الاسعارا للي كل مادا بتزيد ... و بصراحة بيني و بينكم بهيص معاهم و بدعي زي ما انا عايزة علي كل الناس سبب نكسة البلد ...

من المواقف التي اثارت عجبي الشديد انه اثناء عملي دخول طفلان علي - 10 سنوات علي الاكثر – واحد منهم وجهه به عدة جروح في الجبهة و الانف و الخد و الذقن ( وشة مربط كلة باشاش ) و الاخر رأسة مفتوح و واخد 5 غرز خياطة ... و الغريب ان الجرح به دم متجلط رغم انهم خيطوه ... الاول كان متشعلق خلف عربية و العربية فرملت ووقع منها علي وجهه ... اماالاخر فكان يهزر مع صديقة فصديقة ضربة بطوبة في رأسة !!!!
و عندما سئلته ...لماذا هذا الدم التجلط بالرغم من ان رأسك متخيطة ...قال لي ... اصل ابويا اتخنق مرة مني و زعق لي و ضربني علي دماغي فنزلت دم !!!!!!!!! قولت له ابوك ابوك ولا روج والدتك ...قال لي ابوا ابويا !!!!!
فلم استطع فهم كيفية تفكير هذا الشخص المسمي مجازا بوالده
و يأتي ايضا علي شاكلة السابق ... السلوك الشائع عندما تفقد الام اعصابها من طفل يبكي بتضربة علي رأسة كي يكف عن البكاء !!! طبعا الطفل تلقائيا يزيد في بكائة و كما زاد ضرب الام للطفل كي يكف زاد هو في البكاء !!! لا افهم ايضا كيف تفكر هذه المراة ايضا




اما من الاشياء التي تتخصص في السوق المصري فقط ولا اعتقد انها توجد في اي سوق اخر هو قص الادوية لاقراص و بين القرص بالواحدة !!! و اعتقد ان هذا يدل علي ان مستوي المعيشة منخفض + ان اسعار الادوية في ازدياد غير مبرر






اما من اطرف المواقف التي قابلتني علي الاطلاق هو مريض اخرس يريد دواء !!!!
دخل شاب بابتسامة عريضة و ماسك زورة و مش بيتكلم – في الاول افتكرتها نزلة برد من النوع التقيل جدا اللي بيضيع الصوت – فقولت له حضرتك عندك برد و عايز دواء ؟؟؟ لم يرد و لكنة حركة شفايفة و لم افهم ... فانتبهت الي انه لا يتكلم ... فقولت له ان يكتب الاسم ...قال لي – قرأت الشفايف – انه لا يذكر اسم الدواء و كل ما يعرفة انه دواء للغدد !!!!!!!!!!!!
قولت له معاك اي روشتة اخرج لي ورقة مليانة كلام غير مقروء ... ثم لاقيت T3 و دا تحليل لهرمونات الغدة الدرقية ففهمت انه عايز حاجة ليها ...اتصلت بواحدة صاحبتي قالت لي علي دواء با اربعة جنيها ... لما يجبتهولة لاقيتة انه بيقول انه ب 10 جنية !!!
كتب لي نمرة تليفون و ردت عليا اختة و عرفت انها خرساء بعد كدا ولما والدتة ردت عليا قالت لي انها ناسية اسمة هي كمان و مش بتعرف تقرأ بس لون العلبة مكعبة و بني !!!!
دورت في الاندكس علي دواء بالطريقة دي ملاقيتش و بعدين اتصلت بصاحبتي تاني قالت لي هو يمكن يكون دواء اخر بس تقريبا غلي ... لما جيبتهوله اتبسط اوي ... و انا اتبسط اني عرفت اتفاهم معاه ...بس اللي فعلا مش هنساه ابتسامتة العريضة الجميلة التي لا توجد عند كثيرين اصحاء ...

من الاشياء التي تلفت انتباهي ايضا ان نسبة كبيرة من النساء عندهن مشاكل نسائية بسبب وسائل منع الحمل التي يستخدمونها دون اي رابط و عدم رغبة الزوج في ان يستخدم اي وسيلة كي يريح زوجنة !!!! في يوم دخلت علي 6 نساء يردن حقنة معينة لانها توقف النزيف ... المشكلة ان اربعة منهم كن حوامل و ينزفن !!!!

اما اكثر امراة تعجبت من انها كانت حامل في الشهرا لاخير و لم تذهب لطبيبه قط طيلة فترة الحمل كي تتابع معها المراة هفتانة فعلا و باين عليها انها عندها انيميا و دايخة و ضغطها مش متظبت خالص ...قولت لها انت بتابعي مع مين قالت ولا حد ... قولت لها ليه ...قعدت تتكلم كلام مفهمتش منه غير انها عايزة تتوه الموضوع و خلاص

اماالغريب انه رغم الاوضاع المعيشية القاسية عندهم ...ان الفتيات يتزوجن في سن صغيرة جدا ...و نادرا ما تدخل علي فتاه ما بعد العشرين غير متزوجة ... و لكن رغم ذلك صحتهم دون المستوي المطلوب و تحس كدا يالغلب و الهم شايلينة بدري قبل الاوان ... فلن انسي ابدا الفتاة ذات 22 ربيعا التي دخلت علي و كانت تشعر بتعب و دوخة و كان صغطها واطي و عند سؤالها اتصح انها متزوجة من اسبوعين فقط و بسؤالها عرفت ان زوجها لا يعمل و ابوة لسة بيصرف عليه و هو كمش عايز ينزل معاها يروحو لدكتور و نزلت هي و هي تعبانة و جت الصيدلية لانه معهاش فلوس تكفي الدكتور و بعد كدا عرفت انها بتدخن من 4 سنوات و بتفطر علي السجارة و الشاي !!!!
او المراة التي تحيل من حياة ابنتها جحيم لانها حامل لاول مرة منذ سنة زواج كاملة و تري انها تأخرت و تريد المحافظة عليها بجنون و تتهمها انهااهملت في صحتها علشان كدا جالها برد ...

دون التعصب لاي جنس دون الاخر ...و لكن النساء يعانين حقا في الظروف المعيشية الصعبة ... اولا لأنهن يعاملن معاملة قاسية تجعلهن حقا يعجزوا قبل الاوان ...و مش عارفة ليه بحس ان المرة متتحملش البهدلة لكن الراجل يتحمل

من تأملي في الصيدلية الشعب المصري بجد مستوي صحة دون المستوي فعلا ... و الجميع يعاني من امراض في الاعصاب و بياخد حقن فينامين ب 12 و دا اتفسر لي قريب بسبب المبيدات اللي بتستخدم في مصر تحتوي علي مركبات اPO4 المحرم دوليا , و التي تستخدم بشراهة من قبل المزارعين و ذلك لرخص اثمانها ...

كما ان اغلب الشكوي من الام بالمفاصل مع زيادة في الوزن فمن الصعب انك تقول للمريضة اتحركي علشان تقللي وزنك لانهااصلا مش قادرةتتحرك و الوزن بيرهق المفصل اكثر ...
-------------------------------------------
مش عارفة حسيت اني عايزة ادون بعض ما اراه في عملي حتي لا انساة و يضيع في خضم الاحداث عندما انتقل لاعمل في مكان اخر ... اكيد هيكون فيه جزء تاني لشارع ابو زيد و اكيد في مرة هكتب ايامي في شارع الحكيم ( الصيدلية اللي كنت شغالة فيها بالسخرة بدون مقابل لمدة 6 اشهر ) ... بس ربنا يسهل الحال ان شاء الله .

هناك 33 تعليقًا:

غير معرف يقول...

أنا أحسدك
أنا أحسدك
أنا
أ
ح
س
د
ك

قاسم أفندي يقول...

رغم أن اللي كتبتيه قد يكون بالنسبة لك مجرد مذكرات يومية بس بالنسبة لي بجد عجبني جدا
لي عندك سؤال
طبعا في ظل الظروف المعيشية المهببة دي مينفعش كل واحد طلعله فسفوسة ولا كح كحتين يروح لدكتور ويدفعلو كشف بالشيء الفلاني عشان يكتبلوا الدوا
طيب الحل السهل والرخيص ايه؟
أنه يروح للصيدلي ويقوله علي الأعراض اللي عنده والصيدلي يصرفله الدوا اللي شايفه مناسب
هل ده صح؟
علي فكرة أنا شايف أنه صح خصوصا في الحالات البسيطة .. جرح خفيف .. برد .. كده يعني
بمناسبة السيف والقلم .. هي صيدليات سيف تبعك؟؟
:)
تحياتي

شــــمـس الديـن يقول...

السلام عليكم و رحمة الله و بركاتة

الزرافة الحسود ...
بتحسديني علي ايه بالذمة !!! انا بقضي ساعة رايح و ساعة جاي في المواصلات ...

بسم الله الرحمن الرحيم .. قل اعوذ برب الفلق - من شر ما خلق - و من شر غاسق اذا وقب - و من شر النفاثات في العقد - و من شر حاسد اذا حسد ... صدق الله العظيم

و علي كل لو اجتمعت الانس و الجن علي ان يضروك بشئ لن يضروك الا بشئ قد كتبة الله عليك رفعت الاقلام و جفت الصحف :)

شكرا علي تشريفك للمدونة !!!!
---------------------------------

الاخ الفاضل الكريم قاسم افندي

و الله سؤالك في محلة
من ضمن الاشياءاللي صاحب صيدليات (علي و علي) قالهالنا انه اللي عايز يكون بياع دواء هيكون مجرد بياع دواء ... و اللي عايز يكون دكتور صيدلي هيكون دكتور صيدلي !!!!

و نصحنا اننا نتبحر في الدراسة الطبية لان شغلانة الصيدلي في مصر هي عبارة عن ممارس عام ...
و عامة انا مع نفسي بقرأ كتب امتياز طب علشان الواحد يكون علي ارضية صلبة ...
و علي فكرة في الكلية ادونا كتير عن الامراض و العلاج ... و طبعا انا لو فيه حاجة محتاجة ان الواحد يروح لمتخصص مش بفتي اكيد ... و لكن و الله بنفهم بردوا في الامراض :)

علي كل دي شهادة اعتز بيها ان التدوينة عجبت كاتب محترف زييك ... رغم اني حاسة ان دمهاتقيل جدا !!!

في حفظ الله

غير معرف يقول...

بصراحة ربنا يكون في عونك
يعني بتتعملي مع حالات كتير و مختلفة أكيد أحيانا ما بيكونش في إيدك حاجة عشان تسعدي الناس الغلابة ده
ده أكيد حاجة تجيب إكتئاب
يا تري الدكاتره بقي بيعملوا إيه من اللي بيشفوه خصوصا لو كان عندهم حس مرهف بالناس

غير معرف يقول...

بجد والله كويس ان فى ناس لسه فيها الخير وبتحب تساعد مش تقول انا عملت اللى عليا وخلاص. وياستى الانسان طول عمره بيفضل يتعلم لحد مايموت. هى الحياة تجارب
وفكره كويسة انك تكتبى على اللى بيحصل ليكى وفرصه نعرف عالم الصيدليات والأدوية
ربنا يوفقك

غير معرف يقول...

حلو اوووي سيكشن الفارما ده انا حسيت اني عيان يلا كله فداكي

غير معرف يقول...

شمس الدين
ما أجمل أيامك جعلها الله دايما حافله بالتأمل والأنجاز
عزيزتي والله أن حال الصحه والتعليم في بلادي أسوأ ..أسوء ...أسوؤ مما تتصورين والناس أبتعدت عن الطبيعه وخيراتها فغزتنا الامراض دون رحمه
أجمل ما في أيامك هو تفاعلك مع ما يحدث ونادرا أن نجد من يتفاعل مع الناس وما يصيبهم
تحياتي الخالصه

غير معرف يقول...

من لم يعش خارج مصر لم يجرب ذلك الشعور بالمرارة التي يحسها و هو يرى انه يتمنى العيش في مصر و لكن لا يستطيق ان يطيق الاوضاع هناك بعد ان جرب الاوضاع في البلاد الاخري حتى لو كان يعيش في الغابات .
الوضع اللاجتماعي في مصر الان يتجه نحو كارثة و ارجو ان نفيق جميعا و نحاول استرجاع حقوقنا المسلوبة كما بدأ عمال مصر يفيقون .
شمس انا كتبت تدوينة عن العمال و انا ملاحظ غياب الموضوع ده عن المدونات برجاء الاهتمام بهم قليلا في تدويناتنا حتى يشعرون ان هناك من يدعمهم فهم لا يدافعون عن حقوقهم فقط و انما يعطوننا جميعا مثالا و درسا في النتصار على الظلم

شــــمـس الديـن يقول...

السلام عليكم و رحمة الله و بركاتة

انا بعتذر بجد عن التأخر في كتابة التعليق لاني فعلا ببقي راجعة من الشغل ميتة

لنبدأ بالاخ الفاضل الكريم محمد :

و الله هقول لك ... لو حد بيجيلي يشتكي من الاعراض و بكتب له دواء ... بطلع له ارحض حاجة و لعلمك و معلومة من دكتورة ... كلة زي بعضة و مش علشان اغلي يبقي اكثر فعاليه ... نو ... دي سياسة بتتبعها شركات الادوية في الايهاب بفاعليه العلاج من ناحية التغليف و ما الي ذلك ...لان مورد المادة الفعالة في اغلب الادوية - و ليست الكل - شركات محدودة للغاية

ولو دواء مصروف و المريض ممعهوش يدفع بجيب له نفس الدواء شركة اخري ارخص ... و فيه اللي بيقتنع و فيه الي لأ ... بس اللي مش بيقتنع هو حر ..
عامة انا كل يوم بجمد ربنا علي كل شئ , و مش بيجيلي اكتئاب لاني بحس نوا ماناني بخفف عن ناس حتي لو بقعد ادردش معاهم و يخرجوا اللي جواهم من متاعب

----------------------------------
اخي الفاضل حسن محمود
سعيدة بتشريفك للمدونة و اتمني ان لا تكون المرة الاخيرة التي تطالعنا بتعليق


جزاكم الله خيرا علي تعليقك و بجد هتشجعني اني اعمل تدوينات كتيرة عن المذكرات كنوع من تأريخ بض البلد في مرحلة من مراحل ظلامها
تحياتي
-----------------------------------

اخي الفاضل كبير المتشردين

هههههههههههههههههههههههه

دا مش سكشن فارما ...انت متعرفش اي هي الفارما و ما ادراك ماالفارما ... متذكرنيش باللي مضي لما كل سكشن لازم الفار يعضني و صباعي يجيب دم !!!!!

و الف سلامة بعد الشر :)

-----------------------------------


الهامي العزيزة جدا جدا جدا
نورتي المدونة بجد

احنا بقي الامراض مزقتنا علشان بنستورد البذور من اسرائيل و بعدنا عن البذور المصرية الاصيلة ... محصول القكن باظ و كلة من تحت راس الباشا الكبير و الحاشية الله يجحهمهم ...

يمكن انا بتفاعل علشان لو مش اتفاعلت هتخنق و اموت و اكون زي اي حد بياكل و ينام و يصحي و يروح الشغلو زي ما راح زي ما جاء

يمكن دي من اهم انعم الله علي رغم اني مش غنية اوي و لكن الحمد لله مستورين و لكن بحس تملي اني اسعد الناس حظا ...بابا بيقول ان دي نعمةالرضا ... ربنا يديمها علينا و يعطيها لكل الناس

تحياتي يا حسناء اليمن السعيد

-----------------------------------


اخي الفاضل الكريم احمد المصري

و الله هقول لك ...
مش عارفة يمكن هي نظريةو تعذيب الذات و لكن لو الكل ساب البلد تغرق و مقعدش وواجه اللي بيحصل و حس انه بيخفف عن معاناه الناس ... مين هيخفف عنهم ؟؟؟

انا بعمل اللي اقدر عليه علي مبدأ - و اذن في الناس بالحج - و ربنا اكيد هيوصل صوتي

ربنا معاك عامة اخي الفاضل الكريم
*********************************

خالص امتناني لكل من ترك تعليق و تحياتي للجميع :)

karakib يقول...

كانت اختي قبل ما تسافر بترفض تشتغل فالصيدليات اللي فيها مخدرات او جدول
حكاياتك فكرتني بيها

غير معرف يقول...

انا بحسدك لانك اتكلمتي عن حاجه بتحصل في شغلك لو كل واحد فينا بيشتغل في مكان وقال للناس عن حجات يعرفها ومعلومات ممكن ينقذ ناس كتير من حجات كتير انا مسافر بره مصر ورجعتيني لكل ده من خلال كلامك وكاني شايف الشخصيات دي احييك لسه هختم كلامي لقيت وحده بتقولك انا احسدك وانا كنت كتبت انا بحسدك فكرت امسح الكلمه وبعدين سبتها انا قصدي استمري جميل كلامك يا ريتني زيك adeL29@hotmail.com

شــــمـس الديـن يقول...

السلام عليكم و رحمة الله و بركاتة

الفاضل هاني جورج

تصدق ان دي اول مرة تسيب تعليق في المدونة !!! انا سعيدة بجد

انت مش ملاحظ ان حال اسرنا متشابه شوية ؟؟؟ احنا الاتنين من ساكني شبرا و اختك الكبيرة زيي خريجة صيدلة و حضرتك زي اخويا الصغير بيدرس في هندسة عين شنس ميكانيكا ؟؟؟

حاجة غريبة اوي

انا صيدليتي علي فكرة مفيهاش مخدرات او جدول ...و عقبالي لما اسافر برا زي اختك :)

دمت بكل الخير
**********************************

الفاضل عادل

هي ايه حكاية الحسد اللي ماشية للي بيعلقوا علي البوست دي !!! :))

قل اعوذ برب الفلق قولنا

يعني انا شايفة انها نوع من المشاركة الوجداينة ان اللي بيقرأ يخرج عن المود الرتيب بتاع شغله و يشوف شغل ناس تانية عامل ازاي ...
و ليه ياريتك ؟؟؟ تفاعل من كل شئ حولك و هتبقي فعلا زيي

انتوا هتشجعوني اني اكتب جزء تاني من المذكرات او افتتح مدونة جديدة للمذكرات فقط

مع خالص تحياتي للجميع :)

غير معرف يقول...

فعلا ألسوب رائع و مميز,بيحسس الواحد فعلا إنه عايش الموضوع,أنا فعلا و أنا بقرأه حسيت إني زبون و داخل أشتري دواء....ومع إنها تعتبر مذكرات شخصية لكنها مفيدة لكي و لنا..تابعي و ربنا يوفقك

غير معرف يقول...

ربنا يحفظك ...

ههههه بالنسبه للحسد .. تعرفى انا بغبطك .. تعرفى ليه .. لأنى مبرمج كمبيوتر .. بعمل برامج ولعب .. مش عارف هيا بتفيد الناس ولا لأ .. غالبا ولا بتفيد ولا بتضر ..وممكن تضر لو اسئ استخدمها ..

مممم بعمل كده ليه !!! عشان عاوز فلوس .. انا مش بقول انى بعمل حاجه حرام .. بس مش بفيد الناس اوى .. مع انى ممكن افيدهم :) بس انا عاوز فلوس ..

عاوز فلوس ليه !! عشان عاوز اتجوز اجوز اختى .. الخ ..

تعرفى انا بقولك كده ليه .. لان الواحد مش بيحث بالنعمة غير لما تروح منه ..

تعرفى انا كنت شغال فى شركه كنت ارفان وحاسس انهم بيستغلونى :)

لما فتحت عملى الخاص وبدأ الشغل ياخد كل تفكيرى .. حسيت بقيمه ان الواحد يرجع من الشغل وينسا كل حاجه عن الشغل ..

لما بتفتحى شغلك .. انتى طول الوقت بتفكرى :)

ممممم بقولك كده ليه ... يعنى حابيت اضفلك شويه سعاده ممكن ماتكونيش واخده بالك منها :)

ربنا يكرمك ويرزقق بابن الحلال ..

مممم مش لازم تردى لانى كنت زهقان وبدأت اتنقل بين المدونات ومدونتك وقعدت بالصدفه فى طريقى ..

هههه اساسى يعنى ده كلام واحد تعبان وعنده دور برد فظيع ومش بياخد ادويه لانى بحب اسيب نفسى تصلح نفسى :)

سلام
واحد عنده زكام ومش عارف ينام ومش عارف يعمل اى حاجه

ربنا يحفظك ..

FTM يقول...

حلوة جدا مذكراتك ..كلنا بنعدى على الصيدليةو واحنا شايلين هم تمن الدوا أو جايين من عند الدكتور قارفانين بس ما فكرناش فى وجهة نظر الصيدلى ..عملك بيخليكى فى موقع متميز للإحتكاك بالناس و دا ميزة .

تحياتى

حائر في دنيا الله يقول...

جميل جداً يا دكتورة, جمع تفاصيل الحياة لخلق منها حياة جديدة
وأكثر ما أعجبني ذلك الذي لا ينطق وكيف هو سعيد لأنه بالتأكيد عرف أنه يملك عينا وأذنا ويداً وضياع شيء لا يعني فقدان الحياة
لهذا هو سعيد
ياريت نتعلم منه
=
مع تحياتي

غير معرف يقول...

شمس حبيت اعلق على مدونتك لأنها جميلة وإحساسك بما يحدث عالى جدا
بس فعلا الواحد بقه مش عارف يعمل ايه فى البلد دى على كل المستويات سواء التعليم او الصحة او او او
عاوزين كلنا نحاول نصلح انفسنا لعل الأمور تتصلح والله المستعان

شــــمـس الديـن يقول...

السلام عليكم و رحمة الله و بركاتة
كان عندي شوية ظروف منعتني من اني ادخل اون لاين الفترة دي هحكي عليها في التدوينة القادمة ان شاءالله


الاخ الفاضل يعقوب :-
ربنا يكرمك بجد علي التشجيع دا ... ولو اني مش عارفة ليه مش ببقي طايقة اي بوست بكتبة خالص و بعد ما اكتبة ببقي ناوية امسحة !!!
كويس و الله انه له معجبين

و ان شاء الله قريبا هتابع
===================================

الاخ الفاضل anonymous

ربنا يحفظنا جميعا
هو لعلمك من حقنا كلنا اننا نحلم بالفلوس ,.. بس اهم شئ اننا اللي نملكها بعد ما نوصل للمستوي الللي احنا عايزينة مش هي اللي تملكنا ... يعني اتمني انك لما تكون عملت شركتك توجهها لصالح شئ انت حاسس انه ممكن يفيد الناس اكتر من اللعب ... يعني هي وجة نظرو واتمنيان تتقبلها بصدر رحب

عارف بقي ... من ضن النعم اللي فعلا بدين بالفضل بيها لوالدي العزيز ... اني بحس بالنعمة و هي في ايدي علشان كدا لما بتروح مني - لانه مفيش حاجة بتدون - بكون مبسوطة علشان احدت اقصي ما استطيع من السعادة فيها و بظل اتذكرها بكل ود و حنين للماضي و تخفيف من وطأة الحاضر

اللهم امين - علي دعوة ابن الحلال - بس انا مش مستعجلة لانه مقدر و مكتوب :)

اما عن نقطة اني مش ارد فبجد مش دي اداب و اصول الضيافة ... و متطلعش مني :)


لو علي الزكام ممكن تاخد اقراص فيتامين سي ريتارد ...و بس و مش انصحك باس حاجة تانية ( بتقوي المناعة و كدا كدا البرد باخد وقتة ) اما لو فيه ارتشاح فيه نقط اسمها رينكس بجنية واحد بس فعلا شديدة ..
اهي استشارة مجانية :)
اي خدمة

===================================

الاخت الفاضلة الكريمة فاطمة ...

و الله انت عارفة لو عليا انا اجيب للمرضي المترادفات من نفس الدواء بس شركات اخري و بأسعار اقل - لانه نفس مصدر الاستيراد - و فيه بجد حاجات شغالة و كويسة اوي ... بس المريض عندة كلمة الدكتور زي القران لو غيرتها او عدلت عليها يبقي بحرف و عايزة الحرق و الجلد معا !!!

تحياتي الحارة لك :)
===================================

الاخ الفاضل حاشر في دنيا الله

علي فكرة انا مش بحب لقب دكتورة دا و اقرب الي قلبي فعلا اخت :) لاني مش في الشغل انا بين اخوتي

فعلا ... هناك الكثيرين ... الشادة علي فكرة جزء كبير منها بينبع من اسلوبنظرتك للحياة ... طبعا الحمد لله علي كل شئ

===================================

حبيبتي جدا نورا لارين

انت عرفتي تجيبي المدونة ... والله برافو عليكي بجد

و مبسوطةاوي انها عجبتك ...

بالنسبة للبلد ... علينا انفسنا و اكيد ربنا هيجيب نهاية للي بيحصل دا في يوم من الايام

اتمني انك تكرريها ....

---------------------------------

مع خالص تحياتي للجميع :)

غير معرف يقول...

عادل
عاجبني فيك ردودك علي الناس الي كتبتلك تعرفي انا من فتره دخلت هنا بالصدفه ورميت تعليقي ومرت الايام وبرضو بالصدفه تاني جيت هنا وشوفت ردك انتي باختصار انسانه جميله بس فيه حجات لاحظتها من كل الناس الي عندهم مدونات تلاقيه بيحارب ومجتهد جداا علشان مدونته تنتشر وساعات للاسف منهم بيحط تعليقه بس علشان يظهر اسم المدونه فوق واغلب الكلام بيكون عادي التعليق يعني وكانها شغله بيعملها انا لي مدونه ومش مهتم اني ادخل حتي باسم مدونتي بس فعلا فيه ناس كتير نفسي اكلمها من الناس الي قريت لها وانتي منهم انا سيبت تعليقي ويمكن بعد فتره اعدي هنا بس مش هيكون صدفه المره دي انا حفظت الاسم علي فكره انا شغلي لو حكيت عنه يمكن بسيط جداا حد يستفاد منه انا مهندس ومجال شغلي تكييف مركزي وكمان بره مصر لما برجع مصر ببقي عايز احتك بقدر الامكان بالناس وبتمني اني اكون في مجال ممكن منه اساعد الناس وانتي مجالك مش مساعده وبس دي حاجه كبيره جداا تعرفي فيه ناس مبتبقاش عارفه اي حاجه عن مرضها وممكن تضر نفسها بادويه مش مناسبه ليها انا بخاف جداا من الادويه ومش باخد ادويه خالص لا لصداع ولا لغيره الا للضروره القصوي تعرفي فيه ناس بتفضل تكرر علاج معين لفترات بعيده علشان معندهاش فلوس تروح للدكتور تاني حقيقي بتالم لكده يارب يخليكي وتوقفي جنب ناس كتير مع السلامه
ADEL29@hotmail.com للاضافه مسنجر

شــــمـس الديـن يقول...

السلام عليكم و رحمة الله و بركاتة

الاخ الفاضل الكريم عادل

انا علي فكرة باخد بالي من كل الناس اللي بيعلقوا في المدونة ولو حتي مرة

بالنسبة لنقطة نشر المدونة ... و الله شوف هو انا ممكن فعلا اكون عازو اني انشر مدونتي لاني بحب اني اكتب و افيد ناس ... لكن كون اني اسيب تعليق و بس و خلاص دا مش بتبعة ... عامة الامر مش غلط و لكن المهم النية

و الله انا رأيي انه الانسان ايا كان مجالة ممكن يكون نجم فيه ... فيه عندي صاديقات من ايام الكلية بيلعنوا اليوم اللي دخلو فيه صيدلة لانهم شايفين نفسهم بياعيين دوا !!! لكن انا شايفة نفسي اني دكتورة في مرتبة الممارس العام في بلدنا ...

الشعور الداخلي للانسان بقيمتة هو المعيار الاساسي ... لانه لعلمك بقي فيه ناس كتيرة جدا بتكرة التعامل المباشر مع الجمهور ... فكل يسر لما خلق له .

مع خالص تحياتي لمرورك و تعقيبك و اتمني ان تكون من زوار مدونتي الدائميين

غير معرف يقول...

عادل
لن تسمع أبداً عن قرحة في القلب ، لأنه يتولى علاج الجراح بنفسه سراً

ولم آبه بها فى حينها ... لكنى تذكرتها مع كل وجع ينزل بالقلب ... فوجدته يتداوى ذاتيا ... لا يعلن ....ولا يفصح .... لا يشكو لغير الله... فيهيء له الله أسباب الشفاء
فالقلب قد يتحمل كثيرا .... ولكنه يسكت فجأة ..... وتنتهى الحياة
فرفقا بقلوب أحبائكم
رفقا

بما انك دكتوره الكلام ده مظبوط ولا غلط معلش بهزر شويه علشان المزاج مش مظبوط ولما يكون المزاج مش مظبوط بحب اهزر شكرا علي ردك وانا من زوار مدونتك هي بصراحه مضاد حيوي للنرفزه مساؤكم فل من ارض المهجر

شــــمـس الديـن يقول...

الاخ الفاضل عادل

ممكن و حضرتك بترد تختار other و تكتب اسم حضرتك فيه ... لاني بفتكر ان كلامك رد علي حد اسمة عادل علق قبل كدا و بتتوجة له بالكلام و بعد فترة بكتشف ان دا اسمك

علي العموم
الله فعلا معك في غربتك ... من اصعب الاشياء ان يتواجد الانسان بمفردة وحيدا بعيدا عن كل من يحبهم و كل الاماكن التي تربها فيها ... كان الفله في عونك فعلا

و اتمني انك تجد علاج فعال و ناجع للضغوط اللي حضرتك بتتعرض لها ...

كان لله في عونك دائما

في حفظ الله

AbdElRaHmaN Ayyash يقول...

جاي اعلق على المذكرات
واقول ان روعتها انها من قلب المحنة زي ما بيقولوا :)
أما عن المدونة ككل ..
فربنا يوفقك
شغل رائع

النهر يقول...

هذا السرد للواقع اليومى فيه تصوير أكثر من رائع , وكأننى كنت واقفا على جانب فى الصيدلية ورأيت كل ذلك بنفسى , و ذلك لأن التدوينة من واقع الحياة فعلا , ويحدث مثل ذلك فى جميع صيدليات مصر ،مع العلم فى أمريكا هنا أيضا يباع بعض الأدوية و خاصة أدوية البرد واحدة - واحدة ، وأحيانا هناك أيضا مجموعة كما نقول للبرد ، ولكن كل شىء مغلف باتقان كما جاء من شركة الأدوية وشكرا لك على السرد الواقعى

شــــمـس الديـن يقول...
أزال المؤلف هذا التعليق.
شــــمـس الديـن يقول...

السلام عليكم و رحمة الله و بركاتة
اخي الفاضل عبد الرحمن عياش

اولا مرحبا بك لانها اول زيارة للمدونة ...و اتمني ان لا تكون الاخيرة ...
و شكرا علي الاطراء الذي لا استحق

***********************************

اخي الفاضل ناجح

جزاكم الله خيرا علي المرور و التعقيب ... الصيدلية دي عالم تاني ...بجد كل فترة كدا هنقل لكم حاجات منهة ... و علي فكرة انا مش بكتبها بهدف تدوين المذكرات اد ما هو الهدف التعرف عن قرب علي نبض الشارع المصري الحقيقي ...عينة عشوائية منه دون اي تجميل او تهويل ...

مع خالص تحياتي

غير معرف يقول...

وحشتنى واتأخرتى فى كتابة شىء جديد لعل المانع خير
بجد وحشتينى

كراكيب عادل يقول...

ربه السيف والقلم قلمك جميل بس رجاء وضع السيف بالغمد في الوقت الحالي فتره هدنه مع النفس تعالي زوري مدونتي نتشرف يعني بس ممنوع الدخول بالاسلحه سيوف وغيره ممكن بس كلاشنكوف الي في الصوره ده كفايه خالص

واديني حطيت عنوان مدونتي قبل كده كنت بكتب عادل وحتي قولتي الاخ الفاضل عادل فيه مكان ممكن تكتب فيه اسمك

وسحبتي السيف بصراحه انا هربت من قدامك

fanty يقول...

السلام عليكم يا أخت شمس، في الأول اسمحيلي أصبح علي محمد يعقوب صاحبي وحبيبي وهو اللي قالي علي المدونة بتاعتك، أنا قرات تعليق لواحد عجبني اللي هو انك مش متعصبة زي بقيت المدونات.... المهم بس عشان أخوش في الموضوع من غير لت وعجن المصريين، أنا حقولك كلام متأكد انك سمعتية قبل كدة وكلام أكيد مسمعتيهوش، واكيد ليكي الحق انك تقتنعي أو لا، أول حاجة انتي يا بنت الحلال مش حتوصلي لأي حاجة من اللي انتي بتعملية ده، طبعا الاجتهاد مش عيب بس العيب هو النفخ في اربه مخرومة، يعني انا شايف انك تركزي في شغلك وحياتك الشخصية أحسن كتير من وجع القلب هنا وبالمناسبة يا يعقوب لما تقرا تعليقي بلاش تتكلم كتير وترد عليا رد سخيف عشان انا يئست من البلد دي خلاص, طبعا كلامي مش حيعجب الناس دلوقتي لما ابتدي اتكلم عن مساوئ مصر، بس عشام منظلمش مصر، خلينا نتكلم عن البهايم اللي عايشة في مصر اللي بيخلونا نقول ان مصر بلد متخلفة وتقرف، يا أخت شمس انا كنت بحب مصر جدا قبل ما اسافر دولة الامارات الله دايما يحفظها ويرحم فقيدها الشيخ زايد بن سلطان آل نهيان ويحشرة مع الابرار، ومش عاوز حد يستغرب من اللي قلته عشان دة أكرم وأحسن وأطيب زعبم عربي رحمه الله، المهم يا أخت شمس أنا أول ما جيت الامارات كانت وظيفتي مش قد كدة وأضطريت اني افضل فى الامارات فترة طويلة من غير أجازة، قعدت بالظبط سنتين و تلات شهور ونص علي ما نزلت أجازة بس كنت ساعتها غيرت شغلي علي حاجة أحسن الحمد لله و بقيت في وظيفة بشتغل فيها تلات شهور وبنزل مصر شهر، طبعا اول اجازه كانت بالنسبة ليا استمتاع غير طبيعي علي الرغم اني والله العظيم حسيت أول مانزلت من الطيارة بوساخة الهوا والسواد والوساخة اللي عمري ما كنت باحسها قبل كدة بس طبعا الهجرة أكتر من سنتين في بلد نضيفة كفيلة انها تعرفك الفرق اللي عمرك ما كنتي بتخدي بالك منه، المهم عدت الاجازة باستمتاع، رجعنا شغلنا 3 شهور وجينا تاني شهر استمتاع، ورجعنا تاني شغل 3 شهور ورجعنا مع بداية تسرب الملل، ورجعنا شغل 3 شهور وتاني جينا اجازه مع قرف ورجعنا تاني 3 شهور بس المره دي مش عايزين نرجع، بلد كلها تخلف وقرف وزحمه وقلة أدب وانعدام زوق وهيافة من الناس ورغي عمال علي بطال، الناس كلها بتسب لبعض، الناس كلها عاوزة تنصب علي بعض، مفيش نظام في الشوارع وكله ماشي بدراعة، العربية بتاعتي اتفشخت من المطبات والحفر اللي في الشوارع، امشي بسرعة في الشمال الاقي واحد غبي ماشي بطئ جدا، تظمريلوا عشان يوسع وهو ولا يعبرك كأنك كلب بيهوهو ولما تعدي جمبو تلاقيه بيتكلم في الموبايل ولا علي باله، ولو ماشية بسرعة في الشمال وربنا كان مسهلك طريقك ومفيش غبي ماشى بالراحة يبقي أكيد حتلبسيلك كام مطب علي كام حفرة تخليكي حاسة انك في ديزني لاند مش سايقة عربيتك، ولو زهقتي من المطبات وقلتي تمشي بالراحة في اليمين لتفادي الخنادق والثكنات العسكرية, عفوا أقصد الحفر والمطبات يبقي حتلاقي عيل ابن امه بيجري في اليمين وعمال يرعش بالنور وعمال يظمر عشان يعدي بالرغم ان الناحية اليمين دايما للعربيات اللي عايزة تمشي بالراحة لكن في الغالب ابن امه اتكعبل في واحد من اخوانا اللي بيتكلموا في الموبايل وماشيين بالراحة في الشمال كأنه شارع ابوهم فبلتالي ابن امه جه من ناحية الشمال عشان يقرفني بس في الحالة دي بحلقلة فعلا عشان دة حقي اني امشي في اليمين لما احب امشي بالراحة، قيسي بقه كل حاجة على كدة، ناس تخبطك ومتفكرش حتي انها تبصلك مش حتي يقولوا اسفين، غش ونصب عند اغلب المحلات، اسعار غالية جدا ومبالغ فيها، يا شيخة ده انا قسما بالله مش عاوز اعتب البلد المقرفة دي تاني، مش حقولك اكتر من اني لما بكون راجع الامارات الظابط في المطار بكل أدب يقولي ممكن بعد أذنك افتح الشنطة، وعلي شرط انه طبعا يقدر يفتحها غصب عني ومن غير ما يستأذن ذي ما بيحصل في مصر، بس هو ده الفرق بين الناس والدول المخترمة والشعوب اللي مش محترمة زينا، وعلي فكرة زي ما بيفتح الشنطة زي ما بيقفلها، مفيش بقي حاجة اسمها انة يبهدلك الشنطة وبعد كدة يقولك خلاص لميها تاني واتفضلي، وطبعا لو عندك فضول ليه بيفتشوني اقدر اقولك ان اي شاب جاي علي اي شركة طيران من مصر بيتفتش عشان المخدرات، حاجة تكسف والله العظيم، من كام شهر ماسكين في مطار أبوظبي 20 شاب من طيارة واحدة جاييين من مصر بحشيش، مع العلم ان كل الناس عارفة ان المخدرات هنا قصة كبيرة جدا مش زي مصر بس تقولي ايه علي الاستهتار والتخلف، طبعا ده غير الامثلة اللي زي الزفت اللي بتخلي سمعتنا بره البلد زي الخره والله بقي الواحد يتكسف يقول انه مصري، و كفاية كدة عشان مش متعود اكتب عربي وايدي وجعتني

fanty يقول...

نسيت اقولك ان قبل ما تردي لو كنتي ناوية يعني وتقوليلي البؤ الحمضان بتاع مصر هي اللي علمتك وربتك وعملت منك راجل، حاقولك ومصر دي بقي عمليتلي ايه بعد ما اتخرجت وكنت بدور علي شغل ومش لاقي واجبرتني اني اسافر بره واتغرب عشان الاقي وظيفة محترمة اكون بيها مستقبلي، ذي كدة بالظبط الرجالة اللي يفضلوا يقولوا ان الرجال قوامون علي النساء و مش بيكملوا انهم قوامون علي النساء بما انفقوا، بغض النظر ان اكيد الراجل غير الست بس انا زكرت الايه كمبدأ مش اكتر ان اللي يقول حاجة لازم يكون منطقي ويكملها للأخر

يعقــــوب .... يقول...

أولا يا أخ أكرم هؤلك إن زايد بتاعك ده الله يرحمه و يغفرله كان أكبر إريال فب الوطن العربي و أكبر منافق و عنده إزدواجية فظيعة الله يرحمه بأه و ثانيا كل البهرجه و الترف اللي فيه الإمارات الآن كولوا عارف هو مصدره إيه ؟ ثالثا ربنا يهديك يابني والله

fanty يقول...

فعلا عندك حق، ما كانش راجل كويس و لا معيش شعبه في نعيم ولا عملهم بلد دلوقتي بتنافس اكبر الدول المتقدمة تكنولوجيا ولا عمره بني مدينة الشيخ زايد في مصر هدية للبلد عشان الشباب محدودي الدخل ولا عمل مدارس الشيخ زايد وفعلا معرفش يربي ابنة الشيخ خليفة اللي هو الرئيس دلوقتي ولسة متفق علي انشاء مستشفي بأحدث الامكانيات علي نفقتة الخاصة هدية لشعب مصر، ولا حتي عرف يعلم شعبة اللي معروف عنه انه من أحسن شعوب الخليج، فعلا حسني احسن بكتير، يا راجل دا مفيش وجه مقارنة اساسا، وابقي سلملي علي آل سعود بتوعك يا يعقوب، ولا دول كمان متعرفش جليبين فلوسهم منين؟؟؟؟؟؟؟؟؟؟

شــــمـس الديـن يقول...

الفاضل اكرم

مرحبا بك اولا في مدونتي لانه قدر ان يكتب هذا الكلام و الرد عليه في وقت لم ادخل فيه علي النت

اعتذر انني لن ارد باستفاضة و لكن بانجاز علي بعض النقاط في حديثك

نصيحتك لي باني لن اصل لاي بشئ باللي انا بعملة و احسن لي اني اركز في اللي بعملة ... فلله الحمد لم اعد صغيرة و لي عقل اقل ما يقول مان يعرفوني انه راجح , حتي يقول لي اخ فاضل كريم ما المفروض اني افعلة ... للاسف دي نقطة عند اغلب المصريين فكرا و حتي الخروج برا مصر لم يستطع ان يغير هذه النقطة في تفكيرهم ... انا ادون اولا و قبل كل شئ لاني " ارغب في ان ادون "
اتدري ما هي متعة ان تفعل شئ من اجل انطك تحب ان تفعلة !!!

هل لديك هواية معينة تجد فيها نفسك بعيدا عن صخب الحياة ؟؟؟ شئ تفعلة لانك تحبة و ليس من اجل المصلحة فقط ( هتوصلني ليه او هتجيب لي كام ؟؟؟ )

هذا هو التدوين بالنسبة لي ... و ان اردت ان تحصي معا لما ذا ادون و مزايا التدوين ... فلسوف افرد لها تدوينة كاملة ...

السلبية و الايجابية هي ما تميز الافراد عن بعضهم البعض ... و عفوا ... لا احب الترويج للقيم المحبطة لان الاحباط معدي و الروح السلبية معدية ...

حضرتك قارنت مصر بالامارات ... لكن الفارق الحقيقي في وجة نظري هي طريقة التفكير الافراد ... و الظروف التي وجدوا انفسهم فيها ... هم جاؤا في ظروف مختلفة عنا ... و لا ذنب لنا او فضل لهم في ظروف بلادنا التي وجدنا انفسنا بها ...

ليس من الحكم الموضوعي ان تقارن ... و ليس من الحكم الموضوعي ان تحجر علي ارائي مسبقا قبل ان اقولها و تصفها بوصف " بقين حمضانين " او " كلام غير موضوعي و يياريت يتكل للاخر " ليس هذا بالاسلوب الجيد الذي تأثر بما رأه في الامارات

علي فكرة انا سافرت برا كذا مرة و عارفة اللي حضرتك بتقولة ... بس مش عارفة تقدر تقول اني فقرية و اني لسة بحب البلد دي ... يمكن علشان لاقية فيها شغل ... و يمكن علشان لاقية فيها نفسي ... لاني ثورجية بالفطرة و لو كان كل شئ تمام كنت هزهق لكن لازم يكون فيه شئ مش تمام علشان اثور عليه :) ... انت اكيد معاك حق ... بس لو الجميع فكر بمنطق يالا نفسي و خرجنا و لم نعد ... هفتكر انه كويس اننا نسيبهالهم لوزة مقشرة يشبعوا بيها ؟؟؟ يعني مع احترامي هل فيه حد من الناس اللي خرجوا و كونوا نفسها برا كان فكرة زي فكر الناس الي برا و توسع و عمل استثمارات و رجع شغل الناس .؟؟؟ هتقول لي فيه معوقات ... طيب ما فيه امثلة ناجحة كتيرة و تغلبت علي المعوقات دي ... ولا احنا مش عايزين نتعب ابدا لا قبل ما نوصل للمستوي اللي عايزينة ولا بعد ما وصلنا للمستوي المطلوب ؟؟؟


عامة ... نصيحتي ليك انك تسيب مصر و تهاجر و تطلب جنسية الامارات و تتنازل عن الجنسية المصريةو ياريت تتزوج منهم لو مش متزوج و لو متزوج ياريت تقضي عمرك كلة هناك و تربي عيالك كمان هناك و تنسي حاجة اسمها مصر و تسقطها من حساباتك ... علشان ترتاح و النبرة التشاؤمية دي تختفي لان بجد هذاالتفكير السلبي الذي اراه حتي بعد ان اشتغلت شغلانة كويسة و عملت اللي انت عايزة مش كويس فعلا ....



و رجاء اخير من حضرتك و من الاخ يعقوب عدم الخروج عن مضمون الموضوع المكتوب لاني لا احب ان يتطرق الامر لاحاديث جانبية ...
و عذرا سوف يغلق باب النقاش عند هذا الحد و اي رد اخر خارج الموضوع سوف يحذف


مع خالص تحياتي ِ